大師傅粥品 (埃華街)

營業中

休息中

好多街坊都鐘意呢間嘅粥麵店#大師傅粥品 ！staff親切之餘，地方光猛闊落，內有粥，小食和飲品，價格合理，好食之餘冇失手！我哋決定在此晚餐。✅牛脷酥食落重脆卜卜，甜甜地，味道唔錯!! ✅炒麵食粥清清地，梗要食埋「豉油皇炒麵」，一上枱就出晒煙，重豉油味，炒得好乾爽唔油膩，好有鑊氣👍🏻✅牛肉腸腸粉即叫即蒸，新鮮熱辣，腸皮唔算太厚，都幾滑，裏面包著滑牛份量十足。✅黃沙豬潤粥 - 粉腸豬潤粥底好綿密，豬潤大件份量又多，入口滑嫩爽口，色澤帶淺啡，鍾意食豬潤粥嘅朋友一定要試吓！✅鯨鯇魚腩粥粥底好鮮甜，試左舊魚腩，雖然有魚骨，都算大嘅好易搵，慢慢食唔洗驚，怕魚骨嘅人係岩食嘅!!✅豆槳 

去咗大角咀一間新潮嘅粥品店，餐廳設計簡約時尚，空間光線充足，環境乾淨舒適生滾牛肉粥* ：粥底細滑，牛肉片薄切而鮮嫩，配搭微微嘅薑絲提升香氣，每一口都充滿暖胃嘅滿足感。鮮蝦腸粉* ：腸粉皮薄透滑，帶有一點彈性，完全唔會過腍。內裡嘅鮮蝦飽滿多汁，鮮味十足，輕輕咬落蝦肉嘅彈牙質感更係一大亮點，再淋上少許醬油，味道更加豐富。油炸鬼* ：外層酥脆，咬落去發出輕微嘅「咔吱」聲，內裡鬆軟帶空氣感，完全唔會過油膩，配搭粥品一流，增添咗層次感。

間中也會點外賣，但今天到店內食，點了皮蛋瘦肉粥，瘦肉味道是微酸，應該是剛開始變壞。告知店員，得到的是惡劣的回應。好像是說我吃到酸味是我的問題。完全沒有更換的意思。另外粥底好像加了生粉水似的，而且冇味。難怪裝修後，人流反而減少了。

🙂餐廳環境舒適衛生，服務態度不錯🙂上菜速度快，菜式熱辣辣🙂食物份量足料🙂不用加一服務費🥢牛肉腸 $19.001碟有9件，腸粉皮夠滑薄薄地，包住足料既牛肉，好傳統嘅味道！🥢油條 $10.00一份油條大大件，好脆！怕「熱氣」蘸粥一齊食，同樣甘香酥脆！🥢炒麵 $10.00🥢鮮鯇魚腩粥 $39.00鯇魚腩大件又嫩滑，足料墊滿成碗粥底，雖有魚絲骨但亦唔多，啖啖肉好滿足。 滾成後令成煲粥鮮甜無比，同飲緊魚湯差唔多。 味道一D都唔腥，可以一試。🥢狀元及第粥 $40.00兩/三舊豬潤，豬潤無渣，但中間有少少筋，處理得幾好筋，每啖清甜，綿到唔會見到米，內有滑雞，亦增添了口感。🥢豆槳（2枝）$18

最近我都想食得清淡少少，就去了粥店。點解環境光猛，入座率都有九成。我們三人叫了北菇滑雞生滾粥、咸蛋粥、碎牛粥。而食粥又點會唔食油器，就叫了油炸鬼，再加了一個炒麵，兩支豆漿！這餐性價比好高，又好味又抵食👍🏻！北菇滑雞生滾粥，雞件嫩滑，鮮味十足！我比較喜歡生滾粥，比較入味！碎牛咸蛋粥好滑，而且份量都多。連只是咸蛋粥都好味，原因是粥底好綿，值得一讚！炒麵好大碟，好抵食，配上我至愛的甜醬，好味！油炸鬼又非常香脆。大滿足！

天氣悶熱，偶然食欲不振，都想搵啲清淡啲嘅嘢食，就同細佬搵間粥鋪#大師傅粥品 ，食碗狀元粥，順道同佢慶祝新一個學年。💥狀元及第粥(豬心、豬潤和豬粉腸)份量算系大碗，上枱好熱辣辣，要慢慢食先食到。豬內臟冇咩怪味道，新鮮材料。食落有口感，唔會係好淋。💥北菇雞粥粥底好綿，食落去香濃雞味，冇味精成份，食完唔會好口乾。💥九皇鮮蝦腸腸粉皮滑溜，蝦都算新鮮。💥XO醬炒米賣相OK炒得夠香，XO醬都幾幾多，整體夠乾。夠曬過癮。💥豆漿

態度惡劣，絕不回顧今天下午與家人一起到這裡吃，因目測店內不太多客人，又都不是太肚餓，所以只點了幾碟點心。剛下單後，其中一碟齋腸粉便已經上菜。但等了半小時，其他點心仍未到，故此向侍應催單，首先侍應表示：「蒸點係要時間蒸，唔等得唔好食。」 然後，她們便一群侍應圍在一起討論本人及家人，內容大概是不滿意本人只點了幾款點心，沒有耐性等待。所有對話內容故意說給我們聽。本人認為她們態度極為惡劣，本人一家是客人，亦未曾有刁難她們，或提出什麼特別要求，只是想知道食物何時才會有，麻煩她們跟進，不知為何要受她們如此對待，所以本人一家決定取消所有未到食物便結帳離開，侍應仍然表現不耐煩地答應我們要求，誰知又有另一名侍應突然送上所有未到食物。本人不明白為何齋腸又可以一早便上菜？其中一碟蝦腸粉卻遲遲未有？那麼 應如何判斷蒸點要時間蒸這言論？

一直有幫衬大师傅，但今日好失望，買左碎牛粥返去食，點知食左一半先发现D碎牛係生嘅！即時攞住去搵佢哋，佢哋話將唔熟D粥再煲番俾我，我覺得好离譜！我話唔要，已經食左一半，都唔知會唔會有事，跟住佢哋凈係退左粥钱俾我，就唔再理我，呢件事令到越諗越唔舒服！以後都唔敢去食食物差！态度更加差！地址係大角咀，大师傅！

由於腸胃炎，已經幾日都要食白粥，今日返工LUNCH TIME 想搵粥店的時候，發現用KEETA可以免運費!所以就求其喺KEETA APP裡面揀左第一間粥品店，即係大師傅粥品。叫左2碗皮蛋瘦肉粥 加 一個叉燒腸，腸胃炎日日食白粥，我已經口淡淡，帶住期待嘆我呢碗皮蛋瘦啦，點知咸到呢，好似落左2茶匙鹽落去咁。然後就食下個叉燒腸，已經感受唔到任何鼓油咸味或者肉香，因為碗粥咸到咁。

店舖店員態度差劣，好冇禮貌！買炒麵，炒米，腸粉需客人主動出聲要醬，才會給醬。還要當問取醬時，店員還要質問及指責客人落單時沒說出，真是俾錢買難受！！！如非必要，10萬個不建議到此店舖進食及外賣！！！！不明白咁大間公司，店員不可以問客人是否要醬，就連醬都不會供應給客人，還要將責任推落客人身上，還要罵客人！！！！！！！！！！！！！！！！！重要到講好多次！如果鋪面寫明要客人主動提出才俾，我都理解，但完全無明示，就要俾店員罵！咩道理！

本身從來無係openrice 寫過食評,，一黎懶二黎嫌麻煩，但今次真係忍唔住為呢間野寫人生第一次食評。之前已經係呢間野外賣過炒米粉，同碎牛粥，味道係無味可言，懷疑無落鹽，不過又未去到入唔到口，所以都未去到完全接受唔到。今日係呢間野買左個炸兩做早餐，落完單後，d呀姐已經掛住吹水，炸兩都要等4個字，要出聲追先有，懷疑漏單。拎到番去一打開咩醬都無俾，係乾啃炸兩同 要行幾個字番去 既選擇下，我寧願選擇行番去問呀姐，結果呀姐仲串串貢答我佢地既炸兩唔會配醬，要(出聲問) 先會有醬，係香港幾十年食左咁多間粥鋪都無聽過炸兩既醬要問先有 ，反而被問過需唔需要走醬就有。總括黎講:食物質素 :  中下，無任何要求，是旦搵d野倒落肚可以一試，對比就海x粥店都好過佢服務態度: 零，鋪頭裡面8成既 呀姐吹水既吹水，發夢既發夢，2成先係正常做野

假期過後想食清淡小小, 揀左黎依個食碗粥。餐廳裝修後第一日叫外賣食，等左好耐，仲要好稀，好水咁過左一排，今日再黎食下有無改善。今日嗌左外賣皮蛋瘦肉粥+齋腸$40粥就正常返，足料。腸粉要花生醬，甜醬記得問店員拎。

裝修後全部職員唔同晒，好明顯轉左手。態度差，手腳慢，最後叫左2碗粥+炒面+炸兩，等左45分鐘，未試過外賣粥都要等45分鐘...企門口等外賣嘅人全部都怨聲四起。勸喻各位短期內唔好去幫襯住，除非你好多時間浪費。

因為疫情 好多舖頭都提早關門🥲行過見到大師傅仲有開就諗住間中清清地食粥填飽個胃🤤叫咗碗艇仔粥$32雖然冇自家製咁好不過大師傅都吾話得比中心機吾會hea你 夠米吾會好水咩都有🤙🏽

 原本訂左位,想食西餐去到鋪頭今日變左暫停營業休息唯有係附近搵食,大角咀區慢慢變得多了很多貴價既西餐廳,幸好,仍然有平民小店呢間,門口無餐牌,如不是朋友食過應該不會進來,平凡的門面想不到水準很出色 兩人點了豆漿皮蛋瘦肉粥,艇仔粥,炸兩埋單62,抵食!豆漿夠甜順滑 粥底夠綿滑,有米香,廿蚊碗,超值灑上少許蔥花 粥底下就係大量皮蛋碎和瘦粥絲將之拌勻就可以吃,料好足,粥底綿,好快就食完 艇仔粥料頭超多,反而太多了,粥太少,變左成碗好乾有魷魚,皮蛋等配料 超足料!食到尾都係料!等15分鐘,炸兩係即拉腸粉油條係脆既,有驚喜