天龍燒鵝 (新禧大樓)

營業中

休息中

灣仔呢個美食天堂，最近又多咗間勁人推介嘅燒臘店 —「天龍燒鵝」！由米芝蓮二星中菜廳燒味部主廚親自坐鎮，用精湛嘅手藝同嚴選嘅食材，炮製出令人一試難忘嘅港式燒味！🔥 聽講佢哋仲要全日不停燒製乳豬同燒鵝，保持新鮮熱辣，真係好有誠意！🤤雙拼燒味，皮脆肉嫩，齒頰留香！😋今次我哋叫咗兩個單人套餐，分別係燒鵝拼叉燒同燒鵝拼燒腩仔。一上枱，燒鵝嘅香味撲鼻而來，金黃酥脆嘅外皮，包裹住鮮嫩多汁嘅鵝肉，真係令人垂涎三尺！🤤 叉燒肥瘦適中，蜜汁香甜，入口即溶！燒腩仔更加係一絕，皮脆肉嫩，肥而不膩，每一啖都充滿幸福感！😍配菜湯飯，樣樣精緻，絕不馬虎！💯除咗燒味之外，配菜同湯飯都一樣咁出色！油菜翠綠爽口，小食黑木耳配青瓜酸甜開胃，白飯粒粒分明，充滿米香。老火湯更加係真材實料，煲到濃郁入味，飲完暖笠笠，好舒服！🥣環境服務，乾淨企理，親切友善！😊舖頭雖然唔大，但係乾淨企理，環境舒適。店員都好親切友善，服務周到，令人賓至如歸！💖總結：高質燒臘，必食推介！👍總括而言，「天龍燒鵝」絕對係一間值得推薦嘅燒臘店！米芝蓮級數嘅廚藝，街坊價錢嘅享受，真係CP值爆燈！💯 無論係想食個快靚正嘅午餐，定係想同朋友家人嘆番餐高質燒味，呢度

天鴻燒鵝（新禧大樓)餐廳位於港島灣仔軒尼詩道68號新禧大樓地下,餐廳裝修簡約,餐廳主打廣東燒味,燒鵝係餐廳招牌菜,據聞餐廳是米芝蓮2星中餐廳燒味部主廚創業,餐廳全日新鮮燒製各種燒味,服務員招呼有禮。燒鵝雙拼套餐燒鵝拼油雞,套餐配有老火例湯,白飯,油菜,涼拌青瓜雲耳,例湯微鹹不膩,油菜青嫰鮮甜,青瓜雲耳酸酸甜甜好醒胃,燒鵝餐廳招牌菜之一,燒鵝烧到皮脆肉嫩,仍保持多汁,油雞食落嫩滑有雞味,配有葱蓉和酸梅醬。乳豬雙拼套餐乳豬拼叉燒,套餐配有白飯,老火例湯,郊外,油菜,涼拌青瓜雲耳,叉燒肥瘦均勻,鹹甜適中,口感腍滑,乳豬外皮燒到紅噹噹,口感卜卜脆,乳豬肉嫩滑有肉香味,配有乳豬醬。

話說某外賣平台(K字頭) 做買滿$80蚊減$40優惠，我12:46 分落左個淨食 ”肥燶腩叉拼燒腩仔”, 個肥燶腩叉仲要另加$5, 咁預計19分鐘就可以自取。然後我12:59就到門口，外賣平台個 app 就話13:05可以取餐。但現場所見只係有好多人企係門口等緊 ,而且係多人到要自己入去餐廳揾自己張單係唔係排緊。等到13:10 就同店員反映，既然接左單亦話取得餐就應該出俾我地而唔係要我地乾等。最後等到13:20先拎到餐。最後比預計時間要等多15 分鐘先出到我個餐，對呢間餐廳好失望，如果做唔到又為何要接咁多外賣單？ 食物方面: 另加$5 的肥燶腩叉, 一打開個盒, 我係好驚喜意然係一粒脂肪都揾唔到, 啲叉燒又瘦又柴, 係咬都咬唔到個種柴, 唔該就唔好改個名叫肥燶腩叉, 好失望。安排處理外賣等候亦十分失當。

聽及朋友的推介，今次加餸的燒味選擇了天龍。燒鵝下庄份量十足，相當大盒！件件皮薄肉厚，鵝肉的肉地豐盈，每咬一口都有鵝汁在嘴裡流蘯，而脂位更做到超級甘香的境界！淋上燒鵝汁，令到燒鵝本身無需蘸點酸梅醬已極之美味！光是燒鵝已能佐飯兩大碗！四份一隻乳豬同樣很多，當見到排成三行的乳豬件，已令人不禁口水狂流！乳豬皮十分香脆，連同爽口的肥脂一起吃，滋味無窮！豬肉的調味亦不錯，鹹度恰到好處，配合甜甜的乳豬醬，相得益彰。煮碟菜，又完成了豐盛的一餐。

😍😍非一般肥叉燒腩仔燒鵝兵團🔥🔥燒味道道都有，但要燒到出神入化，乃需要最優秀的肉質、調味配和老師傅的「燒烤功」。這家連閱燒味無數的姑奶也讚不絕口！滿滿一枱肉都不過2百蚊，抵！🥓肥燶叉腩飯比普通叉燒貴幾蚊，但識食一定食肥叉！！誘人玫瑰醬油色，一咬下去肥油化開，肉質鬆化。肥肉放在熱白飯上，軟化成豬油，真係冇得頂。一碟有兩大排肥叉，物有所值。🪿燒鵝飯作為招牌，果然名不虛傳。有骨架位和鵝胸肉。皮脆滴油，燒鵝骨架肉有滋有味，胸肉不柴，非常下飯。下次要豪食燒鵝髀至得！🥩燒腩仔（例）雖然只是例牌，但足足有3大排呀。燒腩仔肥瘦相間，脆皮、脂肪、肥肉、脂肪、瘦肉😆5層絕對冇少。一家五口晚飯加餸絕對滿足。

今日係呢一間燒味餐廳食下午茶，就叫做一個叉燒燒腩仔雙拼飯，再加一杯凍齋啡。叉燒我覺得都還好嘅，因為叫咗肥叉，另外如果要叫特別嘅部位係要加錢的，肥叉送飯OK，再加埋燒味汁本身都幾好食，所以都覺得唔錯，而且佢比白飯嘅份量我認為都幾多，下午茶，呢個份量嚟講唔算少，可惜燒腩仔就好少，而且好似每一件都係得半件咁，加埋四五件，份量都好少，大家可以睇吓張圖，價錢嚟講就不過不失啦，$45。唔會話太貴，但係咁樣嘅，份量下次就應該唔會幫襯，有少少失望

沒係灣仔做野 。最掛住就係個天龍燒味飯😁脆皮燒鵝 淋叉燒，好食樓面姐姐見我沒叫野飲，主動問我要唔要湯 老火湯正 沒味精 直頭係成餐飯靈魂感覺由心而發，支持小店，我食左2年

中午未夠12點門外只有3人等外賣，落單後才知中伏，有一大疊網上外賣柯打未做，成哥你覺得買盒义燒飯要等20分鐘可以接受嗎？如果仍然咁樣嘅運作方式真係祝你好運，冇下次喇。

😋真係好高質量的叉燒呀👍它的表面微微焦香、有少少燶，又帶半肥瘦，再搭配米飯🍚👍好好味！我連續食幾天配搭不同的瀨粉/公仔麵/米飯。各樣都好味😋贏晒✌️正呀💯讓我吃得心滿意足😍希望可以享受更多款式美食套餐，好期待有燒肉餐，乳豬餐，用優惠價吃抵d更開心🥳👏🥰😄❤️

話說OpenRice 做28蚊優惠叉燒飯，我12:35 分落單預計半個鐘就可以自取，我1 點就到門口等，1:06 OpenRice app 就話可以取餐。但現場所見只係叫到T018（我的是T025),而且有多人都在等出餐。見店員只顧做其他平台既外賣相反OpenRice既一直唔出餐。到了1:15 就同店員反映，既然接左單亦話取得餐就應該出俾我地而唔係要我地乾等。店員最後在1:20 先慢慢開始出返OpenRice 訂單。最後要50 分鐘先出到一個叉燒湯麵，對呢間餐廳好失望，如果做唔到又為何要接單？ 食物質素唔差但處理失當

 灣仔人和打工仔注意, 灣仔大把好餐廳, 唔駛考慮呢間一碗燒味瀨由落單開始要50分鐘餐廳貪心, 無心做好, 做唔切又接單過咗承諾時間, 又係APP顯示可取餐, 都話前面好多單, 個個都係咁等, 無得攞門口好多人都等都話好亂佢未做起時, 已經幫襯開, 外賣加餸無數次, 依家要BLACKLIST佢

兩個月前買咗半隻燒鵝返屋企食，好好味，放咗成兩三個鐘皮都脆又有柴火香，屋企人食唔停口，今日咁啱經過，又去買返半隻，返到屋企隻，一打開🤬 唔係好對路，🤬 又唔香，又唔脆皮，d肉又梅梅地，仲有d 乸乸地條脷嘅感覺，而且完全無鵝肉味，轉行做咗垃圾中嘅垃圾，屋企人食咗一舊已經唔想再食，天龍大佬，你舖頭牌頭掛名叫天龍燒鵝，但點解可以將燒鵝做到咁難食，仲衰過大x 樂，你係咪賺夠，諗住唔做，你繼續呃街坊啦，我就冇下次啦 拜拜

身為灣仔的打工仔，聽同事介紹，這家專賣燒味的小店頗有名氣，於是我決定前來一試。今次我和同事共點了燒腩仔、叉燒 、油雞雞燒鴨 😋特別想評價 燒腩仔的口感相當不錯，外皮酥脆，肥瘦比例恰到好處。而叉燒則是中規中矩，肉質稍微偏乾，但醬汁味道濃郁，搭配瀨粉吃還是不錯的選擇。總體來說，這兩道燒味的味道都算中規中矩，沒有特別驚艷 🤔不過，這家餐廳的空間實在有些狹窄，座位有限，環境顯得擁擠。當我到達時，裡面已經坐滿了顧客，許多人都在等著打包外賣。餐廳的工作人員似乎忙得不可開交，對於堂食的顧客，反應較慢，這讓我在用餐過程中感到有些不便 🙊

灣仔係燒鵝燒味美食嘅集中地，有老字號、有米芝蓮、又有街坊店舖，要喺呢度插旗絕對唔容易！呢間舖頭開咗冇耐，比好多KOL介紹之後，就出咗名！今日特登過嚟試吓！今日一行三人，叫咗半隻燒鵝，一份乳豬同一份肥燶腩叉燒例牌。去到舖頭基本唔需要排隊，即刻有位坐！好快已經落咗order，但係呢度嘅服務就好一般，首先真係等咗好耐，同個服務員講咗，佢轉頭都係無理我，首先未食嘢就有啲唔開心！可能佢好多外賣要應付，所以我足足等咗15、20分鐘先有得食，首先嚟咗碟乳豬同叉燒，乳豬就真係麻麻哋，同想像有少少出入，乳豬皮係脆嘅，但係冇乜肉味，坦白講同出邊燒味舖冇乜太大分別，叉燒就好食好多，但係真係冇肥燶嘅感覺，起碼都冇用火槍去燒一燒，只可以係合格以上，有少少過譽！跟住嚟到燒鵝環節，半隻燒鵝，當然隻燒鵝係凍凍地，又未至於唔好食，只係比一般燒味舖好少少，其實應該係我期望太高，但係佢極其量都係一間比正常燒味舖好少少嘅餐廳。不過服務方面真係要改善下，如果唔係浪費咗咁好嘅名聲！

最近迷上左燒鵝⋯ 不停尋找好食嘅燒鵝餐廳，見到好多人推薦呢間，因為除左大名鼎鼎的燒鵝外，呢間店嘅乳豬採用的是越南乳豬，手工燒製，亦係老闆嘅招牌菜。呢次點了單人套餐（燒鵝拼乳豬 配涼拌黃瓜🥒、菜心、例湯）🍗燒鵝賣相佳，肥瘦相間。有足夠油香之餘唔會覺得十分油膩，肉也比較嫩滑，容易咬開，有種齒頰留香嘅感覺。個人認為同一樂不相伯仲，呢間皮+肉嘅配合更為均勻🐷乳豬： 皮脆，可以食到香料味但唔喧賓奪主，反而更能品嚐到豐富口感。肥瘦得宜，拿捏得剛剛好！大推！因為太好吃嘅緣故所以第二日帶男朋友去再食一次，呢次冇叫飯，點了賴粉。不過我唔係好喜歡賴粉嘅口感哈哈哈哈哈 服務態度正常，環境一般