山本屋 (海運大廈)

這間烏冬店之前朋友帶過我來吃，那次的味道都算不錯，所以今天中午便和老公再來吃多一次，味道依然保持水準，但是以平日午餐來說價錢稍貴，而且份量偏少。蝦天婦羅煮烏冬配咖喱湯底：咖喱湯底雖然需要額外再加$10，但是味道非常惹味濃郁，而且烏冬口感煙煙韌韌，美中不足是掛湯能力只是一般，而且份量不多，不過味道都算不錯。至於蝦天婦羅則是即叫即炸，外皮相當香脆可口，蝦肉亦爽口彈牙，可惜只有兩隻，份量真的偏少。吉列豬扒煮烏冬配味噌湯底：味噌湯的味道便稍遜一籌了，湯底不夠香濃，而且烏冬掛湯能力又一般，雖然未至於淡而無味，但是不夠惹味可口。幸好吉列豬扒的份量都算多，而且外皮都算香脆可口，肉質亦算嫩滑，但是如果有醬汁可以沾上便更好了。雞翼山：雞翼山總共有4隻雞全翼，分別是2隻黑芝麻和2隻紅辣椒，全部的外皮都很脆卜卜，而且內裡的肉質嫩滑可口，鮮美多汁，味粉亦相當惹味，味道相當出色。日式炸豆腐：看見旁邊食客點了，看起來賣相不錯，於是我們亦點了一份，可惜豆腐淡而無味，即使沾上醬汁都沒有任何味道，完全不值得推介。價錢方面，蝦咖喱烏冬$118，豬扒烏冬$108，雞翼山$88，炸豆腐$33，餐廳設有加一服務費，最後兩人總共$382。總結來說，這間餐廳在平日中午都沒有午市套餐，全部食物都是晚市的正價價錢，坦白說價錢是比較昂貴的，而且食物份量偏少，如果晚餐來吃會比較划算。…查看更多

尖沙咀呢間「山本屋」，LCX店。店名聽落好似本土茶餐廳，但其實係名古屋直送，專攻伊勢烏冬，招牌就係嗰個「コシ」——彈牙到你筷子夾起嚟仲會「彈」返嚟，啱晒香港人鍾意「有咬口」嘅口味。今日叫咗啲咩？• 釜揚げうどん（鍋揚烏冬） • 加 溫泉蛋 • 加 牛肉片• 仲包一小碟天婦羅碎同蔥花，夠晒抵食！彈牙抵食！！…查看更多

今晚經過海港城，當然順便喺呢度搵埋食dinner la, 同老婆行咗轉又唔想食啲一人日式火鍋咁, 就試吓依間日式烏冬店….. 門面設計好日式同埋都好靚，但係嘢食就一般la, 日式速食烏冬, 好唔好食就好個人，咁我覺得入到口都OK嘅，一般日式味😂😂 服務都OK, 但係比較急趕咁，成日未食完就想收嘢咁，價錢就預咗一個個人餐嘅都係百零蚊左右⋯⋯叫咗個咖喱吉列豬扒烏冬，一個雞肉烏冬，一個雞翼全部都不過不失啦，有時諗唔到食乜都可以一試…..…查看更多

今天是我的生日，我選擇在山本屋這間日式餐廳慶祝。餐廳的環境非常舒適，散發著溫馨的氛圍，非常適合聚會。烏冬的口感滑嫩，湯頭鮮美，讓人一試成主顧。關東煮的配料新鮮，湯底清淡卻味道十足，令人一口接一口。天婦羅外酥內嫩，無論是蝦還是蔬菜都保持了食材的原味。總體而言，是一次美妙的用餐體驗，強烈推薦！…查看更多

之差好多人排已經想試，今日終於一試！賣相吸引，烏冬彈牙，古法湯味濃郁！值得一試🤤烏冬價值性價比高，原本已有蛋，油揚，料料豐富，份量足夠一個女孩食。寫食評送關東煮🍢wow…查看更多

好耐冇出過尖沙咀海港城今日襯晚餐時段未出現人龍即刻帶埋小朋友去食好耐冇嚟過食 今次仲出咗新嘅產品山椒親子味噌烏冬 味道有驚喜 （唔太辣 係我自己接受嘅程度）鍾意食辣嘅人就唔好錯過！黃金鰹魚清湯安格斯牛肉 其實之前已經食過幾次所以完全冇擔心過再叫咗紫菜雞柳新鮮價錢喺尖沙咀嚟講其實都算好合理最緊要係小朋友都可以食到味道我覺得唔會太濃烈一到七點左右其實都開始好多人所以6:30前入嚟都唔使排太耐隊埋單加埋都係$300左右…查看更多

味噌烏冬是一道簡單卻充滿層次的日式料理。湯底以味噌為主，香氣濃郁，鹹中帶甘，入口溫潤，令人感到舒心。烏冬麵條滑順彈牙，吸附湯汁後更添風味，每一口都能感受到湯與麵的完美融合。配料如豆腐、海帶、蔥花等恰到好處，既豐富口感又不搶味。整體味道平衡，份量適中，是一碗既能暖胃又能療癒心靈的料理。無論是寒冷天氣或疲憊時刻，都非常適合來一碗味噌烏冬，簡單卻不平凡，令人回味無窮。咖喱香濃微辣，烏冬滑嫩彈牙，湯汁濃郁入味，每口都充滿暖意，是寒天裡的完美慰藉。…查看更多

牛肉烏冬配味增湯美味好吃，原煲上熱辣辣，出哂煙，天氣轉涼食一流 烏冬分量亦十分足，腐皮索滿湯汁十分惹味。環境一流，望住維多利亞港，坐得舒服舒適，服務亦不錯 應該會再幫襯…查看更多

這碗吉列豬扒烏冬令人驚喜！烏冬湯頭清澈卻鮮味十足，麵體滑溜彈牙。最出色的是吉列豬扒，外層酥脆至極，一口咬下「咔嚓」作響，裡面的豬肉卻保持軟嫩多汁，毫不油膩。豬扒蘸上湯汁後更添風味層次。簡單的搭配做到如此極致，絕對是會讓人想念的味道！味道很濃，非常好吃，份量也不錯，價錢適中！！…查看更多

今日叫咗個期間限定蝦烏冬$118，有一鍋烏冬同兩隻蝦天婦羅，呢兩樣嘢都係因為味道太差嘅關係冇辦法食哂。首先蝦天婦羅未炸透，入面有啲糊糊地，而且係有油膱味！！！我係諗唔明點解可以會有油膱味？比咗朋友試佢都覺得有油膱味…其次烏冬湯底，係指有死咸啲層次都冇，食完超級口渴。朋友叫咗白樺豚煮烏冬，傳統味噌味，味道亦都非常差。餐廳環境幾好，睇到海景，而且裝修日式整體乾淨衛生，以環境同價錢黎講性價比係幾好，但無奈食物的味道太過差了。…查看更多

食物味道尚可。我叫了咖哩…………落單叫寫野漏單。因為我比較想要卡位，問了一位服務員，回應我時有不快的感覺。五分鐘後又要求我們過去卡位……甜品？算了，早點離開。總結：為味道而來， 帶著遺憾離開…查看更多

山本屋山本屋係lcx入邊一間食烏冬嘅舖頭，裝修似日式小店，價錢大約100幾蚊一份，有湯烏冬同平烏冬揀。叫左咖哩吉烈豬扒烏冬（要加10），同鰹魚湯底牛肉鳥冬。我地被安排坐海景位，望住維港景食野，特別心曠神怡，落完單後職員仲送左包紙巾。烏冬用瓦煲上，上碟嘅時候都仲滾緊，熱辣辣，烏冬入面有一隻半熟蛋，蔥，腐皮。吉烈豬扒沒咩肉味，唔係肥瘦均勻，炸粉沒同肉分離。咖哩係日式甜咖哩，味道唔濃郁，鳥冬唔知係咪滾得耐左，沒咩彈性，大力夾都會斷，鳥冬形狀凹凸不平唔似平時超市買到個d急凍烏冬咁，整條形狀好一致，想食有d咬口烏冬嘅朋友就可能滿足唔到你地啦。牛肉湯烏冬嘅牛肉有3-4塊唔肥嘅牛肉，食落唔韌，鰹魚湯底混埋左d牛肉汁都幾好味。食物質素都係普通，加埋一270幾蚊，有aeon jcb卡有8折，但坐得舒適，又有維港景加左唔少分。…查看更多

尖沙咀山本屋係一間好有歷史嘅名古屋烏冬店，烏冬係手打嘅，好彈牙同滑溜。佢哋用咗獨特嘅砂鍋慢煮方法，令味噌湯底更加入味但又唔會太濃，好啱香港人嘅口味。雞翼炸得夠香脆，肉又嫩又多汁，吉列豬扒都好正，外層金黃酥脆，食落去啲豬扒好juicy。環境舒服，可以坐窗邊睇住維港海景食烏冬，感覺超正，啱晒想嚟一邊食好嘢一邊chill嘅人。整體嚟講，山本屋真係值得一試，係尖沙咀嘅好去處！…查看更多

今日喺LCX 工作中間需要食個快lunch，覓食間無意間經過呢間日本過江龍烏冬店，就決定係佢喇！星期四1 點到，唔洗排隊直入～ 我揀左親子煮烏冬配黃金鏗魚清湯，10 分鐘內就上菜，相當快！烏冬係用小鍋serve，要highlight 嘅就係烏冬由上枱到食完都係滾熱辣，非常正 🍲 烏冬非常煙韌彈牙，湯底清得嚟帶鮮味！親子煮入面得3 塊雞肉同1 隻雞蛋，份量略顯有點少，可能男士們會覺得唔夠食整體嚟講，呢個烏冬係好食嘅，但由於份量偏少就感覺性價比唔算高 (不過佢喺海港城入面都理解嘅)，我下次都會返轉頭，起碼試埋另外一款湯底 🍜…查看更多

I absolutely love the udon here! The noodles are perfectly cooked, and you can really taste the freshness of the ingredients. The vegetables are vibrant and crunchy, adding a great texture. The broth is rich and flavorful, tying everything together beautifully. It's clear that a lot of care goes into sourcing high-quality ingredients. Every bite feels satisfying and wholesome. This is definitely a must-try for anyone who appreciates authentic Japanese cuisine!…查看更多