天龍燒鵝 (新禧大樓)

營業中

休息中

去完海洋公園出番灣仔 突然好想食燒味 就嚟咗天龍呢間天龍係米芝蓮2星中餐廳燒味部主廚開嘅全日都會不停燒製乳豬同燒鵝 夠晒新鮮啦叫咗一人套餐同單點一個瀨粉一人套餐有老火湯 油菜 小食小食係涼拌雲耳青瓜夠晒酸 好開胃 夏天食呢個夠晒爽油菜得菜心揀 爽脆口感老火湯日日唔同 今次就飲到🪿燒鵝叉燒米粉呢度出名燒鵝 梗係要叫嚟試試佢啦叉燒肉質夠腍 做埋燶邊效果脆卜卜傳統港式燒味鋪嘅味道燒鵝聞到淡淡甘香 食落就啖啖肉 而且juicy🐷乳豬五寶瀨粉有乳豬 叉燒 油雞 紅腸 咸蛋乳豬皮好薄又勁脆口 肉唔會太肥啱啱好食落好鬆化油雞皮入晒味 每件都啖啖肉紅腸嗦晒汁 😋

軒尼詩道有兩間天龍燒鵝，只是新舊鋪之分，兩間我都時有幫襯。因為店舖面積雖小，卻添置了燒烤爐，燒鵝和乳豬都是即場燒製，燒鵝皮和乳豬皮都脆如薄片。除了燒鵝和乳豬，五花腩叉燒肉質軟腍，焦香甜蜜，亦屬必吃。這碟五寶飯，有燒鵝、叉燒、油雞、紅腸和鹹蛋，真係餸多個飯。碟頭飯送例湯，也可加$3轉奶茶。朋友則叫了乳豬拼燒鵝一人套餐，套餐包括例湯、白飯、油菜和小食，可謂非常之豐富。白飯可以轉為瀬粉或米粉。例湯款式每日不同，但都很夠味。小菜是涼拌雲耳，略嫌酸了一些。

呢間燒味店真係好抵食，特別適合下午茶。店內環境裝潢簡單，但整體感覺乾淨舒適。座位之間有適當距離，唔會覺得擠迫，令人可以悠閒享受美食。我試咗燒腩仔、燒排骨同叉燒，每一種都好有水準。燒腩仔外脆內嫩，油脂適中，咬落去令人滿足。燒排骨肉質鮮嫩，味道濃郁，配合特製醬汁更添風味。至於叉燒，色澤紅亮，甜中帶鹹，口感滑順，真係一絕。另外，仲叫咗菜心同麻辣皮蛋，菜心新鮮爽脆，麻辣皮蛋則帶有香辣味，正好中和燒味的油膩感。總括而言，呢間燒味店唔單止味道一流，環境上亦相當舒適，真係值得一試！

灣仔「天龍燒鵝」由米芝蓮二星燒味主廚主理，街坊價錢食到高質手藝，燒鵝同乳豬全天候燒製，熱辣出爐夠新鮮🤤🔻手轆化皮乳豬飯💰90🌟乳豬皮超好食👍🏻乳豬皮脆口，好鬆化，油脂適中唔油膩，肉質軟嫩帶炭香，飯底吸滿肉汁，簡單但夠滋味😍超級推薦啊！🔻原隻燒鵝脾瀨粉💰120燒鵝脾分量足‼️外皮焦脆，鵝肉好肥美，肉汁豐富🔥瀨粉湯底清甜，鹹香平衡，套餐仲有湯飲，今日係木瓜雞腳湯，都好清甜，算幾抵食😀

途經天龍燒鵝，店外雖無華麗裝潢，但門前排隊與店員不停應付外賣單的情況，已反映其人氣之高，每次經過都好想試乳豬，決定這次獎勵吓自己辛苦工作！我今天叫了乳豬拼原隻燒鵝髀瀨粉，乳豬皮薄脆香，火候控制準確，咬下去有清脆聲響，油脂已逼出而不膩，肉質則軟嫩多汁。燒鵝髀真係非常出色，外皮香脆中帶微微甘香，鵝肉嫩滑卻不失嚼勁，滲有炭火香氣與滷水風味，味道層次分明。瀨粉正常發揮，因為我唔食飯的～無論店內堂食與外賣訂單絡繹不絕，餐廳係米芝蓮2星中餐廳燒味部主廚創業，全日不停燒製乳豬燒鵝。新鮮又好食，今日試晒兩樣真係大滿足！店員友善態度，讚！

去灣仔會展，午餐很想食燒鵝，就試吓這間天龍燒鵝，在灣仔好似有兩間分店，這間近地鐵站和會展。侍應猛sell 套餐，不想吃套餐，兩人叫了燒鵝「皇」下庄$155，燒腩仔例牌$90，白飯一碗$12。白飯的飯碗很奇怪，不是一個傳統的碗，似個有手柄的膠杯多過碗，白飯一般，夠大碗。燒腩仔正正常常，切得非常細件，但偏瘦，－定不是五花腩，已經有啲失望。最不濟的是燒鵝，不應叫燒鵝皇，有很失望感覺，燒鵝皮皺起來，不是新鮮，皮不脆，－定不是剛燒好，淋淋的皮，而且還淋上很咸的汁。侍應還說燒鵝很新鮮很好吃，其實一點也不新鮮，剛燒好的燒鵝皮應該是脆脆的。這餐廳真係令人失望，又一次中伏，想留港消費，但香港的餐廳真是令人失望。

印象中天龍幾好食，今日見到open rice 有38蚊優惠叫叉燒油雞瀨，咁抵食。即刻12:25落左order，諗住半個鐘咩都整好啦。1點鐘去到，間鋪外面全部都係等外賣既人，執外賣個位有成疊好似垃圾俾人擺埋一邊既單，都知奶奶地嘢。問一問呀姐我個餐有未，佢叫我門口等。等左5分鐘，我覺得好唔對路，因為唔見佢有跡象執我個餐，極度懷疑我張單同疊垃圾擺埋一齊。我再問呀姐我個餐點解咁耐12:25已經叫啦wo, open rice 顯示12:55已經可以拎。呀姐即刻吆喝我話我地11點鐘已到爆曬單啦，唔係睇你幾點落，係睇我地做唔做得切。仲要俾我睇到我唔再問多次，佢都唔幫我整。其實灣仔食飯時間忙，大家都明白。但如果你知11點鐘爆左單，其實可以係唔同channel 停止接單，而唔係來者不拒，然後再罵個客。難道叫外賣既我會知道你地11點鐘已經做唔掂啦咩，知道既話就唔叫啦，貪得意咩，打工仔得一個鐘食飯嫁咋。結果，我1:15先拎到個瀨粉，佢地用左50分鐘煮一個叉雞瀨，真係大癲。Ps. 先唔講好唔好食，真係已經食到成肚氣。一打開個外賣盒，個叉燒黑到一個極點，有一邊油雞冇曬雞皮，真係冇曬心機。如果你想食氣多過食飯，時

最近好想食返一啲港式美食，醒起之前睇米紙推介嘅呢間由米芝蓮2星中餐廳燒味部主廚創業嘅天龍燒鵝，一於就來呢到食燒味飯做晚餐！聽講餐廳每一日都風雨不改咁樣全日keep住不停咁燒製乳豬同埋燒鵝，真係誠意十足啊～✨一人套餐叫咗招牌嘅乳豬拼肥燶腩叉！乳豬外皮入口酥脆，乳豬肉嫩滑多汁，仲帶有煙燻香味，成舊放入口感覺都唔會油膩！肥燶腩叉肥瘦均勻，除咗蜜香味之外，燶邊仲為叉燒增添咗一種焦香，令到味道嘅層次更加豐富！套餐仲有埋蠔油菜心、涼拌木耳、白飯同埋老火湯，非常豐富～✨ 叉燒油雞米粉朋友想食得健康啲，叫咗瘦叉同埋雞胸！雞胸肉質嫩滑唔會柴！雖然叫咗瘦叉，但係肉質依然保持到柔軟多汁！燒味配搭米粉又係另一番風味～✨凍奶茶

今次發掘到灣仔一間超驚喜燒味店，由前米芝蓮師傅坐鎮，掛喺櫥窗嘅燒鵝油亮反光，叉燒仲閃住蜜汁光澤✨！試勻三款招牌飯，每款都係「食完想即encore」嘅級數，燒味控一定要bookmark！ 🔥「叉燒燒鵝飯」 叉燒靚到犯規！半肥瘦脢頭肉燶邊脆卜卜，蜜汁甜得嚟帶炭香，咬落「滋滋聲」爆油花～燒鵝皮脆過威化餅，肉汁多到滴濕晒啲飯！重點係嗰兜秘製鵝油豉油，撈飯直頭係「白飯殺手」級👑！ 🔥「燒鵝燻蹄飯」 冰火二重奏！燒鵝保持水準皮脆肉嫩，燻蹄竟然係驚喜位✨～滷完再煙燻，豬腳筋位爽到彈牙，滿口骨膠原仲有淡淡煙燻香！凍燻蹄配熱燒鵝，口感過癮到想拍手掌👏！ 🔥「紅腸油雞飯」 油雞滑到筷子夾唔穩，豉油香滲入晒雞肉紋理～紅腸厚切仲有玫瑰露酒香，夾埋蔥油撈飯，簡單但邪惡到停唔到口啊！ 呢度嘅燒味有種老香港堅持，由選料到火候都唔馬虎。特別係個燒鵝汁，真係撈樹皮都好吃（講笑😆）！灣仔返工嘅朋友，lunch time唔使諗直接衝啦～👊🔥

-🍴🍽🍴🍽🍴🍽 🍖🍖🍖🍖🍖🍴🍽🍴🍽🍴🍽-🥢燒鵝燒腩瀨 $68 🆙燒鵝皮燒得好令立立，皮薄脆口，肉肥美嫩口，燒鵝脾亦夠晒肥美，而且好多汁，配埋彈牙嘅瀨粉更加一流🤩！燒腩仔外皮經過烤制，金黃酥脆，咬落去時發出清脆嘅聲音。肉質鮮嫩，油脂豐富，同外皮嘅香脆形成鮮明對比，整體口感層次分明。🥢乳豬叉燒飯 $85 🆙叉燒半肥瘦，蜜汁味香甜，肉質鬆軟鮮美，經炭火燒後呈金黃色，好有光澤，加埋少少燶邊，咬落焦香爽口😋。乳豬外皮好脆口，薄薄一片帶啲焦香味，乳豬肉好滑嫩，點埋甜甜地嘅乳豬醬味道更昇華。🥸評價 𝗥𝗮𝘁𝗶𝗻𝗴𝘀🥸食物 𝗙𝗼𝗼𝗱 8/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10服務 𝗦𝗲𝗿𝘃𝗶𝗰𝗲 7.5/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7.5/10整體𝗢𝘃𝗲𝗿𝗮𝗹𝗹 7.5/10-🍴🍽🍴🍽🍴🍽🍖🍖🍖🍖🍖🍴🍽🍴🍽🍴🍽-🗺 天龍燒鵝 (灣仔)灣仔軒尼詩道68-76號新禧大樓地下D號舖-#bakdiu港式 #bakdiu灣仔 #bakdiu灣仔區

灣仔呢個美食天堂，最近又多咗間勁人推介嘅燒臘店 —「天龍燒鵝」！由米芝蓮二星中菜廳燒味部主廚親自坐鎮，用精湛嘅手藝同嚴選嘅食材，炮製出令人一試難忘嘅港式燒味！🔥 聽講佢哋仲要全日不停燒製乳豬同燒鵝，保持新鮮熱辣，真係好有誠意！🤤雙拼燒味，皮脆肉嫩，齒頰留香！😋今次我哋叫咗兩個單人套餐，分別係燒鵝拼叉燒同燒鵝拼燒腩仔。一上枱，燒鵝嘅香味撲鼻而來，金黃酥脆嘅外皮，包裹住鮮嫩多汁嘅鵝肉，真係令人垂涎三尺！🤤 叉燒肥瘦適中，蜜汁香甜，入口即溶！燒腩仔更加係一絕，皮脆肉嫩，肥而不膩，每一啖都充滿幸福感！😍配菜湯飯，樣樣精緻，絕不馬虎！💯除咗燒味之外，配菜同湯飯都一樣咁出色！油菜翠綠爽口，小食黑木耳配青瓜酸甜開胃，白飯粒粒分明，充滿米香。老火湯更加係真材實料，煲到濃郁入味，飲完暖笠笠，好舒服！🥣環境服務，乾淨企理，親切友善！😊舖頭雖然唔大，但係乾淨企理，環境舒適。店員都好親切友善，服務周到，令人賓至如歸！💖總結：高質燒臘，必食推介！👍總括而言，「天龍燒鵝」絕對係一間值得推薦嘅燒臘店！米芝蓮級數嘅廚藝，街坊價錢嘅享受，真係CP值爆燈！💯 無論係想食個快靚正嘅午餐，定係想同朋友家人嘆番餐高質燒味，呢度

天鴻燒鵝（新禧大樓)餐廳位於港島灣仔軒尼詩道68號新禧大樓地下,餐廳裝修簡約,餐廳主打廣東燒味,燒鵝係餐廳招牌菜,據聞餐廳是米芝蓮2星中餐廳燒味部主廚創業,餐廳全日新鮮燒製各種燒味,服務員招呼有禮。燒鵝雙拼套餐燒鵝拼油雞,套餐配有老火例湯,白飯,油菜,涼拌青瓜雲耳,例湯微鹹不膩,油菜青嫰鮮甜,青瓜雲耳酸酸甜甜好醒胃,燒鵝餐廳招牌菜之一,燒鵝烧到皮脆肉嫩,仍保持多汁,油雞食落嫩滑有雞味,配有葱蓉和酸梅醬。乳豬雙拼套餐乳豬拼叉燒,套餐配有白飯,老火例湯,郊外,油菜,涼拌青瓜雲耳,叉燒肥瘦均勻,鹹甜適中,口感腍滑,乳豬外皮燒到紅噹噹,口感卜卜脆,乳豬肉嫩滑有肉香味,配有乳豬醬。

話說某外賣平台(K字頭) 做買滿$80蚊減$40優惠，我12:46 分落左個淨食 ”肥燶腩叉拼燒腩仔”, 個肥燶腩叉仲要另加$5, 咁預計19分鐘就可以自取。然後我12:59就到門口，外賣平台個 app 就話13:05可以取餐。但現場所見只係有好多人企係門口等緊 ,而且係多人到要自己入去餐廳揾自己張單係唔係排緊。等到13:10 就同店員反映，既然接左單亦話取得餐就應該出俾我地而唔係要我地乾等。最後等到13:20先拎到餐。最後比預計時間要等多15 分鐘先出到我個餐，對呢間餐廳好失望，如果做唔到又為何要接咁多外賣單？ 食物方面: 另加$5 的肥燶腩叉, 一打開個盒, 我係好驚喜意然係一粒脂肪都揾唔到, 啲叉燒又瘦又柴, 係咬都咬唔到個種柴, 唔該就唔好改個名叫肥燶腩叉, 好失望。安排處理外賣等候亦十分失當。

聽及朋友的推介，今次加餸的燒味選擇了天龍。燒鵝下庄份量十足，相當大盒！件件皮薄肉厚，鵝肉的肉地豐盈，每咬一口都有鵝汁在嘴裡流蘯，而脂位更做到超級甘香的境界！淋上燒鵝汁，令到燒鵝本身無需蘸點酸梅醬已極之美味！光是燒鵝已能佐飯兩大碗！四份一隻乳豬同樣很多，當見到排成三行的乳豬件，已令人不禁口水狂流！乳豬皮十分香脆，連同爽口的肥脂一起吃，滋味無窮！豬肉的調味亦不錯，鹹度恰到好處，配合甜甜的乳豬醬，相得益彰。煮碟菜，又完成了豐盛的一餐。

😍😍非一般肥叉燒腩仔燒鵝兵團🔥🔥燒味道道都有，但要燒到出神入化，乃需要最優秀的肉質、調味配和老師傅的「燒烤功」。這家連閱燒味無數的姑奶也讚不絕口！滿滿一枱肉都不過2百蚊，抵！🥓肥燶叉腩飯比普通叉燒貴幾蚊，但識食一定食肥叉！！誘人玫瑰醬油色，一咬下去肥油化開，肉質鬆化。肥肉放在熱白飯上，軟化成豬油，真係冇得頂。一碟有兩大排肥叉，物有所值。🪿燒鵝飯作為招牌，果然名不虛傳。有骨架位和鵝胸肉。皮脆滴油，燒鵝骨架肉有滋有味，胸肉不柴，非常下飯。下次要豪食燒鵝髀至得！🥩燒腩仔（例）雖然只是例牌，但足足有3大排呀。燒腩仔肥瘦相間，脆皮、脂肪、肥肉、脂肪、瘦肉😆5層絕對冇少。一家五口晚飯加餸絕對滿足。