大滾友火鍋 (紅棉大廈)

營業中

休息中

最近愛上打邊爐，今次去左宮廷主題打卡火鍋店，餐廳裝修夠特色，岩哂打卡，醬料九宮格都好吸引，夠哂精緻，職員會送上，唔洗出去拎，服務周到👍🏻椰子雞蕃薯蜆濃鍋，好足料既湯底，見到好多椰子肉、粟米、蜆同雞，夠哂滋潤，個湯湯底好鮮甜，打邊爐之前可以飲返碗先😆佢既牛肉好高質，牛味濃仲有油花，豬頸肉成朵花咁上，見到都開心，而且粉紅色好吸引，另外分別叫左蟹子蝦滑、黑松露墨魚滑、瑤柱干貝滑，三款都好食，值得一試

繼續打邊爐系列，這次相約於荃灣的大滾友火鍋🍲店內設計古色古香，感覺置身於宮廷內，絕對是打卡都沒問題🥢 椰子雞番薯蜆濃湯鍋 - 首次嘗試有番薯的湯底，令本身清甜的椰子雞湯更加香甜，而蜆亦能提鮮🥢 手切頂級安格斯牛肉 - 肉香味濃，油花分佈得靚🥢 脆肉鯇 - 厚身且新鮮🥢 即炸響鈴 - 脆卜卜🥢 豬頸肉 - 以玫瑰花的形狀呈現😳幾靚🥢 烏冬 - 急凍的彈牙烏冬🚩 想睇多啲好玩好食推介，即刻follow我既ig page 🔗 soyum_sogood

🐝大滾友火鍋 (紅棉大廈)🐝#bee11foodie荃灣༶ ༶ ༶ ༶ ༶ ༶ ༶ ༶ ༶ ༶ ༶ ༶ ☾ ༶ ༶ ༶ ༶ ༶ ༶ ༶ ༶ ༶ ༶ ༶ ༶今日同朋友去荃灣食飯，💗食咗一間唔錯嘅餐廳，好滿足‼️✨豬頸肉佢上碟整到好靚，有成個玫瑰，好適合打卡，好有少女心🤣💗，啲肉唔會有根位，好好咬‼️✨手切本地牛頸脊好適合打卡，有乾冰自帶煙霧效果！牛味濃郁，有啲咬口，帶少許油脂感又唔會肥膩～✨椰子雞番薯蜆濃湯鍋椰子雞味濃,好足料㗎🤣🤣🤣✨即炸響鈴✨竹蔗茅根✨手打丸拼盤༶ ༶ ༶ ༶ ༶ ༶ ༶ ༶ ༶ ༶ ༶ ༶ ☾ ༶ ༶ ༶ ༶ ༶ ༶ ༶ ༶ ༶ ༶ ༶ ༶整體評分食物：🤍🤍🤍🤍🤍服務：🤍🤍🤍🤍環境：🤍🤍🤍🤍🤍價錢：🤍🤍🤍🤍༶ ༶ ༶ ༶ ༶ ༶ ༶ ༶ ༶ ⌁⌁⌁ ❤︎ ⌁⌁⌁ ༶ ༶ ༶ ༶ ༶ ༶ ༶ ༶ ༶📍荃灣青山公路荃灣段125-133號紅棉大廈地下A&B號舖

櫻唇半開-特色卜卜蜆鍋大滾友牛肉拼盤手打鮮牛丸鬼馬油炸鬼個卜卜蜆鍋真心有驚喜👍👍👍👍，隻隻蜆都又大隻又飽滿，分量仲要好多，食晒成鍋得1隻蜆喺有沙，仲要0隻死蜆，0隻臭蜆，超對值得再食。不過呢個鍋就唔喺主打食辣，如果鍾意食辣嘅可能要叫店員加d辣椒。牛肉拼盤都相當唔錯👍👍👍👍個人覺得牛粒最好食，因為好重牛味。個牛舌都值得一讚，有牛味，又爽口，一d都唔韌。拼盤提供埋牛黃喉，平時出面都小食到。而牛𦟌就比較韌，比較啱鍾意有咬口嘅人士。手打鮮牛丸都好香牛味，不過就小咗d彈牙感，但食得出真喺純肉，唔似出面d牛丸落好多粉。鬼馬油炸鬼就正常水準，不過d蝦滑又幾香蝦味。個湯底真喺相當有驚喜👍👍👍👍，下次會再嚟食試下其他湯底。

一行五人其中二人生日到大滾友第一次到此店慶祝生日食晚飯，但不滿意它安排，給一張四人抬再加一張二人抬，好像三人一抬自己食，二人一抬自己食，仲要局住叫两個湯底分两個爐，至於食物質素只是中級，份量偏少，但價錢欲偏貴，本人意見只可說一試無防，再次投降。

🍽 大滾友火鍋 (紅棉大廈) 📍地址: 荃灣青山公路荃灣段125-133號紅棉大廈地下A&B號舖 😋呢排咁凍 梗係要打邊爐啦🤭終於黎到呢間大滾友🤣bookmark左好耐👉🏻醬介 $22 一位9宮格 一開始就係宮廷式既享受 😎 連d醬出場都特別過人😂難怪要收$22一位 佢比左9個格放唔同既醬料 比自己配搭 乾淨又衛生 唔會同其他客人撈埋一齊用 不過不左一次佢就會幫手收走 放番d空間出黎比張檯打邊爐個爐都先聲奪人😂係兩個龍頭做手炳 望住你地食曬 好鬼正🤣👉🏻玲瓏浮凸·花膠雞湯鍋(半隻）$298推介‼️驚為天人 成半隻半熟雞係到 仲要勁大塊花膠 個侍應會幫我地剪埋跟住放落鍋到 望住佢剪極都未剪完 就知塊花膠有幾大塊🤭 仲提我地花膠2分鐘左右就食得 到時就可以落雞落去 趁佢一滾 我地即刻不番配湯底黎試試佢 一個字：爽 清甜 完全唔油膩 花膠仲要勁厚身 入曬雞湯味 好正 食埋花膠補充一下骨膠原 再落埋隻雞 正😍配埋自己既醬油 惹味 忍唔住添多左幾配湯👉🏻大滾友牛肉拼盤（細）$398- 頂級安排斯牛小排- 本地手切牛頸脊- 牛展- 美國頂級雪花肥牛- 牛黃喉- 牛肉粒- 牛舌花推介‼️😍比佢個排

其實之前睇完微辣好想去試😌 同男朋友去叫左個椰子雞煲😌上枱見到個煲好仙氣,勁岩打卡📸海量海底椰, 但個人覺得椰水可以再多d🧉🧉煲底仲有幾隻卜卜蜆提鮮!!!邊爐唔少得牛肉~叫左個細既牛肉拼盤: 有牛舌, 手切牛肉,牛小排, 牛黃喉(依款幾得別..唔係間間邊爐店都有👍🤩🤩)另外仲叫左額外一份卜卜蜆, 豬腰 同牛骨髓~材料都幾新鮮, 蜆冇沙, 豬腰又清潔到冇"壓"味都好難得~👍👍👍另外佢6點前有埋單優惠, 提早食dinner 係幾抵食😌😌😌

最近天氣涼咗好多, 一直心思思好想打邊爐, 然而琴晚終於去咗 ❥⧽大滾友 ❥⧽, 係我期待已久嘅打邊爐活動呀! 火鍋店有古色古香嘅感覺, 周圍都有紅色燈籠, 幾有 feel, 枱與枱之間有中式屏風間隔, 都坐得幾舒服。𓊈泰式冬蔭功湯鍋 $𝟙𝟡𝟠𓊉呢個湯底上枱時已經好有氣勢, 雙龍頭鍋配大量乾冰煙, 除咗氣勢之外, 仲非常有內涵好足料, 有菇菌, 蕃茄同大量沙白蜆, 真係無諗過d 沙白蜆會有50-60 隻咁多, 真係食極都有, 亦令到個湯底除咗冬陰公嘅酸酸辣辣之外, 仲多咗一份鮮甜, 大力推介!𓊈手切本地牛肉 ✧ 頸脊 $𝟛𝟜𝟠𓊉個擺盤好浮誇好正, 超大盆咁放喺枱面好有特色! 牛頸脊質量好高, 淥完之後即使唔蘸點任何醬料已經好好味, 塊塊都好 juicy 又軟腍, 好好味!𓊈手打蟹子鮮蝦丸 $𝟞𝟠 / 𝟜粒𓊉手打鮮蝦丸雖然細細粒, 但係好好食, 可以食得到蝦膠之間嘅蝦肉, 成粒都好彈牙, 又無腥味, 大力推介! 可以直接叫 8 粒!𓊈半熟五花腩 $𝟠𝟠𓊉五花腩半肥瘦, 望落有少少厚, 估唔到淥熟咗之後都唔會覺得鞋。𓊈出前一丁 $𝟙𝟠𓊉因為個湯底太太太出色, 所以忍唔住叫咗個出前一丁嚟食,

最近天氣開始轉冷，意味着打邊爐的季節又到了。留意到位於荃灣的大滾友火鍋裝修同食物都幾有心思，除了店內佈置得古色古香，餐牌也設計成「聖旨」，加上多款特色火鍋配料，值得一試。🔸玲瓏浮凸·花膠雞湯鍋（半隻）$298一向私心幾鍾意花膠雞湯底，養顏滋補負擔感又冇咁重，大部份時間都係我嘅火鍋湯底首選，呢個更加係大滾友鎮店招牌作。店員奉上湯鍋後會即場剪開花膠放入，建議湯滾起可以先飲一兩碗再落雞，食幾多落幾多就唔怕滾到老曬。雞湯入口清清地但夠味，唔油膩，飲多幾碗都無乜罪惡感。🔸手切本地牛頸脊 $348牛味濃郁，厚切口感比較實在有啲咬口，帶少許油脂感唔會太肥膩，份量不少。上枱時仲有乾冰自帶煙霧效果可供打卡✨🔸鬼馬油炸鬼 $68油炸鬼加上蟹籽蝦滑，比想像中ok，想索多啲湯可以浸耐啲，蝦滑都仲係好爽口彈牙。🔸龍蝦餃（四粒）$78用燒賣皮包嘅龍蝦餃一食覺得好似食緊燒賣😂不過食真啲除咗豬肉仲有爽彈龍蝦肉，整體口感、味道都唔錯。單憑賣相都知多餡料，脹卜卜好飽滿。🔹蜂蜜菊花茶 $68壺身賣相一絕，菊花茶清清地唔甜幾解渴。🧂醬料費$22位

因為天氣又涼咗🥶 所以今日想同大家介紹另一間位於荃灣嘅打邊爐店 - 大滾友, 呢間就唔係放題形式嘅~.櫻唇半開 － 特色卜卜蜆鍋 $198大滾友有勁多湯底, 重點係每款都好吸引!😍 淨係揀湯底都應該揀咗15分鐘, 又想揀酸菜魚, 又想揀冬蔭公🤣 不過最後就揀咗呢個卜卜蜆! 好似比較特別啲 ~ 結果嚟到之後係無失望嘅!!!真係有爆多蜆!😚 食極都有, 淨係食呢個鍋都已經飽咗一半, 除咗蜆之外, 仲有勁多配料, 大量嘅芽菜/芫茜同無窮無盡嘅蜆! 食到最後, 應該食咗over100隻蜆!!!😱 真係超抵食!🤪.大滾友牛肉拼盤 $398有好多款平日唔會成日食到嘅牛肉, 安格斯牛小排, 牛頸脊, 牛展, 雪花肥牛, 牛黃喉, 一口牛, 牛舌花🤨 我最鍾意食嘅係牛黃喉, 原來係牛嘅大動脈血管, texture好爽口😆 有啲似脆片咁, 值得一試!👀.龍蝦餃 $98有六大隻, 佢個皮係有啲似燒賣皮, 所以就算煮咗一陣, 都唔會好易爛, 仍然好堅固, 每隻都食到啲龍蝦肉係入面🤩.醬介 $22想講個醬介真係好jeng hahaha 係九宮格形式 勁靚, 非常之IG－able!🤩 真係咩醬料都有齊晒, 最欣

原來家姐無食過大滾友，今日特登同家姐食大滾友☺️佢位置係千色隔離，簡單易搵☺️次次我都係食花膠雞湯，今次試下椰子🥥雞蕃薯蜆雞湯🥰感覺清甜清熱😊一去到就有醬料任君選擇😆第一次試哩個湯底☺️個湯底超清甜🥰同埋好足料好多雞，特別係用個湯底黎打邊爐超正😆我自己都飲左幾碗😊萵筍👍好新鮮好爽😄打邊爐必備☺️墨魚滑蝦滑兩味😊蝦滑好彈牙好好味☺️墨魚滑都唔錯😊另外叫左個豬腰☺️☺️桂花蚌真係好好食，我次次黎都必叫☺️☺️自帶海水味好正哩間真係得閒會黎食下☺️

今日去荃灣探朋友後，揀咗呢間走懷舊風嘅火鍋店一齊打邊爐😋🔸椰子雞番薯蜆濃湯鍋湯底好足料，味道鮮甜，忍唔住滾起就飲咗幾碗🤣🔸手切頂級安格斯牛肉肥牛牛味香濃 油脂分布平均 切成薄薄一片 食落入口即溶 🤤🔸蟹子蝦滑/瑤柱乾干貝滑/黑松露墨魚滑幾款漿類均十分出色，質感滑得嚟亦好彈牙，一粒粒嘅墨魚、干貝、蝦好有咬口🔸即炸響鈴每次食火鍋都必點嘅響鈴 淥幾秒就食得 新鮮即炸食落香脆😋🔸豬頸肉豬頸肉卷成一朵花咁上碟，擺盤精緻，肉質亦十分爽口

最近天氣有少少轉涼，又係時候去打邊爐啦。打邊爐除咗要有牛之外，點少得海鮮、豬、雞依啲肉類。餐廳仲有刺身，種類繁多。手切頂級安格斯牛肉雖然話係手切，但每片都厚度適中。每一片牛肉嘅油脂分布煲好平均，食落口又唔會太油膩，牛肉鮮味十足，而且份量都好夠兩個人食。玲瓏浮凸花膠雞湯鍋叫咗個花膠雞湯，雞嘅味好濃郁。加上落咗花膠，令成個湯篇少少潔身，夠晒味。烏冬打邊爐又點少得烏冬，烏冬吸晒成個雞湯嘅味，趁熱食，仲好彈牙。

今晚收工又好想去打邊爐，朋友帶咗我去呢間佢平時去開嘅火鍋店，佢話好好味，叫我一定要試吓。👅我哋叫咗椰子雞番薯蜆濃湯鍋🥥🐥🦌🐚🍲，個鍋一上枱就見到海量嘅椰子肉，而且有超多蜆，粒粒都好大隻而且冇沙，超鍾意呢個鍋底。另外我哋叫咗脆魚鯇🐠，超新鮮之餘份量都唔少，鍾意單點火鍋嘅食物係特別高質。豬頸肉🐷一送上枱賣相一流，店員將豬頸肉砌成一朵花咁，仲好好食添！飲品我哋叫咗竹蔗茅根🍹，估唔到係一壺咁送上嚟，店員仲好細心咁幫我哋斟，味道清清地，又唔會太甜，都幾好！店員服務態度非常好，嘢食質素又好，相信我哋下次會再嚟！

今日路經荃灣，順道去埋呢間「大滾友火鍋」刷返餐🤭，至愛佢食物質數不錯之外，食店裝修亦富有特色，多以暗紅色及深棕色，傢俱以木材質為主，而且還有很多代表性的中式裝飾及用具，屏風、茶壼、紅燈籠及門窗，極有氣派！今晚我哋就選擇咗一個「椰子🥥雞番薯蜆濃湯鍋」湯底味道十分清甜，椰子切成條狀，量亦非常多，所以煮出來的湯很有椰子的香味。喝完湯後店員就會幫客人加添清湯打邊爐！火鍋配料方面，點選了「頂級雪花牛肉🐂」其肉質結實鮮嫩，油筋與油脂分布均勻，入口牛肉味濃😋！「澳洲帶子片」新鮮而且沒有雪藏味，帶子沾了湯的味道，變得更鮮更甜！「大滾友肉丸拼盤」有：墨汁墨魚丸、鮮蝦丸、墨魚丸、豬肉丸及牛丸各兩粒，新鮮打製，咬落鮮甜夠彈牙！「菜苗帶子餃」皮薄、餡料結實，如果菜苗略多一些，應該會更好味，至於其他食物都好特別「鬼馬油炸鬼」、「大滾友響鈴拼盤」等等．．新鮮感十足🥰🥰！