夏麵館 (樂富廣場A區)

營業中

休息中

呢個面超大一碗（好似係叫担担面），$42左右，我同女性朋友2個share都岩岩好，可以揀唔辣，係落單嘅時候同服務員講就得啦，面嘅軟度啱啱好，可以話係呢度嘅招牌菜呢個醉雞冇咩特別，可能因為我唔鍾意有酒嘅野食，覺得有少少苦，所以個人唔係太鍾意佢呢個素鴨齋卷（唔記得係咪叫咁嘅名），一咬落去佢嘅味道超香，外層有少少脆，超級好食個炒飯印象中係$92 ，一開始要撈個羹去個飯到，但係佢實在冇咩特別，人哋唔講我都唔知有羹，以為係一個普通炒飯，所以呢一個真係超級唔抵食鎮江肉算有水準 ，同我第二間食嘅上海菜差唔多，值得一試

一行三人嚟到夏麵館食lunch，有午市自選套餐，選擇又多。提提大家1點前賣單仲有85折，幾抵食。套餐包括1款小食+飯麵+飲品蔥油拌麵加紅油抄手$50成個抄手到落碗麵度一齊食，抄手既汁唔係辣既，反而甜甜地，撈埋一齊食味道唔錯，仲有大蔥都好正，大家都可以試下。上海擔擔麵加四季豆$56碗麵好大碗，足夠我地3個女仔食，所以淨係叫左兩個餐，湯底好飲濃郁嘅麻醬味。四季豆係凍食小食，都係大大碟咁。提下大家如果食麵，記得叫佢剪下啲面，會比較容易食ka

今日帶大家發掘下樂富既好野食 6點幾入座 吾算好多人 位置安排都算闊一坐底侍應就送上熱辣辣既茶 睇下個menu食咩好最後叫左個唐芹鮮肉水餃($38)同埋黃魚煨麵($68) 兩道菜都冇令我失望唐芹鮮肉水餃有6隻 水餃皮厚度適中 咬落去有啲肉汁“咇”出黎 仲有淡淡既唐芹味 用料好足而且肉質好鮮嫩 值得一讚主角黃魚煨麵上黎啦 真心好大碗 上面有啲雪菜做裝飾啲麵食極都有同埋彈牙 黃魚嫩滑而且吸收哂湯既精華 一個字：正特別要讚既係湯底 飲得出真係用左好多條魚煲成既湯底 而吾係味精湯 小編都忍吾住一路食一路飲 最尾淨番一半湯 實在太大碗啦連埋茶位費4蚊以$121結賬 非常值得

今天去樂富夏麵館，簡單食个午餐。最快是午餐套餐，有多款麵和飯，再加小食選擇雲吞、紅油抄手、春捲、鍋貼等。我選了蔥油拌麵配手拍青瓜，估唔到有咁大碟青瓜， 爽口，味比較淡，另外畀錯咗青菜煨麵， 因為趕時間就冇換到啦，青菜係菜脯、菜乾，所有材料都係淡味，加埋一齊食，清清地，都算唔錯。另一個是雪菜肉絲炒年糕，味道適中，正常，感覺好健康，配2隻小籠包，有肉汁，但皮比較厚。環境整潔，但有些迫，食物清淡，每位@62，午餐價錢差不多啦，因為它配有一份小食，可以再來呀。

夏麵館是一家上海麵館，特色之處在店內普遍食品較一般上海菜館健康輕盈，比較清淡低鹽低糖。點了前菜、點心、主食等各種類式嚐一下。蟹粉小籠包小籠包皮厚度適中，每粒平均十多摺，肉餡及湯汁比例剛好，肉餡較綿絮富肉香，湯汁鮮美，蟹粉置在小籠湯包頂端，些許蟹黃汁滲出。整體可以，不過七十元四隻小貴。夏味燻蛋燻蛋蛋白彈牙有韌度，蛋黃偏實心甘香軟滑，香濃蛋香味重，個人比較喜歡融心蛋黃類型。雞絲粉皮以青瓜絲及肉絲拌花生醬及粉皮，青瓜爽脆，肉絲偏瘦，花生醬及粉皮比例還可以。菜肉餛飩麵麵質屬幼身有韌性，質感較柔軟。餛飩皮超滑溜，菜肉小巧但飽滿，肉汁豐富。發現香港的餛飩都做得不錯，起碼餛飩皮滑不溜口，肉餡也不過不失。三鮮湯年糕以大白菜、香菇、豬肉、蘿蔔、蝦仁等熬湯，湯汁奶白香滑，味道鮮香。年糕份量多，口感煙韌，不過吃多幾口，感覺易膩。

因為趕時間，在樂富簡單找过地方午餐，夏麵館有位，即入。最快是午餐套餐，有多款麵和飯，再加小食選擇雲吞、紅油抄手、春捲、鍋貼等。選了蔥油拌麵配手拍青瓜，青瓜爽口，味比較淡。另外卻來錯咗青菜煨麵， 因為趕時間就冇換到。青菜係菜脯、菜乾，所有材料都係淡味，但加在一起，清清地，都算唔錯。另一個是雪菜肉絲炒年糕，味道適中，正常，感覺好健康，配2隻小籠包，有肉汁，但皮比較厚。環境整潔，但比較迫。食物偏清淡，2人每位$62，午餐價錢差不多。因為麵加一份小食，可以再來呀。

呢間夏麵館都幾難搵 要喺商場行一陣先搵到個入口佢地既lunch set有得簡前菜 主食 同一杯飲品 我就揀咗擔擔麵，同炸排骨，仲有鍋貼。味道都正正常常囉都算太份，如果係西式嘅話兩個人叫一個lunch set加少少就夠㗎啦。味道方面正正常常，沒有任何驚喜。環境都舒服，乾淨企理。

因為住在附近，我們一家不時會光顧樂富廣場三樓的夏麵館。上海菜館一般都有素菜包或青菜煨麵等素食，夏麵館也不例外。今次不算很餓，叫了青菜煨麵、麻醬拌麵、家常煎餅和豆漿。豆漿唔太甜，正常麻醬拌麵係熱食，麻香味濃，我們機乎每次都會叫。家常煎餅一份四件，薄薄的脆片，香口鬆化，即叫即製很新鮮熱辣地方寬敞，算舒適。今天較少人，很靜，服務還算勤快。間中顧客較多的時候，可能會比較難找服務員。夏麵館的選擇多，價格是一般大眾可以負擔，作為街坊食堂也不錯呢！

🤣最近真係係樂富食得多，今次又係樂富覓食la，本身想食上海xx, 但媽媽想試新野，所以就嚟咗呢間。口水雞拉麵（$72）價錢嚟講唔算特別平，不過佢包埋飲品同前菜，差唔多la🤣。前菜我哋簡咗烤麩😍，烤麩真係百吃不厭，佢係冷盤嚟，甜甜哋，索哂d汁，好快就比我哋清哂。口水雞同埋d面會另上，佢既口水雞幾特別，仲搽咗花生醬，不過好辣😅，有d頂唔順😳，雖然好吃，但吃得好辛苦🤣，因為辣得濟，係咁飲水。雪菜肉絲炒年糕（$63）年糕唔係一片片，而係一塊塊🤣，比較厚身，但係都好煙韌。不過我覺得佢配料唔夠，尤其係雪菜，淡味咗d，但媽媽話好好食，因為佢食得比較清。豆沙鍋餅（＋$12）午餐套餐加錢就可以叫多份甜品，我真係好中意呢個甜品😍😍😍😍😍，佢即叫即整，熱辣辣，外皮好脆，但入面煙煙韌韌咁，豆沙甜而不膩😍，12蚊真係好抵arrrrrrrrrrrr

食個下午茶麵餐 見到都無胃口 湯麵啲湯好似白開水 麵就得小小 件牛展味道就一般般 服務員態度一般般啦 環境尚可 我想應該都無下㳄....................... .

試過上海姥姥，都係走返黎夏麵館～兩間食嘅野差唔多，不過輪經濟實惠，夏麵館性價比高啲！金牌菜肉炒飯好足料，味道剛好，飯亦炒得乾身！兩個大人食每人可以有兩碗滿👍🏻小籠包次次都新鮮熱辣，因為頭頂有窿，方便將醋加入去，肉汁豐富！今次無食黃魚煨麵揀左嫩雞煨麵～之前試過黃魚好嫩，不過要小心有骨～嫩雞真係好嫩口，加埋小棠菜口感一流！反而銀絲卷就麻麻，入面一啲絲都無，似炸饅頭多啲🤷🏻‍♀️紅油抄手粒粒都好大隻，不過唔夠辣～

今日工作午餐又去樂富，不過唔係食米線，係麵條啦。神仙要吃麵，也到夏麵館門口張海報又幾笑容可掬。中式茶樓裝修風格，古色古香咁，座位幾多，又夠寬鬆。中午有lunch set，一涼菜一麵一飲品。我就食蒜蓉四季豆＋排骨擔擔麵＋夏伯伯酸梅湯，盛惠77（中午都收加一服務費，so bad）講翻食物，蒜蓉四季豆是涼菜，所以真的是冷的，還是熱的好吃上菜速度好快，不錯。不過擔擔麵好大碗，我食唔完。可能是麻醬花生醬太膩，所以食少少麵就飽了。擔擔麵湯底比較多水，不會太濃稠。酸梅湯我就覺得麻麻，好淡

通常在有課堂，而又不常求其在頹can吃的時候，小弟往往會跑到就近的樂富去醫肚，常去的地方是到街市的熟食檔去買抵食夾大件的三餸飯。如想坐低的話，這兒就屬我的首選了....時候尚早店內人不多，但我就要趕著食完回去開工，從下單至吃完，都花不用半小時就攪定....想飽肚一點，決定捨棄叫湯麵而取炒飯。一道菜粒鹹肉炒飯，飯太黏身且無論菜粒與鹹肉皆少及細碎得可憐；飯更好像下了師傅調味，這於我而言絕對是不收貨的....小籠包相對上就做得好多了 ---- 皮薄、多汁、不易夾穿而肉不太嚡口，是在水準以上....兩道拉勻起來，算是扯個平手，給個OK臉好了....

令人驚嘆的金牌菜肉炒飯（HKD58)初頭見到賣相呆了，咁樣既金牌炒飯，我對碟炒飯仲有d期望，但一試，飯身硬，味淡，用料孤寒，白飯不如。金牌...？黃金蝦球（HKD118)份量少、賣相差、一碟所謂蝦球竟有一半是番薯扮蝦球。另外，叫了糖醋魚,小籠包及蟹粉豆腐煲（HKD98)，味道認真麻麻，晚市價錢昂貴，但所有野都令人失望及難以置信。夏麵館，成功列入黑名單。帶著屋企人諗住黎食餐好野....真係非常失望。

今日約人食飯,我中意食澱粉類食物,好似包同烏冬咁所以特別中情於上海菜😋,朋友就話不如試下夏麵館,反正唔遠,我地去到午餐都就變晚餐啦😑,入到去見到佢既裝潢,好古色古香,燈罩都用瓷泥做,木既枱櫈,坐就唔係話好坐,但算有風味🙈好彩唔洗等,坐底左我就劃單好餓ㄚ😖我地叫左4個套餐排骨擔擔麵,都算唔錯,但唔特别,之後白律肉絲炒年糕,我就覺得煮軟些會更好食,另外個上海炒麵同配既小籠包,係我今餐最欣賞既👍,唔太濃,但吸引人ㄧ口接ㄧ口到食完,所以我地配左4籠,真係好誇張.最後係香辣牛腩麵,配豆沙鍋餠,個餅味道好淡,咬ㄧ啖就唔想食🙈但我地都好乖咁食完,個麵用准山麵想試試,結論係我唔中意,我覺得都可以,但佢已被我分類去見到可能會食,但唔見唔會諗起既餐廳😂