富臨皇宮

營業中

休息中

都好耐冇來呢度食野，今次有人請食晚飯才再來（因為第一次來飲茶的印象唔係咁好）。晚市原來都一樣咁旺，我個friend預先打電話來book 檯才有個較佳的位置。食物一般啦，我地叫d較穩陣的食物，如生炒骨、西蘭花帶子、炒油蜜菜等，味道ok啦，較有特色係個鮑魚燉雞湯，係要預先訂，都有好多料，好好飲，我地4個人，每人分到2大碗，補到成晚失眠眼光光！不過唔知係咪樓板低，覺得幾嘈，我地傾偈時要大大聲咁，都幾辛苦。落order個類似部長物體，建議埋d餸菜我地都話冇興趣，係咁hard sell，都幾煩。仲有，d侍應好多時不厭其煩過來sell月餅呀、雪烚糕呀，阻住哂我地傾偈。今餐個friend請，所以唔知食左幾錢。

四人吃晚飯，可以叫一個晚飯孖寶，88元，有例牌燒鵝一碟，白灼虾一碟，另外叫其他四個餸，計有本地龍蝦一斤一兩，１０元一兩，子薑炆雞，黑椒牛仔骨，粟米魚肚羮．埋單５４１元．抵食是算抵食了，其中燒鵝的質素幾好，是招牌貨，服務也不過不失，但是座位太擠迫，常常給人踫到，要側身讓人經過，一點也不舒服．回家口渴到爆炸，勁飲三大杯水才解決．認真怕怕．

飲荼D心十分好，服務方面已有改善，因為她們已培訓了好多男服務員!

星期一至四$1,488(全包)，週末$2,988(全包)。雖然是大路菜式，但份量和質量都交足功課。當中尤以蒸星班做得最出色；甜品-南瓜露亦不錯，不太甜，有啖啖南瓜肉；惟獨是個飽魚片的味道怪怪地，好像不太新鮮!

話說1月中食晚飯, 當中點了一味燒鱔, 等九個字都未, 部長催, 一時話整緊,一時話緊鱔, 廢話一堆. 最後個幾鍾碟先上到, 仲係己經攤到凍晒. 真係.......味道方面, 整體上一般

前言：其中一場年夜飯選在這兒進行。食物和評語：點了四菜一湯，包果盤，埋單共$562。打包兩個發泡膠飯盒的餸菜。 1. 餐前小吃：一碟惹味的「香辣花生」。 2. 湯：點了「海中寶湯」，以沙蔘、玉竹、豬腱、雞、魚塊、瑤柱、螺片…等為湯料，味道不俗。可分約六至七飯碗。 3. 金蒜香雞：雞肉尚算嫩滑，幸好「雪味」頗輕，金蒜香脆惹味。雞隻頗大，半隻足夠六人享用。我們三個人，只吃到一半（四份一隻雞）而已。 4. 雙崧香菇蝦仁：內有崧子、草菇、冬菇、西芹、蝦仁…等。有近八隻大蝦仁，新鮮爽口彈牙，料正，惜過油。 5. 金銀聚寶盤：內有冬菇、蠔豉、髮菜、冬菇、蓮藕…等。常見的年夜飯菜式，味道鮮美，唯超級油膩。 6. XO醬鮮菇海蔘：以XO醬拌炒草菇和海蔘。簡單的一道菜，調味恰當。亦是超級無敵地油膩，可惜！ 7. 竹桶糯米飯：約一個半飯碗份量。配料有冬菇、蝦米、臘腸、臘肉，配料頗多，惜糯米飯不太入味。尚可一試。 8. 鮮果盤：有西瓜、蜜瓜各六片。 9. 普洱茶，味一般。註： a. 年廿六，未夠七點，巳經全場爆滿。因為客人太多，店家應付不多。 b. 碟頭不算細，食

之前個篇寫蘿蔔絲酥餅又諗起呢間.飲過一兩次茶.如果未食過蘿蔔絲酥餅既可以試下.但食過王家沙個d既人(我)就覺得好難食.

富臨的服務態度, 一個字:"差". 見你唔係叫酒席套餐或set定的家庭套餐, 服務員的態度就一百八十度轉變, 極之敷衍了事。相反, 隔離之乘客就叫之套餐, 還叫了一條魚, 當一名四眼姐姐服務員拿來一條生猛的魚的時候, 它的水淺到四處都是, 這位四眼姐姐第一時間就向這人客道歉, 重要四萬咁口!真討厭! 我們的衣服也遭殃，但這位四眼姐姐竟邊行邊講對唔住, 態度十分之差!總之一句, 會否再去, "不會"!!!

一位服務員(相信是部長--’肥仔mug’務態度其差.詳情:我在9:30后入座,食宵夜小菜.本應想叫$1 特價煲仔反. ==> 冇檯因為有婚宴(咁應該早講.)之後,我就點了($28) o既"燒腩肉" 同埋"九菜炆豬紅鹵水脆豆腐" ($18). 再加$10/6支beer. 不一會, "燒腩肉" 到了, 但超肥. 要求更換．個位部長話都斬ｏ左出來，冇得換．我再要求改為其他同價之小吃, 再次拒絕了. 理論中, 豆腐也來了. 只有豆腐. (原來九菜炆豬紅鹵水脆豆腐是兩樣小吃) 但菜牌上並冇寫明$18 為一款價錢. 我覺得好像入了’黑店一般’. 首先, 冇$1 之特價煲仔反, 然後又冇寫明$18 為一款價錢. 又唔肯換"燒腩肉”. 我就同’肥仔mug’講, 我現在走有冇問題, 佢話你唔俾錢出門口我唔知會有咩后果. 作為有品o既客人(我其實冇), 我當然唔會走. (只肯取消豆腐)我再諗深一層, 應該係’肥仔mug’個人問題. 跟隨, 我就請另一位部長更換"燒腩肉”為”豬頸肉”, 佢咪又肯換俾我.最終,點o左$28 ”豬頸肉”$28 “豉油王炒面”$10 “beer”