小巷弄

營業中

休息中

呢間係北角匯地舖嘅小巷弄牛肉麵，舖頭面積唔算好大，但裏面座位都比較闊落，卡位亦都有，呢度嘅價錢比較平，我哋就帶咗個二人餐👯‍♀️🌼2人套餐 $198🌼🍜小巷弄半筋半肉配🍜麻辣醬乾拌麵 : 首先一睇就知份量唔夠，而半筋半肉既肉質一般，比較靭😒，另外配左肉燥，雖然睇落色澤唔錯，但食落比較淡，冇乜味，肥瘦亦都唔係好均勻，配菜有青瓜絲同酸蘿蔔🐷滷水大腸配🐷滷肉乾拌米 : 米粉都係比較少，我就配咗滷水大腸，佢係幾入味，但係比較林，一啲都唔爽，另外滷肉都比較少，汁亦都唔多，整體比較乾身🐖話梅豬手（2件) :小食就配左豬手，佢有兩件，味道都唔錯，豬手都多肉，但話梅味道就唔係好食得出🥬肉燥燙青菜 :湯青菜都冇乜特別，只係面層有啲肉碎咁解🧋茉香珍珠奶綠 :其實佢兩杯嘢飲都好淡，啲珍珠比較硬😩，茉香味又唔夠香濃🧋黑糖珍珠鮮奶 :黑糖珍珠鮮奶完全冇咗個精粹，鮮奶又唔夠香，珍珠都係硬嘅，黑糖又唔夠濃郁，整體嘢飲都非常一般😞

本身諗住求其搵個地方，食吓台灣嘢。走咗入呢間嘢之後發現超中伏。嘢食選擇唔多，多嘅都只係嘢飲。叫咗個二人餐，我就揀咗個鹽酥雞扒配牛肉湯麵，雞扒又薄又多炸粉。嘢飲叫咗個蜂蜜雪梨茶，有得揀微糖少糖走糖，咁台灣嘢飲不嬲都好甜，所以就叫咗走糖。點知啲員工幾個一齊喺客人面前笑笑笑，話蜂蜜雪梨茶走湯，咪即係就咁雪梨茶。其實咁又點？咁你比多個客自己選擇，點解唔可以咁叫？唔明有咩咁好笑。😒係你都唔好喺個客面前笑啦⋯⋯二人餐可以揀兩個小食，伏！個青菜，只係得幾片，勁少。本身個主食又勁少。埋單兩舊水。

平日係北角午餐都太多人，今日見小巷弄仲有位子就入去試吓，叫左一份雞排拌麵午餐，包一杯普通飲品。 拌麵味道不錯，雞排比較薄身，但分量不算大。男士未必夠飽。 另外， 如果要轉珍珠奶茶價錢比較貴， CP不高。 店員服務不錯。

離開呢頭附近做嘢見有時間就坐低喺度食碗牛肉麵點知最後反而仲搞到遲咗少少牛肉麵味道普通正常有少少唔係好值呢個價正常冬瓜茶味道唯一好處就係我早食好似包場咁唔需要食下一次

📍地址: 北角渣華道123號北角匯二期地下G01號舗✿😋味道😋：1/5✿🏙️環境🏙️：3/5✿🤵🏻服務🤵🏻‍♂️：3/5✿👀賣相👀：2/5✿💰價位💰：3/5↠⏰時段：Dinner 19:00 ↞ ❀❀ 環境睇落都還可以，不過冇諗過啲嘢食真係幾差，不過一個男嘅員工嘅服務態度真係幾好，其他店員服務態度都幾差。🍜 ❝小巷弄半筋半肉牛骨湯麵 ❞ $72☞ 呢碗牛肉麵嘅湯底好麻麻，食落似出前一丁牛肉味嘅湯底；麵質算係粗麵，有一個大嘅蘿蔔，但係唔算入味又唔算甜；另外仲有一兩條菜；牛肉嚟講還好，食落都幾淋，但係整體都好麻麻。☹☹☹🍜 ❝ 小巷弄半筋半肉麻辣醬乾拌麵 ❞ $72☞ 呢個拌麵，賣相唔吸引，首先將佢撈埋之後有返少少顏色，但係識落無麻剩係得死辣嘅味，雖然牛肉算淋，但係無麻辣拌麵嘅風味。☹☹☹🥚🫔❝ 起司蛋手抓捲餅 ❞ $41☞ 呢個手抓餅個皮都幾酥脆，但係冇乜味，雖然係芝士蛋，但係芝士同蛋都好孤寒，識落剩係得椰菜絲，啲蛋同芝士嘅味都唔出。☹☹☹

前兩日去開北角 周圍睇下有咩好野食無意中見到有間台灣野就入左去 (太耐冇食啦）餐牌主要有兩張1. 單點2.套餐另外再加一頁野飲今次叫左個二人餐特別一讚個芋香珍珠奶茶🧋好好飲👍食完飽到上心口！

酥炸大豬扒配肉燥飯，很夠熱，外賣坐了幾個站回家仍然熱的，配熱奶茶，外賣杯很窩心不會倒瀉的而且份量比平時外賣店多很多，值得一試，肉燥飯雖然味道淡了一點點，但也可以。

外賣套餐，有主食鹽酥雞排配牛骨湯米粉，小食係花之丸4粒，飲品係低糖綠茶加蘆薈，$81，份量足夠，味道不錯，很有台灣美食的味道，尤其是湯底，店員態度亦非常好，外賣準時預備好，到達店舖不用再花時間等候。

今晚係北角收工，諗住食埋晚飯先返屋企去左北角匯行左一陣，搵野食時係openrice見到呢間台灣野價錢係呢個商場黎講唔算貴門外一大塊落地玻璃7點鐘都坐滿左大半眼見唔少人買外賣走生意幾好餐牌選擇都算幾多，飯麵小食手搖飲品都有幾有台灣風味要左個小巷弄紅燒牛肉牛骨湯麵$70湯頭濃而不膩牛肉大大件 食起嚟軟稔 牛肉味又夠香濃麵條似係手工麵 最鍾意呢款麵 粗身有嚼口仲有蘿蔔超級入味 好食！加多左個小食 宜蘭迷你蔥肉餡餅$30新鮮煎起熱辣辣咬落去既時候仲會爆湯汁 嚇親🤣好似食緊小籠包咁🤣入面蔥同豬肉都好香 雖然有4個 但我都好快食晒飲品跟主食叫仲可以減$8要左輕芝士岩鹽奶蓋烏龍茶（跟主食$19）半糖 微冰 好啱我口味芝士滿滿 飲落去有岩鹽既咸味又有烏龍茶既茶香Perfect match!Perfect dinner!!

好耐冇食過台灣啲手抓捲餅啦！超級掛住😍 竟然比我喺北角匯去搵到一間唔錯嘅台灣小店，忍唔住要入去試吓😋😋 我咁啱係下午茶時段去，佢都有個下午茶menu，比較light啲，包括一個主食同一杯野飲🧋我當然試左佢個起司蛋手抓捲餅🧀 即整好鬆脆🥰🥰 同埋芝士係拉司既😋 好食！另外都食左花枝丸麵線🍲 食落好似返左台灣一樣🌍 如果有興趣都可以試下佢嘅小食 - 宜蘭迷你蔥肉餡餅🥧😋 飲品就試左芋香奶茶🧋同埋鳳梨多多🍍 可以揀少冰少甜架🤩 價錢都幾抵，最緊要係好食！

台灣風❣️好耐無去過台灣，夜市是什麼東東就黎唔記得🥹 好在香港乜菜式都有😃🥘小巷弄紅燒牛肉湯麵 $70牛肉湯好香濃，熱辣辣飲落去好舒服，有埋大大嚿嘅紅燒牛肉，味道濃郁而且軟林☺️啲面身亦都煮得岩岩好，唔會太硬太林，幾好味🫔 牛肉香蔥手抓捲餅 $42外層餅皮酥香脆口，餡料有椰菜、香蔥、牛腱肉片，滿足☺️而且一開四份量好多，食一小舊其實已經好飽😝兩杯嘢飲 低糖綠茶、輕芝士岩鹽奶蓋綠茶個輕芝士少甜面不漏，配埋綠茶係一個幾好既選擇

成日見到呢間餐廳都未食過，今次咁嚴熱既天氣就要試下啦。雖然呢只係啱啱開始午膳時間，但一入到去其實已經有好多人坐咗喺度食。一坐低即刻叫咗個酥炸大豬扒肉燥飯，加多一杯台式珍珠奶茶。再要多份宜蘭迷你蔥肉餡餅。其實呢間餐廳上菜速度都真係幾快，唔使15分鐘已經有碗飯擺喺面前。塊豬扒大過飯嘅面積。好在佢幫我切開左，如果唔係都唔知點算。滷肉嘅份量唔算多，可能係因為豬扒太大份。豬扒係啱啱炸起嘅所以好酥脆。佢嗰個蛋係實心嘅蛋，食落去凍凍地。我諗個蛋應該擺嘅時間有少少耐。香蔥肉餡一咬起即刻爆汁。因為怕太熱所以我擺喺度等佢涼少少再食。珍珠奶茶只係普通嘅珍珠加奶粉開嘅奶同埋普通嘅紅茶底沖出嚟。所以我覺得佢要加$8先至可以有一杯凍飲係冇咁抵。成杯奶茶我飲唔出有啲咩特色。總括嚟講呢間餐廳位處北角中心地段，喺餐廳出到嚟仲可以望到海。周圍有港鐵、巴士、電車同埋小巴。算係相當方便容易去嘅餐廳。

💛 HKG - 小弄巷 💛ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 住近北角匯嘅朋友又多樣選擇選啦😉 而且一出地鐵過對面就係 📍非常方便。價錢都合理 ☺️ 咁熱嘅天氣下，杯奶茶同冬瓜茶飲完都非常涼快！ 不過整體食落無話wow 好得和咁。只係普普通通咁去表演佢嘅味道出黎。ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 🌼 Food紅燒牛肉湯麵 72花枝丸 18滷肉飯 42🌼 Drink凍奶茶 3冬瓜茶 3◇◇◇◇◇◇◇◇◇#cass_北角#cass_northpoint #cass_台灣菜#cass_taiwanese #eatwccinhk #小巷弄

舖頭啱啱好位於北角匯商場外面嘅位置，驟眼睇可能以為係主打外賣嘅小店，原來餐廳內部好多座位，可以容納到好多人。台式小香腸麻辣醬乾拌麵（$60）台式香腸超香脆😍拌麵嘅軟硬度啱啱好，口感好好嚼！而且麻辣醬夠味得嚟又唔會太辣，配埋啲清爽嘅青瓜絲同埋金黃色嘅醃蘿蔔片，口感同味道上都有好豐富嘅層次感～起司蛋手抓捲餅（$41）捲餅酥脆嘅餅皮真係非常正，起司嘅份量比得好足，每一啖都可以食到嗰種軟糯嘅感覺。睇到咁大舊嘅捲餅就覺得好滿足🤤巧克力珍珠奶茶（$27）怕甜嘅朋友可以放心，呢被朱古力珍珠奶茶嘅茶底，並唔會有死甜嘅味道，反而有濃郁嘅朱古力味，澀澀哋咁，比較自然😚

💛 HKG - 小弄巷 💛ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 住近北角匯嘅朋友又多樣選擇選啦😉 而且一出地鐵過對面就係 📍非常方便。價錢都合理 款式都多☺️ 咁熱嘅天氣下，杯奶茶同冬瓜茶飲完都非常涼快！ ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 🌼 Food紅燒牛肉湯麵 72花枝丸 18滷肉飯 42🌼 Drink凍奶茶 3冬瓜茶 3◇◇◇◇◇◇◇◇◇#cass_北角#cass_northpoint #cass_台灣菜#cass_taiwanese #eatwccinhk #小巷弄