家嫂一家大小

營業中

休息中

$428 1位必須打電話book枱，如果唔係openrice ok食既好似得兩個鐘Book枱要比按金！呢個做法都好，令人唔會放飛機。呢個價錢，完全滿足到所有為食既香港人因為係包括魚生刺身，前菜小食，雞煲任添，火鍋配料任食。首先個魚生，我無影到相，但完全係以震撼去形容，正所謂唔打得都睇得。好打卡able!之後雞煲，可以仼加雞，我係最中意雞，所以覺得好食，唔會死咸。之後上火鍋，個湯要左老火花膠湯，係可以飲架！飲完先開始打邊爐。咁既價錢，再有野任飲，而且唔係hea野飲野食，在坐每一位都覺滿足！仲要海鮮係仼添，雖然到最後，海鮮質素少少下滑，但都可以！真係太耐無岀街打邊爐，但呢間真係可以！重點一填，呢到服務完全係頂級，全程無需要花時間心機去諗幾時上咩野食，因為照顧非常非常週到。

依間係好出名同勁多人推介任食雞煲同海鮮火鍋，要早好多日book枱先有位。今次我一行10人去食海鮮火鍋，一坐低就上小食。黑松露蝦多士是必食，勁好味😋！我都忍唔住食咗四件，但我要停手啦！要留返個肚食雞煲同海鮮呀！朋友唔食得辣只可以要微辣雞煲，食完雞煲就到戲肉，花膠雞湯湯底。我們每人來飲一碗老 火湯，之後再食好好味的海鮮火鍋大餐。蝦同蟹勁新鮮！蝦送上枱時仲會跳跳下！今日依餐好滿意！

因為下周爸媽唔係香港，所以提早食母親節飯。我地book左食lunch $298 加1，11點食到4點。（5大2細，大小同價，埋單2千幾）小食：炸茄子加麻醬，煮蜆，齋，黑松露蝦多士，酸薑皮蛋刺身船（好新鮮）：帶子，牡丹蝦，象拔蚌（5位以送象拔蚌同香檳），油甘魚，𩶘魚，三文魚（正常），八爪魚，北寄貝，鮑魚食完刺身職員問係咪可以上雞煲，有唔辣，BB辣，大辣。我地食唔辣都好野味，入面有冬菇，有豬皮，D雞係冇炸過既好嫩滑。仲有大大隻蒜蓉蒸扇貝一齊上，食材新鮮好味，蒜蓉佢係加生蒜所以有d辣。我地冇encore雞煲，因為都開始飽。上邊爐，有7款湯底，我地揀左椰子因為想清甜d叫左牛同豬（2款肉都好正，食得出唔係平野），個海鮮盤2大盤好吸睛，鮑魚大大隻，珊瑚蚌，魷魚，鱔，蝦，沙白，花膠，蝦滑讓冬菇，鯪魚丸，墨魚丸（），豬肉丸，黑白腐竹（好香好滑），炸魚皮（好脆），響鈴（麻麻），韮菜雲吞，豬肉雲吞，雜菜。野飲同雪糕都係任飲任食，熱飲得2款紅棗茶同竹蔗茅根，雪糕係榴槤，椰汁紫米，椰汁香芋，凍飲就有好多款又有氣水又有多款自家製養生茶，仲有3款特飲包括巨蜂提子菠蘿梳打 白桃梳打 話梅咸檸梳打。屋企人食完好滿意，

✨✨有特色前菜、刺身、雞煲、海鮮打邊爐，仲有多款自家製的飲品，食物多元化，而且味道唔錯，值得推薦的店👍🏻👍🏻刺身船真係好打卡able, 上菜時有驚喜和震撼感，而且刺身新鮮又多款式，食得開心又有視覺效果。雞煲的賣相不錯，味道適中，不會過份濃味和鹹，而且上菜的煲和煲蓋都非常有特色。海鮮打邊爐來講，海鮮尚算新鮮，蟶子、桂花蚌非常鮮味，不過好快就冇晒貨，貝殼類鮮甜，打邊爐正呀🍲呢間店食物豐富，價錢不是太貴，值得一試，而且環境寛敞，多人相聚也可以。🙌🏻

今日黎到家嫂一家大小聚餐，呢間鋪頭係朋友推薦，話食材好新鮮高質，好抵食，所以就一大班朋友過黎食飯。同行有9個朋友，安排左我地係房裡面食，環境好大，非常舒適，適合一大班人聚會👍👍我地今日係食佢地嘅放題，💰398一位，未加一，另外仲叫左兩條象拔蚌刺身💰476，同埋9個雪燕燉椰皇💰225，時間係5點開始到10點，我地就揀左7點開始食，都好夠時間，因為上菜快。餐廳提供左多款自家製飲品，有各款養生茶，冷熱都有，特色飲品仲可以另外同店員落單，例如白桃🍑 梳打、巨峰梳打，適合唔同人需要。另外醬料區超級多醬料，相信大家都可以調到一個好味嘅火鍋醬😎😎首先一開始會有一大堆前菜開下胃，前菜一啲都唔馬虎，有黑松露蝦🦐多士、皮蛋酸薑、紅糖糍粑、胡麻茄子等，全部都好食，不過大家要留肚，唔好食咁多，後面主菜先係重點😽食完主菜就會上超級豪華刺身船🚢，船有一米半左右，上面鋪滿大量刺身，有鮑魚、蝦🦐、北寄貝、毛蟹🦀️、三文魚🍣、八爪魚🐙、帶子、蠔🦪等，全部魚生都好新鮮，我地9個人全部清曬，呢個刺身船係無得encore。另外我地驚唔夠食，仲叫左兩條象拔蚌刺身，都好新鮮👍👍👍不過如果人少可以唔使叫，因為刺身船已經好足夠🫣🫣之後

🦀🦀🦐🦐之前食過旺角分店都已經覺得好好食，今次佐敦店新開，新環境新裝修當然都想試下火鍋放題($398加一)先有多款小食、再上1.5米刺身船，加埋雞煲、最後係海鮮火鍋，基本上所有配料海鮮都係任食放題👍🏻👍🏻👍🏻小食最值得推介係松露蝦多士，好香好脆好熱辣辣，每人都encore左次👍🏻👍🏻👍🏻至於重頭戲海鮮火鍋，一盤有蝦、鮑魚、貴妃蚌、珊瑚蚌、聖子、沙白，相當吸引，蝦好彈牙好鮮味，聖子沙白都非常新鮮，五人以上仲有蟹，放落去令到成鍋既新味進一步提升，加埋其他火鍋配料，100分👍🏻👍🏻👍🏻最後可以加$25 order 雪燕燉椰皇作為甜品，椰皇熱辣辣好香好滑，食完超級滿足

勁多嘢食！先來多碟小食，最好味係皮蛋，任叫任食。繼而蒜蓉蒸扇貝，好味但再熱d更正。第三輪係刺身，好新鮮！如果5人光顧，會成隻刺身船上枱，仲加送象拔蚌，賣相殺晒。可惜我地得4條友，下次一定要加人。第四輪上雞煲，雞肉都嫩滑嘅！但始終未夠麻辣！第五輪先上火鍋，齋打咭個鍋都值。貴妃蚌、鱔片、鮑魚、花甲必食回本，生蚝、肥牛吾掂。蔬菜新鮮，都拼晒花。最後一讚係自家制飲品、雪條、調味醬都多元化。靚女招呼服務親切。午市時段1130食到1600，$298加一，朋友暢聚一流。總評，一定會後會有期！

朋友仔牛一揀左家嫂食生日飯🥰🥰之前食過柴灣同尖沙咀分店都幾好食😋😋今次決定試下佐敦分店🤗🤗可能因爲剛剛新開，相比起其他3間，呢度比較容易book位😝😝一行7人坐底後，就先送上餐前小食，佢地嘅炸蝦餅真係百吃不厭 🤩🤩我地加左$2xx嗌左象拔蚌刺身，size唔算大，味道鮮甜👍👍跟住就送上豪華刺身船🥰🥰朋友們嘩聲四起，絕對係打卡首選🤓🤓再黎就係雞煲了，雞煲個人覺得不過不失，所以無再refill☺️其實黎到呢度已經有6分飽了，換上老火花膠湯底打邊爐，再送上海鮮併盤同其他食材，打邊爐前記得要飲返碗湯先好加材料action喔😚😚天呀！點樣先可以食得哂呀 😅😅雲吞菜肉餃有驚喜😍😍蟶子有少少沙🙃🙃幾款自家製嘅飲品都好飲，紅白酒好似7點開始就有餐酒車免費送上，個人覺得白酒比較容易入口🥂🥂今次因爲新開張所以只收現金，希望下次再黎嘅時候可以收信用卡啦💳

難得一次同事聚餐，開餐前已食左一肚氣。話說明明我地book 左10 個位，去到得9 張櫈加張圓櫈，問呀姐話今日full booking 無晒櫈，得圓櫈🙄再問多兩句就話"你地真係好鬼煩"仲"車"開張櫈，差d 撞到我同事🤬之後同事問呀姐姓咩，呀姐答，唔會講我地知，但用鄉下話同d 同事指指點點我地。之後佢態度雖然有改善，但都難以忘記今餐飯既經歷😮‍💨😮‍💨😮‍💨如果唔係同事聚餐而家俾左訂金$500，呢餐飯一定唔會食，海鮮食物質素係ok 但咁樣食一肚氣，下次請都唔會去俾錢買難受🙄Ps 呀姐係短髮，有條金粗手鏈，可能佢係皇親國戚掛，可以咁既態度😂😂😂

同事大大推介呢間無限時任食雞煲、火鍋，包括紅白酒，飲品都係任飲所以立即約埋可個知己去試下，去之前睇下食評，見到有d負評，主要係投訴服務差，所以當刻有 d擔心，最後…完全唔係果回事，相反地，每一位店員都好好服務，周不時主動問要唔要加海鮮，加白酒紅酒，十分周到！如預約左的話，用餐前一晚會有 whatsapp 問要唔要預訂雪燕椰皇，要唔要預留免費既花膠湯底，要唔要預訂象拔蚌刺身，只要日一天通知，會安排妥當。環境方面，十分乾淨，闊落，唔會迫迫夾。入座後，店員馬上送上餐前小食，如唔夠的話可以再添，之後會端上熱竦竦既雞煲，雞煲亦係任食！由於我地主攻海鮮，所以雞煲都係少食😄然後就黎刺身【刺身係冇任食】， 刺身原來係時令，唔會話一定係d, 但都係好新鮮。品嘗刺身後，就係主攻既海鮮鍋喇，先講講呢度係冇 menu, 頭輪會先上各類海鮮，但有d海鮮要主動問店員，例如蟹、鮑魚等等，總之唔好怕醜主動問店員！海鮮樣樣都好新鮮除左海鮮，亦有其他各類火鍋配料如餃子，牛、豬、菜、炸魚皮、鮮竹……等等，多到食唔晒！飲品方面，有紅、白酒，一支支既養生飲品，仲有要特登 order 既咸檸七既手工調制飲品仲有任食當日時令糖水！

💥點解會咁full呢究竟📍家嫂一家大小｜佐敦📍人均消費 $ 4 X X#CL佐敦 #CL四圍食 #CL中餐⚪️⚪️⚪️⚪️⚪️⚪️⚪️⚪️⚪️⚪️OPENRICE好似幾多好評就黎黎感受下😉平日晚上我地有電話訂座：$398+10%📌 呢個價位大約係放題同自助餐中間啦～下面講下👧🏻食左咩啦，其實就唔多選擇的而且都唔算係自己簡…因為店員係會上哂佢menu有既野🤔其實就唔多既：幾碟小食前菜🥙、每人每款一片魚片🍣、雞煲🥘、海鮮火鍋🍲最令👧🏻R晒頭係有時都唔知自己食緊咩又無MENU睇🙉想ENCORE 又唔會有紙/APP，反而要同店員落單，成件事變得好複雜，唔知係咪想麻煩啲等人食少啲🫣同埋有啲上左枱但我地根本就唔食既感覺好浪費🙁刺身雞煲都正常發揮，海鮮火鍋都幾多海鮮簡同埋都新鮮🫰🏻有啲搞笑係refill先有蟹🐚有一兩個小食都唔幾特別，我地估係胡麻翠玉瓜同螺仔😂不過最後加錢要咗個椰皇燉雪燕，呢個係最好食🤤除非朋友指定，如果唔係應該唔會回頭了🙈🤟🏻不負責任點評好味道🌕🌕🌕🌕🌕🌕🌕🌑🌑🌑性價比🌕🌕🌕🌕🌗🌑🌑🌑🌑🌑回頭率🌕🌕🌕🌑🌑🌑🌑🌑🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️

一入到餐廳，地方闊落，裝修雅致！ 好似好高級咁！野食選擇多！ 有魚生，海鮮（蟹，珊瑚蚌，蝦，鮑魚等），雞煲等！ 仲要白酒紅酒任飲！唔飲酒都仲有好多養生果茶！cp 值高 ！服務態度都好好，不停問有無野要加🤣難怪就算平日都好爆場！最好先book位

想投訴你們新開既佐敦分店明明book 左位11/2 19:30, 職員更回答我可以17:30食到22:00前一日都打黎都已confirmed booking 我會黎但我19:30黎到，居然說冇留到枱比我地，話我哋17:30冇人到，所以說冇留枱比我！！這是什麼服務前一日都已confirmed booking la咁17:30我未到，但我book左係19:30而且電話到冇講話過幾奈就唔會留枱喎，加上又冇打電話通知我一聲已就直接取消我張枱，咁做咩之前打黎comfirm booking 呀！！希望反映比你哋知，並改善此問題，謝謝

呢個放題不得了啊，由任食小食，限量刺身，任食雞煲，任食海鮮打邊爐，真係滿足曬幾個願望😆仲要無限時，由5pm到10:30pm，真係淨食海鮮都回本！餐廳由侍應落單，想食咩要同姐姐講！食物嘢飲湯底都係自家製，好有誠意，真心高質好食，有朋友已經食第三次！留意雞煲係冇得返轉頭再叫，小食幾時可以encore，可以跟人頭落單，份量同數量都可以自選。🍴環球海鮮火鍋放題 $398 另收加一 (9/10)🍴蝦多士 (8/10)即叫即炸，蝦肉彈牙，好香黑松露味！🍴黑糖糍粑 (8/10)即叫即炸好煙靭，最驚喜係入邊有流心嘅黑糖，勁方便又唔使再沾黑糖！🍴皮蛋姜 (7/10)酸酸地，好開胃！🍴螺肉 (7/10)用咗沙律醬去撈都好夾！🍴酸菜魚 (8/10)酸酸辣辣，魚肉都好嫩滑！🍴刺身 (7.5/10)三文魚好肥美，魚都好正常呀，帶子都正常，鮑魚腍身，花蟹好多羔都甜嘅，蝦肉係腍嘅，八爪魚到爽口，但整體嚟講比出面嘅刺身都算係好食！🍴雞煲 小辣 (8/10)有炒香過，入邊有辣椒芫荽，雞肉好香口，辣辣哋，食落好嫩滑！🍴家嫂花膠湯 (10/10)限量，book枱時十入邊有花膠蘿蔔蓮藕，真材實料，非常香濃好有膠質，有雞嘅香味

朋友極度推薦這一間，聽聞最近在佐敦開了新的分店，一於拉大隊去試吓。新店位於彌敦道，佐敦地鐵站一出就係，地點好方便。一入門口一排雪櫃，有很多不同的自家製飲品。金羅漢果山楂茶，香茅鮮檸檬薏米水、百香果西柚、竹蔗茅根水、杞子雪燕茶、蘋果雪梨烏龍茶、紅棗圓肉杞子茶…….種類非常多，還有熱的竹蔗茅根水等，淨飲品已經大滿足。餐前小食任叫，黑松露蝦多士，豬紅酸菜魚，燒茄子，皮蛋……..每一款都非常精緻，比較喜歡松露蝦多士、很新鮮很脆。餐前小食後，就是一個非常誇張的刺身船、賣相非常精美，刺身有生蠔、牡丹蝦、帶子、北寄貝、三文魚、䲞魚、八爪魚、鮑魚、凍花蟹…..刺身，味道新鮮。之後就食雞煲，雞煲揀了小辣，味道很香，雞肉都幾滑，份量按人頭計。食完雞煲，馬上上海鮮火鍋，要在一個花膠湯底，花膠有8塊，湯味濃郁，侍應建議先飲湯。海鮮種類很多，有蝦🦞 蠔🦪，蟹🦀️，大蜆，鮑魚、白鱔、沙白蜆、珊瑚蚌、鮮魷魚🦑⋯⋯肉類就有：牛肉和豬肉。重點係可以任食任叫。鮑魚、蟶子、蝦🦐、珊瑚蚌都非常新鮮，白蟮爽口，蜆就有少少沙。紅酒白酒任飲🥂。雪條任食，但只有三款：榴槤味、紅豆味，椰子香芋味。最後還有番薯糖水。晚餐時間由晚上五點至晚