影片
更多
2016-10-16
641 瀏覽
正值午市時段經過女人街，心血來潮想食韓國菜。上網睇呢間冇乜人評價，於是決定膽粗粗試下呢度既石頭鍋飯。先講下環境，鋪面打理得幾乾淨，完全冇食韓燒既障氣感覺，坐落唔會有一種壓迫既感覺。午餐尚算經濟，基本上五十蚊內有交易，加多十蚊仲有一份炸紫菜粉絲卷或煎蛋卷呢！最後剩係叫左「石鍋蘑菇牛肉飯」配煎蛋卷食。前菜有一小碟泡菜配菜心，只可惜泡菜味道得辣字，食唔出白蘿蔔既酸甜，感覺做得有點兒馬虎。未幾店員就送上熱呼呼的石鍋飯，未食已經聞到飯焦香！食之前將半熟雞蛋同牛肉飯係高熱既石鍋內不停攬拌，任牛肉汁同蛋漿混和在米粒之間，食慾指數馬上急升！美中不足係覺得牛肉質地太乾(一份錢一分貨)……好在食到尾飯焦味都直撲滿面，教人欲罷不能
先講下環境，鋪面打理得幾乾淨，完全冇食韓燒既障氣感覺，坐落唔會有一種壓迫既感覺。
午餐尚算經濟，基本上五十蚊內有交易，加多十蚊仲有一份炸紫菜粉絲卷或煎蛋卷呢！
最後剩係叫左「石鍋蘑菇牛肉飯」配煎蛋卷食。前菜有一小碟泡菜配菜心，只可惜泡菜味道得辣字，食唔出白蘿蔔既酸甜，感覺做得有點兒馬虎。
未幾店員就送上熱呼呼的石鍋飯，未食已經聞到飯焦香！食之前將半熟雞蛋同牛肉飯係高熱既石鍋內不停攬拌，任牛肉汁同蛋漿混和在米粒之間，食慾指數馬上急升！美中不足係覺得牛肉質地太乾(一份錢一分貨)……好在食到尾飯焦味都直撲滿面，教人欲罷不能
張貼