多賀野 (K11 Musea)

營業中

休息中

餐廳裝修同佈置都行沉實日式木系路線，整體感覺好有質感。另外，店員對顧客嘅用餐都幾上心，會主動幫客人跟進食物嘅進度，同用餐感受。 粟國塩味拉麵 ($128)• 食材有叉燒、溏心蛋、紫菜同筍乾。• 塩味湯底相對一般嘅味道較為清新，但一啲都唔單調，當中加入咗大量芝麻同碎洋蔥。• 所以飲落去都幾有層次，唔止有海鹽嘅咸味，仲帶啲洋蔥嘅甜味同芝麻香。• 叉燒肉質好香腍，輕咬幾啖已經融化，吸收咗湯嘅塩味之後令肉味更加濃郁。• 拉麵偏向飽滿，唔算煙韌，一咬就可以分開，有啲似蕎麥麵嘅質感，所以非常掛湯。• 溏心蛋、紫菜、筍乾都屬正常發揮。

今日放工想食個日系d既晚飯，咁岩撞正係尖東收工就過左去Ｍusea搵食，路經見到日式米芝蓮拉麵就膽粗粗試試有幾好食。我選左「豚鴨沾麵」，湯底有幾種不同層次香味，細心d會食到每一啖都有「雞」，「鴨」，「魚」，「豚」嘅香味，最重要湯底沒有太咸，溫度適中，麵質爽口能夠掛得上湯汁。問番店員原來湯底不是預先沖制的，係日日早上在新鮮加入材料煮制，所以會做到沾汁不過濃，不油膩，會有多重Aroma。沾麵另外有配豚肉叉燒同溏心蛋，叉燒有半肥瘦少少脂肪，一片起唔會太膩，整體用餐體驗唔錯，員工服務良好有細心解說。

連續四年東京米芝蓮指南推介，全日本拉麵大獎， 多年日本最優秀拉麵。今日去Musea見完客，想食個Quick Lunch，經過見到頭銜咁犀利就試一試。食拉麵必揀赤豚嘅Me就試咗「芝麻辛辣拉麵」，日式淡淡面味嘅湯底， 口感溫和又唔會掩蓋左芝麻香味。幾欣賞佢拉麵唔會太硬身，湯底冇味精，叉燒亦都半肥瘦有足夠脂肪油香。另外配多咗兩個小食「自家製黑胡椒炸雞」同「日式煎餃子」，炸雞加入咗磨碎嘅黑胡椒，炸出嚟油溫夠有多一重嘅辣味，日式煎餃子正常發揮。

呢間係米芝蓮過江龍的拉麵店🍜每次去都見到少許人龍，今日大概8:30經過，完全唔使排隊，所以就入咗去食了！餐廳衛生程度良好，見到職員會用新布加噴霧去抹枱👍🏻 餐廳裝修比較摩登，大門口有一棵大樹，頗寫意😊🍜信州味噌沾麵 $148 (期間限定⏰)看圖見到呢個沾麵有好多配料，有蠔，叉燒，糖心蛋等等😊 擺盤而言係幾好嘅，望落都算大份😌 叉燒薄薄的，但肉質嫩滑，有淡淡的燒香味🙌🏻蠔幾新鮮，不過拉麵就比較淋了，唔夠彈牙，湯底都略嫌少咸💥 整體而言性價比較低。

味道/今次叫左多賀野醬油拉麵 諗住signature實無衰 點知第一啖湯底已經淡而無味 拉麵麵質完全唔彈牙 叉燒鞋到個口都損埋 溏心蛋可以話係毫無蛋香(´･_･`)環境/呢到係以面壁形式坐 張枱重窄過自修室的枱 重要的布質座椅滿佈污漬 椅後的燈箱上更有蚊蟲屍體(´･Д･)」服務/店員零service可言 有位疑似女經理的服務態度令我一度以為去左澳牛 重要一食完碗劣質拉麵 一位疑似男經理就直接放低張單 講左句「跟埋張單」就走左去ಥ_ಥ總結/本身見咁多人排隊以為好掂 點知係咁嘅水準 實在令人大失所望...ಠ_ಠ第一次寫食評就係劣評 係希望唔好有更多人會浪費時間排隊 浪費自己個胃嘅quota食啲如此惡劣的拉麵(╯°□°）╯︵ ┻━┻

十分失望，看menu話michelin, tabelog etc有beat ramen in tokyo嘅美譽，就點了招牌之選醬油拉麵。結果無論由湯底、拉麵味道、麵條口感、荀、溏心蛋、紫菜、叉燒全部都below average。總括而言：好難食。湯底冇質感層次，拉麵難食太淋overcooked，叉燒「鞋」到呢。。。無得customise item可以，我期望交由師傅決定最美味嘅combo，可惜全部大失所望。我見其他食評話同旺角五六十蚊拉麵質素差唔多，我會話旺角絕對好過佢😀另外，座位設計係好有特色，就係全部好窄。店員一時左邊一時右邊上菜，執枱etc，無論對佢哋定對食客都好逼好唔方便幾乎撞到要左閃右避。服務就客氣講句一般般啦。唔想中伏就不用來啦。

聽說多賀野是連續四年奪得米芝蓮的拉麵店🇯🇵🍜香港有兩間分店，今日經過尖沙咀，就來K11試一試。以拉麵店來說，這家的拉麵和小食選擇都算多元化。我點了他們招牌的醬油拉麵和炸雞🍗這家炸雞實在太好食了！炸雞的外皮炸得很酥脆，裡面卻依然保持著肉質的鮮嫩，吃起來十分爽口🤩而醬油拉麵的湯頭則是濃郁鮮美，加上彈牙的拉麵，讓人垂涎欲滴🤤叉燒不算厚，內質非常嫩滑，入口即化🐖整體來說這是一家非常值得一試的拉麵店👏🏻

聽聞沾麵較為出名但這次都想嚐嚐湯麵最後選擇了芝麻辛辣拉麵🍜意想不到很辣 不太能吃辣的朋友可能要注意一下 另外都點了日式煎餃子🥟 外皮煎得香脆不過老實說性價比不算太高呢想不到假日晚上剛好可以Walk in到呀⍢⧐芝麻辛辣拉麵 日式煎餃子(5隻) 𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡/5⧐多賀野📍尖沙咀梳士巴利道18號K11 Musea 2樓220號舖

喺K11睇完戲 見到呢間餐廳之前成日好多人排 見今日平日5點鬆啲無人排隊 我地又有少少肚餓就入去試下極上蟹黃沾麵$188識食一定係飲左啖湯先啦 估唔到湯入邊有蟹肉碎 令到個湯更加鮮味同豐富😍麵嘅質地唔會過腍 for番你一陣放落湯嘅時候食啱啱好 食落都幾有咬口👍🏻旁邊仲有蟹膏同埋蟹肉都幾鮮甜另外仲有隻軟殼蟹同埋糖心蛋豚鴨沾麵$168朋友嗌左呢個因為佢麻麻哋食海鮮 試咗佢少少 鴨味都幾出 正常一個麵 相比起蟹肉嗰個 呢個真係冇咁抵少好多嘢食 建議大家嗌蟹黃沾麵 開心好多😂

呢個係米芝蓮得獎嘅沾面呢個沾麵，真係好好味。有一啲海鮮配搭呢個沾麵，用濃郁嘅豬肉湯配搭呢個沾麵，又唔係想像中咁油膩真係值得攞米芝蓮嘅質素。而且價錢又唔會比平時街外嘅拉麵店貴，下次一定會再嚟幫襯。

約朋友係K11睇戲，仲有一粒鐘時間先開場，所以就打算快快手食d野，就去咗食拉麵。極上蟹皇沾麵$188Menu 寫住「乳白色的魚湯和鮮美的螃盤味道相得益彰」，老實講我就真係睇唔到個湯點樣乳白，可能大家對白色有誤解。軟殼蟹好香脆，唔會炸到完全乾物，有細細兜蟹膏同蟹肉，味道好好。湯底唔會過咸，香濃，掛身。188蚊一碗都值得一試。自家製黑胡椒炸雞（3件）$52雖則得3件但每件都係大大舊，外脆，雞肉嫩滑，但唔係juicy 有肉汁果種，解凍做得幾好，雞肉食唔到有雪味，有可能係黑胡椒掩蓋咗。

Not easy to find this place, K11 Musea is a maze…😅 They are famous for their Tsukemen but as a soup lover first time visiting, definitely chose a soup base ramen to start. 店不好找 或許我是路痴吧 哈 這家的沾麵食比較多人推薦的 本人愛喝湯 所以叫了碗湯拉麵..Ramen texture was cooked perfectly. The soup wasn’t too greasy or salty, it was a great choice as I was going for a semi light meal, but overall not really impressive, it was alright. Couldn’t resist on ordering the pan-fried dumplings too and it was juicy, meaty and crispy. 麵條硬軟度煮的

睇戲前約佐班朋友係K11 MUSEA到食飯 於是就簡佐呢間日本過江龍- 多賀野呢間餐廳係日本有獲得米芝蓮推介絕對值得一試叫佐個餐廳既重點推介拉面-極上蟹皇沾面, 一上枱 淨係個賣相已經值回票價呢個沾面有跟一隻原隻既軟殻蟹湯底非常濃郁 沾面仲有跟2小碗既松葉蟹膏同埋蟹肉絲食起上黎真係啖啖都係蟹味 麵質更加係唔洗講 絕對有米芝蓮既水準

一齊發掘更多香港嘅美食 😋.今日嚟試嘅係由日本遠道而嚟嘅過江龍「多賀野」。呢間餐廳喺日本少有名氣，曾經連續四年獲得東京米芝蓮推介及Tabelog全日本拉麵大獎，今次即管試下佢開到嚟香港嘅分店水準係點啦~.極上蟹皇沾麵　$188-呢款沾麵係餐廳嘅皇牌推介，喺店員推薦之下決定一試。-送餐盤上有原隻炸軟殻蟹，外皮炸得非常香脆，但略縑有少少乾。-沾麵嘅湯底非常濃郁。店家嘅湯底以鮮魚湯熬製，再加入松葉蟹膏同埋啖啖嘅蟹肉絲，飲起嚟份外鮮甜 -沾麵旁邊另配有蟹膏同少許蟹肉，可以按個人喜好加入湯中，令蟹皇湯呢樣嘢食落更加有口感。特別鍾情蟹嘅我當然二話不說將全部蟹膏放曬入湯底，但會略為鹹咗一點。-溏心蛋呈流心狀態，蛋香濃郁，味道醇厚甘甜。-麵條係店家每日新鮮製作。拉麵浸入湯之後，仍然保持住煙韌彈牙嘅口感，真心世一！-最後食完拉麵之後，可以叫店員加湯，飲埋淨低嘅蟹皇湯。.黑松露沾麵　$178-黑松露沾麵嘅配菜係磨菇天婦羅同細粒嘅叉燒。磨菇天婦羅炸得恰到好處，而叉燒食起嚟亦都非常有咬口！-黑松露湯有極濃厚的黑松露風味，湯底香濃之餘，陣陣松露嘅香氣亦都瀰漫住整個用餐區。-有關沾麵同溏心蛋嘅評價，可以參考番上文

豚鴨沾麵 / 168湯汁用咗雞|鴨|豚|鰹魚熬製而成 每一啖都充滿層次沾麵比拉麵更食得出麵條嘅小麥香味同煙韌嘅感覺麵條亦非常掛汁 確保每一條麵條都被湯汁包住食完之後仲可以將高湯加入湯汁 慢慢品嘗清甜嘅上湯——————————————————推介度: 8.5/10——————————————————尖沙咀梳士巴利道18號K11 Musea 2樓220號舖——————————————————