餐廳位於工廈內，等lift上去既過程都有點痛苦，餐廳環境闊落，大大張枱唔怕坐得唔舒服，但上菜速度就一般啦，而價錢亦都屬中間價，唔貴唔平。 情人節有特別menu，計返總價錢都幾抵食，但我地唔大食既關係，都係叫返散叫野食，望到其他枱上既小食拼盤等食物，證明我地係岩既，因為真係好大份！ 雜菌炒金邊粉 味道一般但鮮味，配上青檸汁會好食得多 馬拉盞炒通菜 惹味鑊氣並重，再辣多少少就完美 椰水雞湯 十分清甜可口，缺點係一鍋得3碗左右，唔夠喉！ 黃咖哩配牛柳 加薄餅 主菜變左係薄餅，配上咖哩好夾

舖頭座位唔多，約十個，但好岩打工仔lunch time過黎買外賣，價格係尖沙咀黎講屬於一般，唔建議由好遠特登過黎食。 Beef Doner w/rice Or Chips $70 轉轉燒牛肉配白飯 $70 牛肉有少少羶味但香口，配上舖頭特別風味既三色醬會好好食，當中配薄荷醬最為出色

舖頭座位舒服但唔多位 2個人繁忙時間黎食要預左搭枱 上菜速度正常 味道超卓 價錢一般 飛天通菜 $78 鑊氣重極惹味 送飯神物 蝦膏炒飯 $88 味濃 量多 可惜鹹咗少少 燒牛肉 $138 香嫩多汁 肉味濃 大份 食唔停口

啟豐商場老店之一，抵食之選，舖頭有分商場內（有冷氣），商場外（室外可食煙），平時唔多人排隊，菜式選擇多，出餐時間都好快。 香茅雞髀飯 $42 雞髀一分為四，用叉/筷子好容易食到，外皮香脆，但食落唔多肉汁，可以配上跟餐嘅蔥油或者酸汁去食，惹味開胃

二人餐 $698（另收加一） 沖繩䐁肉沙律 一般唔算突出 刺身盛合（7款14件） 刺身大大舊，新鮮好味 半燒三文魚配酸汁 / 蟹肉煎番卷（2選1） 三文魚外面燒得少少脆身，外脆內軟 幾特別 軟殼蟹天婦羅 / 吉列牛柳（2選1） 軟殼蟹有2隻，份量同味道都十足 鹽燒鯖花魚 / 銀次豆腐鍋（2選1） 鯖魚配上檸檬汁係永恆不變既定律，正常發揮 濃厚雞湯烏冬/ 蒲燒鰻魚石鍋飯（2選1） 鰻魚略為有少少多骨，但味道唔錯 雪糕兩客（綠茶、雲呢拿、柚子）/ 特色甜品兩客（2選1） 柚子雪葩就咁聞落幾香，食落都係正常發揮 沖繩特飲兩杯 梳打唔算太特別 整體不過不失，味道同份量都對得上個價錢，細食少少既朋友可以3個人黎食都得

老牌小店，幾乎係旺角地標之一，環境唔算闊落，但食完正餐再過黎食甜品/豆品係無得輸既。 魚肉煎豆腐 $26 豆腐好厚身，食落豆味濃郁，對比魚肉就薄身左少少同埋味道唔太出 油渣麵 $36 油渣帶少少肉，咸香味濃，配埋枱面上既辣菜脯食非常過癮

農家回鍋肉 $68 上菜個陣極香鑊味，腩肉肥而不膩，椰菜香脆爽口，兩樣加埋用黎送飯一流。 但缺點係呢個餐屬於午餐亦唔包湯，價錢係同區餐廳黎通講算貴，同時環境都唔算坐得舒服，整體絕對合格有餘。

午餐 香辣炭燒豬肉串章魚餅飯（$46） 搞唔掂，豬肉串同章魚餅睇得出係急凍食品，而味道唔算好食先係問題，加埋份量少同埋死辣味既香辣醬，會有少少貼錢買難受既感覺，仲要唔飽個下慘，唔會再黎。

Fish Taco 魚同餅皮都好香脆，加上調配醬好夾，兩啖就食晒 Ham and Cheese Bikini Toast 好食唔算特別，芝士味好香濃 Caesar Salad with Chicken 正常發揮，沙律菜新鮮爽脆 Mix Mushroom and Truffle Vol-au-vent 一啖啪落個口到，口感豐富 36 Months Iberico Ham with Melon 火腿咸香味加上哈密瓜既清甜，搭上新鮮沙律菜，係以上小食之中最好食既一道菜 Soup of Today 好重蔬菜味既湯，未必岩食肉獸 Roast Salmon Fillet 外皮搽左raspberry醬，有少少香甜香脆既味道，正常發揮 Grill Argentina Rib Eye 150g 肉味唔算濃，都係正常發揮 Fresh Prawn Pizza 芝士味好出，蝦仁都新鮮爽口 Linguine Carbonara 好creamy好香口，但唔會覺得油膩 Fresh Oyster 6pcs 加上醋、芒果汁同檸檬汁，生蠔食落好醒胃

燒汁脆皮牛柳粒 ($128) 牛柳粒同薯仔粒食落外脆內軟，黑椒味唔會太濃，無蓋過牛肉味，整體香口惹味。 蓮藕煎肉餅 ($108) 配上喼汁好開胃，小朋友都鍾意食。 四川回鍋肉 ($138) 花椒味非常出，香麻但唔會太辣，再多幾舊肉就完美。 海鮮配搭 豉椒炒蟶子皇（4隻）($298) 聖子新鮮彈牙，配上豉椒好餸得飯。 海鮮配搭 文昌雞（半隻）($298) 分量非常多，加埋蔥油食好惹味。 蒜蓉白菜仔 ($88) 好香既鑊氣蒜炒味道，再熱d同加少少豬油就更香更正。 拔絲咕嚕肉 ($128) 新鮮菠蘿配上外脆內軟嘅豬肉，甜而不膩。 生炸妙齡鴿 ($48/1隻) 稍為遜色嘅一道菜，肉質有少少鞋。 總結： 區內高質酒樓，想坐得舒服、食到好菜又唔介意俾多少少錢，絕對推介俾各位街坊。