影片
以上資料只供參考, 請與餐廳確認詳情
📍🇭🇰今次嚟到位於旺角嘅韓國餐廳🇰🇷經過見到佢門口貼住好多韓國食物🥘就比佢吸引入嚟🤓💡環境 大約有30個座位，大部分座位都沒有椅背每張餐枱上都有吊燈，夜晚嚟食應該氣氛會唔錯🤓🍚食物 🐓雞肉石鍋拌飯 ($58)第一下見佢唔係色彩繽紛有少少扣咗分😝雞肉醃得入味，味道帶少少甜味，但肉質偏乾身飯有啲結塊，質地偏濕🤏🏼口感唔太好🥺石鍋飯攪拌均勻後，唔太食菠菜嘅口感同味道隱約食到有青瓜絲🥒同些少芽菜整體而言，我唔推薦石鍋拌飯🥺🫖飲品 ☕️ 紅棗茶其實應該叫紅棗蜜至真😝應有係現成嘅紅棗蜜沖水好甜，好好味！😋 ✨推薦分數 : 5 / 10
繼續閱讀
-平日係旺角食lunch成街都係人，有啲名氣既都排緊隊行過一間個名叫好吃，咁岩有人走，望入去係坐滿人，就行入去試試入去試下**🍜 食物：** 韓國野炆牛肋骨係出名，咁當然要試下，個牛黎到真心有驚喜，首先係舊肉係淋到可以用匙羹切開，75蚊有2.5舊肉，下面重有紅白蘿蔔，成件事份量好夠，個汁係好食既汁，撈飯食一流**🎵 環境：** 唔好諗住食環境，絕對係比既錢去哂食物到**💰 價錢：** 75蚊既set，加個茶記熱飲，凍飲加三蚊嗰啲就基本**⚖️ 性價比：** 環境既分比哂味道，食落口贏晒打卡餐廳**💬 總結：** 行過有位值得入去食---**追加視角：** • 都係唔夠人手既餐廳，等下啦 • 有隻側門直出後巷，後巷嘅環境都唔乾淨，好彩食嘢嗰陣見唔到其他動物• 呢個價位牛肉唔韌，真心覺得無得輸---#偏食日記#無攝影技巧純食記#韓國食堂
繼續閱讀
禮拜五同朋友去食飯，諗住試下未食過嘅韓料，結果食物質素比同一區其他韓餐差好多🤮炸雞份量極少而且貴。冷麵嘅味道都。中途問服務員要碗仔同仔，結果直接話唔得閒，乜嘢服務態度？😓 惡劣的體驗
繼續閱讀
份炸雞份量又少又難吃😓，啲雞超多骨！！份量少到可憐，可能得七八塊小小嘅，😧😧同埋啲嘢食都好難食⋯⋯🙏🙏收➕1，但係搵佢地要杯水，話自己好忙唔得閒😓😓真係中伏！個冷面係咩都冇嘅，超級清淡，可能都會有人鍾意，但係要考慮清楚。話係韓國料理，但係味道超級奇怪。完全唔似韓國嘢，味道好奇怪。有好多進步空間，希望可以改進😅😅😅😅啲阿姨服務態度超級無敵差。好似得罪佢地一樣，😅😅唔知點解，
繼續閱讀
嚟到旺角搵野食，見到呢間食韓國嘢，好耐都冇食過韓國菜式，就入去試吓午餐時段，我叫咗純豆腐辣湯飯同埋砂鍋牛肉粉絲湯飯🤤因為係午餐時段，所以佢包埋前菜、例湯、白飯仲有熱飲純豆腐辣湯飯 ($55)我本身唔係一個好食得辣嘅人，所以我都會驚呢個豆腐湯太辣。但呢個豆腐湯比到好大驚喜我╰(*´︶`*)╯♡豆腐湯嘅味甜甜辣辣，送白飯一流👍🏻入面仲好足料，有豆腐同埋牛肉，豆腐有好多舊亦都好嫩滑😚呢個豆腐湯飯嘅味道喺其他地方度食唔到👍🏻完全係呢間店舖嘅招牌湯飯✨砂鍋牛肉粉絲湯飯 ($55)叫咗個辣嘅湯飯，當然都要叫個唔辣嘅湯飯啦😍砂鍋牛肉粉絲湯飯有濃烈嘅牛肉味，入面有牛肉、粉絲同埋一啲蔬菜🥳如果唔鍾意食辣嘅話，都好推薦可以試吓呢個砂鍋粉絲牛肉湯飯💖午市套餐包括嘅前菜有泡菜同埋白菜，泡菜都係酸酸辣辣嘅味道🥰另外仲包埋例湯，係蔬菜豬骨湯，都好唔錯😋總括而言，呢間韓國餐廳都好值得食，特別午市好抵，選擇亦都好多，如果經過旺角推薦大家去試下💖😚推介指數：⭐️⭐️⭐️⭐️
繼續閱讀