小火焰韓式咖啡廳 (金山樓) (已結業)

今次嚟到大圍呢間叫小火焰嘅韓式餐廳， 見到佢真係好受歡迎 就算未開門十一點嚟到已經有唔少人喺門口排隊，十二點啱啱開門已經要排呀九個字以上了 ，所以奉勸大家上嚟食嘅朋友就記得真係要早啲嚟啦 ，呢間舖嘅人氣喺大圍真係數一數二。叫咗個二人餐，個餐有a b c d e畀你揀，分別有前菜啦小食啦，嘢飲，主食同埋甜品。 真係好似法國餐咁佢去睇住你食到幾多而上碟， 唔會好似其他餐廳咁一次過上曬，咁你又食唔切啲嘢凍曬就唔好食啦。咁多個菜入面本人就最鍾意佢個牛骨湯鍋，個湯非常之白，飲落好入味，而牛味都非常之濃郁， 上面仲有唔少牛仔骨食，牛仔骨食落好嫩，牛味都好重。另外就係個鰻魚石頭鍋飯，鰻魚都夠曬有份量， 石頭鍋夠熱個飯上枱仲係可以炒到， 之之聲咁真係令人大有食慾。