小火焰韓式咖啡廳 (金山樓) (已結業)

呢間韓國餐廳本身喺觀塘都食過，原來依家佢喺大圍都開咗分店，都叫多個選擇。一如以往，佢嘅小食選擇多而且價錢平。所以，今次都叫咗好幾款小食，再加兩個主食。溫泉蛋蟹子沙律：溫泉蛋做得啱啱好，一督落去蛋黃就流晒出來，撈埋沙律菜一齊食好正。辛辣年糕、泡菜餃子：年糕對我來講有少少辣，味道就OK啦。餃子都比想像中好，但未算驚喜。韓式炸雞、吉列炸蠔：炸雞不過不失啦，炸蠔就比想像中好食，誠意推介。溫泉蛋燴牛肋拌飯：雖然同menu個圖好似好有出入，但牛肋煮得好淋，撈埋隻溫泉蛋一齊食，都唔錯。黑豚粉絲鍋：湯底都係辣辣地，撈埋飯食係幾好嘅，不過依家天氣比較熱，冬天食會好好多。佢嘅黑豚係煎豬扒，煎得幾香。凍蜂蜜紅棗茶&凍烤杏仁咖啡- 杏仁咖啡賣相唔錯 不過咖啡味唔太夠整體而言，水準依然，間唔中都會食下。