小火焰韓式咖啡廳 (金山樓) (已結業)

而年半大家都去唔到旅行，唯有四圍搵唔同國家嘅餐廳食飯，一解去唔到旅行嘅痛苦。大圍而間韓國餐廳價錢中等，食落又幾有驚喜😋😋😋韓式甜辣年糕炸雞（半份/$98；一份/$178）韓式炸雞係去韓國必食，而間嘅炸雞做到外脆內軟，一口咬落去仲食到有肉汁，炸雞愛好者一定要試下。半份有4件雞，加埋年糕，兩個人食岩岩好。雖然餐牌寫有三隻🌶🌶🌶，但係辣度就真係好微微🤣🤣🤣韓式煎餃子（$68）餃子雖然係普通嘅菜肉餃，但係佢配搭嘅兩款醬汁又幾特別，分別係麻油同蜜糖芥末醬，完全估唔到蜜糖芥末配煎餃子係咁岩😋😋😋最後當然要留肚食甜品啦，佢地嘅甜品樣樣個樣都好吸引，最後叫左兩款試試。🍨🍨🍧🍧🧁🧁爐板燒布朗尼（$78）見到而款甜品立即明白點解間鋪叫做小火焰，brownie上台時仲有個爐熱住，真係可以食到烤到熱同脆嘅brownie配凍冰冰嘅雪糕，不過就真係要快啲食曬，唔係墊底嘅脆脆會燶曬🤣🤣🤣吉士蛋糕配3.6牛乳奶凍（$68）煙煙韌韌嘅吉士蛋糕，可以淡淡嘅蛋味，配埋曲奇雪糕食，就有另一番滋味。奶凍夠滑同牛奶味都夠濃。如果大家驚叫兩份甜品食唔曬，要二選一，就試左brownie先啦😎😎😎

呢間韓國餐廳本身喺觀塘都食過，原來依家佢喺大圍都開咗分店，都叫多個選擇。一如以往，佢嘅小食選擇多而且價錢平。所以，今次都叫咗好幾款小食，再加兩個主食。溫泉蛋蟹子沙律：溫泉蛋做得啱啱好，一督落去蛋黃就流晒出來，撈埋沙律菜一齊食好正。辛辣年糕、泡菜餃子：年糕對我來講有少少辣，味道就OK啦。餃子都比想像中好，但未算驚喜。韓式炸雞、吉列炸蠔：炸雞不過不失啦，炸蠔就比想像中好食，誠意推介。溫泉蛋燴牛肋拌飯：雖然同menu個圖好似好有出入，但牛肋煮得好淋，撈埋隻溫泉蛋一齊食，都唔錯。黑豚粉絲鍋：湯底都係辣辣地，撈埋飯食係幾好嘅，不過依家天氣比較熱，冬天食會好好多。佢嘅黑豚係煎豬扒，煎得幾香。凍蜂蜜紅棗茶&凍烤杏仁咖啡- 杏仁咖啡賣相唔錯 不過咖啡味唔太夠整體而言，水準依然，間唔中都會食下。

終於一嘗大圍既小火焰💓我地真係好顛 為左想食既野叫到成台都係💓芝士面包炸雞超大份 炸雞點埋拉絲芝士👍🏻辣年糕 夠哂濃味👍🏻石頭窩飯 店員耐心解釋 幫你撈埋👍🏻中於明白點解咁多人排長龍啦

性價比低以為大圍有好嘢食，點知大失所望，大家樂炒飯都正過佢食韓國嘢都係出返尖沙咀呢啲偽韓式餐廳，食完都唔開心環境唔ok人又迫地板又污糟侍應又唔應機上菜時間又一啲快一啲慢

今次嚟到大圍呢間叫小火焰嘅韓式餐廳， 見到佢真係好受歡迎 就算未開門十一點嚟到已經有唔少人喺門口排隊，十二點啱啱開門已經要排呀九個字以上了 ，所以奉勸大家上嚟食嘅朋友就記得真係要早啲嚟啦 ，呢間舖嘅人氣喺大圍真係數一數二。叫咗個二人餐，個餐有a b c d e畀你揀，分別有前菜啦小食啦，嘢飲，主食同埋甜品。 真係好似法國餐咁佢去睇住你食到幾多而上碟， 唔會好似其他餐廳咁一次過上曬，咁你又食唔切啲嘢凍曬就唔好食啦。咁多個菜入面本人就最鍾意佢個牛骨湯鍋，個湯非常之白，飲落好入味，而牛味都非常之濃郁， 上面仲有唔少牛仔骨食，牛仔骨食落好嫩，牛味都好重。另外就係個鰻魚石頭鍋飯，鰻魚都夠曬有份量， 石頭鍋夠熱個飯上枱仲係可以炒到， 之之聲咁真係令人大有食慾。

之前都食過呢間分店今日踩單車去開一於再試下熔岩芝士炸雞麵包🥯🍗 $158嗌咗一定要影張相打下卡 佢嘅芝士真係可以拉到好長 加埋加咗芝士醬嘅炸雞 幾重滋味 仲有車打芝士醬tacos 脆卜卜做小食一流炸雞係用咗脆炸嘅方法 炸雞都係去晒骨嘅 咬落去淡淡都係肉做得幾貼心 紅柚荔枝梳打$52由於做完運動成身汗非常口渴 原本見到價錢偏貴都唔想叫 黎到發現飲品真係好大杯 又成個拳頭咁大 而且飲落去酸酸甜甜非常清涼 啱晒而家天時暑熱 解渴消暑🍹🍹🍹🍹嚟到大概八點幾嘅時間已經非常多嘅人睇嚟呢間舖頭嘢食OK都幾受歡迎👏🏻 真係黎嘅話建議早少少到達就唔使排咁耐隊啦總括嚟講呢間餐廳主打唔同嘅韓式食物 甜品主菜都有 食物價錢品質都唔錯 值得一試

去到大圍搵食，見到有一間新舖好多人排隊，門口播住韓國K Pop音樂，即刻攞飛排隊！排左差唔多1小時，梗係食炸雞吖炸雞吖，芝士芝士啦！至於牛肉水冷麵，千祈唔好叫，啲牛肉un 到飛起，水冷麵唔夠酸

想近近地食下韓國野 呢間系大圍嘅小火陷韓式咖啡廳都值得一試。 菜式都係平時啲韓式餐廳嘅菜式 佢入面都有啲set dinner 不過我地今次唔係話太肚餓 所以就叫左幾款小食同飲品同甜品。叫左半份炸雞，份量都叫多 兩個人食都夠嘅。個芝士味好重 好濃 自己中意食芝士所以覺得好好味 夾埋個雞啲肉都唔係太硬 仲熱辣辣上枱。再叫左 個年糕 佢同韓國嘅唔太一樣 味道偏甜冇咁辣嘅 份量好多 兩個人都未必食得曬 不過唔食辣嘅會覺得好食嘅。仲有個紫菜卷 點下個年糕汁仲好味！之後叫左甜品，叫左士多啤梨味嘅冰 啲冰好重牛奶味 食到最後都唔會好淡。

今日天氣真係好熱 約左朋友係大圍等 咁我就去左哩間小火焰餐廳食完飯先再搵佢之前幫襯過觀塘個間 所以見順便就試一試大圍哩間前菜：迷你明蝦蕃茄沙律（$18）份量都唔算迷你，一個人食啱啱好D蝦都幾大隻 18蚊黎講都算好抵食小食：因為d小食真係好平一款都係$10-15蚊左右所以忍唔住叫左兩款1. 脆香牛油雞翼（$10)一碟兩隻 食落都幾香口 有牛油味2. 甜辣韓式炸雞（$10）哩款小食真係大推！佢一份大概有4-5隻 一上枱 新鮮滾熱辣配埋佢隻甜辣醬 味道啱啱好 唔會辣到食唔到 但係又好刺激胃口大推！！！主菜：明蝦水冷面（$78）其實食完前菜同小食已經開始飽⋯⋯不過好彩叫既係冷面天時暑熱 食凍冰冰既冷面直頭係透心涼！佢既配料有蛋 蘿蔔 青瓜 同蝦 車厘茄⋯⋯⋯黃綠橙紅睇落都幾開胃⋯所以都仲食到大半！材料豐富 配料吸引！78$黎講算好抵！野飲：紅柚荔枝梳打（跟餐$28）夏天就好想飲d酸酸甜甜既野飲 所以就叫左哩杯梳打一上到黎 好大杯 望見都已經好爽飲落又係酸甜解暑 正！

雖然大熱天, 但無損我對炸雞嘅熱情! 總店嘅大名我都聽過, 但觀塘太遠, 無機會試。今次就試試大圍店。同朋友各叫咗個set lunch – 酥炸黑豚肉伴飯、泡菜醬燒黑豚伴飯, 再另叫半份原味韓式炸雞, 簡直係大滿足! 酥炸黑豚肉難得地juicy, 又勝在好多沙律伴菜, 減低油膩口感, 搭配得宜; 泡菜醬燒黑豚都ok, 醬汁係幾好味, 但略嫌咸咗啲, 不過送飯食就幾惹味。至於今餐嘅重點 – 炸雞 – 真係值得一讚! 個人唔太喜歡炸粉太多, 而小火焰就能夠做到啦, 雞肉亦好juicy, 仲要新鮮炸好, 咬第一啖, 啲煙已經冒出嚟, 仲差啲焫親。食炸雞就係要食哩種感覺! 半份都有大概5件雞, 哩個價錢、哩個質素, 絕對係算得上合理!美中不足係lunch有好多款炸雞都未有提供。如果唔太多人排隊, 喜歡韓式野嘅朋友就一定要試下啦!

平日行經附近都見有人等位食飯Tea time 見有位就試下原來唔淨係食韓燒，下午茶都幾多選擇因為未食lunch所以都叫多鍋飯泡菜黑豚鍋飯原先係配茶碗蒸，但賣晒轉左溫泉蛋泡菜唔辣，微酸厚切的燒黑豚肉條，食落有咬口，有燒肉香拌飯有紫菜，麻油香跟餐飲品柚子蜜磨菇雞翼烏冬餐 配迷你牛角包，韓式炸雞好豐富呀！雞翼夠熱，無骨，入面釀滿芝士磨菇炸雞配左芥末醬，食落無咁膩烏冬入面有溶左既芝士飲品加錢轉左青蘋果熱情果梳打好適合炎熱既夏天，大杯又解渴

呢日黎到大圍小火焰食個brunch~ 好彩早左到黎拎飛, 12點鬆D 已經排哂隊等入座~ 佢有個qr code 可以掃完睇電子餐褲, 咁就可以唔駛掂個實體餐牌~~~ 我地想食多D唔同既野, 所以揀左要個弘大2人餐~呢個2人餐其實3個人食都冇問題~ 絕對夠食, 份量都好多! 佢仲有Set lunch, d set lunch都算抵食, 有興趣都可以試試! 我地揀左要豬手沙律、原味炸雞、牛骨湯鍋同埋泡菜鰻魚飯, 而甜品就揀左要3.6牛乳奶凍~ 我地個餐仲包有前菜,前菜係手抓飯同埋醬油蝦,仲有泡菜個D~ 醬油蝦味道好好, 蝦都好鮮味! 配上醬油真係有番去韓國既感覺! 豬手沙律份量都幾多, 個汁好開胃, 食到停唔到口! 原味炸雞個味道夠哂香! 配埋D 醬點黎食真係一流! 炸雞夠哂熱辣辣, 又唔會鞋, 炸得岩岩好, 好嫩滑! 牛骨湯鍋除左有牛係入面, 仲有好多菜、菇同粉絲,夠哂份量, 而個鍋係有火熱住, 咁就唔驚凍哂, 一路都夠熱咁食住! 湯個味道好濃!　好好飲! 泡菜鰻魚飯件鰻魚超肥美, 過足口癮, 飯加上泡菜辣辣地咁真係超正! 食到好過癮! 最後既3.6牛乳奶凍真係值得一讚! 超香濃同埋勁滑

鐵板燒布朗尼（$78）鐵板燒布朗尼配上上面一大舊雪糕🍦🍦，冰火交叉，口感一流，下面仲有少許花生點綴，簡直是天衣無縫的甜品啊🤤🤤！-香芒炸雞沙律（$88）沙律菜十分新鮮，配上酸酸甜甜的沙律醬汁，炸雞🍗剛剛炸好外脆內嫩，芒果🍋甜味重，非常新鮮，酸甜合一！-韓式煎雜菜蝦餅（$78）蝦餅勝在夠大塊，上面加上少少泡菜，薄薄地，容易入口😚😚。-炸紫菜卷🥠🥠（$38）炸紫菜卷有啲似春卷，炸皮薄薄地好趣口，但食唔出裏面嘅餡🧐。-海鮮拼盤石鍋炒飯（$128）有大蝦🦐，青口，八爪魚🦑，大量嘅魚子，配埋剛剛熱辣辣嘅石鍋加埋甜酸嘅醬汁，非常好味，份量三個人食都得👍👍。紅油荔枝梳打🍹（$52）呢個特飲嘅調色非常豐富，倒掛嘅酒樽放入去巨型嘅玻璃杯，視覺一流，味道都唔錯😍！-ps: 今次叫嘅嘢食非常之咁多，直頭要打包返屋企先得😄😄，我估計呢啲份量可以三人share-人均：$231(total $462)Janna 翻撻指數：8/10🥢🥢🥢🥢🥢🥢🥢🥢

今日同仔仔來大圍食韓國料理，上次吃過念念不忘，今日又跑來幫襯吓啦！仔仔鐘意烏冬和水餃，就嗌韓國煎餃子番茄湯烏冬比佢。整兜好大份，烏冬生熟適中，好彈牙，番茄湯底好濃郁，好好飲，仔仔好滿意。水餃大小適中，可以一啖吃哂。我自己就嗌左激辛牛肉鍋，配成大碗飯。牛肉薄薄一片，有成10片，分量好足，牛肉味又濃郁，粉絲係韓式粗粉絲，加上翠玉瓜，大豆芽，豆腐和菌菇類配料，成份好大份。湯底係辛辣湯底，慫飯好好吃。年糕即炒即上，熱辣辣，炒得生熟啱啱好，口感煙韌。醬料酸酸辣辣，好開胃。跟餐價先10元，超級抵。

次次經過都見到唔少人排隊，終於有機會試下係咪真係咁好食！店面門口係打卡位，有靚靚壁畫位，仲好貼心咁提供左椅子俾客人等位個陣坐下！.▪️辣炒豬腩肉拌飯 $68一大層紫菜鋪向豬肉同飯中間，客人可以自己按喜好去拌，食落又唔算太辣，▫️野菜烤雞腿肉拌飯 $52雖然睇落普通，但雞腿肉好滑而且煎得個皮好勁脆！▪️辛辣年糕 $10迷你份量，必叫！好有咬口，▫️藍柑白桃梳打 $28▪️青蘋果熱情果梳打 $28叫左兩杯特色飲品，大十杯，而且酸得黎甜甜地，岩曬夏天！.食完終於明點解咁多人排隊，性價比超高！店員都超有禮貌，見到我帶住小朋友，仲特登俾咗兩隻曲奇佢地食😛