好吃韓國料理

營業中

休息中

喺旺角行咗成大個圈都諗唔到食咩好，經過女人街11點幾好多鋪頭都已經關門了，眼見這裏有間韓國菜，似韓國人開，於是便入去試試，其實鋪頭應該夠鐘關門，不過個女孩子話可以食埋先，原來佢哋會自己喺度食晚餐，似係一家人。我叫咗兩個韓式飯，原來辣汁係自己加，我男朋友不吃辣於是佢只叫咗個蘑菇飯，蘑菇好香，我的韓國飯是比較普通，是雜錦飯，自己加左少少辣都幾惹味！食食吓中途落大雨，都有啲擔心，點知當我俾錢之後，個老闆問我地有無遮，佢見我地無，就拎左把遮比我地用，香港就係需要呢種人情味👍🏻

今晚陰陰寒寒,毛毛雨咁,想飲一大碗熱湯,路過間韓式料理有位就試下. 好快已經決定到點半隻人蔘雞湯套餐,跟一碗白飯,加2個小配菜.點完即刻就上餐湯同配菜,配菜係翠玉瓜同泡菜,瓜爽口,泡菜香辣,正常地ok~都稍為等左一陣先上雞湯,一大碗熱鍋雞湯,上枱時仲係卜卜聲滾緊,啱哂~ 先試湯,好熱,啖湯香甜有雞味,好杰身,翻開雞件見裡面放左好多糯米,有少少似雞粥果種味道,配白飯,飽肚滿足.晚餐加一服務費, 盛惠$83, OK, 暖胃之選.旺角通菜街24號地下E號舖山東街行到中國銀行(頭頂有好大個沙嗲王)招牌果個街口行入去.

講到旺角嘅平價韓食，我同一班朋友食得最多就係首爾家啦，又平又好食，不過食得多左自然會厭啦，今日就想出去外遇一個新的她……呢一間位於女人街嘅巷仔到，幾容易去架，不過如果專程嚟搵呢間其實有少少難，畢竟女人街啲店太多轉錯個轉都未必睇到佢。環境正正常常啦，我地嚟得比較早，應該開鋪無耐，客唔算多，唔洗等位就有得坐啦。我地睇緊餐牌個陣例湯就上左啦…以例湯嚟講一般般啦，有啲椰菜，好好飲又未至於，但食飯有啖湯飲下潤下都算個加分位嘅。我見都有人po menu就費時重po啦，午餐menu都幾多選擇架，都有廿個左右，價位大概係40到50 左右啦。所有餐都會附送湯，餐飲（凍飲加3蚊），仲有前菜。前菜有泡菜同芽菜嘅。泡菜就似超市買個啲啦，唔係特別好食個種，配下飯都過得去嘅。至於芽菜有啲麻油味，但唔會太大油味，合格。炸醬麵 $47一嚟到覺得個賣相就一般啦，不過炸醬麵都係咁嘅樣架啦…不怪它，不是它長得特別醜等我撈一撈先……實物比圖睇落仲大啊…我覺得我普通女仔食量啦，我食到一半就飽了。我好中意食面，次次食親韓食，就會忍唔住叫面食。我又重口味開喎，乾撈真係好吸引我。所以次次見到炸醬麵每次都會叫，但次次食落都覺得一般般啦

一般既。好吃韓國料理🇰🇷一般既。好吃韓國料理🇰🇷前幾晚同女朋友行下旺角，行到十點，有小小餓，就入左呢個細細地既女人街內巷，食下韓國野。女朋友仔怕肥，簡單叫左個二人部隊鍋同紫菜粉絲卷。前菜，泡菜及芽菜，味道吾太韓式⋯⋯個部隊鍋都幾大，面較多，面質正常淋到。D餸小，個底得小小牛肉，腸仔同牛餐肉量合理既，湯辣辣地，撈落飯到食都ok。個紫菜粉絲卷幾好食，脆卜卜，冇油益味，點下個醬都ok好食。整體黎講，吾算特別好食，未必會再幫襯。

想喺旺角食韓國嘢又唔想食燒肉就求其入咗呢一間餐廳。套餐會有跟一個餐湯同埋兩款韓式小食，當日就係黃芽白同埋泡菜個泡菜就太過濃味啦，但係唔係好夠辣啦而芽菜都有啲鹹，只係勝在麻油味夠香。個湯就只係得少少椰菜做配料，好似普通菜水加鹽，也是一般。牛肋骨湯飯湯底充滿住幾濃郁嘅牛味，入邊係有大量嘅蘿蔔同埋粉絲啲粉絲索哂個湯底嘅味好好食牛肉亦都好淋，骨肉分離。算係唔錯韓式炒粉絲呢一個就比較差啦。首先分量唔算話好多，而且啲粉絲炒到一餅野咁樣好難拆開佢哋但係麻油味好香亦都唔會覺得好油，呢一個值得一讚不過整體來講我都覺得呢一間嘅餐廳質素只係屬於好一般，未必再有下次

開學以後就很難見到朋友，因為大家都很忙，特別是十月。今天難得約到出來，又見很久沒有吃韓國菜，就找到這店初嚐。餐牌選擇甚多，我們都考慮了好一會才決定到食甚麼。我和朋友分別點了石頭飯還有辣湯。點餐後，店員送上湯和前菜。我不是經常食韓國菜，但之後有一間我隔一段時間會光顧的韓式餐廳只會對order飯類的客人提供湯，order湯類作主食的不會提供，不過這裡是點任何一個餐都會提供，也不錯啊大家都可以飲。本來看到湯的顏色那麼淡，湯裡的材料又比較少，還有是送的湯，我都沒有期望。可是，飲了一口，竟然有牛肉味，還有湯裡的白蘿蔔吸收了湯的味道，又幾好飲，只是溫度凍了點。前菜反而比湯遜色，菜偏硬又凍，沒有甚麼味道，泡菜不怎麼辣。熱騰騰的石鍋什錦拌飯(雞肉) ($50)等了一會後送到，熱得不斷發出滋滋聲，要盡快拌好要不是就要焦了。裡面還有一隻生蛋。我一直拌，發覺份量也挺多的我還問店員幫我拿來韓式辣醬增加味道，加了以後提升了不少。飯裡有不同的材料，我選的雞肉也不吝嗇的放進去，件數多，蔬菜差不多每一口都食得到。我覺得這個飯也放進了點黑椒，帶少少胡椒的香辣。這個飯味道不錯，份量也很夠食。初嚐這店，拌飯不錯，以後再試試

真係好難食，係我食過最難食嘅韓食。配菜嘅泡菜得個辣味勁奇怪，牛肉飯係酸嘅，連奶茶都難飲好苦。仲有泡菜豬肉炒飯得幾舊細過尾指指甲嘅肉粒，成碟飯得鹹味冇泡菜味。最後，其實牛肉湯賣相ok，但飲第一啖湯就feel到好鹹，唯有食粉絲，但竟然連粉絲都過鹹，真係接受唔到！最後我係用湯渣送飯！配菜賣相都勁唔掂，成間鋪頭唯一好食嘅係餐湯。仲有店員全程黑口黑面，勁唔舒服好似俾錢買難受咁。真心希望佢地改善下食物質素同服務態度。

係旺角食飯有好多選擇，這間座位唔多，但坐得舒服。就算天氣熱，食韓國菜，我都會揀韓式辣豆腐海鮮湯套餐。套餐有餐湯及兩款泡菜。豆腐湯内材料好多，勁多豆腐，诲鮮都多，有魷魚蜆仔虾仔，還有瘦肉。豆腐好滑，辣湯較咸，跟飯一齊食，味道剛好。

今天晚上跟家人來用餐，吃完想要外賣一份回家。結果結帳後店員把外賣的餐點先加兩元外賣費再算上加一。以前光顧的時候店員都會分開兩張單來結帳，因為外賣不需要加一服務費。這次向店員咨詢，她表示他們店是這樣還說已經問清楚了，態度非常不好。然後向另一位店員了解，外賣自取是不是也要收取加一服務費，他說不用才分單收費。外賣有需要你送餐上門服務嗎？這樣收加一合理嗎？為了多收那一點點小費欺騙客人⋯本來挺喜歡這家店的，但這次這位店員的態度使我很失望不希望再來了。

旺角亞街老街山東街龍蛇混雜，想不到食肆也是百花齊放，中西韓日印星馬泰都有。今天寒風又至，最宜来個家庭式韓國料理，石煱牛肉飯。先是配菜Kimchi 和白菜仔，家庭Kimchi 一定是自家制作，吾會差得去邊；白菜加了韓國蔴油，夠原味。跟住就是牛骨湯，首要夠熱，清甜中带出牛骨味，完全合格。主角石煱牛肉飯。芽菜, 波菜、蘿蔔丝，洋葱，再加隻生雞蛋；配上牛肉和朝式辣酱。熱烘烘是把所有材料跟米饭撹伴一起；然后大口大口吃，就是地道朝吃，爽到不得了，平易又滿足！

尋日本來想去農川食口水雞，但可惜要明天初四才啟市，唯有懷著無奈心情找食～農川向前行多兩步就見到有間泰菜，但可惜無下午茶，正餐份量又怕太大，跟住唯有再向前行，經過「好吃韓國料理」其實無太大期望，因為韓菜不是我杯茶，而且食材煮食方式無太多變化，不過醫肚要緊，加上食評正面，就入去試試啦～見到+嗅到隔離枱小女生的石鍋什錦飯，好香色澤又正常，咁我都嗌石鍋啦，揀了「石鍋蘑菇牛肉飯」一上台 “嗞嗞、嗞嗞...”聲就知石鍋有幾熱，果然有飯焦，感覺非常良好，由於我唔多鍾意涷食泡菜，所以泡菜前菜都倒落去撈飯，夠熱就是正，再加埋韓式甜辣汁，太美味啦，雖然要加一，但係好值得，因為用心足料唔揸流攤，又多一間食店放入food list啦

是咁的~ 呢日同女朋友仔黎到旺角 咁啱大家都想食韓國野 於是我就提議不如喺通菜街d冷巷行下 睇啱邊間就食啦美食係要自己發掘嫁嘛行行下睇中左呢間 入去坐低先知個名叫“好吃韓國料理”簡單得黎又有自信 就睇下你係咪名符其實 Lunch set有好多選擇 而且價錢都係抵到喊出黎 我每次去韓國餐廳都係忍唔住食石頭鍋飯 今次亦唔例外 就決定叫一個海鮮石鍋飯 女朋友仔就叫個蘑菇牛肉石鍋飯 呢兩個飯價錢一樣 都只係五十蚊 抵到爛！石鍋飯點解咁吸引 就係因為夠曬熱 石鍋溫度高能夠將米飯嘅水份蒸發 上枱後依然保持住高溫就會繼續將淨低嘅水份逼出 令飯粒 粒粒分明 而且仲有飯蕉嘅效果 其實原理就同煲仔飯差唔多只係石鍋飯用拌飯醬 煲仔飯就用甜豉油講番個飯 真係好味得黎又好好食 無論配料定主料嘅份量都好足 講真出面好少見到有海鮮石鍋飯 有都一定唔止五十大元呢到嘅海鮮石鍋飯主要係魷魚同少少青口仔 青口仔鮮甜味十足 不過魷魚就可能因為太細隻同埋俾d拌飯醬蓋過左個味 所以就冇咩味 不過不得不提呢個醬好好味 辣度咸度適中撈石鍋飯一流至於女朋友嘅蘑菇牛肉石鍋飯 真係超好味（其實仲正過我果個） 牛肉好香嫩唔係用d好渣嘅急凍牛

每次食韓國食物都起碼要100蚊以上,依間就唔同啦～泡菜豬肉湯🐷(配白飯🍚)(送2款配菜+蘿蔔湯) $62Kimchi Pork Soup💙個泡菜豬肉湯有小小辣❤, 但接受到的😄 泡菜豬肉湯嘅材料都算足夠💕,仲有軟豆腐啊😍😍新鮮熱辣辣咁放係前面❤, 材料唔算太少, 食完覺得都飽肚😄 味道唔錯, 幾好食💕依間嘅韓國野食都唔算太貴($50-$70), 想慳錢💰嘅朋友,又想食下韓國菜 可以試食依間🇰🇷 下次會再嚟的😍想試下其他野食😉

雖然呢度環境普通 坐既位置比較逼但勝在菜式頗多 價錢仲好平民 40多元至60多元不等石鍋牛肉拌飯（48元）(下)味道材料好足 味道都幾吸引 值得推介！牛肋骨湯（68元）(上)肉質又淋又滑 都可以一試

之前無意間食過呢間韓國小店，雖然無咩裝修可言，座位不多，位於通菜街之間一d都唔顯眼，但味道卻勝過不少大型商場又貴又唔好食既韓國餐廳。令我再次幫襯既係呢道雪濃牛骨湯飯，唔係間間韓國餐廳都有，乳白色嘅湯底用牛骨熬製，重口味既湯頭有濃濃既牛骨香氣。肉質極腍，筷子一夾，骨肉分離。將白飯倒入湯內變泡飯，平時唔食飯既我一下子食曬成碗湯飯附送既一小碗湯完全被比下去，已變成多餘，已經飲唔落啦！至於朋友叫既牛肉粉絲煲就較為遜色啦，試左一啖後略嫌湯底偏甜午餐價格嚮$38-$70之間，有小食有主菜有湯有主食有野飲，食到飽，價格合理又好味