小火焰韓式咖啡廳 (金山樓) (已結業)

大圍呢間韓式餐廳lunch time 真係好抵食👍🏻👍🏻 但好天就要等好耐位，所以今日落雨就黎食lunch 😍.每次黎都必點佢個咖哩，今次就食「甜薯咖喱吉列豬扒飯 $62」吉列豬扒香脆可口，配上日式咖喱汁甜甜地好餸飯。「大醬黑豚粉絲鍋 $62」呢個又係另一抵食之選，大醬湯夠濃味，配上黑豚同粉絲一絕。.除左主食之外，重點就係小食加配，由$10起，我地擇左「甜辣韓式炸雞 $10」、「脆香牛油雞翼 $10」同「蒲燒鰻魚 $38」，抵食夾大件。飲品方面本身跟餐有野食，加朝日啤酒另+$12。

今晚近近地去大圍試吓呢間韓式咖啡餐廳，上次中午去到太多人所以冇試到。今晚專登晏少少8:30pm 左右先去到，都仲要等咗陣先有位。佢哋有多款套餐，其實都幾抵食。好似呢個二人餐，$328 包沙律、小食、主食、鍋、甜品及飲品，真係幾抵，不過我哋怕食吾曬，所以最後決定散叫。最後點咗咗「牛肉水冷麵」，冷麵份量不少，蘿蔔湯底，配有紅、白蘿蔔絲、青瓜絲、蛋及燒牛肉。燒牛肉好好味。天氣熟食個水冷麵十分爽。然後半份「甜辣年糕炸雞」，個甜辣汁同年糕好夾。炸雞香脆可口，二人份量剛剛好。「牛肉石鍋飯」店員幫我們撈好，加上辣醬，夠晒辣又惹味，我同阿仔食到爆汗。又熱又辣要飲番杯冰凍飲品，阿仔居然選擇飲朱古力咖啡至於我今日不想飲咖啡，最後選擇了飲蜂蜜紅棗茶。整體來說是不錯，怪不得平時見佢成日排晒隊等位。

難得放假，一行二人到餐廳食中午飯，當係食餐好既，十二點正黎到已經有好多人係到排隊等緊，好彩唔洗等下一round可以準時入到去。 叫左兩個午餐第一個係豬五花炒粉絲，$62，唔會太辣，都算咸，鍾意重口味嘅人應該啱。第二個係海鮮炒淮山麵，之前已經食過好多次，因為份量非常多而且炒得好入味所以每次都會嚟食，$78。小食不限一個餐只能加一份，可以多加，我地加咗四樣小食，每樣都係$10-$12左右，幾抵食。炸雞翼吉列炸蠔炸雞涼拌海帶另外送熱飲，凍飲加3蚊。分別叫咗凍檸茶同柚子蜜。每張餐枱都有紙巾同埋消毒酒精，不錯。

今午入大圍同朋友一齊食午飯，她帶我去食韓國菜，離遠已經見到餐廳外牆大油畫，好cute 😍😍魷魚水冷麵 $68魷魚鬚彈牙，麵條🍝煙靭，飲一口清澈蘿蔔湯底冰凍清甜，有少少酸辣，開胃醒神，加上水梨絲、紅蘿蔔絲、青瓜絲、車厘茄，清新自然😋😋泡菜鰻魚燒拌飯 $78韓式菜中拌飯是我嘅至愛，燒鰻魚滑嫩，燒汁撈埋珍珠飯，椰菜，泡菜，紫菜，一口一口好滋味😍😍冇限追加小食，只需要加$10至$15就可以食到多款韓式特別小吃👍👍辛辣小杯年糕甜辣煙靭，芝士夾餅酥脆，甜辣韓式炸雞細細件但肉質鮮嫩，韓國奄牛蒡送飯一流泡菜餃子🥟炸得香脆可口，3.6牛乳奶凍香滑唔太甜👍👍奉送凍即磨咖啡$3咖啡香濃順滑，冰凍可口😘😘

觀塘好多人推介嘅韓國野，喺大圍插旗喇！今日一試大圍店，覺得仲好食過觀塘😎 不過大圍店人手似乎不足，點餐或有需要就要等多一陣。見到有二人套餐幾抵食，野食又岩！明洞二人餐$328。沙律二選一、小食三選一、鍋物二選一、主食五選一、甜品及飲品。 咁熱飲野先！揀咗兩杯凍飲！白桃乳酸特飲及巨峰乳酸特飲。白桃甜帶少少酸，巨峰味好突出。最先到係烤韓國豬肉餅，黑醋味幾香，豬肉餅幾juicy! 沙律有香芒炸雞沙律，幾特別。主食迷你滷豬手粉絲鍋、石鍋蟹籽彩雲拌飯。粉絲鍋有年糕、粉絲、豬手，味道唔錯，湯底咸咸地。石鍋飯都幾飽肚。如果唔大食呢個二人餐足夠三人食！

今日去大圍金山樓小火焰韓式咖啡廳食料理，叫左韓國煎餃子蕃茄湯烏冬、大醬牛肉粉絲鍋豬骨湯底、三色窩夫、凍檸水同埋蜂蜜柚子茶。韓國煎餃子比較肥厚，入面材料亦多，蕃茄湯底番茄味濃，而且韓式烏冬特別彈牙。大醬牛肉粉絲鍋內粉絲超爽滑，湯底香濃又，和牛又特別鮮嫩。三色窩夫好香脆，再配上朱古力、芒果、香芋雪糕、朱古力醬及果仁，甜品絕對係打卡之選。2杯飲品亦賣相好靚。而且呢度服務態度又好，員工親切，無論食物及環境都好有韓式風格，未去到韓國，就去住小火焰試下韓國食品先。

呢間餐廳我每次經過都見到出面大排長龍，一直都好想試下，今晚就同朋友嚟食餐牌好多唔同嘅韓國菜式，揀咗幾個出名嘅食蜂蜜提子脆米炸雞半份$98-有提供手套同裝骨嘅桶非常貼心。炸雞都幾脆，少可見到加咗提子乾同脆米，點埋蜂蜜好香甜芝士海鮮菜餅$78-泡菜唔算好辣，芝士多到可以拉絲！海鮮有蝦同魷魚等都唔錯冰菓魷魚鬚水冷麵$88-冷麵滑嘟嘟，魷魚鬚夠爽彈，加上啲士多啤梨酸酸甜甜咁幾得意整體嚟講都唔錯，啱晒成班friend一齊share食

今日 同朋友行去大圍呢一頭，因為佢話要睇樓 ，咁見 差唔多時候 就係呢附近食，見到呢一間餐廳係之前喺觀塘食嗰間分店喎，咁就試下， 因為係快食，所以我哋叫咗一個飯同一個粉絲。辣炒豬肉蓋飯 包括有紅椒、翠玉瓜、同豬肉紫菜， 咁其實個豬肉我都幾欣賞，因為個豬肉係半肥瘦幾juicy，而且佢整嘅汁亦都幾好食，但我覺得都唔算太辣，算幾多的紫菜撈埋飯食感覺幾好。 自己覺得唔需要點嗰醬汁 ，因為其實係飯裏面醬都已經足夠。野菜炒粉絲: 有冬菇、椰菜紅椒、翠玉瓜， 咁其實呢個都幾清（冇肉)，因為我朋友唔係太想食肉，得佢食過粉絲，咁其實我試過呢個粉絲，其實炒得真係唔差，不過我覺得佢炒得都算係濃味，而且亦都好多椰菜喺度所以食落去就感覺健康，底下佢有D醬汁我覺得有少少似豉油， 但當然唔鍾意食肉嘅朋友可以試下。最後如果大家鍾意試下韓國嘢嘅話，可以試下呢間韓國餐廳，因為我覺得佢個水準都唔差的。

夜晚肚餓搵個好地方醫肚，發現大圍原來開咗小火焰喎，晚餐選擇都幾多。最後叫咗個柚子淮山雞翼麵(＄72 ），聽個名好吸引，實際味道都唔錯，有番茄濃湯嘅湯底，番茄味濃烈鮮甜，十分喜愛。雞翼有三隻，煎得好香，同時能夠食得出有柚子味，應該係加咗啲柚子蜜喺面頭，仲有少少芝麻點綴。另外仲有粟米和雲耳條等配菜，麵質都幾爽口彈牙，整體評價不錯。隨餐仲附送一小碟泡菜，味道不錯呢！另外仲叫咗杯紅柚荔枝梳打，大大杯連埋個樽插喺上邊，賣相得意特別，味道清甜，飲完成個人都涼浸浸呢！

之前喺觀塘食過小火焰，覺得性價比極高，一直想搵機會再去，點知原來大圍都開咗分店，梗係過嚟朝聖一下！今次黎食晚餐，去到禁飛喺門口等咗一陣就入得。木係色調裝修感覺舒服，晚餐可散叫話叫套餐，唔想煩就立即揀咗個明洞二人餐（ $328 ），有齊六個course，抵呀！1）薄烤牛肉野菌沙律除咗沙律菜、野菌，仲有好似粉絲嘅東西，仲有隻溫泉蛋添！撈勻黎食正呀！牛肉份量都幾多，薄切得來都仲有咬口，而且都幾有牛味，幾鍾意！2）黑醋烤韓國豬肉餅一碟有四少件，我一向都鍾意食肉餅，呢個都幾好食，加上啲黑醋酸酸味味， 十分開胃，作為前菜係好好嘅選擇。3）迷你肥牛粉絲鍋（豬骨湯底）叫嘅時候都好擔心呢個迷你鍋會唔會真係好迷你，事實上分量係可接受嘅，豬骨湯底都幾有豬骨味，粉絲彈牙夠入味，肥牛份量都多而且唔會剩係得個肥字，再加埋啲津白，食得津津有味呢！4）拉絲芝士香燒雞翼配白飯睇錯Menu以為係雞肉飯，點知係雞翼飯，哈哈！有四隻雞翼，我覺得有少少似瑞士汁雞翼，加上焗左既芝士蓋滿半隻碟，香噴噴呢！我哋唔想食泡菜飯所以轉左做白飯，白飯仲加上紫菜碎，好韓式啊！5）3.6牛乳奶凍唔經唔覺黎都食甜品啦，我哋冇升級做窩夫，但係呢個牛

午餐嚟呢度食飯，都見到有唔少人排隊，我自己就諗住嚟食烏冬，因為見到好多食評都講烏冬好好食。我嚟到呢度等咗10分鐘左右，就有位，睇餐牌，午餐平均係60幾蚊左右。我同朋友都好鍾意嚟呢度食，反覆都食過好多次😃我自己就叫咗個鰻魚燒蕃茄湯烏冬，蕃茄湯底唔會特別鹹，反而有少少酸，都幾開胃。烏冬本身係扁平，質感咬落去會比較細同埋比較滑，就唔會有好厚麵條嘅感覺；鰻魚本身亦都大嚿，濃厚嘅醬汁，令到鰻魚變得特別濃，唯一有一個位係鰻魚比較淋身，如果可以整得香脆就更加好。飲品方面我叫咗杯熱咖啡，咖啡配上曲奇餅，我覺得係幾細心，苦中帶甜的感覺。我朋友另外叫咗個蘑菇雞翼湯烏冬，最鍾意嘅係佢雞翼脹卜卜，裏面藏住嘅係忌廉蘑菇，而且炸得非常熱，好香。飲品叫咗杯凍檸茶，亦都幾大杯。其實我同朋友都好鍾意睇呢間食飯，所以佢同我亦都有寫過食評，呢度每人唔使$100 ，已經食得好豐富，所以我哋都好鍾意成日嚟食。

疫情之後好耐都冇得飛，我好鍾意去韓國旅行㗎😖今次嚟到大圍呢一間韓國餐廳懷念下先！去到嘅時候，都見到幾多人排隊要拎飛攞位，好友fusion嘅感覺，真係近期大熱！🤩🤩🤩 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯平時食辣炒年糕就食得多，今次就叫咗個蟹膏海鮮炒年糕，貪佢fusion夠特別！🤣呢個真係抵讚啦，首先蟹膏超級香濃，又唔會太咸，仲有一大堆飛魚子，口感一流！🥰佢啲海鮮料仲要好多，青口都有幾隻，蜆肉一大堆！最緊要係佢啲年糕，啱啱好唔會好硬，軟得來有少少彈牙，無嗌錯🥳！至於滷豬手泡菜餅都十分之出色！泡菜唔會太辣，切合香港人口味💋而且仲好開胃，泡菜餅薄薄地，加上豬肉餡料，唔會覺得好Heavy，但係又幾滿足wor 👍呢個紫薯沙冰都好抵讚，因為唔會太甜之餘紫薯味都好香！特別一提嘅係呢一個紫薯唔係普通嘅紫薯，入面嘅味道係日本紫薯嘅味道！真係第一次食😻蜂蜜提子脆米炸雞（半份）份量雖然唔多，但係味道無得輸，炸到脆脆，配埋香香甜甜嘅提子同埋脆米，都算幾fresh！今次要排隊都真係好值，西餐fusion菜就食得多，今次試到韓國fushion菜之餘，仲要係好食嗰隻！超級滿足🙀✌🏻

🍴冰梅蕃茄明蝦沙律 HKD88沙律菜都幾新鮮 好甜同爽脆😬蕃茄有醃過 食落有少少梅子嘅味 酸酸甜甜咁 幾開胃🙈蝦肉都幾爽口 做開胃菜啱曬🥳🍴炸雞Combo HKD78有雞軟骨 甜辣醬炸雞 芝士薯條 非常豐富🤪雞軟骨炸得剛剛好 卜卜脆 醃得都幾入味 食落有少少椒鹽味🥳炸雞沾滿晒甜辣醬 雖然個醬唔係好辣 但係都十分惹味👍薯條都炸得金黃色 又係食唔停口🥳🍴柚子明蝦水冷麵 HKD88又係好適合夏天嘅韓國料理 柚子加水冷麵聽到個名都覺得覺得清新🌞有較清甜嘅蘿蔔湯底 加上原嚿柚子肉 酸酸甜甜 好fresh🌿蝦肉都係keep住 爽口彈牙🦐如果熱到無胃口叫呢個就最啱啦🥳🍹荔枝乳酸特飲 HKD36都幾大杯 乳酸味唔係好濃 荔枝味相對來講出啲 但係用來配炸雞又幾夾🙈🍹青蘋果熱情果梳打 HKD52成支Lemonade倒插咗係杯梳打度 打卡啱曬🤣飲落去好夠氣 好爽👍仲要係超大杯 好似飲極都飲唔完咁🤪✾

有一晚小編放工好想食韓國野 平時經過呢間餐廳都會見到好多人排隊 今晚竟然冇咩人😋Menu見到有好多野都想食 心思思甘 友人就提議不如叫個二人餐 $328 唔使揀🤣沙律（2選1）小編同朋友就揀左薄烤牛肉野菌沙律🥗牛肉都有返甘上下既厚度 味道都濃既 不過有少少🤏韌 但好好食 成個沙律🥗都好開胃小食（3選1）黑醋烤韓國豬肉餅🐷原本小編都好怕酸 但佢唔算太酸 不過黑醋味唔算濃 而且食落有驚喜 唔錯唔錯鍋物（2選1）大醬龍蝦海鮮鍋🦞+$38由於小編太鍾意食海鮮 所以寧願加錢轉海鮮鍋😂 個鍋物一上到嚟 香氣撲鼻 而且見到好多海鮮小編已經好開心😃同埋見到個鍋仲滾緊 所以都要等一等先再飲🤤鍋中有半隻龍蝦🦞蝦 魷魚鬚 青口 蜆等既海鮮🤩仲有少量蔬菜🥬最令小編驚喜嘅係佢竟然有年糕同韓國粉絲係入面 年糕同韓國粉絲吸晒海鮮湯嘅精華🤤湯既辣道岩岩好 唔算太辣 由於有大量嘅海鮮所以會飲到佢嘅鮮味👍🏼主食（5選1）柚子明蝦水冷麵🦐依家天氣咁熱 所以就揀咗個水拉麵來調節下😂小編覺得果然無揀錯 由於已經有飽嘅感覺 呢個冷面酸酸地會令人消滯 不知不覺間就食晒😅水冷麵中有西柚👉🏼👈🏼小編個人覺得比較酸 但友人好鍾意食 而啲

呢日喺大圍覓食，諗吓有咩好嘅餐廳，記起呢間，印象中味道唔錯，咁就決定食過番尋味😁一直都好鍾意食「韓國🇰🇷水冷麵」，依家大熱天時食就更加合適，所以叫咗$78嘅「牛肉水冷麵」。如果喺韓國🇰🇷食「水冷麵」，一般都係齋或者只有一小片牛肉或一隻小蝦，但係呢度嘅「牛肉水冷麵」有一整塊薄切煎牛扒，豐富好多😋；冷麵凍凍哋又幾彈牙，蘿蔔湯底幾好味，我再加白醋同芥辣，食落更加開胃滋味😋天氣實在太熱，食完「牛肉水冷麵」依然想食啲凍嘢，就叫咗個又凍又暖暖哋， $78嘅「草莓🍓窩夫🧇」，凍係因為有芝麻雪糕🍦，暖暖哋係因為有窩夫🧇😆另外我亦加咗 $10嘅小食「韓國醃牛蒡」，爽脆又非常入味😋；仲有杯$35嘅「熱綠茶拿鐵」，幾香濃😋飽飽兼又凍又暖暖哋嘅一餐😆