好吃韓國料理

營業中

休息中

之前無意間食過呢間韓國小店，雖然無咩裝修可言，座位不多，位於通菜街之間一d都唔顯眼，但味道卻勝過不少大型商場又貴又唔好食既韓國餐廳。令我再次幫襯既係呢道雪濃牛骨湯飯，唔係間間韓國餐廳都有，乳白色嘅湯底用牛骨熬製，重口味既湯頭有濃濃既牛骨香氣。肉質極腍，筷子一夾，骨肉分離。將白飯倒入湯內變泡飯，平時唔食飯既我一下子食曬成碗湯飯附送既一小碗湯完全被比下去，已變成多餘，已經飲唔落啦！至於朋友叫既牛肉粉絲煲就較為遜色啦，試左一啖後略嫌湯底偏甜午餐價格嚮$38-$70之間，有小食有主菜有湯有主食有野飲，食到飽，價格合理又好味

係同事介紹下黎左食，食過一次之後就密密黎左食幾次，超推介杯飲品😂阿華田同奶茶都沖得好正👍Lunch Menu：叫完餐就有餐湯，應該係例牌同一個湯-蘿蔔+椰菜，配菜係kimchi+小棠菜，試過有翠玉瓜，幫襯過4次，次次試唔同，今次揀左砂鍋牛肉粉絲湯，朋友食辣豬肉飯，砂鍋牛肉粉絲湯味道較濃，無點飲個湯，挾左d肉同菜出黎送飯，對比起牛肉粉絲湯，我比較推介石鍋飯同泡菜豬肉炒麵，可惜我真係唔係好食得辣😖

在通菜街選擇晚餐，有太多選擇，但因想吃韓國的煲類，最後選擇了好吃韓國料理，看看是否真的好吃。當入到餐廳，待應會拿meun給你，然後我當然選擇煲類，而我最後選擇了辣雞肉粉絲，因為本人亦曾嚐試過不同餐廳的辣雞肉，但並不是每一間餐廳都好吃，而男友選擇黑豚肉炒飯。下單後，待應會送上湯及前菜（泡菜和菜心），味道不錯。而送菜時間亦很快，先來黑豚炒飯，外表是心形的而且面看有蛋，但有一點點的油，後來我的亦到了，完全是我心目中的類型！嚐試後，味道不錯，而且配白飯一流。價錢及位置都不錯，有機會可嘗試午餐。

去開旺角波鞋街shopping，最鐘意就係去Lee間食店，又唔可以同茶餐廳做比較，但食個午餐嚟講，確係唔同嘅。食韓國嘢最爽嘅就係當你肚餓嗰陣，但要等食嘅時候，佢必定先醒個前菜比你，我就至鐘意，頂下肚先呀麻... 唔計例牌有嘅泡菜，Lee間就清清地比白菜，我都like嘅。另外仲有個例湯，有D蘿蔔片係湯裡內咁啦！講返正餐先，今次就食咗個"泡菜豬肉湯"跟一個飯，湯底有泡菜嘅辣，同豬肉嘅甜 (個豬肉係用豬腩肉片，又唔會太肥膩，我自己就覺得啱啱好)，兩樣加起好濃味，真係唔停得口，好想飲晒D湯佢，如果有隻蛋就仲正，不過Lee間就無，可能係傳統D嘅韓國食法吧！不得不提下，前兩次食Lee間嘅時候，試過佢嘅"純豆腐辣湯"湯底同"泡菜豬肉湯"唔同，佢冇豬肉嘅甜，但就有海鮮嘅鮮，可能有蜆嘅關係，而湯底較清，加埋辣味都OK好味嘅; 另外仲試過"水冷麵"都一樣好味，酸酸地，開胃嘢，加上佢入口涼涼地，麵質又夠爽，好味！正因為食幾次唔同嘅餐都好食，確實可以返嚟再試多D款式嘅。

星期六既下午終於放假, 可以食好西!韓國野唔止燒肉/ 炸雞. 韓式料理都好好食午餐有成24款選擇, 有餐湯/ 配菜 加飲品,咁既價錢去邊到搵 餐湯： 羅白湯, 好清, 上菜時仲熱,濕下個口啦配菜： 一人一份, 韓國離不開泡菜, 好食！ 右邊既配菜就一般另加$10 有一份煎蛋卷, 餐牌上話有三片, 我地個碟有4片 清清地既煎蛋, 可以接受水冷麵 $45冷麵跟少少芥辣, 加落湯底唔會淡而無味, 麵身煙韌有口感, 跟半隻雞蛋2片肉, 好清新炆牛肋骨 $68上台時真係好熱, 牛肋骨有4-5舊好足, 不過肉質就麻麻, 有d鞋, 勝在份量多, 呢個湯底比較濃, 一定要配飯一齊食, 如果唔係好咸餐廳環境有韓風味道, 空間比較窄, 繁忙時間要搭枱食, 不過平平地又唔想食中餐咁普通, 呢到值得一食

正值午市時段經過女人街，心血來潮想食韓國菜。上網睇呢間冇乜人評價，於是決定膽粗粗試下呢度既石頭鍋飯。先講下環境，鋪面打理得幾乾淨，完全冇食韓燒既障氣感覺，坐落唔會有一種壓迫既感覺。午餐尚算經濟，基本上五十蚊內有交易，加多十蚊仲有一份炸紫菜粉絲卷或煎蛋卷呢！最後剩係叫左「石鍋蘑菇牛肉飯」配煎蛋卷食。前菜有一小碟泡菜配菜心，只可惜泡菜味道得辣字，食唔出白蘿蔔既酸甜，感覺做得有點兒馬虎。未幾店員就送上熱呼呼的石鍋飯，未食已經聞到飯焦香！食之前將半熟雞蛋同牛肉飯係高熱既石鍋內不停攬拌，任牛肉汁同蛋漿混和在米粒之間，食慾指數馬上急升！美中不足係覺得牛肉質地太乾(一份錢一分貨)……好在食到尾飯焦味都直撲滿面，教人欲罷不能

石鍋牛肉飯嘅鍋好夠熱，成鍋飯撈均唧時候咋咋聲，好吸引！牛肉同配菜嘅香味隨住熱氣升上黎~飯量都唔少，淋上少少甜嘅醬汁加$10有四塊蛋卷，似日式玉子，但中心位置黑黑地。仲有兩款配菜:調味波菜同泡菜，都係凍嘅。

We always enjoy going to this restaurant at least once a week. My all time favourite is the Gingseng Chicken soup (very good for cold) and the Kimchi Tofu Soup. My boyfriend loves the Bimbimbap with a lot of Gojuchang ❤️

早陣子經過位於女人街的這間小店時, 已被它的裝潢所吸引. 座位寬敞又感覺舒適, 加上餐牌上的美食看起來很好吃的樣子.....今天乘著有點胃口又寒風陣陣, 正好是吃韓國料理的日子(?座位和餐廳的感覺大致和在外面看差不多, 桌子只有五六枱, 侍應也很親切, 可是食物嘛....就有點失望了我和某某分別點了一個韓式炆牛肋骨, 一個韓式炸醫面小弟很喜歡吃韓式炆牛肋骨, 那種彈牙又軟韌的口感, 甘甜的肉汁, 一進口香氣四溢....滿心期待來到好吃, 想重溫那種口感....一上菜, 很訝異的, 牛肋骨的醬汁像是剛燒開的水一樣, 不斷在起泡發滾, 可是卻嗅不到那種香甜的味道. 肉汁是非常水狀的, 不像是久經炆煮之下滲有的濃郁牛肉精華的肉汁. 肉汁的味道是...淡的, 又或者說沒什麼味道, 用洋蔥胡蘿蔔熬製出鮮味只有很少很少的一點點, 都被重重的油膩感蓋住了. 牛肉的口感吃下去, 軟軟的, 一咬就離開骨頭, 我倒是沒什麼意見. 可是, 和湯汁一樣, 不單沒有擁出來的肉汁, 也沒有那種甘甜的味道...很失望, 友人的炸醫面也試了幾口, 可是也沒有什麼驚豔的地方.有點可惜, 這家餐廳蠻有小店氣氛, 環境舒適

本是滿心期待，然後覺得失望。早幾日係附近行街，抱著肚餓搵食嘅心情入左呢間餐廳。 正堂一個肚餓嘅人，應該係食咩都覺得好食，但今次有啲例外。一坐低已經送上韓國嘅前菜，泡菜。但格黎係粤菜…… 算一食落口啲泡菜係冇泡菜味，唔咸唔甜，基本上得個辣字。餐湯正常未食前菜之前，我叫左個泡菜豬肉飯。$38平就真係平。但我食完個前菜泡菜之後, 心諗今次gg 了。豬肉很“鞋“，泡菜很辣而無味，飯很多。基本本上整餐飯係有點失望。唉。

今同行旺角女人街,行到肚餓,見依間餐廳係食韓式野,走入去食下先!人唔算多,1入去就有位坐,睇1睇餐牌,先知,原來係韓式快餐!心想幾好呀!同韓式食法1樣ga係有前菜!我點左韓式洋蔥雞肉碟頭飯!整體黎講味道算ok,d雞肉+洋蔥汁,食落酸酸甜甜,今人食肉大增,而d雞肉就有小小雪藏昧,就差左小小,以碟頭飯黎講,算過得去!註:飲品要加錢

送嘅餐湯，根本就係一碗味精湯~~正常發揮嘅前菜，比一般韓式料理店嘅泡菜辣石頭鍋飯正常發揮，無咩特點鐵板辣雞粒，另配一碗白飯，個雞粒都算幾入味，不過比較辣，唔食得辣嘅朋友唔建議叫，可能會頂唔順，不過食得辣嘅朋友們不妨試下，啲雞粒辣得黎好入味，而且好香，值得一試！

本身自己唔食得辣，但友人想食韓國料理，就去左陪矩食，諗住自己唔食算。 矩叫左個泡菜豬肉飯，前菜係泡菜，望落好紅，感覺好辣，我食左一啖，發覺唔太刺喉，反而好好味，唔係得個辣字，於是我自己都叫左個牛肉飯。聽友人講，豬肉係最好味，但係係辣，雞同牛就唔辣，所以我叫左牛肉飯($36)再加6蚊叫多杯可樂。果然唔太辣，而且好好食，鮮甜嘅肉汁，岩哂想食韓國野但又唔食得太辣嘅香港人但個湯就稍為凍左啲，如果熱番就好好飲。

聽朋友話旺角有間食韓國野既唔差，見肚餓就去左試下，入到去見裝修好似身臨韓國嘅感覺，我認為食韓國野，單憑炸醬面就可以試出餐廳嘅實力。炸醬面一到，即刻撈暈佢，第一啖食落去，立即泛起一陣陣熟悉嘅味道。無錯！！同我係韓國食嘅味道一樣，D醬又唔太鹹，陣陣嘅黑豆醬香味同面底配合得天依無縫，簡直完美。

之前已經試過幾次呢間韓國料理，而今次約朋友到旺角，又唔想食d咁普通既野，就決定帶佢地去試下呢間位於通菜街既好吃韓國料理。叫完野食後就會上頭盤，本人係幾中意佢個頭盤，個湯真係好唔錯。我地有兩個人叫左石鍋飯，其餘四人都係要泡菜炒飯，我地再另外叫左一碟泡菜炒年糕同壽司。三個飯既份量都好多，食完真係到夜晚都仲未落格泡菜炒飯好適合我呢d比較重口味既人食，不過唔食得辣既人可能會有少少頂唔順。我個朋友想要凍水，點知佢話凍水要三蚊杯至於壽司就冇咩特別，個年糕個口感幾煙韌，碟野仲有本人好中意既腩肉，但係一碟六人分好似唔多夠喉，淨係食左一舊年糕轉頭就冇曬。整體黎講，呢間韓國料理真係值得一試，價錢方面都可以接受，食物質素都唔差，不過就建議大家自備凍水入場喇。