容龍海鮮酒家

營業中

休息中

同同事farewell,有幸食到容龍。自備海鮮再煮，味道超級好。最正係炒聖子，完全將聖子嘅解味帶出黎。蒜容絲瓜都好好味，連平時唔鍾意蒜容嘅我都愛不惜手。除左farewell外，我見好多一家大細都會黎呢度聚會，又會有人食生日飯，感覺好開心。講多冇謂，睇相最實際。好味指數：8.8/10

晚飯時間約左一台客人在容龍食海鮮🦞位於青山灣 要開車入去門面同普通酒樓無分別 不過空間大 都算闊落我哋坐喺房入邊今日食嘅所有餸入邊啲海鮮都好新鮮，所以簡單地烹調已經好有鮮味因為我哋13位客人 所以啲餸已經每人平均咁樣瞓晒一疊疊咁俾我哋 服務做得唔錯第一樣野係聖子加生蠔，聖子好好味好新鮮，而且味道都好入味，不過我對生蠔就麻麻哋啦呢個芝士龍蝦真係超正！d芝士炸完好脆口，龍蝦肉又多 咬落去啖啖都係肉 美味通常香港酒樓啲燒鵝質素都好參差但係要但係要非常高質容龍既燒鵝係非常高質！燒鵝皮好脆 而且啲肉燒得好滑，一啲都唔「鞋」，真係好想食多幾舊呀分曬先上黎 所以我都唔係好知呢條係咩魚，但係好滑，而且啲豉油都好入味，一般酒樓蒸魚都唔會差的哈哈呢隻蟹就咁樣清蒸，蟹膏好多！而且好香，食完超滿足蔬菜🥬方面有蒜蓉炒通菜 同埋呢個嘅三色蛋菠菜，調味方面都做得非常好👍🏽唔鹹唔淡，食咗咁多海鮮係時候食返啲蔬菜補充下主菜方面就係呢個揚州炒飯，本人認為有少少淡，唔知係未因為岩岩d嘢濃味其實已經食到好飽 不過最後仲有一道甜品椰皇燉鮮奶 本身諗住食兩啖 點知真係好好味個燉奶好滑 而且奶味濃郁 最後食曬總括而言 海鮮啲菜式係

老爺生日，今年話想食海鮮，就決定去容龍啦，我地先去街市買海鮮，再拎上去加工，環境都幾好，坐得舒服，枱與枱之間推bb車都唔會逼。芝士焗龍蝦，薑蔥炒蟹，白灼蝦，蒜蓉粉絲蒸扇貝，豉椒炒聖子煎米底

一家人特意來到飲茶, 叫了點心和炒飯炒米,本來很少寫食評的我都忍不住, 首先說豬肚燒賣, 豬肚比橡根還要硬, 小龍包內的肉一點都不新鮮而且像幾種肉加埋的, 另外咸水角係未炸邊的，還有粉漿，叫侍應更換只取走又沒有給新的, 要我們再叫先幫我們取消, 豉椒排骨炒米又好咸, 沙翁一點都不鬆輕,只有炒飯和椰皇是可接受, 這樣的價錢一點都不值得, 沒有下次了

話說未婚夫屋企係水上人團年飯唔想屋企人煮得咁辛苦決定左出去食好野一早打左去酒樓訂台果日佢地去左三聖買海鮮～然後拎上去加工象拔蚌❤️❤️❤️鮮甜到爆！！！！好好味！人間美食！避風糖賴尿蝦大大隻既賴尿蝦，一開三！啖啖肉好嘢味😋唔記得叫咩魚😂蒸到岩岩好👍🏻好滑！砵仔蠔！勁香！以前唔知d蝦愈細仔就愈鮮甜家下我都唔鐘意食大蝦😂清蒸鮑魚，不過不失呢個粉絲湯煮蜆好好味！D粉絲索晒d蜆既清甜味道🤤呢個係象拔蚌既內臟泡湯飯🤔好似係😂🤭壓軸出場！椰皇燉鮮奶🥰一坐低就見個姐姐推出黎驚好快賣晒！就馬上落單留住等食晒d送至上甜品好滑好食到喊出黎！大大個！如果本身多送就可以叫一個兩個人share!唔係既話真係會食唔晒！ 最後仲有生果盤送由於太飽既關係，我無食到d生果😂

每逢諗起食海鮮，容龍海鮮酒家必定是我首選，基本上每次都是到三聖邨買海鮮，然後再交俾佢哋煮，每次都冇令我失望。相信好多人都食過佢嘅芝士開邊焗龍蝦，芝士蓋滿龍蝦面，炸完再焗，外脆內彈牙，非常香口又不失龍蝦鮮味👍🏻👍🏻另外竹巃膏蟹蒸糯米飯，加上香濃嘅蒜蓉一齊蒸，絕配👍🏻，立刻令人食慾大增，到最後，侍應奉上紅豆沙糖水和生果，雖然是免費，但絕對不求其，大大粒紅豆，食落帶點陳皮香味😋，為這個晚餐畫上完美句號👏🏻

公司團年飯都必定會係呢間酒樓到搞，今年有幸參加，睇下佢是咪有返咁上下功夫先！有部份係我地係三聖村買返來帶上酒樓整嘅，佢只係收加工嘅收費，出黎味道又可以大大提升，真係又抵又正！呢到隻燒鵝聽聞係一試難忘，我可以答你，真係！好香啖啖多汁好好好好味啊，而且肉多皮脆，個ｄ燒鵝大王真係要行開一二邊。整體成餐飯絕無欺場，而甜品都咁出息。雖然地點係有ｄ偏遠，應該都係的士或者私家車來往，但真係好值得一來，唔會令大家失望！

😆西米蓮蓉焗布甸，完全冇味😭，食咗一啖就收手。突然想起鳳城的西米蓮蓉焗布甸，鳯城係有天堂嘅感覺，容龍係地獄嘅感覺。😆本人超鍾意食鮑汁鳳爪，容龍嘅鮑汁鳳爪令我第一次食完想嘔返出嚟，一陣陣冰鮮味😆😆😆👍🏻意外叫嘅椰皇燉鮮奶值得一食，椰皇內面的肉，蒸得很嫩滑。😆 $58，1隻蟹粉小籠包，充滿蟹膏都OK。但都好貴。😆$68，1隻灌湯餃，花膠好細，味道都OK，同普通水餃無異。😆價錢超貴，質素超差，唔值得再食。

前世同海鮮有仇。今世會喪吃海鮮。一家四口明確要到容龍吃芝士焗龍蝦。點解要去容龍？因為吃了幾十年😂😂😂😂我一出世就係去容龍吃海鮮。新裝修後、場地大了、寬敞了、空間感舒適了、吃得自然開心。海鮮在三聖漁巿場「榮利記生猛海鮮」買。買左好多年。買到熟晒💕💕💕老闆娘好好人又唔怕我老公麻煩。海鮮當然新鮮。容龍大廚亦煮得夠獲氣。滿意、滿意、重點有得泊車、唔洗煩泊車問題。屯門三聖吃海鮮。我首選是容龍。

容龍對於我來講, 絕對可以稱得上為家族飯堂, 因為每年過節, 一家人總會到容龍吃一餐海鮮。容龍在過去一年剛翻新, 大廳更光猛明亮, 又可以容納更多客人。這晚又自備了海鮮到容龍加工食晚飯。刺身象拔蚌, 鮮甜爽口, 如不喜歡生食的話, 旁邊也有個火鍋爐可以焯一下再食。芝士焗龍蝦是容龍的招牌菜, 表層芝士外脆內軟, 芝士跟龍蝦味道超搭, 芝士味很香但不會蓋過龍蝦的味道。清蒸鮑魚仔, 火侯剛剛好, 用餐刀已可輕輕切開。 蟹蒸糯米飯, 每口糯米飯都帶有蟹的香味, 好好食。燒鵝只是一般, 肥肉太多皮又不脆, 始終都是海鮮出色得多。

This restaurant is one of my fam’s fav to celebrate various festivals. We usually order seafood at the fish market nearby and the seafood will be transported to the restaurant directly.For seafood, we had shrimps, crabs, abalone, fish, clams etc. The fried shrimps were absolutely delicious! The onions were cooked to give a crispy texture and the shrimps were very fresh and there’s lots of meat! The abalone was also nicely steamed to make it very tender and juicy.Aside from seafood, I highly reco

作為冬至飯聚的第一擊，我們來了這闊別一年半再來的2老店。小山丘上，時日彷彿沒有流逝過。買海鮮料是托人攞貨的。因此菜式和海鮮的資素不是評價的重點，重點是烹煮的功夫。先來一客叉燒。這不是普通的梅頭；香而不膩，腍而不肥。這次水準很高，比我之前在海x吃到的還要驚喜。再來砵酒焗蠔。酒香不太重，但微焦的肥蠔 沒有任何腥味。酒香淡淡散出來，帶出鮮味。蠔雖大，但一點也不難嚼，也不會太生，火喉剛好。豉油皇中蝦：這次可惜買來的蝦，不是太大隻。因此豉油皇中蝦，變得有點香脆有餘， 但蝦肉不足的感覺。臘味糯米飯：初頭想點的是生炒糯米飯。但來的時候，應該是蒸的糯米飯。這臘味糯米飯，中間有香芋；製作不過不失。雖是幾好吃的，但比起其他海鮮，這個便變得失色了。可能家裏常常都有蒸魚，這次的蒸班，沒有特別讓人深刻的印象。蔥爆鮑魚：很好吃。 鮑魚畍花得很準，整個鮑魚都是有嚼口，厚而不韌。而鮑魚的味道也剛剛好，不太濃，色香味俱全。鹽焗奄仔蟹：我最愛的這味菜出場的時候， 我實在不禁高呼好吃。這次鹽焗的製法剛剛好，不太鹹，不太乾，令甘香的蟹膏添美味。豉椒炒聖子：由於這次買的蟶子不是太大，因此決定豉椒炒聖子。炒聖子這次沒有太大的特別

第一次同屋企人o黎容龍食晚飯， 幾好嘅，揸車o黎樓下有得免費泊車。 成棟容龍個環境係比較懷舊，今晚都頗多人好熱鬧下。我地就點左個好有創意嘅菜式蒜蓉蒸蟹糯客米飯，糯米飯夾住蟹羔香味，D飯又唔硬，係唔錯嘅。 另外呢個記得一定要試呀芝士炸龍蝦!皮炸得好脆，一咬落去勁多芝心， 仲要流出嚟tim，啲龍蝦肉仍能保持鮮味， 今晚真係好滿意同滿足。

友人生日，成班人一齊食海鮮係個好選擇☺️☺️以下係菜單1.燒鵝2.芝士焗龍蝦3.扇貝4.清蒸海上鮮5.鹽瀨尿蝦6.蒜茸炒莧菜7.蒸蟹糯米飯8.陳皮紅豆沙9.雪山沙翁球10.生果拼11. 炒面每位 $550-600　容龍嘅芝士焗龍蝦係重點推介項目👍🏻 龍蝦要夠新鮮，再配合合適嘅芝士先正（出面好多餐廳，芝士味怪怪的..但容龍呢隻芝士認真讚👍🏻👍🏻）扇貝又係夠哂新鮮，就咁蒸一蒸，而家好野味😋😋 蒸蟹糯米飯又係另一推薦，好多朋友都係蟹魔！愛蟹嘅朋友，對於有飯味嘅蟹嘅愛！呢個蒸蟹糯米飯，加入瑤柱絲、脆蒜同埋蟹膏！真係不得了

米之連星级食府，作為屯門區居民，相信不用介紹!倫近三聖，但位置較偏，注意力好多時被三聖其他食肆吸去，但其實佢绝對值得一去!!各位可先去三聖選好靚海鮮，個人推介--必試芝士焗龍蝦!!! 上湯芝士龍蝦-大家绝不陌生，但呢個芝士焗法，則绝對少見@@d 芝士釀晒龍蝦面，又香又脆但唔漏，正@@另一個必食推介係---燒鵝---原本冇諗住食，但经過聞到好香，忍不住又叫埋~~~果然不失所望~~皮脆肉嫩又熱辣辣，正好多人以为會好贵，但我又觉得價錢公度wor