小巷弄

營業中

休息中

最鍾意就係食台灣嘢但係冇得去台灣旅行唯有喺香港食台灣嘢。難得嚟到北角匯呢個新型廣場居然有一間外表幾新淨嘅台灣食品店，一定要入去試吓。即刻叫咗一個鹽酥大雞扒配揀咗麻辣醬乾拌麵，佢嘅麵質係比較有彈性同埋粗身所以可以沾唔到好多醬料，醬料麻麻辣辣好惹味！雞扒大大塊好有份量！同埋是一個最出名嘅小巷弄紅燒牛肉，我哋揀咗配湯麵。牛肉湯好香濃，熱熱辣辣飲落去好舒服同埋覺得湯底配料好足夠，然後有埋大大嚿嘅紅燒牛肉，食落去味道濃郁而且軟糯。叫多一個小食梗係要叫一份麻辣涵豬耳，食落去唔算係太辣，其實啱啱好適合大眾嘅口味，豨耳爽脆唔錯。我最鍾意就係飲珍珠奶茶，今日要試吓芋香珍珠奶茶！食啲辣嘅嘢，飲奶類飲品可以解到辣，珍珠都夠咬口，同埋茶味清新。今日喺度食完台灣嘢，令我更加掛住台灣食品呀！希望快啲去到旅行，大家都可以繼續食好嘢👏

行過北角匯二期，發現到一間地道台灣店，肚仔餓就入去醫下肚啦。裝修明亮、簡潔，環境算係幾舒服，最重要係價錢都幾便宜，非常抵食嘅一餐。主食：鹽酥大雞扒牛骨湯麵雞扒真係非常大，而且非常香口，外脆內軟。麵同埋蘿蔔索晒濃濃嘅牛骨湯，非常好味。湯底係用牛骨熬好多個鐘先可以咁出味，呢個主食真係非常之抵食。地道小食：小巷弄魯肉飯滷肉粒蓋滿整碗白飯，量多而且非常入味，加上有酸蘿蔔同滷蛋做配料，一碗飯有齊幾種味道。飲品：檸檬蘆薈多多天氣炎熱，非常需要冰凍特飲。檸檬蘆薈多多，幾清涼又有益。

同朋友去Hyatt Centric Staycation，由於被安排食第一輪晚餐，所以好快就餓了，要喺附近覓食。一落樓就見到呢間小巷弄，叫左個套餐。古法滷水大雞腿肉燥飯+炸花枝丸(4粒)+台式奶茶$79+珍珠$5 大大隻、啖啖肉嘅雞髀，雞肉嫩滑，整個便當都充滿住台式便當嘅味道，美中不足嘅係雞肉滷得唔算太入味。雖然如此，肉燥卻香濃多汁，撈埋啲飯，不知不覺就食晒啲飯，而滷蛋尚算入味。-花枝丸炸得表面香脆，內裡爽口彈牙。-台式奶茶茶底澀味唔算太重，但珍珠太粘口。

今日早咗喺北角收工， 一於食埋晚飯先返屋企煲劇。北角匯有間台式料理 “小巷弄”，店面細細，座位唔算多，但整體光潔明亮。叫咗酥炸大豬扒配牛骨湯米，送到嚟即聞到陣陣香濃牛骨湯味，深啡色湯底，濃味非常。大大件豬扒分開上，賣相吸引 ，舖滿麵包糠嘅豬扒炸得金黃色，好香脆，食落乾身唔油膩，仲有豬扒嘅香酥味。如果厚度加多小小，相信更juicy好味。米粉質地較為煙韌，即使浸喺湯內一段時間，都保持爽口彈牙，每條都有咬口。另外叫咗一份肉燥青菜，一個人份量嘅生菜啱啱好。飲品係少甜少冰嘅鳳梨蘆薈多多，其中蘆薈份量好多，夠清甜解渴，今晚呢餐覺得飽肚又滿足。茘枝乳酸夠開胃，酸酸甜甜，夏天飲一流餐牌都幾多食物選擇，價格適中

今次去北角staycation,3點先checkin 就去附近餐廳醫醫肚。叫左個蚵仔麵線$35同肉鬆蛋手抓卷餅$42麵線大碗，有幾粒蚵仔，味道唔會過鹹。本身以為好似碗仔翅咁樣，但原來麵線份量都幾多食晒都幾飽。肉鬆蛋手抓餅嚇死我， 每件都塞滿肉鬆，保守估計有平時買零食成包肉鬆嘅份量，相當抵食。 捲餅夠鬆脆，少少煙韌，味道唔錯 。飲品方面，百香果蜂蜜綠茶幾清新，適合食完油膩野清清腸胃。岩鹽芝士奶蓋飲落有少少黑糖味，配埋奶蓋夠晒邪惡。

自從北角匯開咗之後，留意到好多食肆進駐，其中呢間小巷弄一直想試好耐，終於有機會趁放工一個人try try！嗰日好大雨，入到去侍應好好心叫我放把遮喺雨架，留意到大部份侍應都係台灣口音，感覺去咗台灣咁。而且每張枱都有消毒搓手液，加分😆我一個人叫咗三樣嘢食，分別係起司蛋手抓捲餅（$41）、宜蘭迷你蔥肉餡餅（$30）、貢丸湯（$34）。貢丸湯最快上碟，總共有四粒大大嘅貢丸，味道清清甜甜，應該加咗白蘿蔔，10分開胃😁之後肉餡餅上碟我有啲嚇親，因為個size一啲都唔「迷你」，表皮得好趣，每個都足料，一咬落去肉汁爆曬出嚟，我食完第二個已經有少少飽😂😂最後係手抓捲餅，店家預先切開咗四嚿，方便食用。最欣賞佢裏面有好多蔬菜，感覺唔會太滯好健康，芝士都有啲拉絲，水準之上。總結嚟講，呢間台灣菜性價比超高，女仔一個人去叫一個小食加碗湯已經飽，我下次再經過會試埋台式飲品😁

呢間叫小巷弄嘅餐廳距離北角地鐵站超近，行過去3分鐘都唔洗，好方便架，啱晒上班一族。👍🏼咁旱幾日我就試咗好多款美食嘅，我最鍾意嘅就係佢嘅小巷弄紅燒牛肉拼滷肉乾拌麵。佢嘅紅燒牛肉係經典台式風味，香港黎講都唔容易搵到架~☺️仲有第二款主食係秘制醬油豬軟骨拼麻辣醬乾拌麵咁我以為台式嘅辣應該唔會太勁，不過佢真係幾辣下，辣得黎又好香，鍾意食辣嘅朋友應該會好鍾意。小食我地就揀咗兩款四鹽酥大雞排炸得啱啱好，面頭仲有啲海苔碎，好出色；而起司蛋手抓捲餅就更加得我歡心，因為佢外表酥脆，内裡軟綿綿，食落口感非常之豐富。野食我地就order咗輕芝士岩鹽奶蓋抹茶再加珍珠嘅，奶蓋creamy抹茶茶香重，再加上珍珠都好有咬口，真係好滿足嘅一餐呀😀

呢兩日去左北角Hyatt Centric staycation游完個水之後好肚餓package又無包晚餐所以去左北角匯搵食未入商場就見到有一間小巷弄門面都好吸引下一於就試吓啦難得我地有房所以就揀咗外賣走兩個人叫左二百幾蚊野食外賣都算快手而且都包得妥當鹽酥大雞扒配麻辣乾拌麵 $67雞扒好香脆 又唔會太乾啲麻辣醬撈勻左唔乾好夠味好有驚喜台式小香腸滷肉便當 $60小香腸有3條平時煎香左一樣既味滷肉飯不過不失份量好夠好飽肚滷蛋豆腐乾 $30豆腐乾係炸過再滷好入味咬開有汁 滷蛋ok炸花枝丸 $30普通炸丸 ok無乜特別綜合甜不辣 $30平時台式餐廳未必有甜不辣食呢度有即刻叫左黎試呢度係炸甜不辣配甜酸醬煙韌得黎唔會太硬甜酸醬好開胃苿香珍珠奶茶 $17珍珠唔太甜 奶茶都幾好飲十七蚊大大杯都幾抵

去開北角行街，經過幾次有間台式料理都想試吓，好彩六點幾去到冇太多人，唔需要排隊除咗單點之外，餐廳晚市仲有得揀二人餐或四人餐，價錢唔貴同朋友試咗個二人餐，有兩個主食、兩個小食同兩杯飲品，揀咗半筋半肉配滷肉乾拌米粉，餸菜嘅份量都唔少牛筋好林容易食，牛肉入味，配上滷肉、青瓜絲、醃蘿蔔等配料，個人認為可以加醬汁會濃味啲小食就揀咗滷水大腸，同樣入味另外仲有迷你蔥肉餡餅，都算幾多汁，外皮趣卜卜飲品方面揀咗輕芝士岩鹽奶蓋烏龍茶，茶味清新，配上淡淡的芝士奶蓋，配搭唔錯，夏天飲一流餐牌仲有唔少選擇，有甜品同湯品

/北角近年多咗好多新地標 其中一個就係北角匯商場 今日路過見到正門左邊有一間台式小店就即刻入去試下.餐廳嘅裝修以木色為主比較小清新 環境整潔 座位舒適下午茶(2-6pm)既食物選擇唔少今次就試左以下幾款.🥢花枝丸麵線（$35）麵線湯底濃郁但係又唔會過咸 今次只係加左花枝丸 再加多啲配料應該會更加正同豐富.🍜招牌牛筋麵（$50）牛筋煮得夠淋亦都有膠質 仲好鬆軟入味 牛骨湯底非常香濃有少少藥材味但好容易入口 麵質好彈牙有口感 配料有蘿蔔同生菜 份量亦都唔細 必試啊.🫘紅豆芋圓仙草凍（$38）另外仲加左個甜品仙草凍 非常推介 材料仲好豐富 紅豆煮得夠軟綿 仙草凍份量十足 芋圓口感煙靭 仲有4種口味 加埋淡奶真係好match 甜度適中 店員仲好貼心會事先問甜品係咪後上.🍵下午茶仲有免費熱飲 今次就叫左凍既台式奶茶加珍珠（+$8）茶底幾香 珍珠煙靭 怕甜既朋友可以叫半糖甚至微糖 檸檬紅茶係好有台式風味檸茶 值得一試.小巷弄📍北角渣華道123號北角匯二期地下G01號舖.#anygoodfood_hk#anygoodfood_Northpoint

今日在北角匯購物完，順便吃午餐休息下。見到有間專賣台式食品的小巷弄牛肉麵，便入去試下。一個人簡簡單單叫了碗小巷弄半筋半肉牛骨湯麵($72)。大大碗湯麵見到都想食，上面舖滿紅燒牛肉和牛筋，還有白蘿蔔和生菜。牛骨湯微辣又香又夠味，牛肉牛筋炆得夠火喉，牛鍵肉質嫩，軟硬適中，牛筋充滿膠質，粗麵條有風味和咬口，好好食。那大塊白蘿蔔鮮甜無渣，好正! 生菜爽脆。吃完碗麵好滿足。送的台式熱奶茶有茶味，濃淡適中，不錯。見到隔離食客吃甜品，忍不住叫了個綜合鮮草凍($48)嘆下。嘩，個鮮草凍好吸引，材料豐富，有紅豆，芋圓，珍珠，蘆薈，愛肉，鮮草凍等。整個甜品甜度適中，有口感和層次，令這餐錦上添花，好滿足。店不用加一。服務有效率。環境整潔，座位舒適。走時正好下午茶時間。分甘同味，便買了兩份外賣回家俾家人吃。好抵食，又足料，兩份共$96。他們讚肉鬆蛋手捲餅和招牌牛筋牛骨湯麵很好吃，有特色，奶茶好飲。下次再來吃其他台式食品。

➽綜合麵線(大腸+蚵仔) 配熱飲 $40個麵線色水好夠食落都夠味有少量既大腸同蚵仔整體味道是不錯份量應該是因為下午茶時段, 配對返, 所以比較少甘梅地瓜條 (跟餐追加) $16 好好食蕃薯味有, 而且都香切到好似薯條咁, 而且好熱好新鮮重點, 佢加左「甘梅粉」, 係甜甜地既一種粉好正問左侍應, 佢話甘梅粉不便宜, 而且不多供應商有, 佢知暫時有一間佢話佢食雞扒都落甘梅粉真係好好食!➽檸檬紅茶 $0 + 仙草$5酸味茶味都夠濃, 自己喜歡有咬口, 加左仙草整體不錯呀因為係商埸地店, 所以好新淨, 都幾乾淨侍應都幾有禮貌食物味道是不錯的尤其個甘梅地瓜條, 很得我歡心下次都會再黎呀

某個落雨的晚上，我要自己食完飯去上工作坊，就揀咗喺呢間性價比好高嘅餐廳入去食，重點係一人入去都唔會尷尬☺️🍜綜合麵線(蚵仔+大腸) $40真係好掛住台灣呢種獨有濃稠嘅麵線風味！每條麵線都充滿着嗰種醬汁嘅滋味，但又唔會太鹹，味道恰到好處。蚵仔都有嗰種海鮮嘅鹹香味，大腸亦都唔會有腥味或者煮得太稔，絕對比想像中好食👍🏻🖤綜合仙草凍 $48一碗滿足晒貪心嘅我，因為可以品嚐到粒粒飽滿嘅紅豆、唔同口味嘅芋圓(番薯味芋圓最出味)、Q彈嘅珍珠、爽口嘅蘆薈、軟嫩嘅愛玉同仙草，整體唔會太甜，好食

這次來了北角， 在商場鋪附近竟然有一間性價比不錯的台灣餐廳， 我是比價錢吸引的。 牛肉麵$68左右， 台式便當， 還有很多小食， 我叫了鹽酥雞便當$65， 當然叫了不少小食， 貢丸湯$32， 蚵仔煎$46， 芝士手抓餅$39。 我覺得所有味道都很不錯，就是位置有點迫， 不過明白和理解的。然後還可以加$ 升級飲品， 當然要叫芝士奶蓋和珍珠奶茶啦， 不過飲品我覺得一般， 沒太大驚喜，但食餐飯配台式飲品先正， 否則好像缺少了什麼的， 所以還是要飲的。

這裏的奶茶10分特別，他的茶底是用伯爵茶，我跟店員溝通之後，他們說是老闆精心選用比較貴價的伯爵茶來做茶底，飲落有一種美味芬芳的感覺，亦有一種清新的感受，雖然外表比較平凡，但係一飲落就覺得內裏有一種不平凡嘅感覺，值得推介