好湯好麵 (名店坊)

營業中

休息中

🙋🏻‍♂️餓底探員今日去銅鑼灣調查呢間米芝蓮必比登推介嘅湯麵店，佢嘅湯底真材實料，堅持無味精，的確係好湯好麵🐓🍜 棉花雞 $98📸表示個湯麵面頭有雞件，魚肚同冬菇，真係好似成籠棉花雞放咗喺上面咁，吸睛度好高，佢仲係其中一款招牌湯麵嚟架🙋🏻‍♂️表示個湯底係每日新鮮熬製而成嘅高湯，未飲個湯已經見到有層薄薄地嘅依，可見膠質好重，試咗啖湯好鮮甜無落味精，住家湯一樣，呢個麵底係扁陽春麵，食落口感彈牙好有咬口，日本雞肉鮮嫩，魚肚爽口，加埋冬菇嘅香味，成碗湯麵充滿住鮮甜香味，正🦐🍜 西班牙紅蝦 $188📸表示個橙紅色湯底睇落好濃厚，面頭有三隻紅蝦加一隻蝦頭同少量藍蟹肉，配料感覺上比較少，呢個紅蝦麵係銅鑼灣店限定嘅🙋🏻‍♂️表示個湯底充滿香濃嘅蝦味，加咗蝦頭抽令到個鮮味倍增，紅蝦同蟹肉都好鮮甜，呢個麵底係陽春麵，相比起棉花雞個扁陽春麵，食落口感fine啲，整體嚟講唔差嘅📈吃貨指數😋好味度 8/10🔙返啅度 8/10

大圍之前成日都見到但都無時間入去食（太多人要排😵‍💫😵‍💫😵‍💫😵‍💫）今日去左銅鑼灣做野竟然見到新開左即刻同同事入左去試去我地叫左一個海龍皇湯同埋一個黑口黑面🎈海龍皇湯 - $135一上菜好香海鮮湯味 心諗 咁一定有味精啦點知食落好清 同埋好重海鮮既甜味食下食下仲飲晒啲湯 但竟然返到屋企都唔口渴麵質黎講佢就比較淋 唔算有咬口 如果鍾意食煙韌啲既朋友可能會覺得爭啲🎈黑口黑面 - $90黑口黑面黎到我都驚食完會唔會成口黑晒不過心諗帶口罩 就唔理啦入面有北海道魷魚 墨魚滑用墨魚濃湯做湯底配埋陽春麵但都係湯出色 麵可以再改善個湯真係好好味 好濃墨魚味 雖然未知仲加左啲咩咁好味之前大圍真係太多人排所以果日銅鑼灣分店當日唔算多人 可以一試

Trying out this insanely popular noodle restaurant has recently opened their second store at Fashion walk! Opened by ex-sous chef at Caprice, this noodle spot has been all over my Instagram lately! Pic 1️⃣&2️⃣: 海龍皇湯 - $138 hkd🦞🦐 🦀🍜 — The broth makes use of an abundance of seafood including blue crab meat, Hiroshima oyster, prawn tail and prawn oil to create an incredibly rich seafood soup base. The prawn flavour in the broth is definitely the most prominent and the touch of prawn oil makes it that e

之前成日見到有人介紹⊂(◉‿◉)つ近排見到銅鑼灣都開咗分店～咁啱去開就去排隊試下₍ᐢ ɞ̴̶̷.̮ɞ̴̶̷ ᐢ₎​🟠今次嗌咗棉花雞🐔同海龍皇湯🦐🟡 棉花雞入口味道同酒樓食嘅點心棉花雞一模一樣😂除此之外我好似已經諗唔出仲有咩特別( ߹꒳​߹ )不過呢度食就係完全唔油👍🏻🟢海龍皇湯入口好似西式湯嘅感覺🤣係香濃嘅蝦湯海鮮湯👍🏻入面仲有幾款海鮮不過份量就好一般🫠 仲有上網睇食評見有人寫大粒飽滿嘅蠔🦪但係我見就係細粒煮到爛爛地咁🤔同埋啲蝦都有雪藏味🫠啲陽春麵其實上枱食幾啖就開始變到好淋同漿住🥲唔知係咪要勁快食哂碗麵啦🥲🔵其實嗰日仲要應該係漏咗單🥲棉花雞上枱後差不多食完但海龍皇湯一直遲遲都未上枱🥲但見其他枱通常都係一齊出🥹不過問過侍應之後就好快出返🥹🟣總括其實我覺得好似冇乜特別🫠同埋覺得個麵唔係好夾啲湯🥹不過每人嘅口味都唔同🧚🏻‍♀️如果大家有興趣可以去一試🦭

好湯好麵 (銅鑼灣) 大圍超出名嘅麵店 終於開咗分店喺銅鑼灣！主打好湯好食材 濃郁嘅湯底配上新鮮嘅食材！除咗價錢比較貴之外都冇其他缺點！都推介大家可以去試吓🫶🏻▫️棉花雞 $98雞肉非常之嫩滑 配上高湯 鮮味十足👍🏻▫️海龍王 $135好濃嘅蝦味 不過呢款係配上陽春面 洋蔥如果係扁新嘅陽春面就會更加好口感👍🏻▫️涼拌麻辣手工豆腐 $34都好推薦大家試 好薄好滑 份量少咗啲▫️涼拌麻油海蜇頭不推薦 無味👎🏻📍 好湯好麵 (名店坊) (銅鑼灣)銅鑼灣加寧街9-11號名店坊地下B號舖

晏晝兩點幾,因為星期六關係,都要等一等.店員非常nice,兩三分鐘已經安排好,跟手可以即刻落單等食前菜叫咗泡椒豬手同海蜇頭,叫咗三碗麵:- 海龍皇湯- 黑口黑面- 蕃茄蛋牛最先到嘅係蕃茄蛋牛,有啲失望,湯太甜,牛舌煮得唔夠耐😔,但係麵底幾好跟住係黑口黑面,因為湯底係黑色,店員好體貼咁offer圍裙👍🏻👍🏻;講番個麵,湯雖然係黑色,但飲落好清,呢個係配扁麵,索晒D湯,幾好食😍,可惜魷魚好硬,煮耐咗…另外有兩件魷魚滑,可惜亦唔算係好食….最後到海龍皇湯,湯一入口,好濃嘅蝦味,亦都好鮮,成碗蟹肉都好夠,仲有兩隻大蝦,呢個係三個裡面最出色嘅!!成碗湯同麵一滴都冇剩🤭,如果呢個可以配扁麵的話就無敵!! 😍至於前菜…..可以唔駛提….😅

從來無諗過會食一碗百幾蚊上海麵，日式拉麵都唔使一百蚊啦。但在朋友極力推薦下，我都試下豪食中式麵。涼拌麻辣茄子，半條茄子蒸完雪到好凍，淋個醬汁唔辣都唔麻，個味道好似係李錦記黑椒汁。唔推薦。海龍皇同蠔皇豬豬，整體都算靚湯靚料，海龍皇入面有兩隻大蝦，雖然要自己剝殼，但好新鮮D蝦肉都好彈牙；反而蠔皇豬豬入面幾隻鳳尾蝦，唔使自己剝殼，但係食得出係雪蝦。廣島蠔同帶子都夠大，都好新鮮。我個人認為扁麵煮既時間太短，偏硬身，口感差，下次再食可以要求個麵煮耐D軟D。我諗D湯都應該無味精，因為飲完湯都唔會覺得頸渴要飲好多茶/水。新店裝修都幾好，洗手間乾淨。但D檯凳好趕客，坐得唔舒服，檯同檯之間好逼，客人好自然食完立即要走，唔會想傾下計坐多陣。唔可以算抵食，只能話一分錢 一分貨，但相比起百幾蚊碗台灣牛肉麵，呢碗合理D。

想朝聖好耐，但好少何過大圍個頭，所以今次一定要幫襯銅鑼灣新分店！❤️坐就一啲都唔好坐，勁逼，又無位放袋，但店員服務好好👍🏻.🍜海龍皇湯 $135(4.5/5)好好飲個湯底，好鮮😝飲晒都唔口渴覺得，又唔算好咸！好好飲！有唔同海鮮🦞包括藍蟹肉、海尾蝦、北海道魷魚🦑、日本刺身帶子、廣東蠔肉，配陽春麵(幼)🙏好好食！全部都好新鮮~~.🍜好頭好尾 $106 (4/5) 雖然唔係最多人叫，但男朋友話仲好食過海龍皇！佢入邊有川味和牛面頰肉、法式燴牛尾，啲肉好淋好入味，而湯係牛骨湯，濃得黎又唔太咸，而且好清甜，無乜油！🙈成碗湯飲晒咁濟🙈🙈勁飽！配上扁陽春麵，我中意依種口感，夠煙韌！.涼拌麻辣手工豆腐 $34（2.5/5）玫瑰豉油雞中翼(4隻) $40 (2.5/5)普通小吃，唔食唔可惜🙈🙈🙈🙈.冷泡凍頂烏龍茶 (支)$40 檸檬🍋薏米水都好正😝😝如果俾我知咁大枝茶，兩個人叫一枝夠！

睇住餐牌，有選擇障礙！😂鐘意食麵，又鐘意飲湯嘅我，款款都想食，好載個個都肯同我分享！🥰西班牙紅蝦第一次試 湯底超正 返唔到轉頭 好飲過龍蝦湯好頭好尾老公致爱 牛味濃郁 牛肉夠腍潤牛麵原件法國鵝肝 加頂級牛小排 又係另一驚喜陽春麵，Q彈煙韌，記得要趁熱食，唔好掛住打卡傾偈，糟蹋咗廚師控制嘅最佳食用時間，浸耐咗，就會影響麵嘅質素啦。一向老公唔鍾意食麻辣，但對呢度嘅麻辣小食，都有讚冇彈。未試過食麵連湯都飲埋，唔知以為餓咗好多日。🤣如果近我屋企啲，可以連煲湯嘅時間精力都慳番。最好就係無味精，食完一啲都唔口渴，直係有家的感覺。

N年前喺大圍已經好出名既好湯好麵～嗰陣帶阿媽去食，連飲開自己湯對湯幾有要求既阿媽都好收貨佢既湯底！不過可惜大圍真係無乜機會去，之後都無食過，所以都無經歷大家所講既出左名之後hea左既事。​​​​諗menu 諗左勁耐，最尾都係叫佢個銅鑼灣限定～紅蝦湯麵～有蟹肉有紅蝦～​​其實個湯係海龍皇嗰set麵既湯，咁貴（meanwhile 呢個麵$188）係貴喺個紅蝦度，碗麵一到見到會有蝦油，已經收貨！再即刻飲個湯，好重蝦味，個湯好夠熱，個麵又係我好鐘意嗰種軟熟質感（無追求緊個麵好好咬呢件事），又，given that 佢係我嗰日hangover 落到個胃食既第一餐，好有安慰既感覺🥹​​

夜晚去銅鑼灣上堂，未夠六點唔使等位可以直入。 本來想嚟食佛跳牆，點知原來銅鑼灣分店無供應， 咁就叫咗類似嘅棉花雞$98。碗麵嚟到都夠熱，但係陽春面就略嫌槳到一嚿嚿，要改善一下。 湯麵材料唔算多，只有三嚿魚肚，幾嚿細雞肉同加埋一隻半嘅冬菇…如果當正餐食就可能爭少少啦。同埋個湯底都冇我想像中的好，可能我太有期望啦…但都絕對合格嘅。坐低見到要+1服務費，覺得唔應該。 因為店舖座位都好迫，係快食快走feel, 但係見到服務員姐姐服務殷勤，食咗30分鐘入邊都主動幫我加咗三次水，差唔多食完又預備牙籤俾你。 係的確有啲服務喎😂

之前一直都好想試下大圍嘅好湯好麵，聽聞其中一個老闆係前四季酒店法國餐廳嘅Sous Chef😮 但一直都未有機會🙈 宜家難得喺銅鑼灣開左分店，即刻去試下係咪好似啲人講到咁正湯底咁好飲先！涼拌麻油海蜇頭 ($55)：海蜇頭好爽口，味道偏清淡涼拌麻辣茄子 ($40)：茄子夠乾身，麻辣汁份量啱啱好，一齊食完全唔會油膩，微辣嘅味道幾開胃海龍皇湯 ($135)：依款麵係其中一款餐廳嘅推介。湯頭飲得出係落足料煲嘅，好香而且有好濃郁嘅龍蝦鮮味👍🏻 麵底方面，餐廳就用左陽春麵黎配海龍皇湯，麵質偏腍不過好掛湯配料算係幾豐富，有藍蟹肉、海蝦尾、北海道魷魚、日本刺身帶子、廣島螺肉等等，海鮮味道不過不失啦，不過嗰兩隻大蝦嘅味道就似係雪藏嘅海鮮，冇乜鮮味。蠔皇豬豬 ($104)：湯底係豬骨湯底，味道一樣濃郁，麵底係用扁陽春麵，食落會較幼身嘅陽春麵爽口。配料有廣島蠔肉、鳳尾蝦、日本黑豚五花腩片、炒豬肉碎等等。海鮮一樣都係雪藏嘅，冇乜鮮味，都係湯底搭救😂總括黎講湯底係好飲同真材實料，起碼飲哂成確湯之後唔覺得口渴😂 不過以依個定價黎講，如果海鮮配材嘅質素可以改善下會更好~

大圍名店終於開到黎銅鑼灣啦之前想試 但見要排隊咁 又費事等 個人唔係會熱捧店嘅人🙈點知見銅鑼灣fashion walk開咗 去試吓以為都要排隊 點知直入 雖然入面都坐滿 但冇諗咁多人 可能因為未多人知？Menu係枱紙😂有個$188嘅 銅鑼灣店限定 我就冇咁豪最後叫咗個推介中比較平啲嘅試吓▶️ 棉花雞 ($98)其中一個推介款式 主要有雞肉 北菇 魚肚 雪腿絲賣相唔錯 望落去好似碗高級拉麵咁🍜餸唔太多麵就係扁陽春麵 一開始有啲一舊咁 要自己整散佢🐔雞肉用上日本雞肉 食落又真係好嫩滑喎 明顯唔係雪藏雞 不過就帶啲皮北菇 魚肚看似配料 但都係精粹😋兩個都索晒湯汁 咬落超juicy 魚肚好似豆卜咁❤️原理似食關東煮🍢件件都好食又入味又可以品嚐湯底雪腿絲雖然唔多 得幾條 但味道就好出 有金華火腿味 同湯底特別夾味👍🏻🍜扁陽春麵亦有驚喜 見佢咁扁 以為會好冇質感 點知原來係幾煙韌😍仲好掛湯添 同拉麵、上海麵、刀削麵、米線完全唔同 平時較少食所以覺得佢別具特色有趣地見朋友點嘅「海龍皇」係配再幼身啲嘅陽春麵 感覺更加吸湯😲湯底真係冇得輸👏🏻從未試過食麵咁欣賞佢個湯底同埋想飲曬佢 飲落杰杰地 味道真係明顯係

之前大圍店已經知好多人排隊，但住得較遠，所以未去過，見到銅鑼灣開咗，終於可以食到，叫左個海龍皇及潤牛湯麵，一黎到先試啖湯先，飲得出冇味精，超鮮甜，啲配料食得出係新鮮的，尤其個鵝肝同個牛，好特別，再叫手工豆腐及麻醬雞粉皮，因為第一個上菜就食晒，太好味忘記影相，個手工豆腐醬，好食到一人可以叫一份的，整體所有對得起個價錢，下次出開去必定會再食，仲有好多湯都好想試（聽到隔籬枱話個棉花雞及黑口黑色都好好食）下次必定試

15/7/2022(Fri), Dinner🆙️大圍人氣米芝蓮餐廳 #好湯好麵 進駐銅鑼灣❤~咁緊係要過黎試一試佢打響名堂既濃郁湯底lalala😋😋😋7點左右去到～已經好多人排隊🙈🙈🙈～我地等左大約20mins🧭左右就安排入座🪑～今晚order左🍽：涼拌麻辣手工豆腐 $34凍凍地豆腐切成細薄既豆腐片～加上麻辣既麻香味🌶～好醒胃🤩～不過就略嫌份量太少🙈潤牛麵 $148雖然話係潤牛麵🐂🐖～但一塊🐖豬潤都無既～咁所講既潤去晒邊到？答案就係👉用黎熬製左超級濃郁既豬潤高湯～呢個湯真係好濃～好好味😋😋😋🍜麵裏面仲有法式煎鵝肝片🦢、慢煮美國頂級牛小排🐂同扁陽春麵🍜～煎香左既鵝肝片🦢配扁陽春麵一齊食🍜～鵝油油香而不膩😋～加埋煙韌彈牙既陽春麵～非常夾👍👍👍而牛小排肥瘦適中～唔會食落韌👍👍👍棉花雞 $98棉花雞用既係日本地雞肉🐓～雞肉好嫩滑🤤～同好有鮮雞既味道🤩～湯低用高湯熬製～勁香甜濃郁😋😋😋🍜麵裏面仲有魚肚、北菇、雲腿絲同扁陽春麵~材料新鮮值得一讚👍👍👍自家制特飲(雪梨黑豆水) $22清清甜甜～味道唔錯🥤總括:🙈坐位都坐得幾迫下🤨～🙈中途無啦啦冷氣機滴水滴去頭頂🙄🙈餐廳上既酒精類飲品~暫時係無提供既✖🙈