影片
更多
2021-08-13
98 瀏覽
山系。本舍（太子）📍太子界限街23號地下A1號舖👉🏻手工櫻花蝦醬配凍豆腐$48遠睇好似一舊雪糕，賣相極吸引，有一大磚凍豆腐，配有少量蔥花、紫菜、芝麻、同紅色手工櫻花做襯托，重點在於個蝦醬！好好食，有瑤柱 xo 醬味道，落足料，豆腐底部仲有秘制醬汁，食完個頭盤已經覺得無入錯黎了😍食落有種戀愛既味道👉🏻魷魚軟骨沙律$48一粒粒爽口、有咬口既魷魚配上沙律醬，好清新同fresh既感覺，魷魚同雞軟骨下面都配有好多椰菜絲👉🏻日式燒腩肉串$28 入口即溶、有一隻手掌咁大嘅五花腩，半肥瘦，燒得岩岩好，好淋既五花腩，小編一放入口真係叫左出黎話好好食！好耐無試過呢種感覺了😍有種去左天堂既感覺，望落去個下雖然覺得咁肥嘅，但係食落去嗰下完全覺得係啱啱好，如果冇呢個系全瘦嘅話就會冇咁好食👉🏻山系燒雞皮$18唔食雞皮嘅你都可以一試，脆卜卜好似食緊薯片，上面有d鹽，串燒配啤酒🍻👉🏻黑毛和牛可樂餅$68薯餅個身好厚目測有2cm，都有一個手掌甘大，個可樂餅好淋，如果夾得太耐嘅話佢會爛。咁佢入邊都有少少芋頭嘅味道，如果你唔鍾意食芋頭嘅話你就要慎重考慮一下，不過其實只要點完個醬之後都系會cover左啲芋頭味。佢既配菜既精粹
📍太子界限街23號地下A1號舖
👉🏻手工櫻花蝦醬配凍豆腐$48
遠睇好似一舊雪糕，賣相極吸引，有一大磚凍豆腐，配有少量蔥花、紫菜、芝麻、同紅色手工櫻花做襯托，重點在於個蝦醬！好好食，有瑤柱 xo 醬味道，落足料，豆腐底部仲有秘制醬汁，食完個頭盤已經覺得無入錯黎了😍食落有種戀愛既味道
👉🏻魷魚軟骨沙律$48
一粒粒爽口、有咬口既魷魚配上沙律醬，好清新同fresh既感覺，魷魚同雞軟骨下面都配有好多椰菜絲
👉🏻日式燒腩肉串$28
入口即溶、有一隻手掌咁大嘅五花腩，半肥瘦，燒得岩岩好，好淋既五花腩，小編一放入口真係叫左出黎話好好食！好耐無試過呢種感覺了😍有種去左天堂既感覺，望落去個下雖然覺得咁肥嘅，但係食落去嗰下完全覺得係啱啱好，如果冇呢個系全瘦嘅話就會冇咁好食
👉🏻山系燒雞皮$18
唔食雞皮嘅你都可以一試，脆卜卜好似食緊薯片，上面有d鹽，串燒配啤酒🍻
👉🏻黑毛和牛可樂餅$68
薯餅個身好厚目測有2cm，都有一個手掌甘大，個可樂餅好淋，如果夾得太耐嘅話佢會爛。咁佢入邊都有少少芋頭嘅味道，如果你唔鍾意食芋頭嘅話你就要慎重考慮一下，不過其實只要點完個醬之後都系會cover左啲芋頭味。佢既配菜既精粹係要點芝士蛋黃醬，已經問左老闆，原來係自家制，唔怪得食落甘唔同啦！呢味菜小編會分為兩食 ，一食：食個餅 ，同時點個蛋黃醬，二食：蛋黃醬點埋d椰菜絲。
👉🏻和風高湯煮日本沙白蜆 $68
個價錢先$68 但入面目測有20多粒，仲要隻隻有肉食，吾系得個殼。而呢道菜既味道系淡淡的，好適合偏愛吃清淡的你。呀！仲有佢啲白蜆都值得一讚，完全冇沙架，你可以放心幾隻幾隻一次過食添。
👉🏻一夜干鯖魚$128
小編本來就不太愛吃魚，吾系因為怕魚腥味，系因為我太怕魚骨啦。但男朋友話太耐無食魚堅持要叫，我唯有將就下啦。講番啲魚先，佢系無腥味既，而佢啲魚骨就有patten 咁分佈左，加上啲魚骨都系大大條，當你挑哂啲骨之後就可以放心大啖大啖食。最後小編都有食哂半條 😌。呢條魚其實系配左由老闆(自家制）既山葵芥茉醬，所以會食得到整條魚既鮮味，老闆d醬應記一功！
👉🏻海帶綠豆沙 （甜品老闆免費送）
好多綠豆既糖水，老闆煮完送竟然聊我地講野，問d野食質素如何，非常好客
🔔餐廳內共有10個座位 ，牆身上有幾張畫好令，播放著慢慢既音樂，睇住前面既魚缸，真心似去左日本，老闆話驚d爐開哂會好熱 ，貼心整左幾部風扇仔俾客人（每格兩個座位就會有）
閒談中好奇問到點解d野甘好食，但人客甘少，原來呢間隱世小店只係試業第五日，唔怪得啦！ 真心值得推介！
美味指數：⭐️⭐️⭐️⭐️⭐️
環境指數：⭐️⭐️⭐⭐️⭐️
服務態度：⭐️⭐️⭐️️️️⭐️⭐️
翻兜指數：⭐️⭐️⭐️⭐️⭐️
（滿分為 5⭐）
#全力食｜#密密食｜#情侶檔搵食｜#小店推介｜#餐廳推介
張貼
