小巷弄

營業中

休息中

成日見到呢間餐廳都未食過，今次咁嚴熱既天氣就要試下啦。雖然呢只係啱啱開始午膳時間，但一入到去其實已經有好多人坐咗喺度食。一坐低即刻叫咗個酥炸大豬扒肉燥飯，加多一杯台式珍珠奶茶。再要多份宜蘭迷你蔥肉餡餅。其實呢間餐廳上菜速度都真係幾快，唔使15分鐘已經有碗飯擺喺面前。塊豬扒大過飯嘅面積。好在佢幫我切開左，如果唔係都唔知點算。滷肉嘅份量唔算多，可能係因為豬扒太大份。豬扒係啱啱炸起嘅所以好酥脆。佢嗰個蛋係實心嘅蛋，食落去凍凍地。我諗個蛋應該擺嘅時間有少少耐。香蔥肉餡一咬起即刻爆汁。因為怕太熱所以我擺喺度等佢涼少少再食。珍珠奶茶只係普通嘅珍珠加奶粉開嘅奶同埋普通嘅紅茶底沖出嚟。所以我覺得佢要加$8先至可以有一杯凍飲係冇咁抵。成杯奶茶我飲唔出有啲咩特色。總括嚟講呢間餐廳位處北角中心地段，喺餐廳出到嚟仲可以望到海。周圍有港鐵、巴士、電車同埋小巴。算係相當方便容易去嘅餐廳。