家嫂一家大小

營業中

休息中

去食之前睇OpenRice 有無伏就一定，講到服務態度差都有d驚。但朋友強烈推薦，就照去。服務態度勁好喎，起碼佐敦呢間無問題。去到 首先有十款前菜任食，之後等齊人就上刺身，用超長既船條裝住又發光又出煙，好啱打卡～食完就雞煲，食完雞煲再換煲打邊爐，又無限時慢慢 一邊吹水一邊食

家人提早做節，我哋揀咗去「家嫂一家大小」打邊爐，上網看了食評同相片都已經夠吸引，訂了枱準時到達，到步先揀飲品，點了些前菜，再等齊人先上一隻船 (刺身船)，之後雞煲（辣／不辣），然之後打邊爐（花膠湯底），最後有雪條糖水。餐廳仲有提供紅酒白酒清酒任飲，總結這餐飯充滿驚喜。

Office 大家姐生日一大班人大個想食既野都唔同呢個唔食生冷野 呢個唔食牛 呢個想飲酒我腦入面就諗起家嫂 唔洗煩 想食咩都有手搖飲品 檸檬茶 紅白啤酒 sake 齊哂一黎就上左小食先 蝦多士 炸九肚魚 皮蛋 等等 但冇左之前係其他分店既辣西瓜之後就上刺身船 勁誇張有埋海膽同魚子醬 其實刺身每人一舊再之後就係任食雞煲最後既重點係放題打邊爐 所有野 包括識郁既海鮮都係任食 我自己食左六隻番到屋企發覺有咁太飽基本上每年都食一次 大部分分店都食過哂Keep 到水準 姐姐個個都好好 呢個價格 呢個質素 冇得頂

預訂了5點到7點時段，一開頭嘅服務都好好，意外地員工姐姐有介紹自己叫咩名！到6點半左右，仲好多嘢食唔切，有另一個侍應過問加唔加單，因為cut order（態度十分唔友善）跟住不斷有侍應過嚟催交檯，又不斷叫我哋淥晒啲嘢落去，我哋都未食得切，跟住又過嚟收嘢，最過分係佢直接拉架車埋嚟收嘢！其實見到客人枱面一大堆未淥嘅嘢，可以禮貌啲同人哋講而唔係超冇禮貌過嚟催交檯（隔一兩分鐘就走過嚟嗰一種）！對比起第一個員工姐姐，呢嗰個服務差得太遠！呢間嘢無下次

預訂了5點到7點時段，去到只有2台客。 坐低開始上小食，炸茄子，蝦多士，凍食辣蜆仔，味道一般般，可以skip。慢慢地終於上刺身船，打卡一流，但三文魚、帶子、油甘魚、墨魚片都鮮味欠奉，海膽還好，魚子醬得個鹹字，非常失望。雞煲反而無過鹹😂，正正常常，只有幾片豬皮做配料。等了一陣先上火鍋料，有珊瑚蚌、鮑魚、沙白、蝦🦐、鱔片、蠔🦪、脆肉鯇片、雲吞和肉丸、蔬菜藍、炸魚皮枝竹、牛肉一碟。 海鮮無預足人頭數，有部分只夠一半人份量。都係老問題，海鮮無咩鮮味，蠔只有腥味，沙白真係好多沙🤣。 雲吞肉丸類係下價酒樓中午蒸點心水平，竟然係山竹牛肉的味道質地🤣。牛肉唔係特別靚，有些許牛味可惜有啲韌，要食完牛，問侍應先有得上豚肉，呢碟反而好過牛，肉質鬆軟啲。蔬菜藍，勁多唔知咩瓜，菇🌽都無條上完豬肉，侍應已經話last order 😅，不過野食一般，都無野想叫。全晚其實無出現過餐牌，餐廳根本唔預你 reorder 火鍋料，客人只能逐樣問有咩可以叫。 好快就有侍應不斷催交檯，好多嘢食唔切，不過餐廳都無浪費，看著她們將食了三分一的蔬菜藍攞返入廚房，下檯客會繼續食埋它😁2個鐘時間，超過一個鐘先上火鍋，啲野無預先set

一開始，店員便先講清楚食店上菜及進食的流程。除了刺身，其他如雞煲、餐前小食（炸蝦多士、炸茄子、蒜蓉蒸帆立貝等）、海鮮（鮑魚、鱔、蝦、蠔、珊瑚蚌、大蚌、蜆等等）、牛、豬、手打丸、枝竹、炸魚皮等等。飲品除了汽水、王老吉，還有自家製竹蓆茅根、水果茶等。那刺身船真的很震撼，刺身厚切，鮮甜肥美，還有海膽、魚子醬。刺身有珍寶帶子、鯛魚、章紅魚、八爪魚、大大隻的紅蝦。。。真的很開心🥳。蒜蓉帆立貝都幾大隻。生蠔滾完都是飽滿大隻，不太縮水。所有刺身和海鮮質素高。午市無限時，我哋1點坐到3點半，期間上菜快，店員還多次給我們器皿處理骨殼及執拾。三百幾很抵👍🏻

其實由一入門口個下開始班呀嬸態度已經好差。唔講真係以為自己去錯左d街邊大排檔。由頭到尾都係比人黑口黑面呼呼喝喝，食到最後仲衰，阻人收工掛應該，落單d口氣差到一個點。唔想做生意可以唔好開門，唔想返工不如辭職。又唔係平，呢個價錢食到一肚氣唔上黎寫返食評條氣都順唔到。同埋兩個人個d位好窄，就算係閒日夜晚其他大枱係吉晒，話要坐佢都唔比你坐。食物黎講質素正常。牛唔夠牛味，湯底都係普通野，不過海鮮算唔錯，只係成件事加埋都唔足以令我再黎。

舊同事好快就要移民去英國，好可能要一段長時間再見🙂‍↕️ 呢晚朋友仔安排咗我哋去「家嫂一家大小」同佢餞行，實行吃個飽🤤 今次餐廳為我哋安排咗喺轉角位置，感覺比較寬敞。如果大家有幫襯過「家嫂」嘅話，都知道成晚會有幾忙😉 第一道上嘅係六款唔同口味嘅小食，爽口嘅 #酸蘿蔔配皮蛋 可以話係我嘅至愛，#蝦多士 都可以嘅，不過口感有啲油膩😅 至於其他嘅 #茄子、#生菜、#糖糍粑… 我就唔建議大家浪費肚仔嘅空間喇🤤 之後再上嘅可以話係呢餐嘅焦點，成米長嘅 #魚生船 非常吸睛👀可以話未食先興奮！不過所有 #魚生片 都係一人一件，而且質素只係一般，#海膽 更加係好睇唔好食，就當過吓口癮啦😉之後再嚟嘅係 #雞煲，味道唔夠香濃惹味，試吓就算😏 而最後上嘅係 #海鮮火鍋，生猛嘅 #鮑魚、#生蝦、#蠔… 樣樣有齊🤩 可惜嚟到呢刻，我已經飽咗九成😅只可以食到兩三片 #肥牛 同 #白灼蝦 落肚😅 就連朋友仔最後為我哋安排嘅 #海燕燉鮮奶 都只可以淺嘗😅 所以任食一向對我嚟講真係冇咩着數🤭 唯一buy 佢哋係「用餐時間無限時」，不過班姐姐就由九點鬆啲開始以身體力行話俾我哋聽趕收工😅而且全程都以極不耐煩嘅面口幫我哋落單…

My friend tried their hotpot and loved it here so we came with her to have it again. Non-alcoholic drinks were unlimited while alcoholic technically were unlimited but it will be served only when the cart with the alcohol arrives to your table. First came the appetizers and then the sashimi which were really fresh.The next should have been the chicken hotpot but we decided to skip it as we wanted to eat more of the regular hotpot as it is unlimited.The seafood option was abundant including oyste

🍽️ All-You-Can-Eat Seafood Hot Pot $312This fantastic lunch buffet includes a wide array of delectable options to satisfy your cravings. For example, seasonal sashimi, appetizers, premium beef 🐮, pork rolls 🐷, chicken pot 🐔, and seafood 🦞. We noticed that the table beside us had a massive sashimi platter. We think it's only available for tables with more than 6 people.🌱They also offer a wide selection of healthy drink options. It would be great if alcohol were also available.

已經不是第一次這經歷。完全沒有服務。每次食完一道菜，果位譚仔亞姐服務員就放個盤在枱中間，命令式叫你將我們自己碟上的骨或 蝦殼放入盤內。我們是客人，已經收300幾元service charge. 我們坐大圓枱，足夠位置亞姐執嘢。覺得服務員懶之外，係趕收工！現在係在餐廳享用美食，不是在訓練營食嘢喎，我付款時你要俾基本上服務消費者！無下次！難怪香港人北上消費。

❣️家嫂有提供了一系列的餐前小食，其中一些特別出色，我個人認為黑松露蝦多士、炸黑糖糍粑、炸青茄子和麻醬沙律菜都好味。❣️我們之前也曾光顧過家嫂，但留意需要五個人以上才有提供刺身船。如果人數少於四個人，則供應較小的刺身盤，並且沒有海膽。❣️此外，家嫂還提供雞煲，但建議你留肚品嚐他們的打邊爐。❣️以這個價格，可以品嚐到小食、刺身、雞煲和打邊爐，還有酒飲，這真是非常不錯的選擇。❣️不過，這次光顧和朋友都覺得家嫂的用餐體驗比之前遜色，貝類食物中有一些沙子未嘔乾淨，因此過程中不斷吃到沙，這是一個需要改進的地方。❣️另外，需要注意在訂位方面，如果使用OpenRice訂位，午市需要在4點前離座，晚市需要在7點前離座。透過電話或WhatsApp進行訂位，可以食全時段。當然價錢有小差距。

整體：🥜適合鍾意多款嘅朋友仔🥜不適合食肉獸🥜早d食無咁趕🥜無得自己tick紙仔🥲紅糖滋粑⭐️⭐️⭐️⭐️⭐️🌟🥜紅糖不會好甜🥜滋粑軟糯，唔會食一件就滯胡麻茄子⭐️⭐️⭐️⭐️🥜油炸茄子松露蝦多士⭐️⭐️⭐️⭐️街邊醬炒蜆⭐️⭐️⭐️⭐️⭐️🥜超惹味，辣度剛剛好鴨屎香檸檬茶⭐️⭐️⭐️⭐️🥜店員大推，係最夠凍嘅特色飲品一米半船（魚子醬、三文魚籽螺肉沙律、帆立貝、蝦、三文魚、油甘魚、北寄貝）⭐️⭐️⭐️⭐️🥜夠浮誇家嫂雞煲⭐️⭐️⭐️⭐️🥜有得揀辣度，嗰日朋友唔食得辣，揀咗BB辣，應該辣啲好食啲特選湯底（蜜瓜花膠湯）⭐️⭐️⭐️⭐️⭐️🌟🥜勁濃郁，勁將口🥜多花環游海鮮船海鮮（蠔、蝦、鰭片、鮮魷、貝…）⭐️⭐️⭐️⭐️⭐️肥牛⭐️🥜得豬同牛，仲要激多肥膏菜藍⭐️⭐️⭐️⭐️⭐️番薯糖水⭐️珊瑚蚌⭐️⭐️⭐️⭐️飲品⭐️⭐️🥜全部特色飲品唔夠凍雪條⭐️⭐️⭐️⭐️⭐️🥜大推椰子芋頭味

打邊爐係香港人至愛😍亦都係我至愛近期食左好高質火鍋放題～🤤打邊爐不得止，可以簡埋雞煲～有海鮮船，有刺身，仲有小食任食😳仲有幾款自家制飲品~😋食完刺身再加小食，之後就可以打邊爐今次揀咗養生花膠菌香湯煲～湯底清清地，食海鮮就啱晒😋我哋冇揀雞煲🤣怕太飽D海鮮真係勁新鮮，同埋份量好多😍啲鮑魚仲係郁緊🫣仲有新鮮大蜆手打丸，手工餃等等，野食多到講唔哂🤪仲有牛肉任食🤰🏻真係食到超級飽🤣建議多啲人食會好啲，可以食得多啲野鍾意食海鮮嘅，你哋唔可以錯過🤩我今次去係午市~ $298性價比真係好高😍😍好食指數(5星為滿分)⭐️⭐️⭐️⭐️⭐️

--- 訂位要每位計收按金😅花膠老火湯和豬骨湯底要預訂才保證提供😅,餐枱面積狹小--- 餐牌只係一張""宣傳單張"，我感覺我係食咗放題中的廚司發辦(Omakase) 😅--- 全枱人，大家也不知將會有甚麼食品供應，只知道流程係先有六款小菜任叫任食(睇open rice食評和圖片應該比較清楚係邊六款)，6人以上有刺身船(刺身船內有咩？全靠目測)跟住食雞煲(切到好細件)，然後有海鲜盤（海鮮盤內有咩？亦是全靠目測)--- 有咩食物可以任叫任食？亦沒有肯定答案？問服務員就帶你遊花園--- 靠現塲觀察😅所有無酒精飲品任飲,而紅酒，白酒餐車定時繞場一周添飲😅 **餐牌**非常簡潔，其餘的..就...一無所知了😅季節當造時令海鮮四季湯底精選小食每月不同**醬料區**選擇非常多**飲品區** 杯裝手調飲品外觀一流，但一試就知華而不實,建議可選鮮榨蔗汁，但可能溝咗水🧐因為味道最天然而又不太甜**小食六款**味道質量也不過不失 **刺身船**上枱時視覺效果不錯，質素尚可