大師傅粥品 (埃華街)

營業中

休息中

生病時就好的食糧就是粥，今早食過大型連所店的粥及腸粉，難食到一個點，完全食到一半就已經想放棄唔食。下午就到傳統粥鋪食，果然唔同。我點了粟米魚片粥+蝦米腸。綿綿的粥，粟米都幾甜，魚片可以，不過食時要小心有魚骨。腸粉都幾滑，加上甜醬，鼓油就已經好好味。2樣加埋都只係35元。幾抵食。

今日因為病左所以要去食粥，我叫左帶子艇仔粥，普通艇仔粥就$18，加左帶子的艇仔粥就$40艇仔粥尼講係好味，幾綿滑，帶子係厚身的帶子，不過其實我覺得唔加帶子會好D，加左帶子好似有D怪，佢的份量一般，所以我地驚唔夠飽就仲叫左左炒麵，炸兩同粽炒麵係凍的，所以麵有D硬炸兩係熱的，就算我地最尾仲食緊炸兩佢都係熱的，脆的粽就正常，普普通通不過侍應有D吋，我地同勧誚我地的炸兩仲未到，然後佢話：我地的炸兩係即叫即整，你地等下啦，要排隊嫁.......

大角嘴街比較舊區，所以那𥚃也有一些小店，而這家店在這一區已經有一斷時間了，因為我們很久沒有食了所以這次來這家店食粥😝店內環境走平實路線好街坊感覺，我喜歡！餐牌上有很多粥及其他食物選擇，我們這次叫了及第粥和炸両，我覺得粥好綿而且料好豐富👍🏻👍🏻炸両又好食👍🏻👍🏻老闆又好好👍🏻

前排想食得清淡啲，想減下肥，所以食下車仔麵同清淡粉麵類，甚至粥類🤣 呢間係大角咀黎講幾有質素既粥鋪👍🏻👍🏻必試既一定係XO醬系列，我食過好有驚喜既係XO醬煎蘿蔔糕，同XO醬炒腸粉！超級好食👍🏻 佢既XO醬係唔算好辣果隻，如果係食開勁辣就覺得冇乜特別！不過隻XO醬就係好串味~ 炒腸粉更正，入哂味！粥方面，必食粟米瘦肉粥，同皮蛋艇仔粥！超級重粒！皮蛋艇仔粥為例，皮蛋多，艇仔粥要有嘅材料，特別係瘦肉，每一羹都有好多料😱😋 正！ 粟米瘦肉就甜甜地淡淡地，又有瘦肉咬下，好正，又健康😍

非常值得一讚是炸品絕不會油淋淋，大大碗粥，抵食又好味!好少連食粥都要寫食評，加上平時夏天熱辣辣唔會想食粥，所以真心好食同推薦! 會翻食，睇得出好多街坊支持! 係大角咀要食粥要食呢間就岩喇!

朝早起身 好餓 但係唔想食嘢 但係好想放嘢入肚 呢個時候就會諗起之前讀u既時候 飲多左 就落canteen 啪碗湯 個人即刻暖曬 而且feel到飽 好滿足 所以即刻沖個快涼 落街啪碗粥 大師傅既粥品種真係好多 平貴素肉 任君選擇 如果落黎食個白粥加個腸粉或者炒米 廿蚊埋單都會夠飽 唔錯本身嗌左個粟米皮蛋粥 正路啦 就係粥一個 無話好足料 無話好結 亦無話好稀 符合期望 而我對粥既期望一直都唔大 朋友話想食齋腸 之前食啲腸粉都唔錯 但係今次整得真係有啲差 完全食到粉既感覺 係粉 唔係腸粉 好失望 睇黎腸粉就好似天氣咁 會有不似預期既時候 其實都唔應該expect太多嘢 好多時候expect 太多嘢就係自己唔開心既最大原因 昨日睇左挑戰者一號 其實幾好睇 不過就係因為期望值被朋友們chur高左 所以隱隱覺得有點失望 如果當初沒有期望 結果感覺可能有所不同食食下好餓 所以嗌多左個xo醬炒米粉 其實就咁炒米粉都好抵食 但係想要有啲味 就可以要xo醬炒 價錢係會有距離 依然係我覺得抵食既 不過喺呢度食炒米粉 米粉本身唔係好熱 再加上坐風口位直吹啲米粉 好快就凍曬無咁好食 不過幾十蚊 兩個人食飽飽

天寒地凍早餐食碗粥暖一暖先,食粥都無乜好寫,食中呢間垃圾真係要講出嚟,嗰名叫大師傅,學師都不餘!D樓面無記性又出品亂晒俾錯D食物!皮蛋瘦肉粥普普通通,個叉燒腸“鞋”到不能入口,食完成個人鞋口鞋面,成日唔開心,唉!千祈不要食腸粉類!

This is such an authentic HK style congee shop. The prices were amazing and the portions were huge. The size of the Chinese donut is almost double of what I’m used to. Everything was made fresh and served pipping hot. I’d recommend it to anyone.

二次約九時多來都十分髒亂, 地上滿是紙, 只有二位伙計, 是講大陸鄉音的伙計這次點了炸兩, 和叉 腸, 先來了叉腸, 食物不熱再等12分鐘才有炸兩, 仍不熱, 油炸鬼也不脆以後不會再來, 食物差, 價錢不平, 浪費時間在呆等

今日同媽咪行開街，經過見到依間粥舖，媽咪話很久之前食過，都不錯，所以我都想品嚐下。我們叫了碎牛粥、艇仔粥、炒米粉、蝦米腸粉和油條，等了大約10分鐘，食物到來。軟綿綿的粥底，散發白米香氣，加上軟滑的碎牛肉，吃進口有舒服的感覺。有很多不同材料的艇仔粥，脆脆花生、爽滑魷魚豬皮、碎牛肉等，香滑好食。爽口的米粉炒得條條分明，紅蘿蔔絲和椰菜絲作配料，米粉幾入味，好吃。柔軟皮薄的蝦米腸粉，蝦米份量算多，平時自己不喜歡吃這個的，但一食完就覺得幾好，改觀了。炸到非常香脆的油條，脆卜卜，我吃到簡直停不了，實在太好味，可能對香口炸物特別喜歡，所以這油條太美味啦！

有次經過呢區,就好想食下粥店,然後就發現呢間粥店外賣竟然要排隊, 所以就去試下喇,見到門口有好多個油鍋,不停咁炸緊油炸鬼,所以就坐低試試今次點了油炸鬼,魚腩粥,腸粉,豆漿油炸鬼 - 真係非常熱辣辣,同埋即叫即炸,好好食,又夠脆,唔似外間一般粥店咁淋晒,如果可以再鹽少少更好食,但今時今日仲食到即時即炸既油炸鬼已經好滿足.不過可能即炸關係,要等耐少少魚腩粥  - 個粥底唔會水稀稀,真係有米粥,又唔算味精,唔錯,魚腩都好肥美鮮甜. 腸粉 - 反而呢個就不過不失. 正常味道呢間粥店真係真材實料,好難得有即炸油炸鬼,同有米粥既粥店了.

Ate there in the morning. Quite packed so tables are shared with orders. Tourist-friendly has english on menu. Ordered the congee with pork varieties, salted egg and century egg(includes intestines, liver, kidney, etc.). Rice vermicelli wrapped in salty donuts with dried shrimp is also good. Don't forget to add peanut sauce.

天瑞新開呢間粥店好多人排隊，新野當然好多人想試，門口排晒長龍。所以買了外賣回家，發現啲粥好似漿糊，根本唔知是否用買來煲的，仲有一大陣發泡膠味，相信呢間粥店好快門口唔會有人排隊。

又到雨季來臨的日子，真的提不起勁，雖然不是晴朗的一天但也要充滿力量開始上班的開始，早餐食反碗狀元及第粥～不是去考試也可以做狀元😂，配料有豬肚，粉腸，豬潤，瘦肉，肉丸，豬腰，洗得好乾淨沒有異味，粥底好棉加埋薑絲一齊生滾，美味加個炸兩，芝麻同混醬可以自己任加，炸兩也是即叫即做，雖然不太熱，但價錢算平，一碗生滾粥加炸兩才三十幾蚊，

每次上班經過都見到這間大師傅粥品，每次看見店內環境感覺好一般，感覺食物質素和味道都不般。這夜晚上約了朋友去影相，但要自己一個人食晚飯，不知吃什麼，又不是太肚餓，所以便決定吃碗粥清下腸胃。坐下很久都沒有店員前來下單，只好耐心等候著。單看價錢沒想到不貴，也因為不太肚餓，便要了一碗白粥和炸兩。白粥HKD7，一點都不貴，白粥真的是白粥，沒下鹽的白粥，米香的很，只可惜白粥有點稀。炸兩HKD12，沒想到HKD12有3條的炸兩，看似好抵食，見腸粉的皮很薄，但不知味道如何。食炸兩是聽到脆口的聲音，雖然腸粉皮有點薄也不算很滑，但整體一起吃，已給了脆口的炸兩分吸引著了，炸兩不只是脆還有點香口，真的好食到不停口。看著店內的店員服務散慢，坐的環境又一般，沒想到食物味道做的如此出色，，還只是HKD19如此平，用表裏不一來形容都很貼切。