家嫂一家大小

營業中

休息中

「家嫂」最出名就梗係佢架刺身船，我地成班同事今晚一行12人就去咗佐敦家嫂一家大小打邊爐，一去到店員先先上小食，之後就食刺身船，再食追加嘅象拔蚌刺身，跟住就雞煲，打邊爐湯底我地揀咗冬瓜盅，湯底鮮甜，我地個個都飲咗碗湯先開始打邊爐，火鍋海鮮仲要係無限refill，白酒紅酒sake都係任飲，雖然比之前加咗價，不過以佢嘅質素都係抵食嘅😌小食蝦多士、螺肉、牛肚、花甲、炸茄子、紅糖糍粑所有小食都可以無限追加，蝦多士炸得金黃酥脆，上面加上沙律醬同黑松露更加能突顯佢嘅香味。螺肉係最受歡迎，encore咗三次😂QQ彈彈嘅螺肉沙律菜加上芝麻醬，真係令人食唔停口，個人覺得炸茄子最好食，外面香脆內裡軟稔，再加上芝麻醬，芝麻醬配搭任何香口嘅食物都係冇得輸🤭刺身船成張枱咁大嘅刺身船，有鮑魚、海膽、三文魚、凍蟹、北寄貝、帶子等等，全部都好新鮮，最適合用黎打卡😆象拔蚌刺身只需$268/條，冰、爽、脆、新鮮，雖然唔算得上好大條，我地12人食每人都食到幾片，早知就加多條😆雞煲我覺得雞煲就真係麻麻地，啲醬汁一啲都唔夠味，雞又唔入味，開頭以為係因為點咗小辣嘅原故，之後加雞就加咗中辣，一樣冇分別，雞煲可以skip唔食，留返個肚

開始小食,可無限添加,款式及味道十分嚟講有八分,第二度菜,雞煲味道質素非常之好,十分滿意,之後刺身,有喜出望外嘅驚喜,質量,味道,賣相,都非常之好,但火鍋方面,湯底已經比之前嘅淡咗好多,牛肉方面都尚算滿意,但火鍋海鮮料品質欠佳,尤其蝦,蟹,鮑魚嘅清潔度非常欠佳,明顯冇洗,表面上有不少黑色嘅污漬,避免不必要身體不適,所以都冇享用,只有食菜,魚為主力,以佐敦店,有呢個酒精飲品,免費供應,但我建議,整一個counter,可以自己出來由職員添加,唔使職員繞場一周嚟添加,而最後,我比較尖沙咀同佐敦,可能疫情後生意好轉,尖沙咀嗰陣時係兩位職員,可以服務三張枱,但係佐敦呢,好多時係叫唔到侍應款待嘅.

上星期六來了這家，聽說可以從5點坐到10點，食物飲品都是任飲任食，7時來到 ，好多飲品都已經冇晒，例如無糖茶，支裝水就大概8點幾都冇晒前菜都係任食，必試蝦多士，螺肉，麻辣牛展都唔錯火鍋前會黎一個好大既刺身船，有三文魚，蝦，八爪魚，北寄貝，海膽等，都係新鮮好食既之後再會上雞煲，都係任食，辣度🌶️都有得簡湯底簡左椰子🥥，都好清甜，最驚喜既係佢海情真係可以任叫，全部都係新鮮仲生猛既，如果鐘意食海鮮真係回晒本，平時唔鐘意出去食海鮮 因為又貴又唔抵，呢到係真心又新鮮，料仲靚過自己買其實食物種類唔多，都係肥牛，豬肉同菜，主要都係食海鮮另外紅酒🍷 白酒 清酒🍶都係任飲（各一款），待應會推車逐枱上有兩點不足既係待應態度唔算好好，問佢都唔係好想答，我地8人比左6人枱，冷氣唔係好夠，熱到個個流晒汗總括每人500左右，食到咁多野同新鮮既海鮮都好抵食，仲可以5點坐到8點，值得黎試，訂位要比Deposit

佐敦店係第二次飯聚尖沙咀試過三次 (第三次之感受最差)一家大小賣點 👉任飲任食👈另一最大賣點係👉不限時👈大夥兒聚腳點之選 👍價錢加咗少少 $428 再加一訂金 $500 (唔係每次都需要)今次係咁多次之中嘅最味美 😋食物最新鮮程序照舊前菜可以不繼加單蝦多士追加最多 👍 5人或以上刺身會用木船送上 (打卡)蝦、蟹、帶子、 鮑魚、三文魚、拖羅、海膽、北寄貝。。。。整個刺身船食物都好新鮮不需要沾任何醬料已經好鮮甜美味 (特別係蝦、蟹和鮑魚) 雞煲 (中辣) 👍嫩滑雞肉配惹味醬汁第一次將整個雞煲清理得乾乾淨淨 火鍋配上老火花膠湯底 👍加入了哈密瓜整個湯香濃甜味 火鍋食物都好新鮮因為不會所有食材一次上齊可以詢問有什麼火鍋食物再加點便可以當然唔少得有雪條 仲有糖水 (差不多食完要落單。。量唔多) 整體今次食物係最新鮮味美嘅一次 👍👍 ** 梳打飲品需要另外落單 (不需要另加收費)** 不需要收取切蛋糕費用

家嫂 本身都食過幾次不過一大班人食特別正，有浮誇刺身船小食任食我食左好多蝦多士，雞煲因為我怕辣所以試兩三舊就停象拔蚌刺身＄268都抵湯底佢今次有冬瓜盅揀，不過我地都係飲返花膠老火湯今次食佐敦新嘅家嫂，其實之前剛開食過一次，可能未熟手今次再食已經好左好多，員工態度亦十分好海鮮佢有鮑魚，蠔，蝦，沙白，大隻蜆（唔記得叫乜蜆），尤魚，蟹蟹都幾肥美，可惜鮑魚同大隻蜆想再點已無晒，好彩蟹都食得好滿足，肥牛就不過不失正常滿足住咁走😊

午市十一至四點$298五點入座十點截單$428五點入座七點前離座$348就咁睇個價錢又海鮮放題又刺身船以量取勝嘅話性價比一定係高將個味道同服務放上秤就完全兩回事全個餐除咗刺身之外其他都係放題嘢飲甜品都係仲有個姐姐斟咗四次紅白酒全晚由三款炸物同三款小食開始類似係普通放題餐廳食到嘅食物質素之後環遊刺身船有十款刺身除咗蟹腳其他刺身都正常水準順帶一提全間餐廳冇較剪得個鉗食蟹腳雞煲嗌小辣所以得豉油同蠔油味😀咁始終佢原先個名都只係惹味雞煲👌🏻鍾意食雞記得預早通知費事廚房收咗冇得加去到全晚主打打邊爐🍲因為本身晏晝留咗嘅冬瓜盅經理話冬瓜壞咗變咗老火花膠湯所以個人都食到頹頹地見到啲海鮮就好似海市蜃樓咁迴光返照咗陣的確係幾新鮮而且食得多嘅話一定值回票價但其他火鍋配料嘅質素就同屋村酒樓差唔多餃嘅餡大部分係韭黃同韭菜丸嘅餡就幾乎成粒都係馬蹄預先留嘅冬瓜盅冇晒好彩啲椰皇冇壞到味道唔錯嘅不過食完就唔會食到出面嘅甜品所以建議可以唔洗嗌食返任食嘅仲實際另外提返本身食嘢食得慢嘅千祈唔好去因為成晚都會有趕巴士趕火車嘅感覺就算本身刺身船等咗半個幾鐘先上就算個煲蓋闔唔埋個煲未滾起啲店員都會非常急不及待咁幫你上嘢食亦會提醒大家

新店舖，新裝修，地方寬敞，服務周到小食多，飲品款式多，混醬料都多，睇到人都開心啲。食材新鮮，海鮮火鍋料不斷追加，非常滿足，食到一半已經開始飽飲了六杯飲品傻咗一定再嚟食過，讚

多位朋友介紹下一試，未食前都有好大期望，食完之後幸好都沒有好大失望，有機會的話，都會再食過。餐前小食都唔錯，蝦多士有驚喜，不會太油；但酸菜魚就有D失望了；刺身新鮮好味，可惜無得添食，有點失色；最後，打邊粒既海鮮、食材都唔錯，可以一試。最後，負責紅酒白酒既姐姐服務唔太好，扣分。

好友生日緊係要去食好西啦😆今次點名食＜家嫂一家大小＞小食最好食係蝦多士👍👍👍刺身船超型，一上枱就勁有睇頭，見到個個都哇哇聲！ 雞煲就no good ，完全唔夠味，基本上下次黎可以直接skip👎👎👎時令海鮮夠新鮮，任你食問你死未😂象拔蚌加二百幾蚊都幾抵吖！今次真係食痛風餐😝總括黎講性價比高，任飲任食無限時，成班fd去食都真係唔錯，book位真係要襯早！！佐敦呢間夠哂大，而且坐得幾舒服，廁所仲好乾淨添！

不限時間，坐到收鋪，質素keep到之餘，仲高質左，新店地方大，乾淨，坐得寬落，每樣海鮮都好大件，好新鮮，無沙，好鮮甜🤤✨小食->刺身->麻辣雞煲->飲湯(老火花膠雞)->打邊爐✨任食花蟹，貴妃蚌，沙白，花甲，鮑魚，珊瑚蚌，生蠔，蟮片，蝦。✨任飲白酒，紅酒，清酒，特飲✨無限時間(預先預約)記得預訂特選湯底(免費)同留埋雪燕燉椰皇($25)。翻兜之選，溫馨提示，戰鬥力高先好來，要有策略地食，同fd吹下水，慢慢食，慢慢歎。😂

擺盤超級好看食物質數超級難食刺身–– 雪到溶水 入口惹味雞煲––完全冇味~（真係0添加 無鹽無味精）火鍋湯底––– 似 清水湯 海鮮 ––––（完全唔新鮮）（貝殼一上檯已經開曬口）醬料––––（好多款） 但都非常無味小食 6味碟（非常差）環境不錯，感覺乾淨衛生

<家嫂一家大小>📍佐敦🔸Unbelievable大過張枱嘅刺身船 🛳️🚢🛥️🔸新鮮海鮮、靚肥牛！無限refill！超抵食！$428 + 10% 飽到上心口！！！🤰🏻🤰🏻🤰🏻第一擊：數款小食無限Refill👍🏼推薦紅糖芭滋👍🏼推薦蝦多士第二擊：刺身郵輪🚢（Non-refill）Unbelievable!!! 隻郵輪係要兩位家嫂先抬得起，完完全全長過張圓枱，可想而知有幾大隻 👀 不過刺身唔算好新鮮 🦐🦀🐠🪼🐋🐙 無肚痛，尚可接受 😌👌🏼👌🏼👌🏼 份量取勝！最好食嘅係鮑魚！😋第三擊：雞煲無限Refill 🐣個人麻麻地佢種辣，有啲似蠔油汁底加辣 🤔 同埋唔鐘意有豬皮同蜆。第四擊：海鮮 & 肥牛無限Refill⭐️⭐️⭐️ 全晚嘅重點就係依度 ⭐️⭐️⭐️海鮮拼盤，勁鮮味！勁新鮮！隻沙白大到手掌心咁大隻 🤚🏼 癲！肉肉口感超滿足 🥴 （OMG!!! 諗起都流口水）最重要係無限Refill，我地叫左好多轉鮑魚同巨型沙白 😍 真係好正！！！仲有！！！佢啲肥牛係靚雪花肥牛 🥰 巧巧吃喔～ 性價比極高！除咗海鮮同肥牛之外，仲有其他配料嘅例如魚皮、丸類、菜 🤣🤣🤣 但我無乜點食，專攻海鮮 & 牛牛 （回本

首先今次係第二次去，上次跟同事一行十一人食呢間，食得滿足開心，所以今次再去，但結果係食到朋友發晒火。食最貴個餐1930-2200時段1 刺身船坐低45分鐘後才到，叫左幾次2. 服務態度極差，完全唔覺有錯3. 想要既海鮮，一開始就話無(大蜆，魚，仲有一兩樣唔記得了)，那我無必要去呢度食啦，雞煲又唔係特別好食，魚生，好多放題都有，貪呢度三款都有。4. 打左電話投訴，兩個星期都無回覆，咁即係點呢?只能夠講，不會有下次

每位$428 +1，我本人就覺得好抵食。首先佢會有幾款小食俾你無限添食，皮蛋姜、鹽水蜆、南乳齋、黑松露蝦多士、紅糖糍粑同埋一個炸嘅唔知咩瓜，不過其實佢每日都會有少少更改，所以今次食到嘅下一次一定食到。小食之後就會上刺身，五個人或以上就會有一隻超級大嘅刺身船，不過我今次得四個人，所以得刺身碗，不過都好多款式，有蟹、三文魚、油甘魚、八爪魚、赤蝦、鮑魚、北寄貝、翡翠螺、帶子同埋一碗條教咗味道嘅雜錦刺身，同埋今次我哋加咗$238要咗一隻象拔蚌刺身，刺身只係食一次冇得添食，食完刺身之後就會上雞煲，雞煲係可以添食，不過通常都唔會，因為之後係會上火鍋，我哋火鍋係一早預訂嘅老火花膠湯，而火鍋嘅配料係無限添食，而且佢嘅海鮮係有成八至十款都係任食，不過次次都唔同，同埋食食吓之後佢會通知你多咗一啲新嘅海鮮問你，今次就多咗蟹同蠔，不過我又係唔記得影相😂，除咗海鮮之外，亦都有肉類、丸類、餃類同埋蔬菜類等等，真係好多嘢食。飲品選擇亦都好多款式，除咗冇酒精飲品之外，亦都有酒精飲品。甜品就會係有雪條，又或者你可以加$25就有一個叫做雪燕燉椰皇，我今次就叫咗，我覺得好好食，非常推薦！

。O小姐。生日飯。日常。今年第一次生日飯，我地去左食新開嘅家嫂，同其他分店一樣（已經幫襯過去好幾間其他嘅分店）😌一開始就有一堆前菜-有蝦多士、紅糖糍粑、齋、皮蛋、蜆🦐 （紅糖糍粑係同蝦多士係一定要嗌！）之後就刺身-帶子、八爪魚、三文魚、北寄貝、蝦🦐如果人多嘅話，仲可以有成隻刺身船，可惜我哋得四個人跟住就嚟無限添加嘅雞煲 - 我哋叫咗小辣，但都有辣味嘅、個雞煲要浸耐少少先好食，因為唔係太入味食完之後就到主菜，我哋留咗個花膠湯底，個湯底係有花膠既，佢仲加咗蜜瓜、先飲咗湯、再打邊邊，海鮮方面佢都唔少，有鮑魚、貴妃蚌、丸、蝦、珊瑚蚌…仲有牛、魚皮、生菜籃、仲有鮮腐竹…佢仲可以添加牛、豬，仲有其他海鮮👍🏻呢個係值得加分！但其實你食到咁上下已經開始飽，所以前段唔好食咁多！飲品方面佢有好多款，仲有紅酒白酒、鹹檸七la、蘋果雪梨、西瓜汁、竹蔗茅根等等😳飲極都仲有😳😌無限時，食極都未食完飽飽，滿足😌我哋揀呢間餐廳，除咗嘢食水準唔錯之外，另外一個重點係可以傾偈，傾到唔會俾人趕走😊