富士山55 (拉麵沾麵專門店)

營業中

休息中

Asian food is definitely my all-time favourite! This time, I got a very nice tsukemen in Tsimshatsui. It is located at a small alley, so probably we've passed by many times but overlooked it. The name "Fujiyama" first caught my eyes and I was wondering what sort of japanese food it offers. I had a good look over Fujiyama from Hakone and all good time I've had there recalled  Oh, it's ramen and TSUKEMEN!Rather then Fujiyama, it reminds me the taste I got the same in Fukuoka a couple years ago. Ev

落住大雨唔想行咁遠 咁啱見到附近有間沾麵鋪就入左去食.入到去唔算多人(可能因為係落雨既關係啦)，最緊要係唔洗點等位，之前夜晚去仲見到出面長長既一條隊！一坐低就叫左個豬骨拉麵同特濃豬骨沾麵。等左大約十分鐘左右 拉麵先到， 試一啖湯，唔錯，好鍾意濃濃豬骨既味道，比起專門食拉麵既鋪頭係爭少少， 但都差唔多，算唔錯的！等多大約五分鐘左右 沾麵都到埋。唔知點解個「湯」唔係好夠熱！ 咸度同份量都算ok！所以整體黎講係算幾好味的。話說本身想食埋＋20蚊既芝士飯，不過食完沾麵之後已經好飽...好彩侍應姐姐肯幫我取消張單，如果唔係真係食唔哂哈哈

今次都唔係第一次食嫁啦！係上次食過幾好，所以黎番尋味。去到係門口見到有幾個吉位，唔知點解係都唔放我地入去。不過等左十分鐘到有位，可以接受。雖然位有啲窄，不過佢有鈎比你掛袋，唔係要攬住個袋食都幾辛苦。第一次驚中伏，冇叫到佢個芝士飯，淨係叫左特濃豬骨同櫻蝦沾麵。份量中規中矩，我大食就要食兩碗先夠，不過窮人負擔唔到，所以都係一碗算。兩個湯幾香濃，蝦個個如果可以再多啲蝦味就正啦！豬骨湯我食完仲叫加埋魚湯飲埋麵質我鍾意食硬身嘅所以覺得佢岩岩好，女神就話有小小硬。餃子以拉麵店黎講算中上，皮唔會勁厚食皮多過食肉，汁都係普通餃子汁，冇乜特別今次食左芝士飯，幾特別同幾香，不過咸左啲。啲可以拉絲嘅芝士真心正！佢張檯上面有電磁爐，比你食到咁上下個湯凍左整番熱，不過我每次都好快食晒，睇住女神食第二啖

聽見最近開咗間食沾麵嘅鋪頭，於是上網查詢，發現原來係香港已經一早開咗有沾麵食的店，沾麵日文tsukemen，是拉麵的變奏，原來最初出現是由於一份細心，使勞動階層可以又快又急地吃完一碗美味的拉麵然後繼續工作。我選擇呢間鋪頭係因為佢比較近我屋企，而且有屬於尖東位置交通方便，於是係星期六嘅下午選擇試吓，呢間鋪頭嘅位置對我來講係比較難搵嘅，但係只要沿着大廈行一周就會見到舖頭！認住個舖頭樣就會搵到架啦！你入去嘅時候就見到都幾多個人食緊麵，雖然座位差唔多七成滿，我們兩個邀請到坐吧枱，同師傅嘅距離好近，周圍都比較擠迫，但係唔緊要啦都係食一陣姐。我哋考慮咗好耐都係決定咗叫兩個濃湯嚟嘅沾麵，因為我哋都比較鍾意食傳統嘅招牌菜再加濃味嘅味道，好快就有食物上枱喇，一碗麵同埋一碗湯分開上枱，碗湯賣相不太討好，另外碗麵睇落又唔錯，上面有糖心蛋、肥瘦平均嘅叉燒，以及粗粗嘅麵條，見到身邊嘅人食得咁滋味，感覺上應該味道都唔差嘅！雖然我面前有一張紙教我點樣去食呢個麵，但係我咁懶點會去花心機睇呢！一有麵上枱就梗係即刻食啦，真係好奇怪食咗唔夠三份一已經開始凍啦，可能係啲麵條本身係凍嘅，放左係湯度就會將溫度拉低啦，但見到側邊啲

來到這家位於銅鑼灣的富士山55，吃的是日本帶來的名古屋地道麵吃。今趟要把握時機，一嚐重量級海膽沾麵，以及風味極佳的名古屋撈麵。先點上芝士味雞軟骨棒($28/2枝)。自己對雞軟骨實在沒什麼好感，因感覺在嘴嚼一口膠粒般。但在友人極力推介下嘗了一口，雞軟骨串猶如雞肉般嫩滑多汁，而當中又能夾帶著軟骨的爽脆，加上面頭的滋味軟滑的芝士，原來雞軟骨也可以這樣好吃!沾麵「つけ麺」，麵和湯分開的吃法。吃法只需把冷麵蘸上熱湯，一冷一熱調和，進口溫度剛剛好。由於沒有浸泡在湯底之中，麵條能保持煙韌彈牙。點上的海膽沾麵(季節限定) $188,湯底用上龍蝦及海膽汁熬製而成，比一般的湯底濃郁，讓麵沾汁時能吸收更多的味道。滴少量沾麵湯底於海膽表面, 稍加調鮮。海膽豐腴, 鮮味極濃, 非外面輕易吃到的極品! 不得不提的是那美味的配料，那嫩滑度滿分的半熟糖心蛋，完全是會搶吃! 還可把海膽放上紫菜上，又是另一番滋味。還有清甜爽口的荀條，大滿足!麵條較粗身, 能掛上更多湯汁。把麵條浸上一秒鐘即可, 沾麵條本身較淡味，蘸上湯底後，增添了濃郁龍蝦鮮味。麵條嚼勁十足，質感介乎烏冬與拉麵之間，微暖溫度令人禁不住大口大口吃!麵條吃得七

又到富士山啦,我真係好鐘意食拉麵架,希望大家唔好見怪.哩間拉麵店除左有拉麵同沾麵外,仲有香港比較少見既撈麵.哩碗撈麵叫名古屋撈麵,係哩間0黎自名古屋0既拉麵店特有的,撈麵0既佈局同果D日式放題店食到0既中華冷麵一樣,配料都係整齊咁放係麵上面,食0既時候要撈勻咁食.先講配料,有紫菜,高麗菜,韮菜段,魚介粉,叉燒,生蒜,免治豚肉同中間鮮黃色最搶眼0既蛋黃,配料顏色豐富,有菜又有肉,令人食慾大增!!!好喇, 開動了, 先將蛋黃整穿,令蛋汁流到麵條上,蛋汁可以組合起所有0既配料同麵條,免治豚肉煎得好香好脆帶點微辣,而且份量剛好,撈勻後每一啖都沾有香脆0既豚肉,啖啖肉,食落大滿足!另外最特別生蒜,由於本人好喜歡哩D蒜蔥類0既香料食物,所以哩D生蒜簡直有炒不可言0既作用, 香濃0既蒜味好正.不過食完好臭,要好好善後.唯一挑剔0既係麵條唔夠熱,如果熱辣辣就最好啦,始終香港人都喜歡熱辣辣0既食物~

櫻蝦沾麵🍲88蚊好多櫻花蝦呀🍤🍤🍤沾汁加上咸香櫻花蝦，好野味呀～怕咸人士，勿叫，勿邊食邊叫咸，要加湯加水，來這裡食，就是食此店的濃味。。。不過，沾汁不夠濃厚，似拉麵湯，沾汁掛不到拉麵上 ，失色了小許。。。拉麵碗內還有蔥、筍、二片超薄义燒、半隻蛋、4份一粒乾爭爭的裝飾用青檸檬，全部都凍凍的，一定要沾上熱辣辣的沾汁才會好味道。食完麵，專登剩下櫻蝦同沾汁，追加芝士撈飯 加20大洋，店員收走碗沾汁去加飯烹調，煮好後加上芝士粉送回自撈，撈..撈..撈.. 變成 芝士櫻蝦濃湯燴飯 可惜飯量太少，但味道非常好，好味過拉麵

昨天，路過尖沙咀，看見這間日本麵店，使我想起雜誌也介紹過它的海膽沾麵，所以就入去了叫咗．．．海膽沾醬超濃又超甜， 怎麼會這麼美妙啊，又光滑的麵條搭配濃郁海膽沾醬與新鮮加拿大直送海膽大口吃下 ， 又奢侈有幸福的啦。海膽。沾麵的湯，不得不推薦一下，真的非常棒!口感與玉米濃湯有點類似，濃郁的海膽滋味，一入口立刻在口中蔓延開來，非常好喝。只是如果單喝的話，可能為到會稍鹹重了一點，但配搭麵條剛剛好。湯可能是特濃豚骨湯，可能是加入了海膽的湯，但非常好吃，有股海鮮的甜美滋味，我想這或許就是這碗湯的精華吧。將麵條加入後，更顯美味。由於湯頭本身味道就很濃厚，因此可以讓每一根麵條都充滿香氣。

明明係叫拉麵,不過湯底就好濃好杰好似食緊沾麵咁,上次食佢地既沾麵,個沾麵湯都好似係哩個濃度,正常兩者應該有分別的.櫻花蝦味唔突出,可能湯底太濃關係同D櫻花蝦係後加,未浸出到D蝦味.麵底是QQ的那一種(不是一蘭的那一種),浸得耐都唔會軟.流心蛋很普通,唔太流.總結0黎講哩間鋪沾麵好食過拉麵,如果尖東一帶,我會推薦哩間拉麵鋪~

之前Search到好想食,終於同男友一齊去食。店舖細細間,牆上有掛勾,方便客人放置手袋,你也可放手袋在椅底空間位置。1.特濃豬骨沾麵好香濃豬骨湯味,因為是沾麵,所以湯底濃郁d,等我地用麵去浸麵時,湯汁能包著所有麵條。第一啖食落去好入味,麵夠彈牙。兩片肉好薄~如果厚番d會好d~2.櫻花蝦沾麵同樣好香好濃郁湯底。不過因為佢用櫻花蝦,會有少許腥味。我就唔怕,因為好好食。湯底如果唔夠熱,每個位旁有電爐可以加熱。食到最後有些咸,因為濃湯。之後我地另加20元配1個白飯。職員會用你用淨的湯底,加白飯同芝士粉煮到黏飯。不過我覺得白飯份量唔值20元。太少~整體味道夠,好特別。值得一試

今天星期四，由於20:30左右才到，門口只得兩人排隊(備有少量椅子)，一會兒便已經入坐bar枱。內子點了偏好的豚骨沾麵(特濃)，筆者則點了豚骨拉麵(濃厚湯底)。不需10分鐘，沾麵已到，麵身較粗，湯分裝在不鏽鋼碗裡，以便稍後(有須要時)加熱用。豚骨拉麵隨後亦到，湯底極之濃稠，喝湯時接近糊狀，十分濃郁。我們另外點了煎餃子，皮略薄，多肉，少汁，香口。內子吃畢沾麵後，本想加「芝士飯」，但怕太飽，改要了一碗鰹魚清湯加進沾麵的特濃湯底裡(免費索取)。筆者小嚐一口，味道比拉麵湯底咸一點，吃不慣太咸的可考慮不選特濃湯底。店內備有紙巾盒，方便食客，讚！整題感覺良好，值得再試！

放工同同事去左尖東附近1間日式拉麵店Dinner本身喺尖東返工咁耐都無試過，因為以lunch嚟講，$78一個lunch真係貴(無野飲添)但見同事咁推薦，一於一齊試一次啦我點了櫻花蝦拉麵，選了普遍硬度麵質、較清淡湯底。櫻花蝦的確好香好味道，好少見其他拉麵店有這款湯底。櫻花蝦和蔥的份量亦好多叉燒有兩薄片。麵質也是我喜愛的軟硬度。唯一美中不足是湯底始終好濃，食完會比較口乾結帳時還有印花卡，下次再幫襯時會有1款免費小食送

尖沙咀Fujijama55既沾麵是我和河馬生唯一不停返綽既沾麵店，通常都吃其聞名既櫻花蝦沾麵。今日河馬夫婦出動試他們期間限定的牛介沾麵同海膽沾麵。日式沾麵配上港式牛肚牛腩，牛肚入味非常，牛味濃郁但偏韌，也不覺不倫不類，湯底也滲出陣陣牛味；海膽鮮甜份量足，但素知沾麵湯底一向濃稠，海膽也偏向重口味，兩者重口味的食材相遇，便略嫌太膩了。如果真如該店推介再加芝士飯，便讓人吃不消。這次期間限定也不錯，不過海膽沾麵要$188，下次還是叫回我喜愛的櫻花蝦沾麵算了。

印象中第一次吃沾麵可能是這兒，其後吃過多家所謂過江龍，再回來富士山55。赫然發現這兒的麵質其實普通，還有點快熟麵的感覺。雖說麵質有點硬，軟硬度不錯，但色水及質感均與快熟麵有點像，與三田、周月、沾麵真中有距離。叉燒看似不錯，像經典日式叉燒捲起狀，可惜太瘦，有點吃到痴牙，未如理想。沾汁也不覺很濃香，友人的濃汁可能較佳，我的普通豚骨湯，沒特別豬骨味，只有碎菜粒，吃到一半也涼了。可能加芝士飯會為其挽回分數，但這天不算極餓便沒吃，這樣一來，未必會有興趣再吃了。

濃香櫻花蝦拉麵 $888/10溏心蛋呈流心, 是水準之作。叉燒薄身, 油脂豐盈, 帶點爽脆, 亦有肉香。拉麵要了固麵(較硬麵), 有嚼勁而具蛋香, 無鹼水味, 掛湯能力中等。大量櫻花蝦乾鋪面, 令本已濃郁的湯底更富鮮味。😋非專業拉麵食家的我覺得不錯。特濃豚骨沾麵 $788/10粗麵條夠煙韌, 掛湯力強, 輕易便掛上那濃濃的豚骨沾汁😋😋叉燒肥瘦適中, 軟滑帶爽, 一點都不膩。溏心蛋軟心而蛋香濃郁, 都不錯!! 👍