家嫂一家大小

隔了一段時間冇來家嫂真係有啲掛住，決定同老公再來食火鍋放題，質素仍然保持到高水準，非常豐富，午市火鍋放題仲有8 折，真係好抵食，唔怪之得平日午市都坐滿人。✨任食十多款精選前菜小食✨每款都精緻美味，特別鍾意❤️：🔶松露蝦多士：熱辣辣好香脆🔶沙律炸雲吞：脆卜卜，又多饀料🔶陳醋小籠包：一咬就爆汁🔶招牌炒蜆： 豉椒炒好惹味，蜆冇沙好正。✨一次性 當造刺身拼螌✨每款刺身都新鮮厚切，超愛帶子大件又鮮甜，鮑魚又很彈牙。如果多幾個人黎，刺身會用船上，超打卡。✨惹味雞煲✨雞煲有驚喜！ 叫咗BB辣幾惹味，雞肉幾嫩滑，連D配料豬皮、雞腎等都好入味。雞煲都可以任食不過我哋留肚食火鍋，所以冇再encore。✨任食火鍋✨🔶養生花膠菌香湯鍋多款菇菌+花膠的湯底足料又香。🔶環球海鮮船多款時令海鮮，有鮑魚、蠔、蜆、珊瑚蚌、魷魚、鱔片等，海鮮可以任食真係好抵。🔶牛肉/ 豚肉卷🔶蔬菜組合🔶火鍋配料食完個雞煲之後其實已經飽咗大半，再打邊爐我哋都冇嗌太多火鍋配料，真係好飽好滿足。✨飲品✨多款自家製的飲品可以自取，亦有一些特飲可以叫職員落單，推介「鴨屎香檸檬茶」。…查看更多

朋友吃過「家嫂」後推介我無論如何都要吃一次，一個價錢包括任吃前菜，一次性雞煲、一次性刺身及火鍋放題；除火鍋外，午市提供點心，今天跟愛吃海鮮的爸爸前來品嚐午市火鍋放題，不限時用餐時間；環境寬敞舒適，座位具一定私隱度-🔹環游海鮮火鍋放題 $338 (午市，星期一至四享 8 折優惠)前菜 15 款即叫即製，陳醋小籠包皮滑餡鮮肉汁多，更貼心將膠管插進，由客人自行將陳醋擠到小籠包內；蜜糖燒鰻魚香甜且油脂豐腴、涼拌爽脆魚皮開胃滋味、招牌炒蜆新鮮惹味、𠮩𠹌糖心皮蛋甘香軟滑-一次性刺身有三文魚、帶子、八爪魚、北寄貝、甜蝦及鮑魚，新鮮肥美，肉質緊緻；一次性雞煲加入豬皮及雞腎等，可選辣度，雞皮爽滑，雞肉滑嫩緊緻又入味、豬皮 Q 彈-火鍋提供一次性海鮮及蔬菜拼盤，湯底選擇了淸香椰子湯鍋，加入印尼椰子、馬蹄、紅棗及元肉，清甜養生；海鮮拼盤包括鮑魚、帶子、鮮蠔、海蝦、魷魚、鱔片、鮮魚塊、蜆肉、蝦滑、魚肚及水晶魚蛋等；海鮮鮮甜、鮑魚爽彈、魚肉緊緻，選材非常上乘；蔬菜拼盤集 4-5 款蔬菜，全部新鮮嫩甜；火鍋配料方面，點選了美國肥牛，肉質緊緻，脂肪比例適中且帶不俗的肉香-飲品設於自助區，同時提供即點即製的鮮果汁，嚐過鮮榨紅肉火龍果汁，足料無添加，飲到最原始的食材味道…查看更多

一行三人，星期日中午聚會，食西餐，日式料理已經食到厭，想搵地方慢慢食慢慢傾，於是去飲茶。去到佐敦，就見到家嫂，於是就上去試下，由於星期日，又冇訂位，上到去都要等一陣，十五分鐘左右就有位。芥 末海螺小吃，幾開胃，易入口豬肚絲，冇乜特別竽角，熱辣辣，芋頭好粉好溶牛肉球一般，沒什麼彈性，但仍有牛味蝦餃，幾鮮味，但容易散，要考你快子功軟殼蟹腸粉，外軟內脆，可以一試墨魚餅，好鮮，上面仲有海膽，即刻升價十倍呢個寬粉最好味，湯很有海鮮味道，材料也多，不過美中不足是三隻蝦有兩隻都霉…最後三人埋單每人差唔多二百左右，不過不失啦…查看更多

食物質素差，我已來過此間店已有4次，今次真的令我失望，叫鮑魚之前第一碟是活的，之後鮑魚唔新鮮，其後我朋友不小心倒瀉杯酒在餐椅上，便麻煩服務員抹乾淨，服務員第一個反應就話：咁唔小心呀小心啲呀嘛！第二個反應叫我買紙巾抹乾，我便叫服務員你們是否沒有亁布抹乾？服務員態度極差便說沒有，要自己買紙巾抹乾！真令人氣憤，每人差不多$500但服務態度非常之惡劣！我冇諗過點解咁多人返大陸食，原因之一就係服務差勁。想震興香港都難！…查看更多

睇見佢地社交媒體網站廣告寫星期一至四午市為特價任食時段，午市時段寫住係11：00 - 4：00，到我whatsapp訂位17Jul2025佐敦店時職員就叫我11：30至好黎到，同埋只可食到3：30，但可4：00至離座，咁即係冇咗1個鐘...咁都算喇，到當日食食吓大約2：50就有職員行過黎通知3：00截單，之後就冇得再叫野食喇，重話只可坐到3：30就要離晒場，因為職員要落場喇，咁即係又冇多半個鐘，由5個鐘減到得返3.5個鐘，令我一家失晒預算，因為有1個屋企人工作關係要1：30後至黎得到，爭論一番至勉強畀我們食到四點鐘，但3：30周圍啲燈就熄曬得返我張枱有燈，職員又喺度掃地，真係咩食野心情都冇晒啦，早知係咁一定唔會黎幫襯。係得3.5個鐘就大大方方寫明啦，咪扮低食啦，真係離晒譜，係犯了商品說明條例呀！*時間地點為今年7月17號佐敦店，可以睇返閉路電視證明。…查看更多