好湯好麵

營業中

休息中

係門口比佢價錢牌嚇親，一碗麵賣兩舊水。但又諗起有時d拉麵麵係咁貴就釋懷左。入去試下佢最貴既佛跳牆。上菜用左20分鐘，中午1點黎食，算ok la.魚肚：泡到發漲哂，幾吸湯，淡淡香氣。鮑魚：事前有浸醬油煮，濃味香口，不過太細隻。素翅：冇特別，寧願食粉絲麵：冇特別，建議邊食邊搞，等佢吸湯。海參：冇味，純食口感。刺身帶子：細粒，中心位有些許甜味，但腥。冬菇：香菇味重，嫩口，唔錯。雲腿絲：咸鮮味一絕，最高質係佢，但得4-5條絲-.-雞肉：唔錯，冇煮到過火，嫩口有雞味。花膠：重料大舊，鐘意食花膠既人會好鐘意呢碗麵。重頭戲：湯：冇想像中驚艷，個個麵話比錢買湯飲，其他係配菜，但老實講，荃灣個間最出名既餃子店碗老火湯仲好飲仲平3倍價錢。結論：佢用料可能好貴，但食客食唔出個性價比。褲袋闊綽錢多可以試。