家嫂一家大小

營業中

休息中

今日去咗佐敦家嫂同朋友食生日飯，食物和服務都尚算滿意，但是結帳時，發現帳單沒有扣回已付的訂金$500，我即時告知來結帳姐姐啦，她直接取回帳單，再拿回更正後的帳單來結帳，但由此至終也沒有任何解釋或表示任何歉意。心諗，不知是有意定無意沒有扣回訂金，佐敦&尖沙咀分店例牌要收訂金，諗唔到有什麼理由會漏扣囉🙄。忘記…？以結帳姐姐當時的態度，好難令人相信囉，只覺得是自己好彩，沒有做其中一個傻仔吧。之前都頗喜歡和會推薦比朋友，因為環境尙算寬躺，食物都滿意，整體服務尚可。但經此一役，要分享一下是次經驗，日後如有機會重臨的時候，記住記住記住…要睇單，否則就要做戇居的豪客，比$500 tips喇。

今次同朋友食團年飯，繼續去佐敦分店，訂位時已順埋訂埋椰皇燉官燕。與尖沙咀分店相比，裝修格局擺位會較闊落，唔會人撞人。有了經驗不會多食前菜小食，黑松露蝦多士及紅糖糍粑(必推介)。1. 刺身船：有三文魚、吞拿魚、紅蝦、帶子、鯛魚、鮑魚(每位半隻)、海膽配紫菜，今次5人都有船，船幾大打卡一流。刺身高質，海膽無腥、無苦澀、無怪味鮮甜，夾紫菜食一流。2. 雞煲(SKIP)，雞煲冇特別意慾想食+留肚食海鮮。3. 海鮮火鍋：花膠雞湯底(先飲湯後打邊爐)：材料有花膠、雞、杞子，湯味好甜。首輪會每樣海解鮮都有，先上新鮮鮑魚(旭旭下)、貴妃蚌、花甲、蜆、蝦滑釀花菇、八爪魚、鱔、海蝦、珊瑚蚌，之後就可以想食邊款就再叫，另外要晚上19:30 先可以order 蟹，令到個湯更鮮甜，一落肥牛湯就唔建議飲。4. 外面醬料區 & 飲品區都係任添，飲品區除了特飲，還有2款熱飲，仲有1款係特別落單就係鴨屎香凍檸茶，茶味好香。5. 椰皇燉官燕：鮮奶混椰青水燉蛋白又香又滑，已飽到食唔落椰子肉。*蕃薯糖水是本身舖頭會送的甜品。非常高質嘅用餐體驗，除了高質食材外，更展現了餐廳對於品質的追求和用心，落單途徑是採用人手。鐘意海鮮必定

我最近光顧了佐敦的家嫂一家大小，環球海鮮火鍋放題包括雞煲、火鍋、刺身船和任食海鮮。小食一坐低侍應先上小食，小食可以任叫的。這裡的小食種類繁多，有黑松露蝦多士、紅糖糍粑、上湯雜菌、麻辣寬粉、麻辣花生和炸茄子。蝦多士外層酥脆，加上黑松露的獨特風味，是一道既美味又精緻的小食。脆脆地的糍粑，加上不太甜的紅糖，令人驚喜。刺身船刺身船有成張枱咁長，上面擺滿了各種新鮮的刺身，份量是計人頭的，而且不是任食的。雞煲我覺得它的味道有點淡。可能是因為我選擇的是小辣口味，所以味道相對較輕。花膠老火湯底火鍋湯底非常濃郁，而且花膠的份量也很大。特制雪燕燉椰皇雪燕非常多，燉蛋好滑順。、

特別之處係夜市可以由5點食到10點足足5個鐘！！！任飲任食！！！同餐廳個名一樣 適合一家大細成班friend嚟邊傾邊慢慢食🥰飲品仲有特色手搖、酒都有幾款🍷🍻🍹前菜有高質特選小食(任食)、季節限定刺身中段有花甲雞煲 色香味俱全🤩後段有推介花膠老火湯鍋(老雞/火腿/家豬/雞腳/陳皮/花膠)另有6款四季明火熬製湯底可選，勁👍🏻👍🏻👍🏻🌟聽得太多朋友介紹，一大班人第一個打卡位係(5人以上)超巨大刺身🌕船(今次小妹得兩個人見唔到真身就有少少遺憾🥺) 然後令人驚喜嘅高質精緻前菜（推介紅糖糍粑、炸蝦多士、炸茄子)，竟然係任食，未打邊爐已經食到飽飽，中段仲有一個花甲雞煲😧講到打邊爐，最吸引係任食海鮮拼盤船（🐟🦀🦐)，每日有8至10款時令海鮮(鮑魚、蠔、鱔、蟹、貴妃蚌等，任你order😲仲有多款手工配料，例如蝦滑蘑菇、即炸響鈴、手打三色丸、新鮮手工雲吞水餃等，真係要慢慢食先可以試得晒🤩(不過肉類方面就有啲失色，極上牛肉同豚肉卷就唔需要嘥quota去食，留返嚟食海鮮更出色🙌🏻)另外有四款時興手搖，包括手打鴨屎香檸檬茶(太多檸檬，有少少澀）、水蜜桃/巨峰提子菠蘿梳打(極推介，相當出色)、星加坡鹹檸七梳打，餐

行到佐敦咁繁華嘅彌敦道，竟然發現一間令味蕾飛上雲端嘅好地方。喺這裡，本身對飲品冇乜期望嘅我，都忍唔住要讚一讚佢哋自家製嘅冰凍金羅漢果山楂茶，一啖口，解渴得嚟又清新，瞬間令我精神番晒嚟！減肥？當我冇聽見！犒賞自己，我就直頭揀咗個金沙黑松露蝦多士。脆口多士夾住香滑嘅黑松露醬同爽甜嘅蝦肉，簡直係絕配！每一啖都夠哂味，彷彿蝦蝦哋話：「哈囉！今日我係主角唔好意思！」咁嘅感覺。跟住嘅海鮮船，賣相100分！每樣海鮮都係話題豐富，新鮮到喺舌頭上跳舞；其中帶子同北寄貝，簡直鮮甜到哩個字都唔夠形容，見到海鮮勁搶眼，小辣嘅青菜豆腐湯都顯得雖則樸實無華，但滋味攝魂，尤其係花膠嘅滑潤同湯底嘅濃郁，令人飲一啖湯就忘記所有煩惱！飽飽地食完呢一晚，心情大好，實行係滿足到講唔出嘢嘅境界！大推薦畀啲想一試無悶海鮮同心思巧妙搭配嘅食友們！下次記得帶埋班友，分享埋呢份得意滋味！👏🏻🌊⭐

家姐呀嫂食過 話放題幾好 就叫我跟埋嚟(´▽｀)咁基本程序係小食➡️刺身➡️雞煲➡️打邊爐*小食印象中係蝦多士，炸茄子，魚仔花生，涼拌唔知咩粉同菇 大概咁上下嘢啦～ 無咩特別 無話好好食同好難食 因為我都係食左件蝦多士就停手 我無乜興趣😂 依啲都可以追加*刺身基本有三文魚，帆立貝，北寄貝等等 唔記得咗影左😂 但我記得有海膽(⁎⁍̴̛ᴗ⁍̴̛⁎)好似因人數而有唔同 今次6個人所有人好似*雞煲 🐓 揀左中辣 個雞煲真係好窄洗～ 好咸又唔香無辣戴返頭盔先 可能係單單因為我個人口味問題 冇乜點食 覺得好浪費 (;´༎ຶД༎ຶ`) 雞煲真係有好大嘅改進空間 *邊爐🫕揀左花膠湯底湯係幾濃 啲海鮮好新鮮 上到枱仲曉郁👀蟹🦀 蝦🦐 貴妃蚌 蜆都可以無限♾️追加 牛肉 豬肉都唔算太差 總括人頭五舊有找都算係咁但個雞煲真係唔掂 ☹️ 真係考慮下cut左佢 價錢平返啲 又或者係改下個雞煲品質！這是必須的特別一讚 有位叫唯唯？又或者叫蕙蕙？佢好好人 會留意我地有咩需要 幾忙都好會主動幫忙 ❤️服務一百分💯

早兩個月嘅時候有朋友就嚟要移民，問佢走之前想食啲乜嘢，其中一樣講起嘅就係雞煲/打邊爐！🍲 而咁啱我哋都無食過「家嫂」，就決左book位試試佢😛 除咗有雞煲同邊爐，仲有刺身船+任食海鮮！淨係睇餐牌已經夠吸引～ •🥢 環游海鮮火鍋放題 $428/位 (晚市)📸 季節當造刺身刺身唔係任食嘅，只會上一次～ 因為我哋得4個人食，所以就係一盤～ 同場有見到其他枱多人食就有隻成張枱咁長嘅刺身船🫢 不過其實刺身款式都算多：油甘魚、三文魚、帆立貝、大蝦、北寄貝、八爪魚同埋一碟辣辣哋嘅醃魚生（有啲三文魚粒、八爪魚、青瓜、芝麻同埋蟹籽）～ 刺身質素都唔錯，解凍得好好，而且切得厚薄適中～特別一讚原粒上嘅帆立貝，好厚好大粒😛P.S. 之後睇返人哋食嘅相，刺身款式好似都會隨人數而增加，人少好似無咁抵🥹•📸 精選𠮩𠹌小食食完刺身，一下子就嚟咗7款小食😯 黑松露蝦多士、紅糖糍粑、麻醬螺肉沙律、上湯雜菌、麻辣寬粉、麻辣花生，同埋一碟好似翠玉瓜但原來係青色嘅茄子🍆鍾意食麻辣嘅朋友都覺得麻辣兩款幾惹味，但寬粉嗰碟就入味啲，而且寬粉好q彈～ 炸嘅兩款都炸得乾身唔太油，但紅糖糍粑就較有驚喜😛 表面脆脆哋，入面好煙韌，再加埋個

食物種類多，但上菜速度超慢，而且服務態度差之餘重要口黑面黑，明明就話可以坐到11點，但10:30 就巳經直接熄左個爐，跟住我地影相時重要不停地係我地前面執台，下次都唔洗再幫襯！

一行人一早訂左位，俾左500蚊訂金，6點鐘就到達餐廳準備無限時任飲任食啦。一到達，店員就上左6道任食既前菜，其中蝦多士，清酒煮蜆同紅糖糍粑，係encore 之選。下一round就係魚生刺身船，吾係任食，預好每人入量上枱，都好新鮮，有大toro,鮑魚同海膽等。再下一round係麻辣雞煲，由於留肚關係，我地無再添加就直接去任食邊爐環節，可以任點豬牛肉，但肉質普通，不推薦，海鮮任點，推薦鮑魚，貴妃蚌同白鱔，另外，菜、丸同餃子都可任點。任飲嘅飲品都幾多元化，但對於我就有d偏甜。我哋仲事先留左一條象拔蚌刺身，幾新鮮抵食。

之前光顧過尖沙咀分店，今次遲左book，佐敦先有位。地理位置位於佐敦新樂酒店範圍內，要行樓梯先上到去，餐桌之間有頗大空間感唔會好窄，裝修格局擺位大致上與尖咀分店一樣。1. 多款前菜小食(任食)，黑松露蝦多士(必推介)、螺肉沙津等2. 刺身船：有三文魚、吞拿魚、紅蝦、帶子、鯛魚、鮑魚(每位半隻)、海膽配紫菜，想有刺身船是與人數有關係，上次4人就冇俾船，今次6人就有船，隻船都幾大隻 & 壯觀，打卡一流。刺身高質，特別一提海膽，無腥、無苦、無澀、鮮甜的。3. 麻辣雞煲(小辣)：好食，無坊間咁濃味，雞煲不是重頭戲，所以只食了一轉。4. 有多款湯底╴店員推介想飲湯可試花膠雞湯底(先飲湯後打邊爐)：材料有哈密瓜、花膠、雞、杞子，少可有哈密瓜，令湯味道更甜。5. 海鮮火鍋：首輪會先上新鮮鮑魚(旭旭下)、貴妃蚌、花甲、蜆、蝦滑釀花菇、八爪魚、鱔、海蝦、珊瑚蚌，之後再order 每樣海鮮黎一份就多左蟹，雖然有叫牛肉，在過程中享受海解盛宴都冇落過海鮮以外的肉類，湯底亦越來越鮮甜。6. 外面醬料區 & 飲品區都係任添，飲品區有多款夏日特飲，更有3款係需要特別落單。7. 蕃薯糖水，已飽到食唔落，海鮮之佔據肚肚

一家大細，記住‘唔好去’4歲小朋友，收成人正價，去到先知，又冇小朋友價祗係用高度，90cm限制,高大的概小朋友，2歲都過話任飲，要7:30 先開始派，其實限住唔比人自己攞，祗係由人派，差唔多30分鐘先加到一次,以為佢啲酒好好，其實質素非常一般有啲搵笨😡😵‍💫啲蟹又冇肉又梅，一般食物質素牛豬每樣得一種，食物選擇非常之小配料係幾多概，飲品選擇都多但係有小朋友，真係唔好去，唔岩《一家大小》間餐廳有啲小家，唔係好襯佢個名。

我哋一行11人訂座，俾咗張10位枱已經迫迫地，未開餐前待應阿姐已經order我哋咁款嚟擺好自己個位，好似擺酒咁要求留一個上菜位，仲要闊落過我哋坐嘅位，大佬呀，已經坐得迫仲要開多個位俾你😑，後來我話想上菜時直接起身俾你啦，阿姐先肯罷休。由於有朋友未到齊，要求食咗雞煲後再食刺身，阿姐威嚴地話唔得，公司規定上菜次序唔可以改，明白嘅公司行政安排，真係第一次聽🤣。上刺身船之前又大鑼大鼓要求左攝位右攝位覺得好擾民囉。WhatsApp訂枱時，店員推介燉椰皇甜品，於是訂咗三個試吓，食到9點咁上下，當時仲食緊火鍋，阿姐突然話椰皇燉好咗而家嚟，我哋話未食完嘢而且冇叫到而家上，阿姐又理直氣壯咁話廚房師傅整好咗所以而家上，呢下我真係嬲左，問阿姐邊個係客人，你哋間食店話點就點，全程order客人番食嘢安排，真心真係勁嬲一肚氣😠😤！！其實除咗刺身正常啲之外，個雞煲淡而無味，火鍋料好一般，唔值得影相，價錢係$428再加一，真係好多地有得食而且唔使受氣。重點係全程唔係一個阿姐嘅威嚴，係兩三個阿姐都係咁嘅口吻order客人，估計應該係食店嘅文化，難得約齊11個朋友開心慶祝生日，換來發火受氣的一餐，就算幾好食首都冇用，況

家嫂一家大小提供前菜，刺身，雞煲，打邊爐一系列的進食過程。大量自家製健康飲品在雪櫃，任君選擇。家嫂的餐具也很別緻，地方闊落，坐得舒服。侍應亦有傾有講，會提示食物煮食的時間。前菜已經有很多款，每款試食完，都已經有飽肚的感覺。雖然朋友覺得有些前菜並不吸引，但是味道也不差。5人以上有大大隻刺身船，打卡一流。刺身質量不錯，欣賞家嫂的品質。雞煲惹味，新鮮熱辣，不夠可以再加。打邊爐有幾款海鮮，其他食物亦很新鮮。這個價錢有一系列享受，性價比高，食量大的朋友不妨一試。

兩個人晚餐，連服務費一共係$942簡單講下，食物質素可以，刺身都算新鮮，雞煲也嫩滑，火鍋食材也不少。整體不錯。但以這個價位來說，管理同服務質量真係好一般。都唔係要咩五星級服務，最起碼的，服務員企係旁邊落order，要記得上菜吧？吃到最後，明明order咗糖水，其他檯都上曬，就係沒上我地份，明明睇住推咗成車糖水出嚟係我地旁邊經過，居然可以上曬俾其他人就係我地沒。唔問就當沒事發生，問就得一句唔好意思沒曬了，真係好令人失望。係咪要客人係糖水車係你旁邊經過截住你先會有碗糖水吃？管理水平之低令人震驚。可能唔會再幫襯。

🆅🅰🅻🆄🅴.🅵🅾🆁.🅱🅴🅻🅻🆈家嫂一家大小 (佐敦)最近同一大班friend食咗間性價比超高嘅餐廳😂就係 #家嫂一家大小 Book枱之前上網睇到有啲評價話只係一般，好彩親身試吓先至無走寶🙂簡單啲講，除刺身外，小食、雞煲、打邊爐、酒水都係任飲任食無限時！一坐低，家嫂們先上小食，有蝦多士、蜆、螺肉、紅糖糍粑…(太肚餓無影相😂) - 全部食物都好ok🙂之後就上刺身船，會跟人頭安排份量，訂枱5人以上會有海膽同蟹🦀 - 刺身質素幾好！少食海膽嘅我都入到口！隻蟹初初以為係裝飾🤣，打開發現爆糕，有驚喜🤩清枱後上雞煲，有得揀辣度，個人覺得BB辣幾好，雞入味唔晦，另有蜆、豬皮、冬菇。但個人認為應留肚食火鍋！🤣🤣再再清枱後上打邊爐鍋，湯底一啲都唔hea，book枱當日家嫂會聯絡你預留👍🏻食物重點有：貴妃蚌、薯仔蜆、BB蟶子、蠔🦪、鮑魚(新鮮到上枱仲識郁！)、桂花蚌、鱔件、花膠、魷魚、極上牛、豬🐽另有：響鈴、炸魚皮、腐竹、手打丸、餃子、蔬菜盤、烏冬…(其實食重嘢已經好飽😂)海鮮中上質素，對得住個價錢！起碼我呢個玻璃肚食完冇肚痛🙂啲蚌同蜆鮮甜，無食到有沙，牛普通偏肥，豬反而幾好味😋飲品方面都係嗰啲啦，特飲值得