容龍海鮮酒家

從來不寫食評，但今次真的極度氣憤！我們6時到達，大廳只有幾枱客，下單後，小炒先到；但碟魚等了很久，向侍應查詢，說會跟進；放眼大廳已經八成入座＇再看下單時間足足等了一小時，飯也放涼⋯⋯再追問，說其他枱的是自帶海鮮，我們點菜譜的是要等的。我們氣上來說請經理來解釋一下，下單的侍應走過來，大大聲說：「係我唔啱，冇講要等！」這是什麼態度，街坊生意，見旺場就咁樣，祝唔使幾耐，就打回原形！…查看更多

今晚和家人吃中秋節晚飯，已經隔了5年沒有去，想再回味一下芝士龍蝦！當天晚上車泊滿了兩層，路邊也差不多泊滿，心想“幾好生意！” 我們一行14人坐在大堂最後排，樓面接待員少了很多，來招呼的是part time, 好識“說話”, 我們叫了芝士大蝦，火鍋象拔蚌，炸生蠔，蒸豆腐，蒸東星，啫啫唐生菜，蒸花蝦，除了火鍋象拔蚌外，其他非常多鹽，我們一家都很失望，完全不像以前，燒乳鴿又鹽又乾，真的唔怪得香港人要上深圳吃吧！…查看更多

@容龍海鮮酒家今日約咗朋友食午餐，佢話突然好想食龍蝦，我就提議不如去容龍食芝士焗龍蝦，知道呢個係招牌菜，今餐就獎勵下自己啦#芝士焗龍蝦上枱時已經聞到好香嘅芝士味，芝士焗到金黃色，真係非常吸引，睇到都滿足，味道方面，芝士有咸香味，龍蝦肉新鮮爽口，好味👍#牛肉腸腸粉皮滑，薄薄嘅皮包住滿滿牛肉，滿足#燒賣燒賣面滿滿嘅蟹子，望到已經好吸精，豬肉肥瘦均勻，呢個都做得好總結：孭住咁多年米芝蓮食府名銜，食物質素真係做得唔錯，侍應服務週到，係一個好好嘅用餐體驗…查看更多

應該算是屯門區質素比較高檔的餐廳之一,餐廳環境及服務當然好好.我們自帶海鮮加工（蟹,聖子,元貝）再叫了一碟上湯菜苗&欖菜排骨, 甜品, 合共收取$1000左右（包括菜芥,加一服務費)海鮮市場老闆推介煮法~豉椒炒蟶子煎米粉底（超級香脆,好似食緊pizza 🍕)因為我們主打食海鮮所以沒有叫燒鵝（聽聞是餐廳招牌）,有機會下次人多才試吧.真心必食推介甜品~原隻燉椰皇😋😋…查看更多

復活節冇咩地方去，突然諗起好耐冇嚟，所以遠遠都再嚟食☺️！今日晏晝未到1點，平時周末都唔係好需要排隊，竟然今日嚟到嘅時候都要等咗一陣🥹。等位期間四圍望吓，見到容龍今年都繼續榮獲米芝蓮榮譽，真係犀利😃！今次嚟到唔敢叫咁多嘢，只係叫左四寶雞扎、鮑汁炆鳳爪、珍珠糯米雞、蜜汁叉燒腸粉、沙律明蝦角、鮮奶莎翁球😍😍！啲食物沒有一般酒樓上點心咁快，應該係因爲即整，所以啲食物上檯時好熱辣😙。第一個點心就係沙律明蝦球😍，放上枱時已聞到香味，一咬落去好鬼熱🤣🤣，但炸得好脆口，而且蝦肉亦係大大粒，亦都很真材實料正😃！而另外鮑汁鳳爪我覺得味道不錯，雞腳都好腍，但鮑汁略微不太濃。四寶雞扎是我的最愛😻，兩件目測好像夠大件，入面既魚肚幾厚大又幾入味😚，但雞肉就不算大😅。而其餘三樣點心就覺得一般。最後同場加映，椰汁燉蛋白🤣🤣，真係好香椰子香味🥰，燉奶又唔係好甜，兩個人叫一盅食吓都好滿足😋！呢度泊車可以就咁泊係喺樓下，唔使停車費，都方便駕駛人士遠道而來。可能而家生意難做，以前冇嘅優惠，今次酒家派優惠券$50😄！ 另外，我見有啲食客自己帶海鮮嚟加工，原來旗有八折手工費優惠🥹，而家做食肆真係要各出奇謀吸客😅！今日二人食咗四百幾蚊。以係呢個樓底好高嘅酒樓空間嚟講，都買少見少，而且佢嘅檯與檯之間都係好寬闊，間中嚟嘆茶食吓點心都好㗎。…查看更多

😛回頭度：7.8/10😛💰是次人均消費：≈HK$850（包括買海鮮＋加工費）┈┈┈┈┈┈┈┈┈┈┈┈┈┈┈┈┈┈┈連續14年榮獲米芝蓮推介餐廳😯先去三聖邨買海鮮，再上容龍食飯～ 當日都食咗勁多道菜（🌟為個人私心特別推介）： ▪️ 「鹽焗花螺」▪️ 「鹽焗奄仔蟹」🌟 「油泡墨魚」🌟 「薑葱南非鮑魚煲」▪️ 「椒鹽瀨尿蝦」🌟「芝士焗開邊龍蝦」▪️ 「蒜蓉粉絲蒸北寄貝」🌟 老虎斑兩味：「西蘭花炒斑球」、「蒸斑頭腩」🌟 「蜜汁叉燒」▪️ 「中式牛柳」▪️ 「菠蘿咕嚕肉」▪️ 「腿絲浸菜苗」🌟 「椰皇燉鮮奶蛋白」┈┈┈┈┈┈┈┈┈┈┈┈┈┈┈┈┈┈┈‼️個人覺得必試容龍嘅招牌菜 - 「芝士焗開邊龍蝦」🦞‼️芝士落得足，而且個面焗得勁焦脆，龍蝦肉又唔會過熟👍🏻不過每人食半隻係會比較”漏”，但非常滿足！ 另外，個「蜜汁叉燒」都幾出色！切得夠厚，肉質軟嫩！！我哋食完第一碟立馬叫多碟Encore！（可惜第二碟部位上冇咁靚仔，肉質就差啲，如果佢碟碟都保持到水準就Perfect池） 最後食埋個「椰皇燉鮮奶蛋白」，椰香味濃，又夠滑，為成餐飯劃上完美句號。😳…查看更多

去了容龍酒家幾十年，因為老人家的情意結。坐一個鐘頭車去只是為了吃一餐好味的海鮮餐。至從霍師傅退休後，好像風味不再，因為每次都是好有期待。𠼭酒煮𧐢味道一般 －魚兩味，勝在魚10分新鮮，炒功ok,不錯。粉絲蝴蝶蚌，好鮮味。椒鹽瀨尿蝦有鑊氣。辣酒煮花螺，味道可以。糯米焗蟹，比較濕，好多水。為一沒變是陳皮紅豆沙，好好味。…查看更多

非常美味 性价比很高 还会来 吃人均 1200左右 每道菜都很棒 芝士龙虾 加拿大象拔蚌两吃 炸生蚝 石斑鱼 烧乳猪螃蟹 甜品 椰子蛋白 红豆羹 大厅很气派 包房适合团建 10-12人特别适合…查看更多

容龍海鮮酒家位於屯門青山公路，開業巳久，已有80幾年歷史，很多名人都很喜歡去的海鮮酒家，可以自帶海鮮在酒家加功或直接在洒家選購名樣海鮮，最出名最好食的一定係他們做的芝士焗龍蝦😋，在其他地方吃不到的，做法原全不一樣，是非常香焗的亁身龍蝦，沒有芡汁，上面鋪滿香脆的芝士🧀，回味無窮😋😋😋人均消費大概$500，環境舒適，清潔，但星期六，曰最好先訂位😁，他們也有大量車位可供泊車，還是免費的🤩直得試試👍🏻…查看更多

今晚公司歡送幾位退休同事，就在屯門出名高級食府容龍海鮮酒家食晚飯，容龍真係不愧連續14年米芝蓮推介餐廳，記得早啲去參觀容龍嘅歷史，上埋天台睇大炮吖。容龍出名芝士焗開邊龍蝦，色香味俱全，芝士焗得香口，龍蝦肉新鮮爽口又彈牙。砵酒焗美國生蠔，一打開錫紙，香味四溢，生蠔焗完都好大隻，蠔邊微脆，蠔肉味香濃。豉椒炒大蟶子，大蟶子起肉炒青椒及洋蔥，蟶子肉厚及味道清甜，食得好方便。清蒸東星斑，廚師蒸魚時間啱啱好，唔會過熟，魚肉保持嫩滑，加上香蔥絲及特製蒸魚豉油，唔會過咸，更加突出東星斑嘅鮮味。蒜蓉粉絲蒸巨型帶子，熱辣辣上枱，帶子蒸得嫩滑，粉絲吸收了蒜蓉及帶子嘅精華，大家食到嘴舐舐。仲有容龍秘製焗燒鵝皇及爆炒薑蔥鮑魚煲，都好好味，掛住食，唔記得影相🤭蒜子上湯浸豆苗，可能浸耐咗少少，豆苗冇咁爽口。瑤柱蛋白炒飯，炒得很有鑊氣，清清淡淡都幾好食。…查看更多

這家有超過80幾年歷史 兼連續14年米芝蓮嘅餐廳。因為地理關係及本身沒有車，超過十年以上冇去過容龍食飯。 今次喺附近參加婚禮就順便帶家人去食。本以為米芝蓮餐廳大概消費一定好貴，但最後八百幾蚊埋單實在係意料之外。 要註明：服務態度超級好， 值得大事讚揚！我們 沒有去吃海鮮加工，只為了他的小炒而來。 因為這樣子才可以試出他的真實實力！侍應見我們是為小菜而來，就特別介紹他們現在 推廣中的啤酒小食set， 叫一碟小食 就送一支1664 Blanc。 價錢在 88和98之選。 本想試多幾味餸就叫了三碟小吃， 諗住如果太細就之後再加送餸，冇想過佢小碟嘅份量都唔細。 重點係極度好味! 尤其是一口欖角骨簡直係驚喜! 外皮脆內嫩， 汁的味道剛剛好。椒鹽魷魚 香脆爽口。鹵水鴨翼亦非常之嫩滑。今次第一次是1664 blanc有種花香味，味道很淡， 有淡淡的甜味 ，沒有平常啤酒的苦麥味，很適合女士 或不喜歡啤酒麥味的人士 飲用。除了小食, 亦加了海參豆腐和冬瓜盅， 冬瓜盅以為是少少一個冬瓜，但確實份量也不算少， 湯汁清甜。 海參豆腐 嫩滑入味!甜品方面，他有一人份的焗蓮蓉布甸， 這舊式甜品，他做得非常之好，很香蛋味之餘，蓮蓉亦不甜。 重點是外面不容易找到這款甜品的好味一人份版本。最後送嘅紅豆沙， 不甜但若然沙多一點就更多，味道是ok的! 整體整餐飯非常滿意， 冇車嘅我們，走嘅時候，大概只有uber可以幫到你。 …查看更多

3 號風球下一車六人黃昏前出發去容龍別墅食海鮮！固定程序：先去老鼠洲買奄仔蟹生蠔鮑魚龍蝦花甲海鮮🦞🦐🐟⋯⋯ → 容龍呢度高檔、烹調技巧高，好坐，米芝蓮三星級嘅招呼，性價比高！我哋都話諗唔起香港有邊間食店嘅招呼勝過今晚嘅容龍別墅，上上下下包括執枱嘅姐姐都係好細心好溫暖，招呼好好，猶勝大灣區。 記住係喺九成半入座率嘅時候表現都咁好！👏🏼👏🏼👏🏼我哋六個人都非常滿意，仲要提多一樣嘢就係揸車去食真係好方便，落大雨都唔怕。Cheers 🥂😆！…查看更多

一行十人去食收12個茶位已經唔係第一次, 落單嘅阿姐好似趕收工咁樣, 係咁催你快d落單, 落單中途就走埋添, 話要攞落單紙, 落到一半原來你一開始只是攞張紙嚟落就算, 服咗你, 浪費時間, 落單嘅時候又發出“咦”"吱"嘅聲, 咁冇耐性就唔好落單啦, 想快啲落好張單, 你係一早攞定張紙啦, 又要冇做準備, 又要人哋落得快, 去緊麥當勞咩, 收錢嘅時候明明嘅錯茶位, 居然反問我12個人咪收12個位"囉". 同你講得梗係唔係12個人啦, 例牌收錯茶位, 永遠收多唔收少, 態度又惡劣, 冇買海鮮上去, 諗住試下佢哋本身啲海鮮, 原來真係唔掂, 例如個四隻蟹鉗仔超細, 收二百幾, 差唔多收300嘅蝦得六隻冰鮮中蝦, 見到都嚇親, 冇乜味又細, 佢仲問我哋需唔需要嗌多份，只係想走，真係唔會有下次。…查看更多

容龍係三聖邨真係屹立不倒幾十年，對上一次嚟食，都應該十幾年前最近放假，喺屋企悶得耐，想搵個遠少少嘅地方行吓，同屋企人去咗屯門舊蝴蝶灣沙灘散步影吓相，之後就去三聖邨買海鮮買完我哋就拎上容龍到加工叫咗個冬瓜盅上枱嗰下我哋都嚇親，細個個茶壺，份量應該係一人份量，我哋全家5個人都唔知點分，裏面嘅冬瓜子都冇去乾淨，成個冬瓜盅得一個豬肉碎做成嘅球。賣98蚊😅😅😅千祈唔好嗌象拔蚌刺身油鹽水蝴蝶蚌呢個好食，蝴蝶蚌勁甜XO醬炒蟶子王全家都好期待，一上枱未影相就冇晒🤣個味係好好食嘅，不過加工費會貴少少招牌芝士焗龍蝦平時唔係好鍾意食龍蝦嘅我，都食咗半隻。去到必食推介。清蒸老鼠斑蒸得過火就少少嗌咗楊州炒飯估唔到個炒飯都好出色買海鮮買咗$1350，容龍除咗加工費之外打咗個$98嘅冬瓜盅同埋$128嘅楊州炒飯，埋單$1416好食就好好食，不過就貴咗少少啦…查看更多

昨晚接機後六人到三聖邨買海鮮 後到容龍海鮮酒家買了大蟶子、桶蠔、蜆、魚、龍蝦、奄仔蟹、大扇貝蜆同蟶子鼓椒炒蜆．．豉椒蟶子．．（兩樣都係冇青椒洋蔥都只係用醬炒）味道普通又咸跟出面食差很多（係感覺最差的一次）蠔．．砵酒煱冇乜味道太普通鹽焗奄仔都係普通嘅鹽焗奄仔冇特別上湯龍蝦伊麵，冇乜味蒜蓉扇貝，還可以淡淡地叫咗碟炒通菜又生又鹹食咗兩住都冇食為一好一點的是蒸魚同位後來個位亞姐的招待今次係三聖邨最差的一次海鮮唔食啲嘢餐以後都不會再去容龍海鮮酒家食又貴又差！…查看更多