好吃韓國料理

營業中

休息中

呢間鋪頭都幫襯左好多年價錢合理味道都唔錯雖然佢同其他韓國餐廳嘅味道可能會有點不同，而係我就係覺得好好食。有時候會向老闆提議他們的食物味道食得出他們有改善尤其是係純豆腐辣湯同炆牛肋骨煲我係要添飯食值得推介的❤️❤️入面既服務非常貼心雖然鋪位細細而係老闆每次都係會好好咁為客人安排位置所以好多時候我午飯和晚飯都係喺呢度度食，個連續一個禮拜有兩日過咗嚟食。除此之外有介紹過比朋友，他們吃過之後都愛上這間餐廳。

當日晚上大約九點，餐廳侍應比錯左啲野食去對面台，對面食客又沒有出聲，擺低左起碼5分鐘，跟住發現出錯後，侍應直接將對面枱的食物交給我們，我地話衛生問題，要求重新煮過，嗰個侍應拎返入去廚房隔咗2分鐘之後拎返同一個出嚟，我哋梗係拒絕啦，佢話你地咪食啦，cancel 啦咁希望大家以後小心啲啦，要再去呢間嘢度食嘅

好吃韓國料理 @zono.diary純豆腐辣湯 💲4️⃣8️⃣裏面有超多料🤤豆腐好滑 湯好飲 送飯食一流 而且唔會好辣 酸酸地辣辣地 超開胃 以咁嘅價錢嚟講算唔錯👍🏻泡菜豬肉飯💲4️⃣5️⃣泡菜豬肉既份量超多 完全食唔晒🫣 望落好似好紅咁 食落唔會好辣 係少少甜少少辣 但唔算係好正宗既韓國菜 煎蛋卷(跟餐價💲🔟)蛋卷入面有少少蔥同紅蘿蔔 味道正常 唔需要特別加配都得🫠<><><><> <><> <><> <><> <><>味道：👍🏻👍🏻環境：👍🏻推介：👍🏻<><> <><> <><> <><> <><> <><>🍴 好吃韓國料理📍 旺角通菜街24號地下E號舖<><> <>

鍾意食韓國菜嘅我，無意中行行吓見到呢間餐廳，就入左去食～炸醬麵醬汁非常多，唔好睇好似好齋咁，其實入面有肉粒同青瓜絲，麵條都幾煙韌有咬口石鍋什錦拌飯(牛)牛肉雖然唔算多，但勝在醃過夠味，飯焦好香脆。如果鍾意食辣，可以加少少辣椒醬，仲會好食 d午餐仲有兩款配菜同餐湯添

今日收工收得夜，差唔多11點先走得之後周圍搵都冇嘢食，見到呢間韓國料理仲開着就入去食。叫咗個紫菜粉絲卷食落去一般般冇乜驚喜，反而之前冇乜驚喜嘅卡邦尼炒年糕嚟到食落去又覺得幾好，食完都唔夠飽就嗌多個半隻有只麥炸雞可能太夜佢又急住整出嚟所以個雞係舊熱但係就唔夠脆。整體食物偏鹹如果唔係太啱食鹹嘅就唔建議黎。

海鮮石鍋拌飯的海鮮是蜆肉和八爪魚未拌之前有顆生雞蛋鍋夠熱，一下子就熟透了。覺得還不錯，份量有點少，不太飽。牛肉粉絲湯飯和豬肉飯都不錯。環境還行，店有點小，位置不太多。價格合理，良心小店。

個卷蛋薄到似蛋片， 一d 芝士味都無， wasabi 味就有， 圖既份量好大，出到黎得一半個牛肋骨仲勁， 似豉油炆牛骨甘。個係鹽水加菜。唯一正常係份kimchi , 炒粉太熱飯盒都溶溶地

旺角街頭冷清，想食點熱辣辣的，見這韓國料理菜式多款，午市價錢相宜便試試。想到近來呢頭的食客少，顧慮食材久放唔新鮮，所以保險地叫了牛肉粉絲鍋。$50，這鍋包一碗白飯、兩個小小的前菜、餐湯同熱飲，非常抵囉！落單後，即上海帶湯及前菜，小棠菜及泡菜，唔知點解小棠菜有少少白色的薄層，反正唔好小棠菜，所以冇食。泡菜，質地及味道正常，但醬多得是，最後我食完個鍋便浸下泡菜才食。最不得就是個湯，一送來，我接受唔到陣味，入口鹹到哩🤮⋯⋯牛肉鍋夠熱，但只有四片完整的牛肉及牛肉碎😓⋯⋯鍋裏的椰菜絲很淋。我不會再光顧這店。除了便宜，別無可取。

好吃韓國料理💚石鍋什雜飯(海鮮) $52炆牛肋骨餐 $72鐵板什雜餐(牛雞豬) $72炒年糕拉麵 $50+柚子茶 +$5每個餐跟配菜x2+湯x1-石鍋什雜飯(海鮮)佢個飯焦都幾好味 夠窿👻不過洗碗就應該有排洗同埋食落去有啲癡牙啲菜都算多但海鮮就可能得魷魚定唔知八爪魚🐙．配菜啲泡菜好似偏酸同多汁另外嗰個小棠菜一般啦👻．個湯應該係海帶有肉嘅湯我唔係咁鍾意一來有肉二來好似有浸我唔鍾意飲嘅湯味🥺．其實唔係好記得有乜嘢想講🤭基於太耐先寫有特別 或者我記得有咩想講 我先寫👆🏽-25/10 eat唔寫得好詳細㗎啦💁🏻‍♀️-好味程度：🌕🌕🌕🌑🌑抵嘅程度：🌕🌕🌕🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌑🌑🌑👆🏽炆牛肋骨餐 👆🏽鐵板什雜餐(牛雞豬) 👆🏽炒年糕拉麵

偶然係旺角發現左呢間韓國小店，本來都無乜麼胃口但食食下居然鯨吞左一大碗湯同飯！呢度每個套餐都會提供前菜，泡菜酸甜中帶辣，加試蔬菜清脆爽口，好開胃！辣雞絲粉絲湯呢碗湯真係正到我差啲詞窮唔！完係食正我嗰範了。甜中帶辣味，而上面又鋪滿左雞絲，加上湯裡面嘅蛋絲同洋蔥，將成碗湯嘅香味㫒華咗。韓式粉絲嘅口感好煙煙韌，食嘅時候將啲粉絲撈埋啲湯一齊放入口，係冬天食簡直一流！！石鍋泡菜豬肉飯一擺上枱就俾佢陣香味攻陷！飯的焦香同辣醬嘅醬香互相融合，淨係聞都已經流哂口水。攪混左之後一大勺連豬肉同泡菜，一大啖啪入口，甜辣醬同熱辣辣嘅飯纏綿埋一齊，加上豬腩肉嘅油香、泡菜嘅酸爽。一啖又香又肥但又唔會油膩嘅撈飯，好食到震啊！紫菜金槍魚卷飯雖然話係招牌，但就一般般。凍嘅關係啲飯比較硬身，而且幾乎品嘗唔到包係入面嘅食材味道，所以就唔太推薦大家喇～

Lunchtime一點去到啱啱full晒，男店員叫我同另一位女士坐住落住order先，稍後安排分開枱坐。雖然估到佢之後就會扮冇左分枱呢回事都唔緊要啦，我同坐對面女士落咗order成20分鐘都未出餐，最差係幫我地落單嘅女店員落錯單，堅持對面女士係A枱將我個石鍋蘑菇牛肉飯比左佢。因為我遲過對面女士落單所以根本上唔知女士order左咩，點知等多5分鐘之後落單女店員為聲稱B枱嘅我送上一個湯飯，咁我就同佢check啦，女侍應仲堅持係冇落錯單，仲話我係叫湯飯。大佬呀我叫果個冇湯㗎⋯⋯對面女士都話應該搞錯但佢冇為意食左幾啖先覺得唔對路。咁冇計啦等都等咗成半粒鐘唯有硬食，用10分鐘隊左成碗湯飯落肚，仲有烏蠅喺度伴舞⋯⋯隔離枱都有向女侍應反映佢地嘅飲品order唔啱，女侍應都只回應丫係咩，等個客講話唔緊要照飲啦咁，真係Speechless……我因為趕住返Office個湯飯食左一半都冇，但一整個下午狂飲水，可想而知佢d味精幾重…. 一分錢一分貨，女人街就出左名平所以不能要求太多，但order完要等近25分鐘仲要係錯嘅實在不能接受，女侍應處事馬虎同不認錯嘅態度實在令人卻步，永冇下次。

已經食咗好吃韓國料理好多年佢算係本地化左嘅韓國料理抵食而且味道唔錯泡菜豆腐鍋🥘會食到泡菜嘅酸辣 味道偏重😋配菜會有豆腐同埋豬肉片食落都算豐富豬肉片係半肥瘦嗰種 同個湯本身幾撘

呢排睇netflix 既激辛道，其中一集講部隊鍋，激發我想食韓國菜既意欲～我地係女人街經過見到「好吃韓國料理」，就試吓佢好唔好食先～🥘牛肋骨湯呢碗湯我飲唔落，因為我飲到有陣奶味。。。唔知佢係未加左牛奶，嘗試飲左幾啖但放棄了。牛肋肉係軟嫩既，但可能被湯既味道搶左，唔係好食到牛味。🍜香辣湯麵（牛）湯麵係普通既公仔麵，辣湯係比較mild 既辣。牛同雞蛋略嫌食熟左d, 食完無咩記憶點😑🌶泡菜煎餅有點失望係泡菜既份量唔多，我地切左8份，每份煎餅淨係食到一兩條泡菜，好似食緊一團澱粉質咁，好彩佢唔算厚同油，但味道略嫌寡左d～兩份餐都送左小菜，包括泡菜同芽菜，泡菜唔辣又唔酸，我食左少少🤏又放棄了（笑

🌞中午時分與友人一心想著到附近小巷尋找午膳之處，誰不知，大伏！💰望到價錢都好似正正常常咁，一心歡喜走入去諗住試下呢間韓國嘢係咩來頭，畢竟場內都座無虛席。一坐低點完菜之後，店員就附上小菜同海帶湯。海帶湯完全係味精味，同想像中嘅韓國泡菜湯完全唔係同一回事，加上個碗黐笠笠，令我與一眾友人都感到意外。小菜一不值一提，從未見過韓國嘅小菜係會用小棠菜(不肯定)，另外泡菜都係甜嘅甚至食唔到任何辣味。飲完個湯同試咗啲前菜已經知道呢間野咩料，我竟然心存僥倖諗住佢個主食可以好啲。。。1⃣️首先拌飯嚟到，朋友叫咗豬肉石鍋拌飯，與普通石鍋拌飯相比，配料只有芽菜，生菜絲，蛋黃，同數小塊豬肉。成個飯入面，麻油味唔算十分突出，豬肉亦毫無口感，除咗啲芽菜可以幫到個飯添加到少少口感之外，呢個拌飯一啲都唔合格2⃣️其次泡菜豬肉湯，第一啖飲落去，甜嘅？再試一試豬肉，似煲老火湯嘅肉，完全冇口感，懷疑係同一堆豬肉，飲多幾啖發現，呢個泡菜湯其實根本就係一個紅色嘅老火湯，有名無實。自問喺韓國飲過嘅泡菜湯都會有少少酸味，而係附近平昌嘅泡菜湯就偏鹹係我嘅心頭好，諗都冇諗過成世人會飲到甜嘅泡菜湯。10分嚟講真係只可以俾佢1分，而個1分係比碗飯，

早前係旺角行街買野，我覺得好肚餓，諗到一直都好想食韓國水冷麵，好掛住行韓式食物，尤其嗰種酸酸辣辣的感覺！所以就四圍搵有冇韓式餐廳，然後搵到呢間！呢間餐廳整體感覺唔錯，主要因為好平，但食物就⋯好一般，但唔算難食，係好一般，好似自己喺屋企整嗰啲，因此我懷疑主廚唔係好識煮野食。餐廳店員相當有禮貌，我問佢攞多啲醋，佢好有禮貌回覆，而且仲同我講如果唔夠可以話佢知！所以最後結論我係會再嚟幫襯的，因為好平，店員有禮貌，人客唔算好多，只係食物比較一般