多賀野 (K11 Musea)

營業中

休息中

多賀野 尖沙咀k11東京多賀野拉麵於1996年創立，在日本相當人氣，曾連續幾年獲得米芝蓮必比登推介，在2019年來到香港開設分店。K11分店算係人氣高食飯時間多人排隊，裝修同服務都ok。 多賀野醬油拉麵湯汁由鰹魚乾、雞肉、豬肉製成，麵條為自家製由日本4種麵粉、2款蕎麥、雞蛋及鹼水再熟成兩天製成。麵條質地煙靭掛湯，湯汁偏甜，糖心蛋有點熟過頭，叉燒經過火炙半肥瘦味道ok。 極上蟹皇沾麵沾麵湯底由魚湯加蟹肉蟹皇煮成，蟹味唔算重偏減，但絆上一小杯蟹肉同蟹膏保證真材實料，呢個麵係無叉燒，不過有軟殼蟹、筍及半隻糖心蛋做餸，都算幾豐富。麵質自家製成，有質素保證。至於性價比同味道，個人口味私心建議食返醬油拉麵。

嚟到K11 Musea睇戲，呢度岀名多好嘢食當然喺度搵飯食。朋友想食日本野，見門口無人排就入左去試。睇返多賀野嘅主打菜式係拉麵同沾麵，又成日拎啲拉麵大獎。雖然係咁，個人唔太好拉麵同沾麵，所以我叫左個蒲燒鰻魚定食。鰻魚唔算太大份，不過都厚身，加上醬汁關係，所以呢個份量都足夠。蒲燒鰻魚定食 $148朋友就叫咗個極上蟹皇沾麵，濃濃魚湯配上蟹肉，試左一啖覺得味道幾濃，麵身彈牙，可惜軟殼蟹炸得太乾，唔係成個配搭都幾夾。極上蟹皇沾麵$188不過整體而言唔算好令人難忘，就係一間較好嘅拉麵店，要排隊就唔值得了。

為了用埋剩餘的Kdollars，便決定到K11 Musea晚餐。 今次我和老公隨意選了多賀野，點了一份多賀野醬油拉麵、一份豚鴨沾麵、一份自家製蟹肉薯餅.及波子汽水。現在凡惠顧任何一款拉麵，再點一款飲品，便可享有任何小食半價優惠，較只點小食，不要飲品的價錢更特惠，相當吸引。1)醬油拉麵湯底清甜，一喝便知不是味精湯。叉燒肥瘦相間適中，溏心蛋亦做到流心效果。2)豚鴨沾麵麵質爽口，豚鴨湯不會做得太杰身，呻一啖湯，吃一口拉麵，美味非常。3)自家製蟹肉薯餅做得非常出色，薯餅炸漿夠薄，外皮鬆脆，一梳梳蟹肉餡料鮮味十足，加上熱辣辣，令人吃不停口。

今晚約咗朋友係K11 Musea本身想食壽司🍣行過見到呢間拉麵店唔洗排隊就入去試吓啦今次叫左極上蟹皇沾麵 $188超出色呀🥹份量超大軟殼蟹即炸勁脆口🦀仲要係一隻嘅份量細碟仔有蟹膏同蟹籽蟹肉蟹膏濃濃，蟹肉好鮮甜有蟹肉再配上鮮味濃郁的蟹熬湯一啖湯一啖麵好邪惡呀😂麵係偏厚身煙靭的質感好有口感👍🏻 必點品❤️日式煎餃子🥟 $58皮薄多肉汁自家製吉列炸蠔$78超出色鬆脆的炸皮唔係外間的吉烈炸粉咁厚皮又多粉蠔🦪大大隻，好鮮甜多汁入口又滑😋水蜜桃汽水 $38蘋果汽水 $38鹿兒島A5和牛拉麵 $198最失望同唔值的一樣食品😔和牛好韌，唔係入口即溶湯底淡而無味不推薦😣總結： 環境坐得舒服，有籃比你放置手袋蟹皇沾麵同吉列炸蠔念念不忘下次再encore🤤

真係冇試過咁無語。。。睇完煙花冇嘢食就選佐哩間，但個面真係好淡，完全冇拉麵嘅感覺，湯淡，面硬，可能係限定原因，只能話我食唔慣，牛肉都算嫩滑，好有牛肉味咯，蔥都好新鮮。

伏到出煙，以後都唔會再食呢間麵店。今日見到有人排隊仲以為會應該會好食。點知非常令人失望。啲拉麵唔好食，麵不掛湯，得過死鹹，湯味道怪怪的，整體仲差過自己整嘅即食麵。辛辣拉麵好油，湯裏面仲放咗炸菜，似返咗大陸食麵多過似食日本拉麵，味道有啲係即食麵。兩碗麵嘅叉燒同蛋都十分普通。咁嘅質素，仲要落單後等半個鐘以上先上到枱，查店員是否漏單，店員話要煮晒全部客人嘅沾麵同小食先會開始煮拉麵，如果落單時講明我就會即刻走人。

📍地址: 尖沙咀梳士巴利道18號K11Musea 2樓220號舖✿😋味道😋：3/5✿🏙️環境🏙️：4/5✿🤵🏻服務🤵🏻‍♂️：4/5✿👀賣相👀：4/5✿💰價位💰：3/5↠⏰時段： Tea 16:30 ↞ ✦✧ 喺1996創立嘅東京多賀野拉麵，連續4年榮獲米芝蓮必比登推介，亦都喺東京超人氣過江龍排隊拉麵店；多賀野有20幾年歷史，每日新鮮製作自家拉麵、熬製湯汁。—————————————————————🍜🥚❝多賀野醬油拉麵❞ $128🍜🥚❝Takano Soy Sauce Ramen❞ $128☞ 呢個招牌拉麵湯底清澈鮮甜，唔算油膩，不過我覺得略為淡咗少少，湯底用咗鰹魚乾、雞肉同埋豬肉熬製而成，再加埋佢哋嘅自家醬油整成嘅湯底；而麵質好煙韌而且有嚼勁，軟硬適中，佢嘅麵條採用秘製蕎麥麵粉、四款日本麵粉、鹼水同埋雞蛋嘅配方製作，以手工拉製，所以韌性恰到好處，而且做到掛湯能力；而每一碗拉麵有3塊叉燒，而塊叉燒肥瘦啱啱好，亦都有豬肉味；另外佢嘅糖心蛋控制得啱啱好。—————————————————————🥟❝日式煎餃子（5件）❞ $58🥟❝Pan-fried Pork Dumplings (5pcs)❞

📍多賀野 (K11 Musea) (尖沙咀)尖沙咀梳士巴利道18號K11 Musea 2樓220號舖在K11 MUSEA的超人氣拉麵🍜，質素對得上價錢!!豚鴨沾面（$168）很值得嘗試，沾麵超出色，非常足夠的份量。一直烘著沾面的醬汁，絕不會冷掉！醬油拉麵（$128）清淡的味道，配上一整個糖心雞蛋、叉燒、紫菜，所有配搭及味道都恰到好處！炸雞（$52）真的非常值得加小吃，炸得剛剛好又留住肉汁，炸雞絕對是必須吃的！

多賀野醬油拉麵$128湯底幾清甜，麵質彈牙唔錯👍🏻兩大塊叉燒味道正常。好鐘意佢隻糖心蛋，好好味😋自家製蟹肉薯餅$68薯餅幾脆口，口感唔錯，内裡見到有蟹肉，配埋沙律菜食，可以解吓膩😄濕紙巾花邊幾靚，忍唔住影相😜餐廳環境和服務都幾好，坐得好舒服，下次想試佢嘅沾麵。

📣間中都會想起呢間拉麵🍜，原來最初係由東京一對夫妻經營，經過幾十年歷史，仲連續四年榮獲東京米芝蓮推介🍜.📣自己唔太食得辣，但就係好喜歡呢個又香又辣嘅拉麵🍜，真係好頂癮，仲有主打嘅沾麵，幾啱自己嘅口味🍜———————————————————————————🥢芝麻辛辣拉麵🍜💬已經特意叫咗小辣🌶，但真心都係幾辣🌶，但充滿芝香，係擔擔麵嘅感覺，滿佈蔥絲同芝麻，連埋幼麵一拼入口係非常好味☺️.🥢豚鴨沾麵🍜💬鴨係一定會揀，屬個人偏好，如果再有多啲鴨肉會更開心，但起碼有火暖住個沾麵嘅湯，未至於變冷。沾麵配上粗麵，炙叉燒同竹筍，同樣出色🍜

呢間日式拉麵食過已經好幾次環境同埋服務都好好，因為滿座了我哋本身坐喺近住出入口嘅吧枱，佢見我小朋友瞓着咗主動叫我有位就碗入去後邊有梳化嘅位置咁小朋友可以瞓喺度，佢個沾麵真係好好食，同埋佢個湯底唔會食到人覺得好跩咁樣！

多賀野的主要菜式為拉麵及沾麵，是連續四年獲得東京米芝蓮指南推介、Tabelog全日本拉麵大獎等。這間多賀野位於K11 Musea的2樓，服務周到而且座位間隔寬敞，相當舒適。❈ 豚鴨沾麵 Cheshu and Duck Tsukemen HK$168這裡的沾麵貼心之處在於湯汁是擺放在小火爐上，在一段時間內保持湯汁的溫度。湯汁是每日新鮮熬製，因此湯汁既不會太過濃郁，也不油膩。 每次將麵條沾到湯汁都會吃到湯汁的精華，充滿着豚、鴨、雞、魚的香味，非常喜歡這個味道相當清新和鮮甜。另外，這豚鴨沾麵還配上兩片叉燒、半隻糖心蛋、紫菜。至於拉麵，多賀野堅持每日新鮮自製拉麵，麵條較一般拉麵粗而且煙韌，有口感。 當吃完麵條後， 可以通知店員添加高湯於湯汁中，這樣湯汁便變成上湯，以品嚐上湯作結。❈ 多賀野醬油拉麵 Takano Soy Sauce Ramen HK$128這醬油拉麵是多賀野招牌拉麵之一，以日本鰹魚乾、雞肉及豬肉熬製的湯底加入自家製醬油，味道清甜且帶點鹹香。這碗拉麵配上叉燒、糖心蛋及紫菜。叉燒燒得外緣脆，肉質嫩，肉與脂比例恰當。

約左朋友係K11 MUSEA睇戲 睇戲之前就係商場食飯醫肚見到呢間多賀野拉麵望落又幾好食咁就同朋友坐低試試佢時間大約6點幾 鋪頭入面都坐滿左客外面寫明人齊方可入坐, 咁岩有一台客人離開就到我地啦見到有沾麵同拉麵揀, 我就叫左一個粟國塩味拉麵因為唔鍾意太濃味呢個塩味就好岩我啦另外我地仲叫左份蟹肉薯餅送到上黎仲係好熱辣辣咬落去果陣好香薯仔味外脆內軟 推薦!價錢又唔算貴 係K11 MUSEA食到呢個價錢既拉麵都算係幾抵

第一次叫咗拉麵，感覺一般，所以今次第二次黎想食佢個招牌極上蟹皇沾麵，可能因為期望太高，湯底感覺唔太濃蟹味，豬骨味濃啲，唔知係唔係因為蟹太貴。另外佢個軟腳蟹，炸粉略嫌厚咗啲，整體係實脆，唔係鬆脆，所以我都未必再去食。不過好值得一讚係所有員工都好貼心又有禮貌，我一入去被安排個位好大風，我就問咗一個Part Time 職員我想調位，佢就話：可以啊，隨便，不過佢應該無通知其他職員，到後來食物到咗先知我調咗位，我就同一位黑衫女經理（我估）講：唔好意思，因嗰邊太大風我先想坐呢度，佢就話：唔緊要，唔好意思，因嗰邊有其他客人坐，所以唔知佢哋想唔想熄咗個冷氣，如果呢邊你想熄我可以幫你熄咗佢？我當然話：好啊，唔該晒，個女經理仲問而家有冇好啲？👍🏻 到之後枱面無匙羹，我問一位白衫男職員，佢見櫃桶無晒，仲入廚房拎咗一隻剛剛洗乾淨，熱辣辣既比我，仲好有禮貌講：唔好意思，啱啱先有新一批洗乾淨，服務好讚！到最後埋單，另外一個白衫女職員見我想拎起杯飲茶，比完錢仲會問我一句：需唔需要多一杯茶？所以整體服務真係好好，可惜食物真係唔吸引我，我唔會再食😹😹

在k11Musea打算個lunch，看到這間寫著連續四年獲得米芝蓮的拉麵店🍜。我點了招牌的醬油拉麵。麵質煙靭，醬油湯底濃郁，糖心蛋都唔錯🥚！不過本人係極度討厭醬油味拉麵的😵‍💫所以食咗一半就已經停手🫥但如果鍾意醬油味拉麵的話，我覺得味道不錯，甚至比起日本的還好吃（因為喺日本食過，冇比較冇傷害！）在K11吃到100元的餐廳，已經算是性價比高了！🥺如果自己一個人諗唔到食咩，推介黎呢啲度快快脆食個拉麵！😂😂多賀野📍位置： K11 Musea (尖沙咀)尖沙咀梳士巴利道18號K11 Musea 2樓220號舖🕰️11:30-10:00💰：130/人