太平館餐廳

營業中

休息中

老字號品牌，自有捧場食客。每張座位相隔雖較近，但座位闊落，坐得也舒服。叫了一隻乳鴿，一碟瑞士汁炒牛河及一客蒜茸雜菜。雜菜固然很雜，碎碎的椰菜花西蘭花蘿蔔片粟米芯混集一起，普通小菜。期待的乳鴿，蘸上鹵汁，很入味，但肉太靭，咬得有點不爽，反而那小碗的鴿膶及小小的心內臟浸著鹵汁更可口。牛河較鹹但也嫩口，可能重手了，配上那幾條老得可憐的菜心，整碟菜很失色。見客人不斷，多是享下午茶餐，約七十多塊一客，有多類款式，份量固然比正價少。食物質素非想像般可取，但見客人滿滿，

我們叫了一個套餐包括 瑞士雞翼丶炒雜菜丶乾炒牛河丶椰子奶凍丶海鮮湯。 瑞士雞翼很苦，落了太多生抽，乾炒牛河，太油，沒有味道，炒雜菜，無論樣子或味道也很一般，椰子奶凍不知道為什麼有芒果醬，十分古怪。

今日行開老銅。去咗太平館食晚飯。點咗個招牌菜葡國雞飯。個汁好厚底。混入飯就好好味。雞肉鮮嫩。肉質好彈牙。飯量及雞肉好足料。個裝修好古典。入到去好似時光倒流回到七十年代。好似進入粵語片時代。服務員服務周到。值得一試。

諗住甘出面咪去試下，點知中伏。試左個下午茶，一個瑞士牛河，一個瑞士雞翼。平均70蚊一個餐，份量吾算大。但又吾係為差。最差係員工服務態度。第一急急腳甘問收碟，🙄🙄🙄第二吾知係吾係隔離坐左個vip特別顯示態度左落差，每一個員工行過都會問夠吾夠食呀？要吾要加，要吾要甜品，奶茶夠吾夠呀？需吾需要加？.....等問題。心諗個個係咪老細定係俾tips俾好多呢？最離譜係埋單，我用信用卡俾錢，個個服務員係掉支筆落枱，之後走左去。真係甘見高拜見低踩？🙄🙄🙄🙄呢間吾抵食又吾係話好好食ge老餐廳真係呢世都吾會再食囉！亦要俾人知香港真係服務好差。👎👎👎👎👎👎👎👎👎👎👎👎

思量了很久，決定食太平館。成十x年冇去過了。細個覺得好貴。兩個人叫左一份雞翼餐，一份蝦多士，一份梳乎厘。首先係海皇湯，係濃蝦湯底，夠熱，夠濃，夠多料，I like it. 跟住有signature 瑞士汁雞翼，唔使講，一定有返咁上下水準。然後有牛脷飯，個汁係好濃嘅肉醬汁，有d似gravy.牛脷好鬆軟，唔臊。蝦多士上場，有d去完非洲feel，伴碟有沙律，ok啦。最後有個人頭咁大嘅梳乎厘出場，真係比佢嚇親！幾好食嘅，唔會好甜，好fluffy.埋單五百幾，都覺得貴，耐唔中食一次幾好。

約左表姐星期五收工後去銅鑼灣行街，佢提議食依間餐廳，所以就入左去食。我地叫左三款食物，埋單差不多四百蚊。1. 雀肉大蝦多士蝦多士又香又脆，伴碟有沙律菜同蕃茄。2. 芝士焗肉醬意粉肉醬味道好濃，意粉比較淋淋地，其實感覺上似燴意粉多d，不過我自己就幾中意食。3. 捲筒石斑見有介紹先試試，估唔到石斑入面有捲住d配菜，例如火腿、菜、蝦等等。發現自己唔太喜歡咁樣既口感，會想就咁食石斑算。野食既味道唔錯，不過最深刻既係職員既服務態度，見到我地自拍會主動問需唔需要幫手影，另外一見到我地隻杯無水會主動斟水。但係同時，佢地都會見到我地食完野就即刻收埋隻碟。。。Anyway，都算滿意佢地既服務。

相信香港人對太平館絕不陌生，因非大衆化的價，所以我都很少去吃，今日放假約了朋友在銅鑼灣茶聚，剛巧路經見到門囗貼了下午茶餐大約60元以上十分吸引吸引，包括有出名的瑞士汁雞翼、牛脷和炒河等等，但最吸引我是$150梳乎厘，包兩杯即磨咖啡。

今日同男朋友去左銅鑼灣一試...一坐低我地叫左2人set套餐，有湯、沙律、乳鴿、炒野菜、一碟河炒、2杯飲料、甜品。多謝你成為$499未計加一服務費。入到間餐廳開頭覺得好懷舊feel，之後位經理帶位，野食貌相也不錯；但後期服務態度就....食食下好似滾水淥腳係咁問你果碟要唔要，最離譜係突然有個侍應用手指指住碟炒野菜（意思問你仲唔要）我話未食完，要既～（感覺開始不良好）之後到碟炒瑞士汁牛河...我同我男朋友飽飽地停左手，諗轉抖一抖瑞食啦，之後又行過黎問收唔收得（心諗你盲，碟野仲有又問）已經覺得好煩！已經想爆果團火！然後我地主菜未食完上甜品，真可笑！總括而言，呢間餐廳不知所謂，趕客走！！本來諗住下次試一試食梳乎里，但呢家心情超唔滿意！！！絕對唔會推介比大家！！！

爸爸媽媽時常跟我說起這間太平館餐廳的歷史，餐廳門外很懷舊，窗簾是薄薄的網沙布給人一種奧秘的感覺！入到店內，無論裝修，擺設一點也不殘舊，而且店內很光鮮，梳化和餐枱都很整潔！一入門內，店員已經很細心為我們量度體溫了！餐牌有很多特色選擇，當然有招牌瑞士汁雞翼，梳乎厘等等！午餐價錢大概由$88起，今次午餐我們常試了燒豬脾飯，焗蒲國雞飯和焗海鮮飯！燒豬脾飯是用瑞士汁來煮的，起初我以為係有隻燒汁燒豬脾上碟瑞士汁味道一如以往很濃，配飯一齊食一流！ 焗海鮮飯，材料新鮮，蝦很爽口，而且有帶子，魚和魷魚！焗蒲汁雞飯一樣出色，食得出是新鮮嫩雞，完全沒有雪藏味，蒲汁好味到另我想添飯！食物仍然保持高級水準！午餐只供應星期一至五，因為餐廳座位不多，所以午餐時間要早一點來拎位啦！

困咗响屋企好耐無約朋友出街，今晚相約咗兩位朋友嚟呢間老餐廳懷念一下。今次係特登嚟食佢出名嘅菜式門口招牌以隸書題字門口旁邊有佢地個logo卡位上邊掛上一啲老地方照片干炒牛河佢唔太油係有啲驚喜嘅，而且牛肉鮮嫩，唔會乸到無晒味瑞士汁雞翼無諗過一碟有8隻雞翼，每隻都好嫩滑，亦好入味，但係唔會好鹹！幾正😋葡汁焗四蔬葡汁幾香，唔會辣，減低今晚嘅罪惡感梳乎厘巨型梳乎厘呀😱 甜度幾適中，本人不太嗜甜，唔錯！😋今晚飯腳太耐無見，加上食物又有水準，開心愉快地過咗一晚💝

香港雖為華洋共匯之地，但鮮有百年老店的西餐食肆，太平館應該唯一一間。創立於清朝在廣州地區，後遷往香港，繼續發光發熱，深受大家喜愛。如果以港式西餐廳來比較，太平館的價格偏高，但一分錢 一分貨，除了食品外，館內裝修也是有所講究，有英式風格。過往也是名人消費場所，不少報章雜誌也有介紹。可以考慮點套餐，比較划算瑞士汁炒牛河、燒豬脾、瑞士雞翼，其味道也是一樣，因為同一個瑞士汁。燒乳鴿拌碟的汁醬，也是同一個瑞士汁。疏乎里是他們的招牌名菜之一，小朋友見到非常開心，雖然看起來很巨型，但完全不飽肚，所以不用擔心吃不下。百年老店，值得支持

📍Causeway Bay📍...太平館係舊時好出名既港式西餐廳， 1860年開業， 都成160年歷史😮😮😮😮我地叫左瑞士汁豬肉片河（ 朋友唔食牛， 正常係牛河黎）， 有個好舊菜單上無既菜都幾推薦， 係上兩代既人先會知既菜式， 叫珍肝燴石班， 而且佢地既野食真係好有水準， 好過好多好貴既中西餐🤭🤭🤭🤭🙏🏻🙏🏻👅👅...📍瑞士汁肉片炒河（ 可自選肉類 牛豬雞）💰Within HKD 129.00📌味道：9/10 分（食咁多間餐廳既瑞士汁菜式， 呢間真係好好食令我好深刻， 佢d汁係好濃味， 傑達達， d豬肉本身好嫩好爽口唔鞋仲要好好好入味， 真係暫時食過最好食既瑞士汁牛河🥺🥺🥺)...📍 珍肝燴石班💰Within HKD 150.00📌味道：8/10 分 佢上邊係雞既內臟， 我好中意內臟😂😂😂🥰🤗下邊就石班， 石班係無骨， 唔使膽心哇骨會麻煩！🙂🙂淡淡肉好好好好食🥺🥺🥺...📍 羅宋湯💰HKD 42.00📌味道：8/10 分 佢既湯比外面餐廳食到既傑身同濃味😆😆 點餐包好好食🙏🏻🙏🏻🙏🏻呢個湯係我由細到大飲咁多間羅宋湯入邊最濃最濃最濃既頭2位🤡🤡🤡大推🥰💪🏾💪🏾💪🏾💪🏾..📍Outdoor

太平館呢間老牌懷舊西餐廳1860喺廣東開鋪 之間喺香港中環、油麻地、銅鑼灣、尖沙咀開設四間分店 餐廳私隱度高 裝修古色古香 仲播緊啲老土得嚟又幾好聽嘅純音樂😂 除咗人人都影相打卡嘅超巨型焗梳乎厘 呢客瑞士汁炒牛河都唔惹小 食完仲好內疚😅 瑞士汁甜度偏重 女仔應該非常喜歡 牛肉肉質好嫩又入味 河粉滑溜又吸汁😍😍價值二百幾蚊嘅焗蟹蓋 即叫即整 份量十足👍🏻眼見有唔少朋友帶父母去重拾舊式西餐嘅感覺 個人認為值得再幫襯😋

第一次黎到太平館餐廳，入到去就好似穿越時空，去返幾十年前既香港咁，餐廳播住舒適既音樂，令人心情放鬆。餐聽入面所有人嘅節奏都好慢，同銅鑼灣鬧市成左一個好大既對比。 一場嚟到，當然要試下呢度必食既梳乎厘。2午茶時間梳乎厘二人餐只係150，連2杯野飲，扺過時下流行既日式日式梳乎厘pancake好多。不過就要等耐少少，入到去order佢先會整，太忙或者趕時間就未必食到。而梳乎厘嘅質素就好高，好香蛋味，同軟棉棉。好好味呀～

喺非常嚴峻時期嘅情人節當然都要食好少少 相聚一刻為咗避開人流 & 正日天價特價揀咗呢度食預計唔會人多 亦唔使捱天價 yeah!👻夜晚7點去到 唔使等位直入叫咗個乳鴿套餐 跟牛脷意粉 另加瑞士雞翼最後當然要叫梳乎厘啦🤤整體質素非常唔錯食物好味 夠熱 上枱快乳鴿夠脆夠香口 牛脷汁好味 瑞士雞翼更加唔使多講 梳乎厘夠大蛋味香服務好好 主動收碟 又肯幫手影相 嚟錯咗吉列豬扒意粉又講晒唔好意思食到中途 主動問要唔要叫梳乎厘因為要等A good evening! 🤠