天龍燒鵝 (昌業大廈)

營業中

休息中

由米芝蓮2星天龍軒燒味部主廚所開嘅燒味舖，咁快就開咗第二分店。同樣都係係軒尼斯道，呢間就近銅鑼灣鵝頸橋。分店好似細少少，但外面掛著一樣咁多燒味。呢度燒鵝皇、乳豬、仲有「肥燶腩叉」係必叫招牌菜，今日仲試埋豉油雞試吓添。食燒鵝最正就一定係燒鵝髀，燒鵝髀配瀨粉就一定唔會錯，可以叫燒鵝髀免切就可以成隻渣著咬，鵝油又滴返落碗瀨粉度，啖啖都係鵝香。乳豬皮夠脆，估唔到D肉仲咁滑，已經將骨起咗，食得好方便。肥燶腩叉淨係見過賣相已經流口水，絕對係米芝蓮級數。肥肉係爽，加燶燶地嘅邊位夠曬香，食落口除咗叉燒甜味，仲有豉香味。最後估唔到連油雞都咁出色，香滑有雞味。其實呢度每一樣嘢個質素都咁穩定，真係可以媲美名牌老店。

呢間新開嘅燒味店係由米芝蓮2星中餐廳燒味部主廚創業嘅，全日不停燒製乳豬，燒鵝等菜式，即日新鮮燒起，店內環境唔大，乾淨俐落，價錢十分親民化，街坊打工仔必去地方💪🏻一人套餐好抵食，包主食、小食同湯！瀨粉軟硬度適中，湯底清甜，出面比較少食到，配燒味好match～ 涼拌青瓜十分開胃，老火湯煮至入味，餸就可以要單拼或雙拼！乳豬係餐廳嘅招牌菜，超級脆口的葡式香烤乳豬，乳豬外皮脆卜卜，有千層效果，內裏微微肥，帶點脂肪，不過偏薄身、燒腩仔同樣皮脆，肥膏唔多，所以唔膩，個人喜歡，唔錯唔錯！叉燒用上半肥瘦肉，外層燒到有少少焦糖嘅感覺，有油脂香又軟腍，入口即化，幾乎唔洗咬，份量比想像中多，而且吸飽香香甜甜嘅蜜汁，好有驚喜、燒排骨都唔錯，啖啖肉，肥瘦適中，越食越過癮！

好味 銅記又無咁嘅套餐 反而行去 灣仔區 見佢前身係千樂 燒味 而家 換咗 天龍燒味 係咪大埔果間記唔清楚 但係好好食 燒肉脆皮 叉燒 有肥肉 加燶邊而且 侍應又 好親切啊 85蚊 三餸一湯 座位闊落 唔錯 唔知我有無睇錯 有枱 係韓國食家 白鐘元 先生 同埋佢啲 朋友 又啤酒又燒肉 睇佢哋食得好開心 咁 我都食得好開心

我呢個燒味控來到最近灣仔人氣燒味店🌟🌟師傅曾是米芝蓮二星餐廳大廚，以新派方式烹調，全店主打燒味，每日不停燒製😋餐廳鄰近銅鑼灣，裝修明亮整潔，座位都幾寬敞舒適原隻燒鵝髀拼叉燒燒鵝厚皮脂肪薄，油光閃閃✨，皮脆肉嫩，醬汁每日烹調，味道濃郁。 叉燒烤至燶邊，肥瘦均勻，但同樣軟嫩，蜜汁濃稠香甜，我都瘋狂食咗好多件🤣乳豬雙拼豉油雞乳豬果然出色！ 皮薄又脆卜卜，肉質軟滑，難怪個個食完都讚不絕口！ 豉油雞鹹中帶甜，嫩滑多汁🤤每個套餐都跟小食涼拌青瓜木耳、油菜及老火湯。 老火湯濃郁，足料唔太鹹，朋友飲了三碗🤣

今日行過灣仔見到新店剛開張，據說餐廳係米芝蓮2星中餐廳燒味部主廚創業的，水準應該有保障，而且餐廳全日不停燒製乳豬和燒鵝，燒味現燒現賣，保持新鮮出爐狀態，難怪客似雲來👍當然必點乳豬拼原隻鵝髀一人套餐乳豬肉質好鮮嫩，加上皮脂肪同肉層次好分明，咬落去係脆卜卜嘅，燒鵝髀超大隻，鵝味香濃，皮脆肉嫩，而且啖啖肉香，隨餐仲有足料老火湯😋金牌蜜汁叉燒王半肥瘦叉燒外層燒到有少少焦香，入口有豐富嘅蜜糖香，啖啖肉非常滿足😍

🌸《天龍燒鵝．燒味．灣仔》米芝蓮2️⃣🌟中餐廳燒味部主廚創業嘅天龍燒鵝再開分店✨-𝐅𝐨𝐨𝐝 𝐑𝐞𝐯𝐢𝐞𝐰 食評 🍗 乳豬拼原隻雞髀飯 $100乳豬皮薄身脆口，肉既厚度係皮既兩倍，比例非常之完美，而且仲可以一啖食曬👍🏻 原隻香切雞髀，雞皮好金黃，雞肉好嫩口，煮得岩岩好✨-🪿 燒鵝拼肥燶腩叉$145餐廳嘅叉燒都係驚喜之作，將豬腩肉燒到燶邊，微脆嘅外皮掛上香甜嘅蜜汁，入口即溶，送飯一流✨ 燒鵝係餐廳全日不停燒製既主打，食完真係驚嘆左，鵝皮好香脆，燒鵝汁偏甜，好岩香港人口味‼️-📍 天龍燒鵝灣仔軒尼詩道354號昌業大廈地舖-環境：🌸🌸🌸🌸🌸味道：🌸🌸🌸🌸🌸服務：🌸🌸🌸🌸🌸衛生：🌸🌸🌸🌸🌸性價比：🌸🌸🌸🌸Revisit: 🧡-#hkfoodie #foodbith #foodbith_cwb #hkeat #hkig #hkfood #hkgirl #香港美食 #instafood #hkfoodblogger #打卡美食 #instamood #香港好去處 ＃打卡餐廳 ＃相機食先 ＃香港美食指南＃香港美食日記 ＃香港美食推介 ＃香港打卡 #餐廳推介#假日好去處 #香港必吃 ＃香港美食 #香港好去處

呢排喺灣仔新開張左間燒鵝店，來頭就勁啦，係由米芝蓮2星中餐廳燒味部主廚創業， 中菜嘅米芝蓮確實係好難得先攞到仲要係兩星，所以絕對要體驗一下。😛特別係下午茶時段嘅時候價錢更加抵，而且份量亦都唔使性價比極級高🤩燒鵝拼切雞飯— 🪿呢一度嘅燒鵝知名度，當然不必多講， 而且為咗確保新鮮，佢哋亦都會不停咁樣去燒，🍖難怪咁好生意啦，燒鵝嘅皮非常深潤，而且鵝油香滿滿，肉質亦都係柔軟，油而不膩，越食越上癮。 🍗至於貴妃雞亦都唔簡單。雖然同白切雞一樣，🐥但係肉質遠比外觀勵德新鮮而且一絲絲嘅肉好輕易咁樣分離，最緊要做到唔乾。 🐥以呢個價錢嚟講已經係直晒回票價。🥢燒味三拼-燒腩仔，肥燶叉，乳豬🐷依個份量絕對唔少。🤤首先講吓燒腩仔每日新鮮嘅炭火燒令到外皮脆卜卜而且分層亦都好分明，🥩同樣都係唔肥膩可以成塊放落去厚度慢慢品嚐到每一層嘅變化。🥓至於肥窿叉更加係呢一度嘅特色之作。🥩半肥瘦嘅Pattern 再配合埋邊邊少少燶咗嘅位更加有味道，🍖出邊塗咗層蜜糖更加甜美，🍯送飯一流。 最後當然唔少得佢哋不停咁樣去燒嘅乳豬。🐷皮同肉分離，肥嘅地方都已經去除咗剩低嘅就係好似豬肉紙一樣咁脆嘅乳豬皮同埋精挑細選嘅瘦肉, 🐽比炭火烤完