好湯好麵

營業中

休息中

想試好耐的米芝蓮必比登推介餐廳，今日早去條隊不是太長，總算試到。招牌海龍皇湯麵，個湯濃濃的蝦及龍蝦味，更有絲絲的藍蟹肉，海鮮味十足！我整碗湯差不多清晒，之後也没怎口渴，可見用真材實料。用料十足，配料除了蟹肉、花膠仔及墨魚滑，更有隻廣島蠔，入口滑及鮮美。帶子也不錯，更有兩隻大大隻的蝦，更很細心地送上抺手的濕紙巾。陽春麵掛湯又有咬勁，無發水又吾變腍，我成碗食晒好滿足！服務也很周到，很主動幫我們添水及俾碗仔我們，抵讚！還有很多特式麵，要找機會再去試！

係大圍搵野食唔係好難，因為周圍都有好多野食！今日去到積圍街搵到叫「好湯好麵」！鋪頭有落場時間係下晝5-6！今日6點3/4左右去到都係得返3/4張2人吉枱！店員就安排左我同女朋友去樓上閣樓！餐牌上有12款麵食！我地2個揀左「棉花雞」同「海龍皇湯」加左「雞絲粉皮」！雞絲粉皮無咩特別就唔講！先講「棉花雞」，個湯真係要讚讚湯底真係好濃郁，不過魚肚同雞就各3舊，再加啲金華火腿絲係面，啲雞都嫩滑，魚肚就還好啦！價值$100蚊不過係有大半係湯底到！到「海龍皇湯」，材料有蝦🦐係比較大隻，有蟹肉碎，尤魚，生蠔🦪，湯底飲落有有好濃郁嘅蝦味！不過要同大家講，由落單到上菜時間都要等成3/4個字！大家如果個日趕時間嘅就揀過第2日先去！5分滿分比到3分，主要係比個湯底！

有啲識飲識食嘅朋友真係好唔使點做資料蒐集佢哋就會帶你去飲去食今次黎到大圍 食呢間 《好湯好麵》朋友話應該要排隊排好耐本身都驚驚地今次大概下午四點幾去到過咗下午茶又未到晚飯的時間客人都竟然多多地！西利不過好彩都唔駛等海龍皇講真 一上枱已經有一陣非常濃郁嘅蝦香！碗面水平面上有大面積的蝦油陽春麵都好掛湯沾滿蝦湯蝦油入口非常豐富帶子都嫩滑 不會過熟過鞋食完清晒碗湯都係基本操作黎！好得！綿花雞同海龍皇完全感覺唔同但同樣咁驚艷！雞湯湯底非常之濃郁淳厚同時飲落好舒服不會有死咸的感覺雞肉都好嫩滑呢一款都好好吃想刺激就食海龍皇想溫淳就食綿花雞食完剩係想希望下次再黎都一樣即入唔使排隊

-好湯好麵- @大圍.本身係諗住去附近食馬拉野，但找錯資料以為係哩間，坐底睇Menu時先發覺去錯左，不過既然都坐底左就照食啦。誤打誤撞咁就發現左哩間好野。.同個店名一樣，哩度主要係賣湯麵，仲有幾款小食同甜品。以湯麵黎講都算貴，但真係好值得。.黑口黑麵 ($90)個湯係墨魚濃湯，好香好鮮甜，稍稍帶點海鮮的咸味但又唔會太濃，我成碗湯都飲晒。.餸就有北海道魷魚同墨魚滑，魷魚好新鮮好香，而且煮得好淋身，完全唔韌。而墨魚滑食得出好香濃的墨魚味，不過佢就冇整到起膠的狀態，完全唔彈牙的。.麵條係扁陽春麵，硬度剛好，而且勁滑身，忌廉質感咁，淨食個麵都覺得好好食。.食物如其名，個湯同麵都做得好好，而且份量仲好足，勁大碗。食到好飽都忍唔住要飲晒D湯。.去的時侯剛好有枱唔洗等，但走個時已經見到門口有幾枱人等緊了，Lucky。

一早已聽聞過大名鼎鼎的好湯好麵，恰巧有機會來到大圍，即管試試是否名符其實😎十分幸運地一到步便有座位了～我們選了招牌的海龍皇湯以及棉花雞，另外叫了一杯檸檬薏米水👍🏻海龍皇湯($135)絕對令人驚艷！一上枱已聞到很香的蝦油味，面頭浮起的一層蝦油還能保存麵的熱度，湯底更是滿滿的龍蝦鮮味，調味適中，不會過鹹，讓人忍不住將湯底麵都喝光🦞配料的藍蟹肉份量很多，吃完麵條後還有一些蟹肉在湯內未吃完😆其他海鮮配料有海蝦尾、帶子、蠔、魷魚等，表現都正常。海龍王湯配的是陽春麵，十分掛湯而且有咬口，不會煮得過淋👍🏻棉花雞($98)的湯底非常淳厚，湯底呈奶白色，入口就是濃濃雞湯味，還有一點膠質黏着嘴唇的感覺😆雞肉、魚肚等都滲透了湯底的味道，整碗都是一體的感覺👍🏻今天的自家製特飲是檸檬薏米水($22)，酸酸甜甜的薏米水十分解渴，而且很開胃👍🏻

一直以來呢度最出名就係湯底，第二就係佢哋話自己嘅用料都好好。以前食過海龍皇湯麵、佛跳牆湯麵，都係呢度嘅手本名菜之一。今次諗住食真啲個高湯嘅味道，就要左風乾火腿湯麵，其實係一疊52個月嘅風乾火腿再加一碗高湯湯麵，裏面都有少少其他嘅配料包括竹笙、銀牙、金華火腿絲、蔥粒等等。52個月嘅風乾火腿係令人有啲失望，當然唔可能期望佢由一隻完整嘅豬髀切出嚟，好明顯係預先切好晒嘅預先包裝風乾火腿。味道方面，好鹹！非常非常鹹！鹹到好難慢慢咀嚼去食出火腿本身嘅肉味，因為你咀嚼幾啖之後，嗰啲鹹味已經充滿晒喺個口腔，已經遮掩晒其他所有嘅味道，我甚至乎覺得係鹹到一個地步after taste有啲微苦。所以，喺呢個用餐嘅經歷上，完全唔享受到呢52個月風乾火腿應有嘅鹹香嘅味道⋯⋯而且肉質好死實，咬落有筋要吐返出嚟。至於碗麵，啲少量嘅配料正正常常冇乜問題，竹笙索湯ok好味，竹笙、銀牙芽本身爽口，夾着啲麵一齊食啱晒！但問題啲湯都係好鹹，當然你可以話佢好濃味，但我喺其他嘅食店曾經飲過一啲高湯，可以做到濃而不死鹹。但可以讚賞佢嘅係，我飲完唔會覺得太過份地口渴，即係佢冇額外添加味精，都係用金華火腿熬製出嚟嘅高湯。至於麵方面，佢

鍾意飲湯食麵既朋友仔，一定要試下呢間獲《香港澳門米芝蓮指南 2022》必比登推介既餐廳，店舖小小，十二種湯麵全部由前四季酒店法國菜廚師精心炮製。棉花雞$98日本鹿兒島雞肉｜魚肚｜北菇｜雲腿絲｜高湯｜扁陽春麵多種配料熬出來既湯，入口非常鮮味，加埋雲腿絲一齊食，咸咸香香，將湯底進一步提鮮，真係令人欲罷不能。軟腍既魚肚同北菇吸收晒湯既精華，一咬落去就咇晒湯汁😋正! 雞肉唔會好肥好鞋，煮得岩岩好。濃香既湯底配上淡味又掛汁既陽春麵，真係好夾。最後連湯都飲晒，食後無口乾，證明真材實料，天然無味精。無骨泡椒鳳爪$50酸酸辣辣好開胃，紅蘿蔔同西芹兩款醃菜食落爽脆，鳳爪味道唔錯，但可以再入味就更加好。有米芝蓮加持既餐廳都有返咁上下水準，呢次專登11:00左右襯店舖開門就來排隊試，食完都叫不枉此行☺️好味：4/5環境：3/5客服：3/5

話說好耐之前佢岩岩開鋪個陣都食過幾次隔左一年左右今次食番，睇下佢啲水準仲保唔保持到🤫🤫（10分為滿分：🌕）味道：🌕🌕🌕🌕🌕🌕🌕🌕🌑🌑海龍皇($138)基本上呢個都係必叫既，湯底都係濃郁，飲到係好足海鮮熬出黎既湯底，鮮味極足，同埋覺得佢地改良左，以前食落會覺得有啲膩，今次反而清淡左但又不失濃味，值得推介。份量適中，女士食應該係夠飽既，同埋都係足料，有兩隻大蝦同唔同既海鮮🤓棉花雞($98)呢個都係另一個招牌菜，用日本雞肉加金華火腿為主，湯底濃郁得黎同都幾厚身，飲落係feel到極養顏🤓雞絲粉皮($45)見到粉皮通常都忍唔住要叫，都係無失望，夠曬煙韌，不過啲醬略嫌多左少少🤏🏻價錢：🌕🌕🌕🌕🌕🌕🌗🌑🌑🌑價錢當然唔算平，第一次睇係覺得貴添，但食完後覺得係足料，其實當食拉麵既價錢就會覺得合理左🤫交通：🌕🌕🌕🌕🌕🌕🌕🌑🌑🌑位於積存街，即係大圍站行出去行到去到尾尾個條街位置，食過幾次好湯好麵都唔係揸車去，不過見到周圍都有咪錶同有人泊街，係睇下你有冇運氣同膽識喇🫣環境：🌕🌕🌕🌕🌕🌕🌑🌑🌑🌑鋪面比較細，下面個層都放左好多張枱，基本上隔離講咩都聽到👂，個日隔離枱就係偷睇到我地遲過佢叫但上左菜先都嘈左輪😂😂不過

. 好湯好麵呢間位於大圍小店獲米芝蓮推介，吸引不少人慕名而來。賣成$72至$178一碗麵🤔究竟有咩吸引呢🤔係咪真係值呢個價錢😎今次我哋就黎試一試😆#冬甩仔女_大圍#冬甩仔女_粉麵🍩冬甩仔👦🏻🍩食評👅👦🏻海龍皇湯🦞🦀🦐🍜(8.8/10) $135中意海鮮既朋友，一定中意呢個龍蝦湯，係全店最濃既湯底，飲得岀幾鮮甜😆用料十足👍🏼頗為岀色🤭配料有滿滿既藍蟹肉🦀、北海道帶子、海蝦🦐、墨魚滑、花膠、蝦頭油，整體吾錯，每啖湯都飲到蟹肉😆但陽春麵吾太掛湯，差少少，略有不足，但都十分推介一試🍩冬甩女👧🏻🍩食評👅👧🏻黑口黑麵🦑🐟🍜(7.5/10) $90聽個名都幾搞笑🤣就試佢，上枱見到係黑色湯底，店舖好細心有件👙小圍裙比你，用墨汁🦑+🐟魚湯整成🙈飲到湯底少少鮮甜味，配料有北海道魷魚圈🦑、彈牙既墨魚滑🦑，正常發輝☺️扁陽春麵彈牙🤭相對海龍皇湯佢就較為清清地🍩冬甩仔女👦🏻👧🏻🍩食評👅👦🏻👧🏻棉花雞🐥🍜(7.5/10) $98湯底濃郁、飲落似好多骨膠原既感覺😆吾油膩🤭配料有日本走地雞🐥、魚肚🐟、北菇🍄、雲腿絲，將點心變左個湯麵幾特別🤣配扁陽春麵👦🏻👧🏻冷泡凍頂烏龍茶(枝)(7/10) $36茶味正常🤭🤭🍩冬甩小資

喺附近住，難得咁啱過去朝聖，晚上8:12左右黎，點知唔使排隊。以為係幸運之神呃眷顧，入門口已被安排樓上雅座台都未執好..諗住坐底時，差啲台都入唔到去就知位置夠闊啦。對面台落單..職員不停推介兩位加野飲..佢哋都表明唔使住..仲要再推多樣檸檬薏米水特飲…一轉身就輪到我地落order…睇到都即刻唔敢怠慢，落完order之後要加番句「係咁多」嘢食大概等咗15-20分鐘就來，先來左杯檸檬薏米水，跟住再來海龍皇麵，都貼心咁再俾送條毛巾仔俾剝完蝦之後可以抹手。黑口黑麵去錯左另一張台，好彩舉一舉手叫返碗麵嚟。如果食黑口黑麵，會俾條圍裙你。食完之後要埋單時，你會發現台係冇單嘅。落到樓下肥肥地姐姐佢會話俾你知食左咩嘢，心諗嘩…咁好記憶力唔錯喎..點知佢同我哋講淨收現金」明明網上還有其他支付方式。咁都算數，攞現金俾佢再確認多一次過金額係幾多時，即刻「唉」一聲，即刻面都變晒勁唔耐煩咁樣再答多一次，係我小氣定係佢不適合從事服務性行業？找完錢之後仲要大大力咁放嚟嗰個手嗰度？咁嘅服務態度仲再推介俾大家食咗成肚氣出嚟。本人唔會再去食，唔推介。人係需要食物嚟填飽個肚，而非受氣受飽個肚。

一直到聽過好多同呢間舖頭有關嘅報道今日終於有機會去試平日六點幾去到完全唔需要等位上菜速度都算快等咗一陣嘢食就到可惜當日”好頭好尾”賣晒冇得試第一啖同朋友試咗啖湯已經覺得好驚喜飲得出個湯頭好俾心機絕對係誠意之作第一啖食個麵覺得個麵身比較偏硬感覺有少少失望但係食食吓 湯嘅餘溫令到碗麵質變軟成碗麵嘅軟硬度就十分理想仲十分之掛湯希望餐廳可以一直keep住呢個水準

平日晚8點半無乜人排隊，等咗5分鐘入座🤭唔使排長龍碗麵都好食啲！有人覺得索價過百元一碗麵太貴，但講真湯好花心機煲🔥比好多西餐/Cafe嘅意粉高質好多🤌🌊喜歡就記得CLS 再加Bookmark🔖🙂#小胖遊大圍🐠 #小胖遊銅鑼灣🐠———————————————🔹潤牛麵 $148法式煎鵝肝片/慢煮美國頂級牛小排/豬潤高湯/扁陽春麵呢個好有驚喜🤩完美中西合璧嘅麵🍜 煎香鵝肝，封住裡面鵝油香，一咬入口既溶✨牛小排有3片，牛味超濃，都算幾軟腍🐮🐽豬潤湯好好味😋(平時我哋唔愛食豬潤都話正🤪)味道濃郁，完全唔會有腥臭/粉粉結塊，真係好花心思處理👨🏻‍🍳融合鵝油絕對畫龍點睛🥰飲左大半碗！扁陽春麵掛湯，又唔會輕易變淋！🔹棉花雞 $98日本地雞肉/魚肚/ 北菇/ 雲腿絲/高湯/扁陽春麵💛湯相對平實，但充滿雲腿絲咸香，熱辣辣飲係心靈雞湯🥣嘅溫暖🫶🏻(不過係少少偏咸）🐓雞肉肉質紮實但幾嫩口，魚肚吸晒湯精華Keep住爽口😛其實有啲似平啲version嘅迷你佛跳牆，私心當然迷你佛跳牆正啲(多好多料，但又貴啲🤣）—————————————————🧜🏻口水度：🌕🌕🌕🌕🌗🤑性價比：🌕🌕🌕🌑🌑🧚🏻打卡值：🌕🌕🌕🌑🌑🥰舒適度

獲米芝蓮推介嘅好湯好麵bookmark咗好耐，雖然一碗麵賣近$100，但係都想試下值唔值餐廳比較細，坐得有點迫，不過湯麵嘅種類頗多，而且有唔同嘅湯底，我叫嘅棉花雞就有高湯底配扁陽春麵，材料有日本走地雞、魚肚、北菇、雲腿絲，高湯湯底的確落足心機，飲落好濃厚，似係用真材實料去煲，唔似嗰啲沖粉或者開水嘅現成湯底，所以最後都清晒成碗湯，以依個湯底我覺得係值得賣貴少少嘅，陽春麵煮得軟身咗少少，個人比較喜歡硬身啲嘅麵

想去呢度好耐，但每次見到排隊都唔想排，今日適逢點半鐘去到，竟然唔使排隊，梗係把握機會，同男朋友入去食返碗好湯好麵啦呢碗棉花雞，食落好似中式酒樓嘅金華火腿高湯一樣，傑身少少，但好好味，尤其是係個魚肚，索埋啲湯汁，每一啖都感受到嗰個精華所在，我飲到一滴湯都冇海龍王湯都飲得到每一啖海鮮嘅味道，亦有好似飲緊龍蝦湯嘅感覺，但係就稀身少少，飲落去冇咁膩，整體都屬於好味嘅依兩款嘅面都係屬於扁身陽春面，口感屬於爽身，但本人對於麵食未有深切研究，所以不設評論住。🤪呢個雞中翼，炆得好入味，就係慢煮感覺，所以偏向淋身嘅，個人口味，屬於唔錯。整體最美中不足就係麻油海蜇，懷疑佢當日唔記得落麻油，亦都冇調味，所以個海蜇只係一個水浸海蜇，完全冇味道，連相都唔想影。幸好湯麵搭救，所以整體感覺不錯可以再食（除咗海蜇）😜

Intro:大圍好多野食，呢一間出名在好多濃湯嘅選擇，價錢$80-200之間係另類嘅湯麵🍜🤤記住要飲哂成碗湯阿，包保你番唔到轉頭😝___________________🍽 棉花雞💰98 （免加一）⭐️9/10✍🏻 湯底好濃雞味而唔鹹，可以飲哂成碗✍🏻 雞肉好多好綿好滑✍🏻 魚肚吸滿雞湯嘅精華✍🏻 略覺扁陽春麵不能掛湯🍽 芝麻醬雞絲粉皮💰46（免加一）⭐️8/10✍🏻 價錢少貴，份量不多✍🏻 粉皮彈牙爽口✍🏻 與雞絲簡直係絕配___________________🏠好湯好飲📍大圍積存街20號地舖⭐️Score: 8.5/10