小巷弄

營業中

休息中

Book左北角Hyatt staycation,登記入住實左太多人，所以決定搵個地方食下野等拎房。一出酒店見到第一間餐廳*小巷弄* 係北角匯既出入口 好方便岩岩好2點，見到店員換下午茶餐牌，就決定食好掛住台灣美食喔😭😭下午茶好抵食👍🏼綜合麵線（蚵仔、大腸）$40加$2 有杯凍鳳梨多多👍🏼蚵仔、大腸份量幾多，真係滿有台灣風味肉鬆蛋手抓捲餅，好足料，好實既肉鬆🤩餅皮好香脆又唔太油👍🏼 好欣賞成個餅都唔易散唔會食到周圍都係小食每份加$16 宜蘭蔥肉餡餅 必須要叫👍🏼滿有肉汁 好似食緊小籠包咁🤣🤣整體真係抵食又好食👍🏼

原來呢度都有 tea set 食台式野都係離不開麵線加飲品份量都唔會話太少加$16 仲有小食添先唔講野食住呢度個service 真係唔錯唔會因為係 tea time 而好求其上菜速度快，又會細心叫你睇熱真心一讚貢丸麵線我會覺得麻麻因為d麵太碎反而個肉燥飯就好入味加左幾個小食包括油菜，甜不辣仲有肉餡餅肉餡餅熱辣辣，一咬就爆汁出嚟喇 熱到唔記得影相🫣甜不辣不過不失，配埋個甜甜既source 又惹味呀菠蘿多多超有驚喜🤗 岩曬熱辣辣天氣！

北角而家開咗好多新餐廳，喺商場門口見到呢一間食台灣菜嘅餐廳，但因為落雨所以就拎咗外賣返屋企食。呢間餐廳嘅價位都算幾親民，再包埋杯台式嘅手搖飲品都只係$70左右，首先講吓佢啲飲品先，見到亦都可以揀唔同嘅甜度同冰，而且款式都幾多。我就嗌咗杯檸檬蘆薈紅茶，如果點無糖嘅話其實都已經好夠味。呢啲蘆薈粒都俾得好多好足料。再講下佢嘅肉鬆蛋餅，肉鬆份量都幾多蛋餅都唔會煎得好油，但可能因為凍咗會令到煎餅有少少硬，所以記得一定要趁熱食！啲蠔嘅份量都幾多，偏向台灣嗰種煮法多啲

喺北角滙happy shopping 完，離開時見到小巷弄有外帶優惠套餐，主食由$75起，配小食及飲品各一，嘩！一個價錢有三種享受，真係好抵。我揀左No. K5 招牌紅燒牛肉配滷肉乾拌麵、炸花枝丸(4粒) 及凍檸檬紅茶招牌紅燒牛肉配滷肉乾拌麵牛肉細細件，肉厚軟腍，Q 彈乾拌麵搭配獨家醬汁及青瓜絲，惹味又青新。 炸花枝丸(4粒)椒鹽花枝丸，彈牙又香口天氣熱，我額外買左碗甜品 - 紅豆芋圓凍仙草一碗有紅豆、芋頭、粉圓、芋圓、地瓜圓、仙草等，清涼又解暑。除左外帶優惠套餐， 仲有個2人/4人餐都抵食， 下次可以同屋企人一齊去。

北角匯新開之後都冇去過 見今日又係去港島上堂既日子就黎睇下有咩好食 一個人選擇吾多 見到呢間台灣野都幾多野揀就進去了主食叫左鹽酥大雞排麻辣醬乾拌麵 黎到好大份 麵既份量好多 佢個麻辣醬幾特別 首先係食到麻醬既味道 之後係辣 再之後係麻 好多層次 包住d 麵好滿足 雞排黎到仲係脆卜卜 、熱辣辣鹽酥包住係d 皮上面好惹味忍吾住食左幾塊皮主食配飲品可減$8 所以我揀左芋香珍珠奶茶 走甜走冰 黎到真係吾甜 靠珍珠丁丁甜味我覺得岩神岩好了想食甜不辣好耐 就叫埋呢個小食黎到熱辣辣 食落好煙韌 呢個一人晚餐好飽好滿足呀 但係原來外賣仲抵 $7x-8x 已經有齊 主食、小食 同飲品 好羨慕住係附近既人呀

好少黎北角，特登睇下北角碼頭附近有咩好食～俾我搵到蚵仔煎推介，梗係要試下啦！一入店鋪，平日7點得2台客已經覺得奇怪，上菜時就知原因!午餐食得有啲飽，所以叫左2個小食，分別係蚵仔煎同皮蛋豆腐。蚵仔煎 （$48）見網友有推介，黎到當然要試試。$48唔算平，但如果好食嘅當然值得。侍應攞上枱見到好大份，貌相有啲似蛋餅，心諗都幾抵食喎。誰不知原來係食地瓜粉，除左皮厚，裡面主要係菜，更唔係一般台灣蚵仔煎嘅生菜。裡面嘅雞蛋未熟仲有透明蛋液，中間部分更食到粉感，口感完全唔一樣。。。蚵仔煎嘅靈魂醬汁亦唔夠，只有加在上面嘅S型咁多，忍唔住叫侍應再加一碗甜不辣汁。看似大份嘅蚵仔煎最後只有4粒蚵仔。充滿期待食蚵仔煎，但完全失望。。。皮蛋豆腐（$33）豆腐係完整半舊盒裝豆腐，連切片都省卻醬汁過咸，豆腐只可輕輕一沾，否則食唔到。唯有皮蛋調味還好，唔會太重鹼水味。一餐輕晚餐盛惠$81， 但我唔知道食左咩落肚完全無滿足感

今日突然想遊船河，去到北角一落船就見到個靚靚商場，雖然唔算好大但有間一田超市O係地庫，都幾好行~諗緊食咩就見到有間台式餐廳，天氣咁熱就決定食個早飯飲杯台式特飲涼快下~半筋半肉麵驟眼睇落好似唔係好多，但食到一半已開始覺得飽!!牛筋膠質感唔錯，牛肉味香又軟淋，最緊要湯底味濃但唔味精，麵條爽彈，就知無入錯黎。甘梅地瓜條用煎pan仔上，夠晒熱辣辣，地瓜條入口味道非常香濃，配上甘梅粉越食越想食，好香口~只要有點主食再點台式飲品就可以減8蚊!!點杯檸檬冬瓜茶，酸酸甜甜好解渴，啱晒咁熱嘅天氣飲!!

地點方便，好近地鐵站，行幾分鐘就到，非常方便，舖頭裝修舒服簡單。價錢合理，選擇種類好多，好有台灣風味，甜品都好有台灣風味，又有芋圓食。主食都好抵，可以追加唔同嘅小食，價錢唔算好貴，好抵食。下午茶餐都好抵食，平靚正。外賣又有優惠真係好抵食。佢哋食物都有台灣嘅風味，去唔到台灣都可以去望梅止渴。佢亦都有好多特色嘅飲品，有珍珠奶茶，仲有其他特色嘢飲。呢個香芋珍珠奶茶係加埋蘆薈，非常有口感，清爽解渴，非常之適合夏天飲用。黑糖珍珠奶茶，加咗仙草，清甜可口，生津止渴。美味嘅痾仔煎，好友台灣嘅風味，熱辣辣，有好多嘅蠔仔，材料豐富，新鮮，好好食，食完好似返返去台灣一樣旅行，值得推介。店員好熱情好好容。

有次同朋友去北角行街，講起大家都困左喺香港幾年冇得去旅行，好掛住世界各地嘅美食。諗緊食咩嘅時候見到有間叫小巷弄嘅小店係食台灣野嘅，我突然之間就好掛住牛肉麵，之後就衝左入去。呢度除咗堂食台灣小食外，仲有好多台式飲料任君選擇，睇落都好正宗。餐廳面積唔大，勝在夠光猛，木系嘅裝修好有台灣文青cafe嘅感覺。我叫咗個滷水大腸配肉燥乾拌麵，勁大碗又足料，初時仲以為好乾，原來啲醬汁喺晒麵下邊，本人鐘意食粗麵多過幼麵因為我鐘意啲有咬口嘅食物，所以我勁鐘意呢到嘅麵，食落似刀削麵。大腸份量多而且滷水味好出，加埋青瓜絲配料口感青新，中和油膩感，將所有野拌埋一齊真係超級滿足。朋友叫左個鹽酥大雞扒牛肉湯麵，又係勁大碗，牛肉湯底好特別，聞到濃濃嘅中藥味但好易入口，我鐘意，配合煙靭彈牙嘅麵，超級入味真係必試。大雞扒係同碗麵分開上，雞扒非常大切開一條條好細心，外脆內軟，亦唔會覺得塊皮好厚，超級juicy, 建議各位你真係要試吓牛肉湯麵，好入味。小食叫咗個肉鬆蛋手抓卷餅，超級大件，每件仲要塞爆肉鬆，好似驚你唔夠食咁，卷餅香脆可口，內裡加埋肉鬆同蛋嘅軟綿綿口感，好有層次，超級正，呢個又係必食推薦。總括尼講小巷弄非常扺食，

午餐第一次試呢間北角台灣菜本身都幾高期望但食完之後真係超級失望叫咗個豬軟骨乾拌麵$67但黎到嘅係仲硬過屋企煲湯嘅湯渣個乾拌麵仲要冇乜味真係冇下次！平時食台灣餐廳嘅豬軟骨都係超級好食又林又滑

之前都黎過北角匯呢個新商場幾次，今次行過試下呢間台灣菜 — 小巷弄，買埋外賣返屋企，除咗有外帶優惠套餐，單點外賣都有9折！小巷弄牛肚牛筋肉燥拌麵（$66）除左有常見嘅半筋半肉牛肉麵之外，竟然比我見到牛肚牛筋呢個配搭，當然要試吓！牛肚煮到好軟腍，而牛筋咬落感覺係豐富膠質，份量都唔少。麵底可以揀湯麵、湯米、肉燥飯、肉燥乾拌麵、肉燥乾拌米、麻辣乾拌麵、麻辣乾拌米，非常多選擇！牛肉香蔥手抓捲餅（$43）外面係煎到焦香嘅蔥油手抓餅，内餡有椰菜絲、牛腱同特別醬汁，少少辣好惹味！黑糖珍珠奶茶（$19）珍珠煮得都算較Q，可能因為我叫咗少甜，所以黑糖味同茶底都唔太濃，下次可能試其他飲品！下次去北角Hyatt Centric Staycation如果唔食自助餐都唔怕，附近都好多嘢食嫁，例如去小巷弄買個捲餅做宵夜！

呢間台式餐廳好正宗，員工之間都講國語。我係附近食完嘢就嚟呢度買外賣🥡🐮 招牌紅燒牛肉 滷肉乾拌麵 $85呢個係外帶優惠套餐，一個價錢包括主食+小食+飲品。牛腱肉同乾拌麵都好正，彈牙有咬口，加埋滷肉同青瓜絲更豐富。🇹🇼 甜不辣又甜又鹹，味道鮮香，口感又夠煙韌👍🏻🍍 鳳梨多多（走冰）有得走冰之餘又唔會少咗份量，酸酸甜甜好涼爽，啱晒夏天飲，仲有鳳梨嘅果香味。🥒 涼拌小黃瓜 $27（外賣+$2）另外單點咗一個夏天必食嘅涼拌菜，小黃瓜開胃又脆口。餐廳都幾光猛企理，下次可以試下堂食～

餐廳位於北角匯商場,環境優雅寬敞而坐得舒服,而食物種類都好多,各種特色台灣美食都有售,例如牛肉麵同台灣香腸😍疫情下外賣自取仲有享有全單9折😎招牌紅燒牛肉配肉燥飯 $85Stewed Beef with Minced Pork Rice呢個外帶優惠套餐勁抵食,配有主食+小食+飲品,真係一個價錢,三種享受!紅燒牛肉經燉煮後,口感非常扎實,由於帶有少量筋,口感更豐富Q 彈🤤肉燥燙青菜 Minced Pork with Vegetables 餐廳用新鮮生菜配搭肉燥一齊煮,汆燙時間剛好,口感爽脆,少了油膩感,同時令菜葉更香口😍而飲品有5款選擇,今次選了無糖烏龍茶,店員新鮮沖泡,有抑制脂肪吸收,女士keep fit最啱👍🏻

💸人均消費: $60-100🈚️加一服務費 🌿評分: 1/5 😢本身見到呢間台灣菜舖面四四正正✨啲嘢食望落去都ok吸引🫧咁就約咗朋友嚟呢度食😮‍💨結果真係大失所望🥺➪ 小巷弄紅燒牛肉滷肉乾拌麵 ($70)撈完見到啲色好淺色已經知道岀岀哋事🤥滷肉乾拌麵真係冇味咁濟😮‍💨仲好油🥲佢啲牛肉都ok淋同埋都有鹹味🐄牛肉味唔係好覺🥺好sad➪ 牛肉香蔥手抓捲餅 ($41)個手抓捲餅入面好多都係筋😮‍💨好韌🙁同埋入面係甜辣醬😣食落唔夾😞如果用翻醬油膏/甜醬會好好多😢➪ 微糖微冰檸檬愛玉($25)呢杯嘢係成餐最好嘅一樣嘢😗酸酸哋幾開胃消滯😋成個配搭好夾好消暑🥵不過呢個價錢就貴咗少少😉服務方面店員唔係好積極服務😟想落單但佢望緊地下😂不過冇加一都冇得要求咩好服務㗎啦😂但上菜都尚算幾快🫧坐得都ok舒服嘅~ 不過再嚟堂食應該唔會啦😣外賣杯手搖都有機會嘅

最鍾意就係食台灣嘢但係冇得去台灣旅行唯有喺香港食台灣嘢。難得嚟到北角匯呢個新型廣場居然有一間外表幾新淨嘅台灣食品店，一定要入去試吓。即刻叫咗一個鹽酥大雞扒配揀咗麻辣醬乾拌麵，佢嘅麵質係比較有彈性同埋粗身所以可以沾唔到好多醬料，醬料麻麻辣辣好惹味！雞扒大大塊好有份量！同埋是一個最出名嘅小巷弄紅燒牛肉，我哋揀咗配湯麵。牛肉湯好香濃，熱熱辣辣飲落去好舒服同埋覺得湯底配料好足夠，然後有埋大大嚿嘅紅燒牛肉，食落去味道濃郁而且軟糯。叫多一個小食梗係要叫一份麻辣涵豬耳，食落去唔算係太辣，其實啱啱好適合大眾嘅口味，豨耳爽脆唔錯。我最鍾意就係飲珍珠奶茶，今日要試吓芋香珍珠奶茶！食啲辣嘅嘢，飲奶類飲品可以解到辣，珍珠都夠咬口，同埋茶味清新。今日喺度食完台灣嘢，令我更加掛住台灣食品呀！希望快啲去到旅行，大家都可以繼續食好嘢👏