富臨皇宮

營業中

休息中

Drop低了朋友，男友suggest響呢頭食埋飯。要找間可以claim到parking 既餐廳，我地選了呢度。服務態度都吾錯，不過一坐低，幾位服務員車輪轉0甘來介紹D套餐呀，貴格菜0甘。我地要了例牌燒鵝同菜，份量剛剛好。食物水準一般。臨走前有生果送。Wahahahaa 原來系柑，仲要原個上。

致尊貴的食客，先感謝閣下對本集團服務水準的意見反映，對於員工態度方面，本集團亦會聯同有關部門商討跟進及改善措施，如有須要，亦會提供適當的培訓課程，教育員工。祝　新一年食得開心，笑口常開！如日後對本集團有任何疑問，歡迎於辦公時間致電到本集團顧客服務熱線:2353 5866(辦公時間:星期一至五早上十時至下午五時)富臨集團敬上

因為約左一家人向太婆拜年, 今日一早到左酒樓等位, 等候的時間不多, 很快就有兩張相連的12人大檯!因為係相連的關係, 侍應生將兩張檯的點心寫在一張檯的, 所有檯號都弄得亂了, 上點心又亂了, 後來又不知怎的, 又變回分開兩張紀錄卡, 點心放下第一張檯錯了, 便拎回第二張檯, 曾經有一個點心, 竟然可以拎去第一張檯話沒有點過, 但部長照圈點心, 拎番去第二張檯, 又圈一次... 幸好有親戚睇住, 如果唔係, 呢間酒樓會超好賺囉, 一籠點心點兩次~~~ 最離譜的是, 到最後查單, 多左一籠燒賣... 原來是, 侍應生落單落多了一籠, 沒有點過, 親戚當然不會要, 但那位女侍應生竟然可以將那燒賣放埋一邊, 單照落, 錢照收, 話左唔要唔係我地的, 竟然要收錢??? 原因係, 來多了, 你要打包走啦... (我地幹麼要打包走一籠唔係我地的東西呢??) 咁單係落左4籠嘛..(你落錯單做咩要我俾錢先??)最後, 當然係唔俾錢啦... 竟然聽到侍應們同部長的冷言冷語, 係咪有病呢?? 錯的不在我們, 你知嗎, 為了這一籠燒賣, 浪費了我們20分鐘的時間呢!!! 真的, 這樣的服務, 希望佢地可以撐

年初二的晚上,已經於昨日訂了十二人的大枱,但臨時有四人失約,準時到達取枱,六時半的時段,可以即時入座,想換較小的枱,侍應答無枱換,只好照坐.十分鬆動.但郤和隣枱背貼背.全冕侍應都很忙,服務郤很週到.點菜時只有四個標準套餐,分價錢和人數.要了八人餐,$1880包8罐汽水.十分鐘有得食,菜色大約如下:乳豬拼盆:七分;主角的乳豬太肥,可幸皮算脆,分蹄算幾爽脆,海淅不夠入味,其他的部份只是頭頭尾尾.白汋基圍蝦:六分,份量很多,可惜鮮度不足,有無頭的.炒珊瑚蚌:八分;幾入味,爽脆和厚身.帶子花枝炒西芹:七分;帶子太小,只有五毫子那麼大,味道ok.蠔豉髪菜豆苗:八分;蠔豉十分巨型,和味,淋滑,髪菜和豆苗的份量很多,味道幾好.龍躉兩味,炒球和蒸頭腩:九分,是全晚最精彩的,炒球很滑,份量很大,有鮮味.蒸頭腩要催才到,但郤十分精彩,火候剛好,皮的部份尤佳,像啫喱,口感一流.海味魚翅羹:六分;味道不差,但像糊水.無料.貴妃雞:七分,要催才有,哂士很大,味道不錯,但已很飽,要打包.單尾的糯米飯也很好味,雖然不是生炒的,也很好味,可惜太飽了,只吃了一匙更.水晶飽,熱騰騰的,賣相很好,但沒有吃.水果是蜜柑,很甜

先感謝閣下提供美孚富臨的寶貴意見反映，對以上事情作深切的道歉。為了進一步改善本集團的服務質素，已將閣下的意見上傳至有關部門，並即時要求作出跟進及改善。如日後對本集團有任何意見反映，亦可於辦工時間致電富臨集團顧客服務熱線【星期一至五　早上十時至下午五時】電話：2353 5866，富臨集團將安排專人接聽及聆聽閣下的寶貴意見。再次感謝閣下的支持。富臨集團敬上

感謝閣下對本集團的意見，對於美孚店的意見反映，本集團已即時向有關部門跟進。如欲本集團作出回應，請於辦工時間致電到顧客服務熱線查詢:2353 5866【辦工時間:早上十時至晚上五時】

琴晚o係美孚富臨擺幾圍請親戚食飯, 已經預早book定台同order定菜單, 點知....... o係星期六下午, 有一位富臨職員來電confirm order, 問我係咪book左今晚(即星期六晚)食飯, 佢一打黎不但連我的稱呼也叫錯(可能我個姓的英文串法與另一姓氏差不多), 而且我是book星期日, 咁我同佢講番, 佢話mark番之後就ok啦~ 跟住過左2-3小時, 又有另一位富臨職員來電confirm order, 問我係咪book左聽晚(即星期日晚)食飯, 佢今次又正確說出我的稱呼(但之前那個電話我並沒有更正我的稱呼), 又講得出我book左幾多圍, 咩菜單, 咁我confirm左之後, 佢就比番個booking#我, 跟住收線.......... 到左琴晚食飯, 去到接待處, 講出booking#後, 支客小姐就叫我地上2樓, 但上到2樓又冇人招呼, 到底坐邊幾張枱又冇人理, 我地就自己決定(不過佢都冇乜枱比我地選), 茶就有開, 不過就冇比杯, 咁請問點飲茶呢?? 又要叫d姐姐拎, 至於枱上的菜單, 完全唔係我地order果個餐, 都唔知放係度做乜?? 到人齊時叫姐姐起菜,

又黎左呢度食晚飯今次上菜快左...但係d 餸 細碟左同menu o既display差好遠幾乎係1/2 o既狀態!!!!>上湯雜菜煲($55)屬於迷你型得幾條菜..4條腐竹...半紮粉絲我諗成本10蚊都唔駛囉...上次去好彩食o既「迷你雜菜煲」都冇呢到咁迷你唔抵!!>xx炒雙蚌蚌得幾舊成碟野主要係蓮藕...>「石本」酒魚雲煲呢個係中上次作多料~~味道都唔錯~>大閘蟹($48)抵食~~真係有好多蟹糕~好香~正!!!!唔會等登黎食...但係如果順路o既話都可以o既~

3個人黎食6:30落單7:00先上到第一個菜--芝麻雞係第一個上台的送 味道唔錯而且肉質都幾好推薦--上湯龍蝦兩個字:唔掂 伊麵多龍蝦少 少都算啦唔知邊解隻龍蝦有咁多腳囉 好似新品種咁得3舊細肉仔 腳就一大堆....完全係唔夠食--瑤柱花膠雜菇 最遲上台等左半個幾鐘 味精好勁份量過少白菜得4棵仔 菇!少到阿ma都唔認得 花膠....係花膠碎!!夾都夾唔起! 成碟野就係見到兜汁!! 唔好話3個人食 1個人食都嫌少!水準愈來愈差.....再唔改善我諗佢都命有久矣!

夜晚一家人食飯只是想小菜晚飯, 有魚有肉有菜. 富臨當然是一個好好既選擇.點菜時, 小菜選擇很少, 眼望檯檯食既野都大同小異, 問過侍應, 沒有真正的Menu, 非常失望. 那個所謂菜牌, 貴價海鮮居多, 普通小菜少之又少, 難怪檯檯食既野都大同小異. 上菜唔快, 食到一半, 餸菜已經開始凍, 煲仔菜是炒完再上煲, 唔得.

今日同Grandma慶祝生日，叫左個龍躉全包宴。食物真係普普通通。個龍躉都無乜味ge......13個人，都要計番一個茶錢。算......都係唔俾tips

禽日下午來tea,好多人好嘈，坐到頭都有點痛。五個人，叫了六個點心一碟炒河。味道和賣相都中上，尤其山竹牛肉同蟹子燒賣。服務就一般喇。

看了最近的幾個食評,都不是好評,但是在美孚,好的食店不多,而壞的郤比比皆是,名樓的服務很差,食物ok,但食得多想轉口味,卒之要來這裡.book了六點的四人枱,入門口已有知客招呼,好感頓生.枱很小,是麻雀枱哂士.叫了龍躉兩味,是炒球和蒸頭腩,燒鵝半隻,蝦醬通菜牛,燒腩仔.龍躉炒球份量算ok,味道和鮮度亦ok,西芹份量很多,很爽脆,火候剛好.蒸頭腩差不多是全腩,魚皮淋滑入味,很精彩.燒鵝是皮脆肉多汁,水準之作,不需要去甚麼燒鵝專家.蝦醬通菜牛,以為沒有什麼期望的貨色郤交足貨,牛肉嫩滑,蝦醬很香,一上菜已經有好感,果然好得.連燒腩仔也居然很正,皮很鬆脆,肉是半肥瘦,軟滑有汁液,肯定好過永合隆很多.服務嘛,很好喎,待應見我們的枱太細,容不下這許多食物,取來小枱子放在一邊,把多餘的東西移開,又把大碟轉小碟,算是殷勤.這是十分滿意的一餐.

過去的星期六, 約左同事打保齡, 諗住食飽飽才去, 佢地提議飲茶, 仲話去搵埋位, 我當然無問題, 去到酒樓樓下, 已經排長龍, 心裡暗叫好彩, 因為我去到的時候已經有位啦. 一上到去, 位都未坐好, 已經聽到個侍應姐姐係度細細聲鬧個同事, 話個同事自己見到枱面有野唔執, 要佢去執, 我同d同事就你眼望我眼, 無言以對, 呢d究竟係乜野的服務態度, 居然係d客面前黑面兼鬧人?好啦, 頭盤食左, 主菜黎啦, 我地食到咁上下, 覺得唔夠, 好正常要加點心, 後加左兩樣: 薄撐和珍珠雞, 等左一陣, 薄撐黎左, 消滅左佢之後, 再等左一陣, 珍珠雞仲未黎, 我地見時間差不多, 又已經好飽, 諗住取消只珍珠雞, 轉個頭有個類似部長同我地講, 因為只珍珠雞要蒸25分鐘才得, 而我地落order至叫取消的時間, 不足25分鐘, 所以叫我地等多陣, 要埋只珍珠雞, 又話如果唔係d點心有問題, 佢地係唔會取消單的, 第一, 佢的態度極唔好, 口吻直指係我地唔0岩, 第二, 有乜野理由蒸一個點心要25分鐘, 25分鐘都足夠去炒碟餸出黎啦, 如果個個茶客都要等咁耐先食到野, 間茶樓都執得啦, 再同佢理論的

富臨大事件,員工面黒囗黒,唔通天熱勁晒關係,但室内工作,不是室外.多數無糧出,服務散慢,趕客走.....這也難怪.全美孚新邨酒樓選擇少,生意唔憂做.服務差又如何,吹咩!富臨集團又没有投訴渠道....當然何以差,差,差.在富臨飲食後,會免費贈送一肚氣.我寧願在家食麵包,都唔要貼錢買氣受.