影片
更多
2021-10-28
223 瀏覽
🌞中午時分與友人一心想著到附近小巷尋找午膳之處，誰不知，大伏！💰望到價錢都好似正正常常咁，一心歡喜走入去諗住試下呢間韓國嘢係咩來頭，畢竟場內都座無虛席。一坐低點完菜之後，店員就附上小菜同海帶湯。海帶湯完全係味精味，同想像中嘅韓國泡菜湯完全唔係同一回事，加上個碗黐笠笠，令我與一眾友人都感到意外。小菜一不值一提，從未見過韓國嘅小菜係會用小棠菜(不肯定)，另外泡菜都係甜嘅甚至食唔到任何辣味。飲完個湯同試咗啲前菜已經知道呢間野咩料，我竟然心存僥倖諗住佢個主食可以好啲。。。1⃣️首先拌飯嚟到，朋友叫咗豬肉石鍋拌飯，與普通石鍋拌飯相比，配料只有芽菜，生菜絲，蛋黃，同數小塊豬肉。成個飯入面，麻油味唔算十分突出，豬肉亦毫無口感，除咗啲芽菜可以幫到個飯添加到少少口感之外，呢個拌飯一啲都唔合格2⃣️其次泡菜豬肉湯，第一啖飲落去，甜嘅？再試一試豬肉，似煲老火湯嘅肉，完全冇口感，懷疑係同一堆豬肉，飲多幾啖發現，呢個泡菜湯其實根本就係一個紅色嘅老火湯，有名無實。自問喺韓國飲過嘅泡菜湯都會有少少酸味，而係附近平昌嘅泡菜湯就偏鹹係我嘅心頭好，諗都冇諗過成世人會飲到甜嘅泡菜湯。10分嚟講真係只可以俾佢1分，而個1分係比碗飯，
💰望到價錢都好似正正常常咁，一心歡喜走入去諗住試下呢間韓國嘢係咩來頭，畢竟場內都座無虛席。
一坐低點完菜之後，店員就附上小菜同海帶湯。海帶湯完全係味精味，同想像中嘅韓國泡菜湯完全唔係同一回事，加上個碗黐笠笠，令我與一眾友人都感到意外。
小菜一不值一提，從未見過韓國嘅小菜係會用小棠菜(不肯定)，另外泡菜都係甜嘅甚至食唔到任何辣味。飲完個湯同試咗啲前菜已經知道呢間野咩料，我竟然心存僥倖諗住佢個主食可以好啲。。。
1⃣️首先拌飯嚟到，朋友叫咗豬肉石鍋拌飯，與普通石鍋拌飯相比，配料只有芽菜，生菜絲，蛋黃，同數小塊豬肉。成個飯入面，麻油味唔算十分突出，豬肉亦毫無口感，除咗啲芽菜可以幫到個飯添加到少少口感之外，呢個拌飯一啲都唔合格
2⃣️其次泡菜豬肉湯，第一啖飲落去，甜嘅？再試一試豬肉，似煲老火湯嘅肉，完全冇口感，懷疑係同一堆豬肉，飲多幾啖發現，呢個泡菜湯其實根本就係一個紅色嘅老火湯，有名無實。自問喺韓國飲過嘅泡菜湯都會有少少酸味，而係附近平昌嘅泡菜湯就偏鹹係我嘅心頭好，諗都冇諗過成世人會飲到甜嘅泡菜湯。10分嚟講真係只可以俾佢1分，而個1分係比碗飯，做到粒粒分明嘅效果。
3⃣️最後，辣豆腐湯，豆腐件數都算多，牛肉偏硬冇乜肉味，湯頭整體嚟講俾泡菜豬肉湯好，有爽口嘅辣味，亦都唔會飲到甜味。算係成餐覺得最正常嘅一道主食，隨湯亦都附送兩隻蜆，但朋友就話好多沙…
整體來講，大伏，我覺得呢間韓國餐廳好冇誠意，喺旺角呢個地段除咗叫平少少之外，真係冇乜特別亦都唔值得去食。朗豪坊foodcourt間韓國嘢都好過佢，食緊嘅途中真係想叫出邊排隊嘅人快啲走唔想佢哋試到啲咁伏嘅嘢..
另外，埋單嗰陣見到環境都唔算特別好，感覺廚房衛生好差，佢哋想營造一種係韓國布帳馬車食飯嘅感覺，但只係營造到一種街邊污糟邋遢嘅感覺。食飯嗰陣上面嘅吊燈會跌塵落嚟，餐紙上面亦都有小蟲，衛生情況令人擔憂，冇食到嘔都算係咁，請我食都唔會再去食。
拌飯，泡菜豬肉湯，辣豆腐湯
20 瀏覽
0 讚好
0 留言
張貼
