山本屋 (海運大廈)

營業中

休息中

呢間舖頭住打手打烏冬，叫咗佢signature嘅麵豉湯底，湯底睇落好濃，但係第一啖飲落去，覺得其實唔濃味，但係當你食曬成碗烏冬之後，就明白點解唔可以整得太濃味，因為真係會覺得偏咸叫咗吉列豬扒烏冬，首先真係想講下個豬扒，令人非常失望，首先冇豬味不突止，仲好似合成肉咁樣，跟住食落去唔知點解我覺得似麥樂雞。。。總之成件事好詭異，淨係講個豬扒我會用非常難食嚟到形容但係手打烏冬係正常嘅，煙韌偏硬，但係其實我比較鍾意食軟身嘅烏冬，所以整體嚟講呢間舖頭is not my cup of tea我試過一次就算喇

今日試吓日本過江龍新店，這間店主打烏冬，天氣稍涼，最適合食熱乎乎的烏冬。餐廳嘅面積唔少，有部份窗戶面向海景。烏冬有兩款，分別係手切烏冬和平烏冬，價錢由$88至$108，另外有一品料理和甜品等等。美國安格斯牛肉煮烏冬$108這烏冬熱乎乎的冒著煙，表面有生旦和牛肉片。牛肉沒有預期的軟滑，是正常水平，或許味噌湯味道濃厚，帶鹹香的風味，蓋過了牛肉味。而那手打烏冬是粗身的，口感香滑又彈牙，滿有麵粉香，而掛湯力也不錯。

出開尖沙咀，諗起山本屋喺呢度有分店，見時間早，行唻試下先。好彩唔洗排隊，不過窗口位已滿，只有隔離位置，都唔緊要，仲可以望到維港。夜晚天星小輪五光璀璨，景色唔錯。我哋叫咗蝦天婦羅手打烏冬，黑豚肉手打烏冬，兩款都係配鰹魚湯；之後再叫吉列豬扒平烏冬（唔記得影相），跟餐叫埋炸豆腐，雞翼。手打烏冬用砂窩上，湯汁夠熱，湯底都幾清，味道比較淡。烏冬好煙軔，好有咬口。但份量太小，女人都應該唔夠食，所以先叫多碗吉列豬平烏冬。平烏冬不推介，用普通日式碗上，食落好似厚版河粉咁，太粉，冇質感，不過份量就夠一個人嘅。炸蝦天婦羅麻麻地，蝦肉太腍唔夠彈，放一陣就出哂油；黑豚肉薄片，反而香濃又軟👍🏻吉列豬扒偏細塊，有底味，粉皮算薄；炸豆腐好滑，都幾香嘅，一碟4塊；雞翼就3隻，普普通通。聽講圍方果間長期排隊，好有名氣。但係我試過就覺得名過於實。要排隊就應該唔會有意欲唻食喇。

過江龍店，要試一試，門口旁玻璃窗見日本師傅搓粉團整烏冬，很吸睛。星期五晚上晚飯時間不用排半小時⏰就可進入，日式裝修很舒適，美中不足是中間的長枱，陌生人會有機會坐對面，比較沒有私隱度，也由於中間沒有間板，始終有受呼吸道感染的風險。⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯有湯烏冬和平烏冬選擇，湯烏冬份量都唔少，而且用石鍋上夠哂滾熱辣，配菜有大蔥，生雞蛋和豆卜，夠晒蛋白質。今次試咗兩款湯烏冬，麵豉湯安格斯牛肉🐮煮烏冬 $108，湯較濃味，烏冬煙韌；另一款鰹魚湯黑豚肉🐷煮烏冬 $98 湯汁較清，豚肉確實唔錯，大概有五片左右。⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯另外試咗柚子汁芝麻昆布漬 $22，柚子味清香，不過又冇特別驚喜。燒地雞手羽 $48，三隻雞翼，唔算大隻，不過賣相，香脆度和味道都唔錯👍🏻蝦天婦羅$28 ，有兩隻，正常口味，亦都沒有太大驚喜。值得一讚，喺呢度啲食物全部都很夠熱👍🏻

尋晚見呢間唔算多人排隊就諗住試吓，食物味道正常，環境正常，普遍侍應年紀都較大，本身都唔係問題，但其中一位男侍應不斷同佢嘅同事講野，說話內容大部分都夾雜人體器官，雖然呢間唔係什麼高級餐廳，但唔會expect成餐不斷聽到有侍應會咁樣講野，明知客人座喺附近，唔係應該收斂一下嗎？

手製烏冬這間新開的日式手製烏冬，見過有師傅在店親手捲麪，心思思去試一下。手製烏冬煙韌彈牙，天婦羅蝦很香脆新鮮，炸紫菜雞柳味道不錯，但入面有頗多皮下脂肪，咖哩湯（需加$10）底吉列豬扒很鬆化，黑豚烏冬味噌湯底就平平無奇。

日本名古屋過江龍- 山本屋新分店開幕尖沙咀LCX海景分店🍲看著維港海景吃烏冬，感覺寫意❤️四日市赤味噌手抓豚 $98尖沙咀新店限定✨手抓豚肉肉質結實但非常嫩滑軟熟，肉質腍且入味，醬汁咸甜適中，感謝絕不油膩黑豚肉煮烏冬 黃金鰹魚清湯必試手打烏冬！每日新鮮製成，質感彈牙有嚼勁，配上經典之選自家製鰹魚清湯，加入燒飛魚乾，魚味濃郁，色澤淡雅，鮮甜層次鮮明，令食材倍添鮮味！黑豚肉肥瘦適中，肉味香濃，以特別的伊賀燒砂鍋呈上，達至理想保溫效果！吉列豬扒煮鳥冬 黃金鰹魚清湯吉列豬扒也同樣岀色，豬扒炸至金黃鬆脆，外層炸漿不厚重，沒有粉感，但又完美地鎖住豬扒的肉汁，推介！臨吃時沾上鰹魚清湯，滋味UP!山本屋📍尖沙咀廣東道3-27號海港城海運大廈LCX3樓32號舖

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯山本屋最近新開分店係尖沙咀就真係方便好多，之前經過大圍店每一次都係好多人，呢個日本百年烏冬店，係尖沙咀店外都見到有師傅親手製作過程，價錢都好抵食大約一百蚊左右就可以食到佢地砂鍋烏冬。仲有無敵海景🥰人吉列蝦明太子忌廉平烏冬 (尖沙咀限定)明太子上有生蛋黃加上奶味creamy 忌廉口味充滿鹹香，烏冬扁平形狀，食落好惹味！吉列蝦亦炸得唔錯，又脆唔會油，蝦肉也鮮甜彈身！二隻真係唔夠呀😝名古屋黑赤雞翼山 (尖沙咀限定)份量真係好多，分別係香辣味同黑芝麻味，黑芝麻味食落又幾好味.二隻味道都好鍾意！吉列豬扒煮烏冬湯底選擇左咖喱味，因為係砂鍋食到最後湯都係暖暖地，上枱時係滾湯，加上生蛋，咁嘅天氣食真係好正，烏冬形狀有少少規則唔係平時食開嘅圓形，咬落有嚼勁！豬扒咬落鬆軟！如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯山本屋 (LCX) (尖沙咀)尖沙咀廣東道3-27號海港城海運大廈LCX3樓32號舖 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯

早排見到網上推介，位於尖沙咀海港城山本屋，日本名古屋過江龍，主打手打烏冬，有三隻味可以選擇（咖喱、鏗魚湯、味噌），我試咗咖喱同味噌，味噌湯底稍為偏鹹，唔太友好，咖喱口味比較好味。烏冬冇網上講得咁神級，同冰鮮烏冬冇乜分別，反而少食雞翼同埋昆布我更鐘意。蝦天婦羅煮烏冬$108柚子汁芝麻昆布漬$22燒地雞手羽(3本）$48吉列豬扒煮烏冬$108山本屋 (LCX) (尖沙咀)尖沙咀廣東道3-27號海港城海運大廈LCX3樓32號舖

2月某日心血來潮想試新嘢，見到呢間環境唔錯，咁就嚟咗食。揀咗個黑豚肉煮手打烏冬，鰹魚湯底，再加咗個山本屋特制沙律，問左係日式炸雞同麻醬沙律菜。沙律菜到咗，超驚喜。炸雞個炸漿好薄，炸得好酥香薄脆，雞肉嫩滑味美，份量算多，超愛。沙律菜夠新鮮爽脆，配麻醬無得輸。黑豚肉煮手打烏冬，今日唔食腐皮，所以走咗，但見人哋嗰啲都幾靚。豚肉新鮮嫩口，湯頭也可口，這個口感的手打烏冬頭一次試，可能我吃沙律比較耐，沒有即時吃烏冬，烏冬不是十分彈牙，口感有點像上海年糕(白色嗰種)，很特別很有個性。下次我想試下凍既平烏冬。唔知平烏冬有乜嘢唔同呢？

呢間係日本過江龍烏冬專門店，見到只係排幾個人即刻排隊試一試☺️⭐️美國安格斯牛肉煮烏冬 (老店傳統味噌) $108一上枱砂鍋入面嘅湯熱辣辣，如果想食淋身d，就要蓋上煲蓋等一陣。我自己鍾意食煙韌d，所以熱辣辣即刻食，烏冬嘅口感唔錯，值得一讚。牛肉嘅質地同味道幾好，反而味噌嘅味道好濃，有少少太鹹，而且烏冬掛唔到湯，有d可惜。⭐️黑豚肉煮烏冬 $98烏冬一樣係掛唔到湯，而且呢個湯好似冇乜味😅反而豚肉食落幾香👍🏻⭐️燒地雞手羽 $58呢個炸得好香，好入味，覺得係最好食👍🏻

IG見到介紹咁岩又想食烏冬就黎左海港城呢間try try見到佢係用煲仔咁上幾特別仲要熱辣辣我叫既係安格斯牛肉煮烏冬（味噌湯）烏冬方面個人覺得太硬身，雖然佢標榜係話有有嚼勁同口感，但我整係感覺到好硬身未夠熟既感覺.可能自己平時食稻庭烏冬，都係覺得淋身好食d～畢竟每個人鐘意既口感都唔同而湯方面覺得佢太咸但係覺得最不能接受既係我叫左個間餐廳推介既炸紫菜雞柳卷，一食落口：雪藏味黎既，而佢用既紫菜就係平時d cheap cheap 勁乾而無味既紫菜包住佢..最後我就將佢掉落個烏冬度等d湯浸淋佢先食得落口而呢度既環境係幾好，可以對住個海

每次去名古屋都必去朝聖呢間百年老店食雞翼🤗🤗雖然旅程計劃未安排到去名古屋～但喺香港一樣可以回顧住美味先架啫～得知 @yamamotoya_hk 分店開到嚟海港城～可以對住百看不厭嘅維港海景品嚐名古屋美食～又係一種全新體驗呢🥰🥰.✨名古屋黑赤雞翼山 $88尖沙咀店限定款📸嚟到呢度開餐當然必須叫手羽先❗❗上菜時名符其實一座雞翼小山丘咁上枱～睇見都流口水🤤🤤分別有紅山椒&黑椒兩款獨創口味～咬落皮脆得嚟唔油膩～內裏雞肉嫩滑又冇冰鮮味～整碟都非常惹味❤️❤️.✨吉列蝦明太子忌廉平烏冬 $108呢款同樣為LCX店限定～造型好吸引😚😚兩隻大大隻嘅香口酥脆炸蝦搶眼非常～將咸香十足嘅明太子&生玉子撈埋掛滿忌廉汁嘅闊條平烏冬～入口極creamy鮮味🫶🏻🫶🏻.✨美國安格斯牛肉煮烏冬 $108加配咗招牌咖喱(+$10)～原個砂鍋上枱熱辣辣～一打開鍋蓋咖喱香氣撲鼻而來😃以生玉子拌以牛肉同食感覺口感更油潤👌🏻伴以大葱&油揚更添和式風味～烏冬亦頗彈牙～.✨加一服務費

山本屋 尖沙咀名古屋著名烏冬食店，開業於1925年，至今有百年歷史。2023年11月30日香港第二分店進駐尖沙咀海港城LCX，聽說第五代烏冬手藝傳人會親自駐場🧐。 該店提供湯烏冬或平烏冬，湯烏冬有三款口味（老店傳統味噌 / 黃金鰹魚清湯 / 招牌咖喱）並使用砂鍋煮製，平烏冬則可選冷或熱。 服務方面，日本師傅積極廚房及樓面上菜兩邊走，結帳時也會送客人離開。其他香港店員也會主動服務，只係他們之間聊天音量較大。 美國安格斯牛肉煮烏冬（咖喱）：烏冬麵質有咀嚼感，湯配料有油揚腐皮、生雞蛋、京蔥，湯汁有咖喱味，但味道唔夠濃郁。牛肉肉質較靭身，整體份量唔算多。砂鍋令烏冬足夠熱。價格在尖沙咀係親民。 蟹棒天婦羅：天婦羅味道正常，調味料得天婦羅豉油，選擇較為單一。 未食過名古屋店，但香港店咖喱口味麻麻地，或者試下味噌或鰹魚湯會好些。🤔以上為個人自費食評。

個湯底真係好鹹，鹹到食唔到其他嘢嘅味，食完要即刻洗腎。飲咗好多杯水都搞唔掂。烏冬，口感尚算正常啦，食得出係手制但係份量真係好少，而且啲料牛肉完全係低級質素，啲肉又梅又碎衰啲講，真係佳寶質素。另一碗叫咗天婦羅，食得出啲油好似用咗好多次邊個估到成餐飯最好食係個紫菜雞肉服務都唔算係好，夠膽死要人填紙但係又唔派支筆俾人，我心諗你expect每個人出街都會帶支筆？衰啲講真係好後悔排咗10分鐘，仲要唔係平兩個人都食咗$300