山本屋 (海運大廈)

營業中

休息中

員工態度惡劣，原意慶祝生日所以禮貌詢問可唔可以坐窗口位置。一位金色短髮既員工極唔耐煩表示需要最低消費。因為係4人檯，我同朋友2個人，員工表示我地需要比3人份最低消費，我地都ok。但係我地坐低之後有兩檯都係2位既客人要求坐窗口位置，員工分拆開兩張檯然後表示分別可以2位最低消費就可以了。明目張膽差別對待😂本身諗住開開心心慶祝生日，咩心情都冇曬😂味噌烏冬得個鹹字，吉列豬排厚粉🥲口味好主觀，可能只係唔適合我個人口味，但係該員工既態度真係極影響用餐體驗。其他員工都非常友善非常禮貌的。

山本屋 - 傳統日式手打烏冬的精髓位於海港城的日式餐館「山本屋」向來以手打烏冬而聞名。今天我有幸品嚐了他們的招牌菜式－「牛肉烏冬」和「豬扒烏冬」,整體而言體驗非常不錯。首先是牛肉烏冬。烏冬條鮮嫩柔軟,手感極佳,吃起來Q彈有勁。湯頭濃郁鮮美,滿是醬油和牛骨的香氣。配料方面,牛肉塊大小適中,肉質鮮嫩多汁,入口即化。搭配時令的青蔥和蒜片,令整體風味更加鮮美動人。再者是豬扒烏冬。鹹香酥脆的豬扒鋪在烏冬上,散發出陣陣誘人的香氣。同樣是手打烏冬,有着和牛肉烏冬一樣的好口感。湯底也是同一款,同樣濃郁鮮美。豬扒本身煎得恰到好處,肉質細嫩多汁,與烏冬頗為搭調。以上兩款菜式都可謂是日式烏冬料理的精華所在。不論是烏冬的口感、湯頭的鮮味還是配料的搭配,各方面都堪稱出色。山本屋的師傅不僅手藝了得,在烹調技巧上也可謂是煉就多年,尋找出最佳的烹飪方式。此外,餐廳的用餐環境也很不錯,裝潢簡單明亮,散發着濃濃的日式風情。服務人員也體貼周到,解答我所有疑問。整個用餐過程令人賓至如歸,可謂是一次非常愉快的用餐體驗。對於喜愛日式美食的食客來說,「山本屋」絕對是一個不容錯過的好去處。他們家的手打烏冬不僅是當地的一絕,在全港恐怕

具百年歷史係日本家喻戶曉嘅「山本屋」嚟到香港，我作為烏冬lover冇理由唔去試下呀~ 幾次經過都見到大排長龍，諗住一定好好食，點知中哂伏🙃首先入座已經俾店員黑面😂以為好多客做到踢哂腳所以心情唔好 入到去除咗靠窗嘅位 大部份都係吉枱😂我哋嗌咗吉列豬扒味噌湯烏冬($108)，上枱已經有少少o咗，吉列豬扒炸到燶咗，仲要明顯見到皮肉分離🤣都未講佢啲炸皮厚過啲肉🙂‍↔️都算喇～可能人哋烏冬好出色呢～飲咗一啖湯ummm係死鹹嘅味道，味噌嘅味道唔夠出同香。另外都嗌咗個蝦天婦羅鰹魚清湯烏冬($108)🦐🍲天婦羅皮厚過隻蝦就基本操作喇，湯底正正常常偏淡，但個烏冬係唔熟的🙂咬開中間仲係粉嚟~🙏🏻雖然話呢間烏冬係用硬麵，但唔應該係咁嘅硬度？口感更加完全稱唔上煙韌喇仲有唔知點解得我隻蛋係半熟😭見其他都係打咗生蛋落去😭都好嘅~證明佢個煲夠熱🤭可能係我見識太少 真係唔識欣賞呢間嘢🙏🏻服務態度又唔係好 食物質素都咁樣 真係做爛人地個招牌😓

蝦天婦羅煮烏冬好少喺LCX食嘢，搵到呢間烏冬入邊，餐廳入邊好大有好多座位，下午茶時間加埋我大約三台客Order咗一份蝦天婦羅煮烏冬$108上枱嘅時候熱辣辣湯仲係煮滾緊嘅冇晒煙，烏冬煙煙韌韌好淡口仲有隻生雞蛋撈埋食天婦羅都好香脆服務方面，店員都會留意住你有咩需要隨時嘅ready，仲會同顧客聊天大約問吓啲嘢食O唔OK？咁樣可以了解到顧客嘅口味同埋滿意度都係對餐廳一件好事同埋可以幫助改善，食客都可以即時表達到自己嘅意見窗口外面可以見到停泊嘅郵輪

在餐廳外圍，隔住玻璃可以見到日本師傅在手打製作烏冬，很是吸引。餐廳內部裝飾城日本風，置身其中，很像在日本古舊餐廳內進食一般👍🏻各款烏冬已用鐵線鍋盛載，熱騰騰的上桌。烏冬是較為煙靭的款式，和讚岐烏冬有很大的對比。餐廳有免費白飯提供，食完烏冬可加入白飯在湯底裏，有另一番風味。我們三個被安排在一張八人的長枱進餐，合共三組食客。我要求到四人位，但服務員謂已有人留枱而拒絕。進食一個百多元的烏東，坐在長枱上，如在food court進食🙄

原來而家啲烏冬已經賣到同拉麵一樣價錢雖然係香港食拉麵都已經唔係好抵咁依間山本屋就話係來自日本名古屋主打就係佢果個整色整水既名古屋特色食法即係食完碗烏冬打個飯落個湯到撈黎食所以就一定會飽既好似中意既話可以食多兩碗添咁個飯又真係珍珠飯黎既烏冬就平時果啲讚歧烏冬咁咁我哋就叫左味噌湯同鰹魚湯試下兩個湯都ok既味噌咸啲囉碗野個賣相係幾好既味道都幾好但又唔算好特別牛肉就好食過吉豬件吉豬甚至比唔上大快活果件名古屋出名雞翼嘛 咪點黎試下都ok既但大喜屋果隻會炸得好食啲囉個豆腐就笑話黎 不提也罷其實淨睇個烏冬係好食既但有啲啲貴囉咁你始終對住個無敵大海景嘛咁海港城又好似冇乜邊間餐廳有烏冬食既算係獨市囉行過想食都可以黎食既但我又洗唔洗對住個無敵大海景黎食碗烏冬呢？

日本過江龍山本屋係香港除了尖沙咀仲有大圍店，因為去海港城見工所以係度食午餐。位置方面係天星碼頭入口會比較方便，去到門口有個師父係度整烏冬。睇返餐單主要食烏冬加一啲小食咁囉佢有鍋燒烏冬和平烏冬（唔知係咩）湯底有味噌、鰹魚和咖哩3種味，我點嘅係牛肉烏冬味噌湯底，等咗大約10分鐘左右烏冬就到，如果冬天食唔錯嘅😅味道正常咁囉！其實人手做和機做感覺分別唔大，至於環境唔錯（如果要對海要有最低消費，至於幾錢唔記得咗）價錢方面就……不過尖沙咀地區仲要係海港城，呢個價錢算係正常，香港食飯其實都係食租金🤣味道：⭐️⭐️⭐️⭐️（普通）服務：⭐️⭐️⭐️⭐️（正常）環境：⭐️⭐️⭐️⭐️⭐️（幾正）衞生：⭐️⭐️⭐️⭐️（合格有凸）抵食：⭐️⭐️⭐️（見人見智）

聽同事講之前係需要排隊，但今日中午見到沒有人龍而且又有位，所以就入去一試。店內裝修比較昏暗，氣氛唔錯。烏冬有三種湯可以選擇，麵豉湯、清湯及咖喱湯（+$10），最後選擇麵豉湯吉列豬扒烏冬🍜。大約10分鐘後送到。吉列豬扒🐖正常，相比起快餐店嚟講好食少少。而烏冬用熱鍋上枱，所以保溫效果極佳😅唔可以食咁快。烏冬麵質適中，唔會太腍，亦都唔會太有彈性。而麵豉湯相對上比較濃味，所以食到最後都會好鹹。亦都有加點炸雞翼，一碟三隻雞全翼，分別有好似係黑芝麻味及辣味，都係正常發揮。總結而言，可以一試，但唔好抱有太大期望🤡

今日和阿女來食飯，來得門口，明明有服務員在附近，但她兩眼空洞，唔知望緊咩 諗緊咩，發夢咁見唔到我地。過左一陣間先醒返，招呼我地入座。因為已過午飯時間，人唔多，三三兩兩，我和啊女坐底，叫完嘢食，見到窗邊有空位，問可否轉去窗邊坐，回答居然是:已落單不能轉位！是否太懶啊，換張單唔得囉 講真，呢度的食物味道相當一般，咖喱濃湯看上去香味濃郁，但其實冇咩味，明太子冷面唔夠彈牙又冇咩味，最敗是天婦羅完全唔鬆脆。网上照片認真唔可信！

上一次經過見好多人排隊 但我哋趕時間所以冇食今次平日唔洗排隊 🥟爸話要一試🤭坐窗口位需要叫一個主菜一個小食先可以但我哋入咗嘅時候只有窗口位好好咁坐到 唔需要任何限制最貼心嘅係可以問佢拎圍裙唔會彈到件衫有汁❤️🔸雞皮餃子 - 炸到脆卜卜裏便又有肉汁 好juicy 🔸美國安格斯牛煮烏冬 - 配味噌湯底 安格斯牛唔會太硬，撈埋雞蛋非常之好味🔹蝦天婦羅煮烏冬，配咖喱湯底 鍾意食咖喱嘅🥟爸話味道好好 脆卜卜嘅蝦天婦羅🔹雞翼 - 兩款唔同味道嘅雞翼一款黑椒一款辣味

今日lunch同同事嚟呢度食烏冬，嚟到入邊我哋想坐海景位，可惜full晒，我哋坐低嗌咗嘢一分鐘，未上嘢食，海景有位可以轉過去，但係呢度啲職員唔俾，唔係好清楚係咩原因因為嘢食都未上台😊同埋啲紙巾都係好珍貴，要request咗先有，仲要係嗌咗10幾次個職員，唔知係扮傻定係扮聾😂呢個態度仲要+1真係俾得好唔開心普通面比較彈，其他冇咩特別，唔會再嚟第二次。

下午2:45 入座，有很多吉位，見有窗口位就問問可否轉枱，大叔話如果要坐窗口位人均最低消費要$176，因為我還未看餐牌，唔知道價格如何亦唔知道自己會點幾多小食，比佢兇一兇，就乖乖坐回原位。跟住來了兩個裝備似KOL的後生女，佢哋就坐咗我哋原本想坐嘅窗口位。未食已經唔老黎，食物更是一般到不得了。咁都食咗差不多$400。兩個人$400食餐烏冬晏應該好多選擇。食咗40分鐘就走人（因為啲烏冬實在熱，但係唔夠入味、冷氣又唔夠），兩個KOL仲喺度影緊相未開始食。真係唔好怪人北上、真係唔好怪人北上、真係唔好怪人北上。重要嘅嘢要講三次。

路過見到門口介紹係日本過百年老店，主打手工烏冬，心知飛去日本食平靚正，天氣熱，行到有啲攰，一時心軟幫襯香港日本餐廳，結果都係垃圾一般般！叫咗兩窩麵豉湯烏冬，天婦羅、吉列豬扒，天婦羅同吉列豬扒只是普通細細兜，但烏冬一碗熟，一碗唔熟，即時善意向店員反映，點知店員黑面死撐手工烏冬係咁，客人當然要求煮過第二碗，但店員只肯叫廚房加熱，結果拎出嚟窩烏冬起晒泡，溫度太高完全破壞烏冬及湯底，百分百肯定唔係日本師傅，令人失望冇下次！

先來炸豆腐，好好食喎再來當然試名古屋出名嘅赤味噌，叫左黑豚麵豉烏冬，果然美味，麵質彈牙，豚肉都食出係靚野不過豚肉有點少，但用左好多油豆腐當餸，吸晒湯汁食都很美味。朋友叫蕃茄烏冬，出來時還在滾，不過剛出來時蕃茄有點生，個鍋夠熱壓落去一陣會熟番點無甘酸還可以最後叫咗布甸，味道都唔錯，係有少少酸還好整體而言成間嘢都有日本食嘅感覺，會再來

今日到LCX，一心諗住去山本屋試烏冬，晚上六時已有不少人在排隊，但很快也能入座。安排入座後，看見窗邊有空置位置，詢問職員能否坐於窗邊位置，職員即時表示每人最低消費$176。我們表示接受此消費，請安排到窗邊座位，但坐下時即時又說只有60分鐘的用餐時間。窗邊位置附近張貼了告示，如欲座於窗邊位置每人最低消費一個烏冬及一杯飲品或小食，沒有註明消費金額，亦沒有註明用餐時間只有60分鐘。當中點餐有一份雞翼山，用餐接近45分鐘才上，意思只有剩返15分鐘時間享用此雞翼山。以為職員因此會多給幾分鐘讓我們去完成此產品，但我們未完成食品已有職員過來問是否不要了想收走，隔幾分鐘後另一職員又急不及待衝過嚟要求我們交枱：「剩返7分鐘啦喎，出邊好多人等，快啲交枱！」而且此餐廳主要售賣的是鍋燒烏冬，應該明白用餐時會需要冷氣足夠的餐廳才能好好享用。窗邊位置根本沒有足夠的冷氣，請問這種用餐模式合理嗎？如果你要求坐窗邊要有一定的消費，那請你亦提供一定的服務給相關的客人。說實在放假時出外用餐都是希望得到放鬆，而不是軍訓式的用餐體驗。