小火焰韓式咖啡廳 (金山樓) (已結業)

同朋友黎開大圍梗係要去下好有人氣既小火焰韓式咖啡餐廳。今日天氣咁熱，我當然要食下明蝦水冷麵消下暑。冰鎮既喬麥麵好爽囗，配合埋白蘿蔔既湯底特別清涼，再加上爽甜既大蝦、蛋、蘿蔔絲及小蕃茄做配菜，就以色彩已經好有夏日色彩。而我朋友就試下香燒牛扒蕃茄湯烏冬，牛扒以薄切去燒，加上醬汁和芝麻十分香囗，烏冬配上濃濃的蕃茄湯，醒胃一流。午餐可以$10加配多款小食，我哋加追咗泡菜，奄牛蒡，夠晒地道風味。也加配埋今日精選既芝士蛋糕同3.6牛乳奶凍做飯後甜品夠晒滿足。今日我哋仲叫埋打卡必選凍岩鹽焦糖咖啡同藍柑白桃梳打，夠晒消暑。

今日同友人食個下午茶，友人入去問下有無位，員工表示有位可以入得。點知友人出嚟叫我入去時，另一位戴帽藍色制服的男員工話要岀面禁飛等。外面等咗一陣，有一母女拎飛一入去就有位🤷🏻‍♀️但食物Cp值係ok既

之前係觀塘已經知道呢間好出名嘅韓國野啦，最近先知原來大圍都開左間分店。中午一開舖就已經好多人係門口等緊啦，除左常見嘅韓國菜，仲有好多款嘅Lunch菜式。其中仲係混合左唔同港式/日式嘅fusion感覺呀，仲要唔收加一，咁抵食唔怪得咁多人啦😃🔸 酥炸黑豚肉拌飯（HK$58）上面堆左滿滿嘅椰菜絲同蛋黃醬，然後再撈勻下面嘅紫菜飯同炸豚肉，韓式得黎都有啲日式風格呀。入口可以一次過食到椰菜、紫菜同蛋黃醬嘅白飯，甜甜地又有口感。炸黑豚肉就類似係炸豬扒嘅感覺，不過記得要快啲食，拌飯好似凍得快啲㗎🤣🔸 泡菜肥牛炒淮山麵（HK$62）見到竟然有淮山麵食覺得好新奇，馬上叫黎試下。配埋帶辣醬嘅泡菜同肥牛，意想不到嘅match呀。淮山麵份量都多，食落仲好爽口，令人一口接一口😛🔸 炸雞Combo（HK$78）小食方面就叫左呢款Combo，可以一次過食到3款炸物，包括係蛋黃醬炸薯條，韓式甜辣炸雞同埋雞軟骨。新鮮炸出熱辣辣，份量3個人食都夠呢😋🔸 跟餐飲品Lunch set仲可以跟餐叫柚子蜜同紅棗柚子蜜，可以解辣同解膩，唔錯呢

👦🏻👧🏻話好掛住 #韓國炸雞呢晚爸爸收早一於近近地去大圍 #小火焰韓式咖啡廳 食炸雞🍗😋我哋預早左6點就去拎位 大約等咗10分鐘就入座今次我哋order牛肉水冷麵(蘿蔔味湯底)水冷麵冰凍彈牙，牛肉牛味好重，蘿蔔湯底好清爽芝味炸雞(半份)半份內有雞膇、雞翼、雞件，份量唔算少，雞內肉汁仍能保持嫩滑 👍🏻 配以雙重芝士(芝士粉、芝士醬) 🧀 芝味濃濃蜂蜜提子脆米炸雞(半份)雞件外層炸到好香口，加上甜甜嘅蜂巢、酸微微嘅提子乾、脆卜卜嘅脆米，令口感層次度增加唔少 😋加分位：食雞時店會提供骨筒、手套 十分貼心石鍋蟹籽彩虹拌飯賣相色彩繽紛，自己動手拌勻，份量足，鍋夠熱有飯焦食 😋曲奇沙冰打咭一流，仲有塊Oreo餅乾，不過朱古力味沙冰味道唔夠濃，如果可以加埋Oreo一齊blend做冰沙就更好 😆士多啤梨沙冰超濃郁士多啤梨🍓沙冰係用士多啤梨加冰打碎 再加埋忌廉+幾粒士多啤梨 👦🏻飲得好開心 今次👦🏻👧🏻👨🏻👩🏻食咗$492

之前經過大圍，見到一間食店大排長龍，今日假期特意來排隊品嘗。芝味炸雞 外層炸得金黃香脆，肉質保持嫩滑，金黃芝士醬夠濃郁，好惹味。酥炸黑豚肉拌飯份量非常足，小山丘的芝士醬勁多，加埋菜絲，中層夾著酥脆炸黑豚肉，外脆內軟，完全不油膩，飯還伴有韓式紫菜，好好送飯芒果布朗尼3.6牛乳雪花冰綿密雪花冰，啖啖牛乳甜味，芒果肉清甜，香滑濃郁。巨鋒乳酸特飲紫色外型，濃郁香甜巨鋒提子味，拌勻底層乳酸後，酸甜口感清新醒胃。

［小火焰］觀塘人氣cafe#小火焰原來在大圍開咗分店，店外嘅塗鴉牆搶眼，等位時都見有D街坊嚟打咭喎！#芝士海鮮菜餅 （$78）海鮮菜餅即叫即煎，一上枱係香噴噴㗎，聞落仲帶有陣陣焦香味添! 芝士份量俾得大方，食起上嚟芝士味香濃，cheese lover表示好滿意!#甜辣年糕炸雞 ($98)炸雞可以半份咁order，方便留肚試其他嘢食，甜辣炸雞甜味較突出，辣味相對無咁重，怕辣嘅朋友都可以放心order! 炸雞皮脆肉嫩，以呢個價位都收貨啦😉🔺🔺🔺🔺🔺🔺🔺🔺🔺🔺🔺🔺小火焰大圍大圍道1-35號金山樓地下4號舖🔻🔻🔻🔻🔻🔻🔻🔻🔻🔻🔻🔻

落雨天唔知食咩好，決定去屋企附近嘅韓國cafe食啲熱辣辣嘅野。餐廳平時好多人排隊，可能今日落雨所以少啲人，我哋好快就入得去坐了。我哋嗌咗兩個lunch set：溫泉蛋牛肉拌飯溫泉蛋嘅蛋汁撈埋紫菜 同埋入味嘅牛肉，一啖一啖咁食唔停，好味照燒雞扒伴飯雞扒燒得好香， 又唔會太柴， 都唔錯跟餐嘅小食有好多選擇，我哋亦都各加多10蚊配了一款小食：辛辣小杯年糕年糕嘅醬汁係少少偏甜帶有辣味嘅，而年糕本身軟得嚟又煙韌， 唔錯涼拌海帶開胃得來帶點微辣， 份量亦都唔少最後我哋加叫咗半份韓式炸雞試下， 上枱已經聞到好香炸得酥脆 入面亦都有肉汁

平日晚上7點前到，基本上唔洗等位直入難得大圍有雞食，唔洗出到尖沙咀雞算不錯，水冷麵意外的好食整體黎講，坐得算舒服食物不過不失飲品無太大特別🍓沙冰..可以啦跟餐的梳打飲品凍食鮑魚，不錯呀芝士炸雞炸雞合格啦～未至於好好食可以進步芝士薯條🍟就真係好一般😅可以唔洗特別的叫牛肉粉絲鍋～不錯焗飯....都無太大特別沙律..正常野呢個牛肉水冷麵真係讚一下好食喎😋究竟叫餐定單點就睇你人數啦如果2人就單點更好

這間在大圍新開的韓國菜，其實都開咗大半年，一到飯市就好多人等位，我哋未夠六點就去攞飛，搭正六點餐廳開門就有位，但好快已經坐滿晒人。餐牌好多選擇藍柑白桃梳打$52青蘋果熱情果梳打$52酸酸甜甜，幾好飲泡菜鰻魚石鍋炒飯 $108鰻魚勁少，炒得唔夠香，貴！韓式甜辣年糕炸雞半份$98甜辣醬味道濃郁，但唔係好辣蜜蜂提子脆米炸雞半份$98炸雞夠脆但蜜糖味好淡熔岩芝士炸雞麵包$158麵包內嘅芝士不是我的預期，有點失望，炸雞香脆，麵包外層都脆，裏面軟熟芝士海鮮菜餅$78 一個薄餅上面加咗芝士同埋泡菜，有少少八爪魚，同佢張圖好大分別。總結：新派韓國菜，menu 選擇多，價錢適中，食物無咩特別出色，最好食係甜辣年糕炸雞，其他普通通。店員服務態度ok。如果下次再幫襯，我會試吓下午茶餐同佢啲甜品。

呢間係大圍長期都好多人排隊但係未食過 所以我同朋友又去試下🤩🍴蜂蜜提子脆米炸雞(半份) $98食韓國野又點少得炸雞~ 炸雞炸得酥脆 雞肉嘅肉汁無流失到仲好juicy😋 甜甜嘅蜂蜜加上提子乾同脆米係一個好特別嘅配搭 但味道都唔錯~🍴酥脆芝士蘑菇雞翼 $58呢個雞翼亦係呢間鋪既創意小食之一 ~ 懶得吮骨所以最鍾意食無骨雞翼🙈 外表煎得香脆 入面有melting cheese同埋有磨菇 味道好豐富~🥢牛肉水冷麵 $78水冷麵份量唔少 湯味道好正宗 仲配埋芥末醬 牛肉份量亦好大方 唔會太韌 又凍又酸甜湯汁 加埋彈牙嘅麵條 真係好岩熱辣辣既天氣食🤤🍴爐板燒布朗尼 $78見佢幾新奇就叫黎試下~ 布朗尼用鐵板上 所以比平時食既脆~面頭仲有個蛋糕同埋cream 好邪惡呀🌝🍹藍柑檸檬梳打 +$28都好大杯~ 用左Lemonade 再加藍柑💕有好濃橙香味~

收工約咗朋友大圍食飯餐廳外面都有唔少人排隊我地提前拎定飛 半個鐘頭就可以入座😙⚜️蜂蜜提子脆米炸雞(半份) $98好特別既炸雞口味😋炸雞口感好脆唔油膩脆米令到炸雞更加脆身 加埋蜂蜜甜甜地幾好食🍯⚜️酥脆芝士蘑菇雞翼 $58無骨雞翼啱晒懶人食 裏面仲加咗車打芝士同埋蘑菇 cheesy!⚜️爐板燒布朗尼 $78依個brownie好特別 有個爐仔加熱住 可以keep住brownie暖笠笠夾埋雪糕同cream仲有脆米一齊食夠曬多重口感🥰🥰🥰⚜️牛肉水冷麵 $78牛肉質素不俗 燒得焦香 份量又夠多😍😍😍如果湯底凍啲口感會更好👍🏻⚜️藍柑白桃梳打 $52酸酸甜甜夠晒清爽隻顏色夠晒夏日feel

話說同朋友想食韓國嘢，見大圍難得有一間韓國嘢，就嚟咗呢度食。首先入到去環境一般，好嘈吵同座位好迫，四人座中間一塊夾板就分咗做兩個二人座，同隔離唔識嘅客人好近，完全冇安全距離，好唔舒服，淨係想快啲食完快啲走。落單係要寫菜式嘅代表數字，但係並冇說明清楚，我都係聽隔離枱討論先知係咁樣落單。服務態度一般冇乜特別，但係食物質素就真係好差！我要左大醬湯餐轉豬骨湯，上到嚟個湯一啲豬骨味都冇，真心出前一丁個湯都好味過佢。更恐怖嘅係，我食食吓竟然係湯度發現一隻死咗嘅飛蟲，即刻嚇到冇晒食欲，飲完野就速速埋單走人。另外仲有一份甜辣炸雞，人哋啲炸雞係成隻雞都沾滿曬醬，佢就好似茄汁咁求其落啲醬上去就算，一個字－hea。上黎OpenRice發現竟然得一個差評，覺得實在太離譜太唔公平，所以就寫咗呢份評論，希望各位唔好中伏。唔會再有下次bye

在觀塘非常火紅的熱店，終於「燒到黎大圍」，開分店的選址在大圍，一眾新界牛牛有福了。大圍路是火車站一出的一條大直路，餐廳門面有大大的油畫，不難找。裡面的座位也很多，坐得算是闊落。是日來吃午餐，午餐的餐牌竟然跟主餐牌差不多厚 而且每款主食已配了飲品，最便宜$50多元「落樓」，還可以用$10元加小食。嫌點整盤炸雞太多吃不完的話，這個小份量的又花算又不浪費。套餐餐飲也有很多選擇，可選特別得來較清新的蜂蜜紅棗茶或柚子蜜，很有誠意。咖啡也是即磨的，還會送一塊抹茶曲奇，誠意可加。鰻魚也可以點作小食，$38的份量大約是1/3條大鰻魚，算是合理。味道帶焦香，口感軟腍，不錯的吃。炸蠔相對地有驚喜，咬下去裡面熱燙多汁，蠔肉大隻鮮味；炸粉不會過厚，而是金黃香口炸雞比想像中細塊，幸好裡面肉嫩，配韓色甜辣醬不會輸。牛蒡份量非常多，將這個很有益的蔬菜醃成了小吃，口感不錯，味道則略嫌太鹹，如果伴飯來吃就剛剛好了。午市套餐剛好沒有石鍋飯，但拌飯也很有韓國風味。汁燒牛肉拌飯醬汁夠多，還有溫泉蛋，每口飯都夠濕潤。牛肉份量很多，還有椰菜、紅蘿蔔絲和紫菜，無論是顏色或是營養都是一百分。炎炎夏日，水冷麵就是王道 蘿蔔味湯底清徹得

適逢朋友放假，相約在大圍食午餐。我們來到一間連鎖式的韓式咖啡廳時接近中午，原來咖啡廳開十二時，所以要稍等一會才可入內。大門前放著一些卡通公仔作點綴，咖啡廳內近窗框處亦有放了些卡通公仔。咖啡廳內的座位也不少，但很快已經坐了很多客人。坐下後攪好防疫動作就開始點單，我們要了魷魚水冷麵 ($68)、汁燒牛肉溫泉蛋拌飯 ($52)、吹脹水牛芝士牛肉野菌沙律 ($128)、蒲燒鰻魚 ($38)、吉列炸蠔 ($12)、甜辣韓式炸雞 ($10)、韓國醃牛蒡 ($10)，主食還附送飲品，我要了即磨咖啡，朋友就要了凍蜂蜜紅棗茶，還有甜品的芒果布朗尼3.6牛乳雪花冰 ($78)。先來的是飲品，我的即磨咖啡雖然沒有拉花，但味道不錯，有一定的水準。朋友的凍蜂蜜紅棗茶，清清地不太甜，據說也不錯。主食的價錢不貴，而且是相當抵食，份量也不少，還附送飲品。魷魚水冷麵的水內放有一些冰以保持冷度，賣相討好。除了好些魷魚鬚及蕎麥麵外，湯裡面還有溫泉蛋、車厘茄、甘筍絲及蔥。魷魚鬚爽脆，蕎麥麵軟身腍滑，過冷河後增添爽口，湯底則略帶微鹹。汁燒牛肉溫泉蛋拌飯有流心溫泉蛋及牛肉、椰菜、雜菌、紫菜及甘筍絲等。飯粒短身而飽滿，以燒汁及溫泉

之前食過觀塘嗰間印象都唔錯🤪前排發現原來大圍都開左🤩就去食左個lunch~—酥炸黑豚肉拌飯($58) 望落去好足料😍 椰菜山上面全部都係芝士醬🤩 芝士味濃🧀 下面有好大塊豬扒🐖 炸得比較鬆脆😋 豬扒醬加芝士醬撈埋落個飯味道啱啱好👍🏻 成個拌飯都好大份😽 性價比高🤓—大醬牛肉粉絲鍋 ($62) 食落其實都幾辣🌶好多粉絲同牛肉😚不過d牛肉就唔算好滑😞d粉絲吸湯吸得好快🤓兜粉絲越食越大兜😂整體都幾夠味同入味👍🏻—芝士夾餅($15) 餅比較乾😬 但係芝士味濃🧀 芝士餡亦都比較多😍 可以拉絲😽 —泡菜餃子($10) 個泡菜餃子係炸嘅😽不過個皮就有少少硬🥺味道方面泡菜味都幾突出🤓不過就有少少似平時出面買嗰啲急凍韓式餃🤣—甜辣韓式炸雞($10) 整體乾身😜 炸衣比較脆👍🏻 雞肉嫩滑多汁🐔 個汁啱啱好唔會太辣—辛辣小杯年糕($10) 年糕煙韌有咬口😍 泡菜味濃😽 整體味道偏辣🌶—紅柚荔枝梳打($28) 好大杯😍見到都有少少shock😂荔枝味係有嘅😚不過紅柚味就唔係好飲得出🥲用黎打卡係唔錯嘅—凍岩鹽焦糖咖啡($13) 成餐飯最有驚喜係呢個🤩話晒佢個名都有咖啡兩個字😂咖啡味同焦糖味都係幾濃嘅☕️—性價比高😜