多賀野 (K11 Musea)

營業中

休息中

一齊發掘更多香港嘅美食 😋.今日嚟試嘅係由日本遠道而嚟嘅過江龍「多賀野」。呢間餐廳喺日本少有名氣，曾經連續四年獲得東京米芝蓮推介及Tabelog全日本拉麵大獎，今次即管試下佢開到嚟香港嘅分店水準係點啦~.極上蟹皇沾麵　$188-呢款沾麵係餐廳嘅皇牌推介，喺店員推薦之下決定一試。-送餐盤上有原隻炸軟殻蟹，外皮炸得非常香脆，但略縑有少少乾。-沾麵嘅湯底非常濃郁。店家嘅湯底以鮮魚湯熬製，再加入松葉蟹膏同埋啖啖嘅蟹肉絲，飲起嚟份外鮮甜 -沾麵旁邊另配有蟹膏同少許蟹肉，可以按個人喜好加入湯中，令蟹皇湯呢樣嘢食落更加有口感。特別鍾情蟹嘅我當然二話不說將全部蟹膏放曬入湯底，但會略為鹹咗一點。-溏心蛋呈流心狀態，蛋香濃郁，味道醇厚甘甜。-麵條係店家每日新鮮製作。拉麵浸入湯之後，仍然保持住煙韌彈牙嘅口感，真心世一！-最後食完拉麵之後，可以叫店員加湯，飲埋淨低嘅蟹皇湯。.黑松露沾麵　$178-黑松露沾麵嘅配菜係磨菇天婦羅同細粒嘅叉燒。磨菇天婦羅炸得恰到好處，而叉燒食起嚟亦都非常有咬口！-黑松露湯有極濃厚的黑松露風味，湯底香濃之餘，陣陣松露嘅香氣亦都瀰漫住整個用餐區。-有關沾麵同溏心蛋嘅評價，可以參考番上文

豚鴨沾麵 / 168湯汁用咗雞|鴨|豚|鰹魚熬製而成 每一啖都充滿層次沾麵比拉麵更食得出麵條嘅小麥香味同煙韌嘅感覺麵條亦非常掛汁 確保每一條麵條都被湯汁包住食完之後仲可以將高湯加入湯汁 慢慢品嘗清甜嘅上湯——————————————————推介度: 8.5/10——————————————————尖沙咀梳士巴利道18號K11 Musea 2樓220號舖——————————————————

The shop is full of japanese feeling, playing relaxing japanese music makes you feel young and joyful, the feeling just like you are in Japan right now haa, ohmygod, long time no go japan laa, i like the trees staying in the center of the shop, adding more green and natural elements haaIt’s funny that they have eating instruction telling you how to savour your own ramen, haa, not dipping too many noodles on the soup otherwise the soup get cold super fast, and i got the tip thank you(: and here h

粟國塩味拉麵 / 128採用咗沖繩粟國嘅鹽煮成嘅湯底湯底好清澈 鹹味適中 飲落好舒服自家製麵條煙韌有咬口 帶有陣陣嘅小麥清香雖然呢間餐廳主打拉麵但係小編反而覺得沾麵更為出色所以下個post都會介紹埋沾麵㗎富士蘋果生芝士蛋糕 / 38整體嘅蘋果同芝士味都唔太突出 個人認為唔需要試——————————————————推介度: 7/10——————————————————尖沙咀梳士巴利道18號K11 Musea 2樓220號舖——————————————————

見到呢間口碑都幾好，就約埋朋友去試下。一開始驚唔夠食，所以兩人嗌咗兩碗拉麵同鰻魚！結果份量好足，食到好飽哈哈！豚肉好好味，咬落下帶有湯汁的鮮甜鰻魚更加唔洗講，非常好味，係我食過最好味嘅鰻魚！我依家都回味

今日想試吓人氣過江龍名店多賀野的黑松露沾麵。Weekday晚上用餐的人唔多, 基本上七時半入座不用排長龍。外賣有優惠，有九折。黑松露沾麵$178這黑松露沾麵配的不是叉燒，而是磨茹天婦羅和叉燒粒粒和半隻溏心旦。這磨茹天婦羅炸衣薄脆，炸得唔油膩；而脆粒叉燒粒粒和平日吃的豚肉叉燒片不－樣，另有－番風味。溏心旦醃得入味，加上流心溏心，旦味濃又creamy, 正。最正是黑松露湯，湯汁有極濃厚的黑松露風味，松露香幽幽撲鼻，味道濃而不膩，多－份清新鮮甜，再吃一口Q彈的沾麵，富彈性，掛湯力一流，又有麵粉香，好吃。黑胡椒炸雞$52雖然炸雞份量唔多，但炸雞又脆又juicy, 加上黑胡椒格外惹味，加上微微的辣，正！再吃－口沙律菜平𧗾－下，日式沙律汁很清爽。即使是外賣，用了氣炸鍋真的感到和店內吃差唔多，今晚的晚餐真好味！

大年初二本來很高興過去，排隊很長時間，但是一位黃頭髮服務態度好差，一直臭臉，真的好影響心情，再也不會去。春節假期工作很辛苦可以理解，但這不是你對其他人態度差的理由。

🍜多賀野 Takano Ramen.🍜多賀野醬油拉麵 Takano Soy Sauce Ramen HKD 128 ~ 3/5.🦀自家製蟹肉薯餅 Creamy crab croquettes HKD 68 ~ Creamy and crispy with a few strands of crab meat - 4/5.💭Thoughts: Food quality was average on the whole. I like their ramen broth, it was light, good balance of flavours but looked quite oily at first glance. The pork bellies were also too fatty for my liking and the ramen noodles were a bit too thick - .😋Revisit? ❌👩🏻‍🍳Food rating: 3/5👩🏻‍⚖️Overall experience rating: 3/5

#chuchu食在尖沙咀📍 多賀野喺K11 MUSEA入面一上電梯基本上都見到，推薦大家去試！除左等野食耐小小之外，坐得舒服、環境又靚、又好食！價錢就正常啦，始終係K11，值得嘅！💡不過好似冇得book位，只可以去排隊，🐷嗰日就過左peak hour去，所以都還好！—————————————————————❣️ 極上蟹皇沾麵 $188大推🙌🏻🙌🏻🙌🏻 #chuchu推介 原隻炸軟殼蟹好香脆，炸粉唔厚！入面仲有蟹膏！ 配埋旁邊附上嘅蟹膏醬、蟹肉同埋沾麵湯底，真係好香濃又鮮甜！麵質有咬口！隻糖心蛋都好好食！仲有唔少嘅蟹肉碎喺湯底裏面，每一啖加少少蟹膏，口感層次又提升左！沾麵湯仲有蠟燭保溫（不過唔係好夠熱）.❣️ 粟國塩味沾麵 $148沾麵的湯汁出色，比起蟹皇就淡口啲，但都好好食，入面仲有入口溶化的豚肉粒，都係有溏心蛋，蛋香濃郁，可惜沾麵得半隻，今次🐷仔自己食！不過叉燒就可能因為分開上，所以真係凍左小小，唔係話好驚艷，如果拉麵可能會正啲.❣️ 日式煎餃子 $58 煎到個底脆卜卜，入面就濕濕地咁！正常發揮，冇乜特別！.❣️ 自家製黑胡椒炸雞 $52有3件，炸後件件都皮脆，入面雞肉都嫩滑，仲保留肉汁，

以前呢間拉麵店要大排長龍先食到，所以一直無去試🙈咁岩商場app d積分就快到期，就一於去食啦😗.12點左右去食，完全唔使等位💁🏻‍♀️店員安排左靠牆既位置，不過都幾窄，肥少少都好難坐入去🙈.食物方面，睇其他食評好似沾麵好食d，揀左極上蟹皇沾麵（$188）、豚鴨沾麵（$168）🍜🍜.✨極上蟹皇沾麵🦀✨湯底有蠟燭keep warm，另外有一分為二既炸軟殼蟹、細細份既蟹肉沙律同蟹膏🦀.✨先飲個湯底，非常濃郁既蟹味😍比起街外其他沾麵湯底稀身d，飲落去唔會好咸同唔油膩，甜甜地勁好味😋😋入面仲有蟹肉碎同兩舊仔豚肉😚蟹迷必試🎉而炸軟殼蟹就正常，食落去唔油，都算多肉🦀麵就屬於粗身煙韌果隻👍🏻.✨豚鴨沾麵✨湯底係醬油色，飲落去都係醬油味🙈對比起蟹皇沾麵就失色得多🥺唔係好覺得有特別香濃既豬雞鴨魚味道，但飲落都唔會好油，叉燒都食到有火灸過既香氣，配合湯底一齊食都ok🍜..兩款沾麵相差二十蚊，雖然咁樣一碗沾麵都唔平，但食蟹皇沾麵個開心程度會大d🤣🤣

起K11 睇完戲路經依間勁多人排隊既拉麵店～由2020排到差唔多2100~店員就快九點個陣都有行出黎同我地講話沾麵截單～本身仲擔心試唔到期間限定沾麵，最後九點前都落到單～餐廳環境簡約坐落舒服～位與位之間間距都OK嘅～亦有儲物籃比客人放袋～食物整體驚喜唔大～值得一讚係麵質食落彈牙～但沾麵湯底幾鹹～食完仲飲咗幾杯茶🥹排咗半個鐘嘅表示有啲失望1️⃣信州味噌沾麵 $148😅揀左期間限定沾麵～有冇火爐坐熱啲湯～但熱度都唔夠加埋豚肉、水菜同蜆肉等～味道正正常常～食完最後覺得十分口渴，唔太推薦2️⃣醬油拉麵 $128醬油拉麵湯底清甜唔會死咸～味道都唔錯麵質爽口彈牙👍🏻加埋豚肉同埋流心蛋～都唔錯既

東京米芝蓮推介沾麵店，自家製麵條，麵質有咬口，會再encore嘅店舖😍價錢定位中上，欣賞蟹黃沾麵湯底濃香鮮甜，仲有唔少嘅蟹肉碎喺湯底裏面😍每一啖加少少蟹膏，口感層次又提升左❤️‍🔥

多賀野當初登陸尖沙咀K11 Musea時大排長龍，今晚shopping完見到不用排隊，即刻入去試吓招牌拉麵芝麻辛辣拉麵 | $138起初以為個湯會好辣，點知食落唔辣，我覺得唔太食辣嘅人可以試下，這裡餐牌冇得揀麵軟硬度，但我覺得硬度係適中嘅。至於兩塊大叉燒係有驚喜，真係超大塊，肥瘦適中多賀野醬油拉麵 | $128這個湯係清淡嘅，味道有淡淡鰹魚香，加埋醬油味，層次感豐富，溏心蛋也有醬油香，蛋黃呈半熟流心狀態，把蛋汁與拉麵攪勻吃，份外滋味吉列炸蠔 | $78雖然唔平和只有3件，不過都算大件，食落去熱辣辣，好脆

旅發局派果個乜乜乜海岸線coupon，俾市民去指定餐廳換個餐堂食，張coupon deadline去到十一月三十日，即係今日，見到網上討論區d人推呢間，話cp值高d 起碼食得飽，所以去咗呢度食。七點半去到要喺出面排隊等位，果時附近啲餐廳得呢間要排，不過都唔係等左好耐，門口員工放人入果時問"有冇coupon"，個個都答有，有個仲話要換三張，原來個個都係嚟食旅發局個免費餐，笑死。坐底scan左code，先嚟杯雞尾酒，個正餐就等得比較耐，隔離左右都換左枱人，都係食旅發局個餐🤣。個麵唔係想像中嘅彈牙，只係偏硬嘅麵。湯底太甜。整體如網上討論區介紹所講，食得飽人。職員態度ok，入座有效率，玩埋今日海岸線last day，佢哋應該唔洗咁忙啦。

趁11月份係wine and dine festival，梗係要把握機會周圍去食🍴，價錢係非常之優惠，去多賀野食沾麵🥢，有去到日本嘅感覺🇯🇵土佐豆腐 （$48）大大件好足料😊，帶香濃嘅豆味，新鮮夠熱，做到外層帶點焦香，外脆內軟。仲有大量嘅木魚絲同蔥花，有足夠嘅調味又唔會過濃，令到豆香更加出眾👍🏻11月wine and dine 優惠，信洲味噌沾麵+威士忌薑汁梳打，只係$150，超值信洲味噌沾麵🍜個麵質超級彈牙，爽滑仲有帶有香濃嘅麥味🌾，食起上黎更加有口感同煙韌，信洲味噌個豆香出眾，食起上來清新唔會好油膩，黏稠程度啱啱好麵條容易掛汁👍🏻，可以吸收晒湯嘅精華，配料就有叉燒，五花肉，白沙，糖心蛋，非常之豐富🥳威士忌薑汁梳打🥃好飲，薑汁梳打同埋檸檬味令到杯嘢飲大酸酸甜甜❤️📍 多賀野 (K11 Musea) (尖沙咀)尖沙咀梳士巴利道18號K11 Musea 2樓220號舖