大師傅粥品 (埃華街)

營業中

休息中

野，點知都係攪唔掂，牙肉無力，唯有食粥。大角咀老牌粥店，執完一間又一間，叫做食得下既得翻大師傅，去買個外賣先，叫左個碎牛粥（$16+1）,仲有齋腸($10+1)。先講個粥，好棉，好滑。牛肉都好多，不過d碎牛就有筋同硬硬地。食完後唔會太口乾，味精唔算多。個齋腸就唔夠滑，感覺好厚身，我個人比較喜歡多醬，但佢既醬比較油同稀，食落怪怪地，下次都係只食粥啦。

放假係屋企多數唔想自己整野食，我想食腸，但食開個間又無左，老公話搵間開得耐少少應該穩陣d,所以佢去左大師傅，齋腸，好滑，但切得唔太好，好大條又切唔開另外買左個蘿蔔糕，又無蘿蔔味，又粉，味道完全係靠豉油

剛去完零食最強，買了個抹茶零食，大感失望之際，看到旁邊大師傅的易拉架。太失望的時候，判斷力也大大降低，竟被易拉架上的食物吸引，走了進去。媽媽很想試旳XO醬炒米粉，她對這米粉的興奮讓我完全摸不著頭腦。都幾大碟。看她的樣子，應該很失望。米粉口感還可以，但很咸，不太吃到XO醬的味道。比普通炒米粉貴＄9，難道值＄9的XO醬真的這麼少？吃了幾口就放棄了，加＄1打包。白灼豬潤，賣相不錯。豬潤都幾大塊，有相當的厚度，煮得剛熟，一點都不嚡。都可以，但中環三多的較出色，而且三多的秘制豉油比這裡的甜豉油跟豬潤夾得多。

冬天凍冰冰想食宵夜但又怕肥, 食粥係一個唔錯既選擇。嗌左豬潤艇仔粥($27)同蝦米腸($11)。 個粥底好軟綿, 豬潤好滑,但咬落有少少粉紅色, 唔知係未唔熟。。。 另外腸粉好滑,好食

之前住大角咀成日都會黎食其實附近都有幾間粥店 唯獨大師傅既生滾粥最好味!我常食既生滾牛肉粥真係無得輸粥底綿綿 黏黏 非常足料 食得出唔係狂溝水溝到希哂牛肉片一碗起碼有6片! 加上薑絲香蔥辟腥 更帶出粥既香味!服務都係普通粥店阿姐既服務 阿姐們都好醒的 知你想叫野既時侯會有人埋黎價錢亦非常合理 普通一碗生滾粥只需$22比起位於旺角市中心既某些粥店(仲要唔好食) 完全係非常特惠!我而家去親旺角都要特登走入去大角咀食粥!!唯一唔好既就係大6人太多 有D嘈 同埋會搭台

星期六，放左工想清清地食一餐。決定去食粥！呢到粥款式相當多，總有一款岩大家食～是日，點「生滾肉片粥$22」，即叫即滾，肉片軟滑，材料充足，加少少薑絲再配綿綿粥底，好味道（值得一讚，呢到食完唔會有口渴感，很怕有些粥店過多調味，食完反而感覺不健康）「爽滑腸粉$10」，起呢到食過好多次，腸粉是店方自家制，蒸得又幾滑，最緊要腸粉溫度夠熱，加醬油同甜醬，夠好食啦^^如果唔怕熱氣，一定要食炸兩，店方會把鼓汁分開，唔會令油條變淋，食時脆卜卜^^

成日來大師傅食，一個月食兩次今晚又食魚腩粥同炒麵魚腩有五大舊，好嫩滑，鮮味十足我喜歡加少許胡椒粉覺得有辣又香味粥底次次都好綿，吾傑又吾稀，調味十分好炒麵勁大碟，雖然不是即叫即炒但是保持暖度，豉油炒得平均每倧條麵都平均味道，吾會太咸我就喜歡加少許辣椒醬更加惹味價錢吾貴，四十元有找一定會再光顧

夏日炎炎總想吃些冰涼的食物，熱辣辣的粥品似乎比較適合冬天。 不過最近沒甚麼胃口，想吃得簡單一點，所以就算怕熱也要來一碗粥。 可幸的是進店後感到陣陣涼意，大概是店員都抵不住外面的高溫，把冷氣調較至怡人的溫度。艇仔粥非常足料，光是魷魚都吃到好幾條了。 粥底很綿，而且不會有味精味道。 點菜時沒有叫走青，但上菜時還是把䓤和花生分開上，以免客人一時大頭蝦而浪費食物，頗為貼心。皮蛋碎牛粥也是足料的，這碗粥裡應該放了一個皮蛋吧，吃來吃去都還有。雖說想吃得簡單一點，但光吃一碗粥就總覺得差點甚麼，所以多要了一碟炸兩。 吃炸兩最開心就是可以自己加上花生醬、甜醬和芝麻，把食物加工的過程很快樂。 這次的成果的樣子有點強差人意，不過無損味道。 之前吃過一些炸兩是用隔夜油炸鬼做的，冷冰冰的叫人提不起食慾。 其實只要用上新鮮熱辣的油炸鬼，炸兩絕對沒有不好吃的道理，今次的出品令人很滿意呢。最後當然要來一杯凍豆漿為舌頭降溫，畫上一個完滿的句號。

寫手這一次帶大家到大角咀吃粥。粥，是香港常見的食物，但這一次我沒有叫粥。炒面，面不鹹，也不乾。這對一碟炒面來說，應該是一個讚賞。最大的驚喜是，份量很足夠，完全吃得飽。不過芽菜太少，口感不夠，扣一點分。點評腸粉一二用ＸＯ炒，貴一倍，性價比不高，而且炒出來有點求其，感覺只是簡單的炒一炒，沒有認真的令腸粉變好味，而且不夠乾，總體感覺不夠另外一個好。醬是自己放的，要多要少自己就。腸粉很滑，而且不會太爛，剛剛好，有水準，算是佳作之一。到說整體，店面夠光，感覺好。而且我一向覺得吃粥是平價之選，一個人二十幾就可以很多食物。讚。

住左大角咀一年, 係近呢幾個月先去幫襯食粥.最鐘意食係皮蛋鹹蛋肉片粥同埋鮮蝦腸鮮蝦腸其實佢個鮮蝦腸粉真係整得吾錯, 岩我口味, 吾太厚/薄, 略帶彈牙亦都滑, 仲有好大隻蝦但蝦就當然吾係新鮮蝦啦... 不過十幾蚊黎講已經值回票價!皮蛋鹹蛋肉片粥肉片吾肥, 彈牙帶爽, 唯略欠肉味, 鹹蛋起沙, 粥底綿, 好味豬什出前一丁好多料, 面都似係有2個面底, 抵食其實呢間店的食物個人會俾8分, 但係服務有時真係好一般...老細服務態度最好,有禮貌普通阿姐同太子爺, OK啦今晚去買外賣, 有個成60歲O既阿嬸, 落單烏龍,要皮蛋鹹蛋肉片粥佢落左鹹蛋肉片+魚片粥...問佢拎多D蔥佢黑口黑面...明明食品未齊又話齊, 番到屋企先發覺少咁個XO醬羅白高打番落去有個男人好好禮貌係咁吾好意思, 話下次補番或退錢,我條氣先順番真係幾鐘意食佢, 試過一星期食五次, 食物可以講係物有所值或略高於所值.希望佢質素可保持及向上提升, 員工服務可改善

這間粥誧在我屋企附近，我同屋企人經常落去食！這裡環境十分大,又乾淨!嬰兒車也能放得下！這裡的粥好綿,又好多材料！每次我都會叫豬潤粥,佢地係用最令既黃沙豬潤！鮮蝦腸雖然唔係好多蝦'但月勝在隻隻都夠大和鮮油炸鬼好鬆脆 ，豆漿略為淡左小小！係我覺得最唔好食的!

行行重行行, 唔知食乜而行, 偶爾來到大師傅, 就咁入去唔多諗吸引我的不是粥品, 而係一碗豬什麵, 再加多個佢o地o既招牌蝦米炸兩炸兩先上, 熱度還差一點點, 但炸兩厚實有咬口。少有的蝦米粉皮, 而蝦米係偏細, 加埋o的豉油整體配合都好有米香及口感豬什麵等得較耐, 但份量及質素係絕對值o既。尤其佢係用丁麵, 實在難得從圖中所見, 真係咩豬什都有, 唔腥, 爽口, 鍾意食什o既人會好滿足

這間粥店自誇是「大師傅」，未知是否有過人之處，這天早上特地前往踩場。這間粥店的環境光潔企理，給人的第一印象是不錯的。拿過餐牌，發覺這裡的粥品選擇頗多，無論是現成的粥品如艇仔粥、碎牛粥、皮蛋瘦肉粥，還是生滾粥如及第粥、魚腩粥、滑雞粥等，均一應俱全。而且各款腸粉、油器等也有不少選擇，一心來吃個中式早餐的顧客來此，相信必定能找到想吃的食品。叫來一碗「及第粥」和一碟「蝦米腸」做早餐。「蝦米腸」的料是足的，蝦米和蔥花都有不少，腸粉皮雖不夠薄和滑，尚可接受。「及第粥」份量不少，粥料十分豐富，但凡及第粥應有的粥料，除了最稀罕的豬腰之外，無論豬膶、豬心、豬肚、豬粉腸、豬肉丸等全皆齊備，而且每樣都有兩至三件，相比起坊間大部分的粥店，這裡的「大師傅」可是十分慷慨呢！這些粥料大部分味道還不錯，即使不蘸豉油來吃，也能吃出各自的味道來。特別是豬膶，足有三塊之多，還是厚切，雖然火候方面仍稍老了點，尚算嫩滑。比較差的是豬肉丸，並非手打，而是現成有售的豬肉丸，既欠豬肉丸應有的肉味，也欠嚼口。至於粥底方面，這粥是煲得頗綿滑的，不過就缺少了點米香。平日吃得太多港式ABC早餐，偶爾吃頓早粥也不錯呢！

行過大角咀,要吃嘢的感覺開始有點反應,看見個招牌( 大師傅粥品 ),應該有點水準,門面都幾光先就入去試下,看見價錢比想像中平,生滾粥都是十八元起,鮮蝦腸粉都是十四元,咁就試了牛肉豬肚生滾粥和鮮蝦腸粉. 先來牛肉豬肚粥,粥底是可以,好綿不會太熹,但材料就太差,第一口試牛肉,牛肉食落有渣同好鞋,豬肚唔淋好難趙........失敗之作 鮮蝦腸粉,粉皮好厚,係立刻做,所以都重有點熱,食落好似成口糊咁,鮮蝦都還可以,但都係唔合格.......... 所以大師傅粥品這個名有點( 名過於實 )

開鋪至今, D出品GE水準由山頂跌到而家GE谷底 : 粥又稀腸粉又硬, 係堅硬!!都算啦, 侍應啊姐同個收銀啊哥GE態度實在太太太太太差!!! 我坐個張台同鄰近幾張台都冇牙籤, 想叫個啊姐拎被我, 用來吉腸粉食, 個啊姐話 : "冇牙籤被你喎, 個個都係用快子食GA啦!"跟著食完, 又同第二個啊姐講要張紙巾抹咀, 佢同我講: "冇紙巾, 不過可以收你 $2 就被包TEMPO你" 請問邊間平民食肆, 攞張紙巾就收人 $2?同返個收銀啊哥(太子爺)講, 佢仲係度笑喎!!!!我發誓啊, 我有生之年再去幫襯呢間野我跟佢姓啊啊!!!!