小火焰韓式咖啡廳 (金山樓) (已結業)

大圍區韓國菜🇰🇷K-pop文化都殺到入嚟大圍區啦🤣今次就試下呢間人氣韓國菜Menu選擇幾多 有炸雞小食拌飯任君選擇而且好貼心嘅係需要用手食嘅嘢店員都有提供手套同筒仔方便大家放雞骨 食完仲唔會整污糟手👏.🎈醬油鮑魚配手握紫菜飯 ($88)一放低就聞到勁香既麻油味🧐醬油汁聞落好香甜 帶微辣 都幾開胃鮑魚有兩大隻 肉質都算爽彈唔韌 而且仲成隻鮑魚都好入味添！配菜仲有d海藻同糖心蛋 都係撈汁既絕配👍.🎈蜂蜜提子脆米炸雞 (半份$98)呢度最好就係有得選擇半份 好適合細食嘅朋友仔一份有四件 大約係半隻雞既份量🧐炸雞炸得幾好夠乾身 唔淋油冇油億味炸雞加脆米呢個配搭幾特別 令成個炸雞脆上加脆😋.🎈總括而言整體食物質素OK 上菜速度都幾快不過大圍區嘅韓國菜真係唔多排隊嘅人龍都有少少長 要預返時間排隊啦💁🏻‍♀️

大圍小火焰美味韓式料理明洞餃子炒粉絲$62粉絲很香很彈牙，餃子大大粒，餃子裏的是肉和菜味道很好吃。北寄貝水冷麵$68北寄貝很新鮮， 蕎麥麵很幼又長，口感好滑，食入口凍冰冰好舒服，適合夏天食。 配菜有青瓜、紅蘿蔔、還有意想不到的雪梨。甜辣韓式炸雞$10外脆內軟有三件，炸雞食韓式醬汁又甜又辣很特別。牛油脆雞翼$10有兩件，沒有醬汁但是都很甜，啖啖肉很大隻3.6牛奶奶凍$10呢個甜品只需加$10 ，真係好抵食，牛奶味好香，又滑又好味，夏天食佳品。曲奇雪糕$12但球雪糕$12 ，好有心雪糕上面有朱古力醬，而且有少少糖粉，美味。蜜糖生薑食咗咁多生冷野，呢杯蜜糖薑茶，暖胃消滯有人後，真係一絕。藍桔白桃梳打$28呢個梳打賣相好霹靂，一上枱真係好興奮，味道好好，而且非常大杯兩個人飲都夠啊。

餐廳都多人排，我見佢仲有App，常食有Discount 👍🏻🥗 吹脹水牛芝士牛肉野菌沙律 $126 個芝士波幾過癮，要篤爆佢；而因為吹脹左，所以會煙韌一啲。另外牛肉係用牛筋腱，啲腱都幾明顯，一啲都唔柴👍🏻🍜 魷魚水冷麵 $68 每次去韓國必食😋夏天食就一流，啲湯冰冰涼涼、酸酸地幾開胃，麵又煙韌🫓 韓式煎雜菜蝦餅 $78 本身以為會好似茶樓嗰啲薄餅，但一食上去就好清楚完全唔同；佢既餅底加埋菜就香啲，而且真係有好多大粒既蝦，而只要咩都加泡菜，真係點都好味。🍧草莓 3.6 牛乳雪花冰 $78最後係緊係女人既主菜！雪花冰啦，好難做到失望，雪糕係曲奇，上面又加啲脆脆，一次過配埋軟棉棉既雪花冰! 無得輸

小火焰韓式咖啡廳今日去小火焰食lunch😍😍，食住韓國菜當✈️去韓國😆😆香芒炸雞沙律🥗$88入面有芝士沙律醬、炸雞、蔬菜同芒果，炸雞少少辣，炸到好鬆脆，好好食😋，再加埋漿汁好夾👍👍午餐豬骨湯底黑豚粉絲鍋$62😋午餐好足料，鍋入面有粉絲、芽菜、豚肉，仲另外配個白飯，可以將豬骨湯放入白飯內變成湯飯，豚肉肉質嫩，好食👍👍午餐+$10 2隻蒜香牛油雞翼😋雞翼炸到岩岩好，好重牛油味，有肉汁👍藍柑白桃梳打🍹$52飲品好靚，影相一流，仲有白桃味，好解渴👍整體評分：4/5環境：4/5味道：4/5抵食：4/5地址：大圍大圍道1-35號金山樓地下4號舖

午市套餐幾抵食✌🏻平圴最抵 $60 都有。餐廰12點開門，門外已有人排隊，好誇張😱建議早啲去拎飛!#韓式煎雜菜蝦餅 $78中間既泡菜偏酸，餅底煙韌，佈滿唔同既雜菜，平分四份，每份都有隻蝦🦐材料豐富#吹脹水牛芝士牛肉野菌沙律 $128打卡呃like一流! 篤穿個水牛芝士，即刻漏氣，好搞笑🤣牛肉瘦中帶筋，入口又唔會好乾柴👍🏻沙律菜新鮮，但中間夾左啲透明粉絲物體🤢有啲奇怪。#魷魚水冷麵 $68好中意食水冷麵，夏天食好開胃，梨湯清甜。魷魚用辣味既醬料醃過再煎，爽口彈牙。#紅柚荔枝梳打 (跟餐 +$28)超大杯，好清爽，而且兩人share都夠飲。#草莓3.6牛乳雪花冰 $78好掛著韓國既雪冰，食呢個頂著先😲面頭淋滿草莓醬，配埋新鮮草莓同芝士蛋糕，3.6牛乳冰底充滿奶香，入口細滑，配埋曲奇雪糕，好creamy。

試坐真興奮線嚟到大圍，揀咗間超人氣韓國餐廳🤩 星期六1:44 攞飛等咗半個鐘左右實在太熱好想食水冷麵🥶 係幾款唔同配料之中選擇咗牛肉水冷麵($78)😍上菜見到牛肉鋪到滿一滿，仲要有燒過，雖然有少少根但係牛味搭救🤪 蘿蔔湯底酸酸地，夏天食都覺得零負擔😂 加上個麵幾煙韌，再凍啲就更好，因為我真係好熱🤣食韓國嘢一定要食炸雞啦，蜂蜜提子脆米炸雞($98) 半份都有四大件，呢隻味都係第一次見，有提子又有脆米好有口感，而且雞真係炸得好好食🥺 外脆內juicy，我自己食晒🤪飲品方面嗌咗蜂蜜柚子茶($28)，夠大杯降一降溫埋單原來午市冇service charge，抵食喎😳

韓式咖啡廳近年都好流行，而且好多呃like食品😆都係色香味俱全～「小火焰」由觀塘開到大圍，而且成日都大排長龍，梗係要去試吓。餐廳外牆有一幅非常吸睛嘅壁畫，上面畫咗佢哋Signature嘅熔岩芝士炸雞麵包🧀🍗🍞所以我哋都點左一份試吓。熔岩芝士炸雞麵包都幾大份，炸雞件炸🉐️香口而唔會硬，將上面淋咗酸忌廉醬汁嘅炸雞放入麵包入邊嘅香濃芝士醬，攞返出嚟嘅時候見到拉絲芝士包裹住炸雞🍗真係勁吸引😍除此之外，伴碟嘅粟米脆片都勁好味😆我哋另外點左兩個lunch set, 份量都唔少而且價錢合理，唔怪得知咁多學生嚟食。大將黑豚粉絲鍋以石鍋上菜所以啲湯一路都可以保到溫。粉絲吸曬湯汁🍜黑豚肉唔鞋🐷湯汁亦都夠濃味，用嚟送飯一流🍚醬燒豬頸肉蕃茄湯烏冬，烏冬份量好多，番茄湯唔會淡茂茂，豬頸肉燒🉐️香口。跟餐加配辛辣小杯年糕，只需$10。醬汁微辣偏甜，年糕煙韌度適中，呢個份量做小食啱啱好。食飽之後再食埋「糯米糍3.6牛乳雪花冰」即刻覺得清涼曬😌

今個夏天真係熱到熔，朋友住大圍約我去食水冷麵消暑，我未食過但聽到水冷兩字即時話好。餐廳在大圍一大街上，容易搵。店前有幅大牆畫色彩鮮艷，很吸睛。11:55門外已有一條小人龍，攞左籌就跟在後面排隊。牆畫前面放左一排凳俾客人坐住排隊，都算貼心。我哋攞2 號籌，好快就叫到，掃完安心探埋熱就入得去。安排兩人座卡位，張檯有D細，不過兩份餐都放到。餐牌有兩大本，一本專門係午餐用，本係散叫用。通常食午餐套餐抵D，所以專心看午餐嗰本，餐牌圖文並列，設計可愛，辣度用辣椒數目顯示，一睇就明。我今次目標係水冷麵，有三款可揀，我要左北寄貝水冷麵。朋友想食粉絲，要一個大醬海鮮粉絲鍋。套餐配飲品，要了紅棗柚子茶。飲品先上，一貫韓式柚子茶風味，茶內有紅棗柚子絲，甜甜哋幾好飲。接著大醬海鮮粉絲鍋跟白飯上檯，鍋不大，但入面裝左好多料，有魷魚，青口、蝦、節瓜，粉絲等，餐牌見辣度有兩隻辣椒，不過D 湯又唔係好辣，味道鮮甜，湯用來撈飲好好味。主角上檯，北寄貝水冷麵，一大盤放上大冰塊的冷麵，紅噹噹北寄貝、小蕃茄、橙橙紅蘿蔔絲，綠綠青瓜絲，蔥花、奶白芽菜，白蘿蔔絲、黃白色流心蛋，睇見已胃口大開，飲一啖蘿蔔味湯底，微酸帶甜，口感清新

蘑菇芝士釀雞翼 $58 每隻都脹卜卜肥嘟嘟 入邊仲有大大啖芝士同埋好大粒蘑菇 入邊完全唔會有空位 啲餡流晒出嚟😙原味韓式炸雞$88/半份每件都炸到個皮脆卜卜 入邊啲雞肉仲係好嫩滑juicy ,再配埋佢特製嘅韓式燒烤醬同埋蜜糖芥茉醬😋 拉絲芝士BB豬肋骨伴白飯 $98其實佢本身可以配泡菜炒飯 不過由於我哋唔係太食得辣 所以就改咗要白飯。見相都睇多啲住肋骨幾大嚿 而且個汁甜甜哋 滷水豬手粉絲鍋 $98最後一定要食返啲清清地嘅嘢 放落枱睇住啲泡泡不斷湧出嚟 係好有食慾咯唔該😂 真係要小心辣咀 我超級鍾意佢個湯底 好濃好好飲 真係好似食緊拉麵嗰啲豬骨湯咁 稍為凍咗少少佢上面即刻會又一層骨膠原浮咗出嚟😛

大圍開業不久嘅韓式料理店。夜晚8:30去到都要等位，好犀利！餐廳都幾大，好多位！有散叫有套餐。唔想諗，叫咗明洞二人餐！▶️香芒炸雞沙律炸雞都有5-6件，辣辣地，夠熱夠脆！沙律幾新鮮！香芒唔酸，不錯！▶️黑醋烤韓國豬肉餅一份有4件，煎得幾香幾好食！帶帶少少黑醋味！▶️迷你滷豬手粉絲鍋呢個夠熱！鍾意啲粉絲彈牙、吸哂湯味！豬手皮夠煙韌，豬手肉夠味！▶️石鍋蟹籽彩雲拌飯唔算太熱，有蟹籽、芽菜、蘿蔔絲、青瓜絲、黃瓜絲等！▶️香蕉🍌朱古力窩夫🧇有朱古力雪糕🍫🍦，窩夫夠熱！▶️白桃乳酸特飲酸酸地唔錯！

我一直喜歡韓國菜，聽聞觀塘分店一直很受歡迎，見到大圍開了分店，今日預早來排隊品嘗午餐，而且午市無加一服務費。芝味炸雞半份都不少，有雞搥、雞翼和雞件，外層炸得金黃香脆，保留到肉汁，芝士醬芝味濃郁，拌有芝士味，好芝味野菜烤雞腿肉拌飯皮薄肉厚，啖啖雞腿肉，拌上炒雜菜，韓式紫菜拌飯，食落比較淡口，份量足，而且感覺更健康。激辛牛肉鍋紅色湯底，但不會太辣，牛肉嫩滑，豆腐幼滑，粉絲彈牙，辣味更開胃，好送飯芒果布朗尼3.6牛乳雪花冰豐富芒果肉，賣相精緻，雪花冰非常綿密，啖啖牛乳香甜味，夾著幼滑芒果雪糕食，味道更濃郁。藍柑白桃梳打打卡一流，口感酸酸甜甜，淡淡白桃香，有汽夠解渴

餐廳都好貼心喺門口放咗啲櫈仔俾人坐住排隊食物選擇方面都幾選擇，基本上所有韓國嘢食都可以叫到，而且午餐非常抵食， 50幾蚊就已經有一個飯加埋嘢飲我哋叫咗兩個午餐，同時加咗$10加小食辣炒年糕同埋辣海帶午餐1:照燒雞扒飯午餐2:溫泉蛋牛肉拌飯加配小食：跟住另外散叫咗啲小食原味韓式炸雞（半份）：雞嘅表皮炸得好香脆，而炸粉都係好薄好薄，雞肉肉汁鎖得好好，咬落去啲雞汁爆出黎芝士海鮮蔬菜餅：蔬菜餅底嘅厚度做得非常出色，薄薄一塊，煎得好香脆韓式豬手：豬手比較瘦，有滷水嘅香味，但比較唔似韓式豬手

一心想食好食既大醬湯去到大圍食呢間小火焰韓國菜午餐set 幾抵食！食完之後，Um..唔會負評既，普通啦。撞正午餐同下午茶時段，叫左一個lunch set 一個下午茶set ！首先大醬牛肉粉絲鍋：🌟🌟（2分/5分）筆者以前長年居留係首爾食得太多大醬湯，呢一個⋯只可以講係有大醬感覺既大醬湯，完全唔係果樣野。雖然都足料既，有翠玉瓜有菇有粉絲，當lunch食下，幾十蚊，ok啦。然後泡菜黑豚鍋飯 🌟🌟🌟（3分/5分）呢個又有驚喜，泡菜一般但紫菜拌飯係標準既。然後黑豚有一兩舊係五花腩！不錯！雖然其他都似豬扒。彩蛋係吉列蠔（1分）到底點解會成為熱門菜式？好厚粉⋯⋯有興趣自己試下啦埋單兩個人$132算啦呢個價錢冇要求。

門面櫃窗擺滿左BT21既公仔!睇黎老闆都係BTS迷!!好有共嗚之下入左去試下!叫左半份炸雞，附上手套同骨桶，一個人食都岩岩好！外脆內嫩，炸粉厚薄岩岩好，脆得黎唔會食到成口粉，雞肉多汁嫩滑，配上蜂蜜脆脆同提子乾，甜味可以中和油膩感，少少咸多多脆既配搭，岩岩好！食雞食到一半，唔夠喉，因為要等候時間，就預先叫多份芒果窩夫，食完雞就上，時間岩岩好！窩夫岩岩焗起，熱辣辣仲好脆，之前試過其他餐廳食，窩夫過厚又軟身，呢度就冇呢個問題！仲有好香蛋味，配埋夏天當造既超甜芒果，芒果雪糕比較普遍，食得出係維他家庭裝既味道，不過配上窩夫，冰火既口感就一絕啦！

嚟大圍想食韓國野，首選一定係呢間下午茶時段過嚟超抵食主菜配小食/飲品，款款$10起一次過食到好多款式。「柚子雞翼迷你芝士湯烏東」柚子雞翼好惹味，配湯烏東之外，原來仲有👇🏻「牛角包．炸雞．沙律菜」超抵食「芒果布朗尼3.6牛乳雪花冰」酷熱天氣食雪花冰，即叫即製...透心涼，芒果好甜呀😍「辛辣小杯年糕」煙煙靭靭好有口感，甜而不辣，正「泡菜餃子」熱辣辣，外皮脆卜卜「藍柑白桃梳打」「紅柚荔枝梳打」大大杯．賣相又靚又好飲👍🏻下次晚市時段要再嚟試其他菜式😋