夏麵館 (樂富廣場)

營業中

休息中

昨日（29/10/2020）一行四人，二點幾來到麵麵館，見門口張貼着“凡惠顧午市套餐 四人同行 一人免費”，計算下，同叫下午茶價錢差不多，當然點午市套餐。點了點心~鮮肉小籠包及鮮肉鍋貼各二客，招牌菜，當然好味。跟住點了老上海炒麵，不太油，味道適中瑤柱蛋白炒飯，炒得好乾身，好味道，略厭瑤柱較硬排骨擔擔麵二客，排骨鬆脆可口，擔擔麵，有少許辣，不吃辣都可以接受，湯底濃郁，麵亦爽口，好味餐飲點豆漿，份量不一，大的一杯是凍 但無冰，小的一杯是熱埋單$238，每人$59.5，抵食。

今天探望外婆以後，一人到樂富商場用膳，突然想吃中菜的我便選擇了到夏麵館晚餐，我點選了晚市套餐，皆因以晚間餐點來說，不但價格經濟，而且菜式選項亦不少。瑤柱豆腐羹使用上瑤柱粒和豆腐粒製作的湯羹色澤金黃，味道清香濃郁，瑤柱的嚼勁配搭嫩滑的豆腐，口感鮮嫩順滑，健康可口。賽螃蟹 賽螃蟹是使用蛋白炒製而成的，外形猶如真蟹肉般，是北京的名菜之一，其入口濕潤嫩滑，鮮甜細嫩，再配搭有蝦、辣椒、青豆，味道豐富更增添層次。另外還附有白飯，入口軟硬適中，米香濃郁，粒粒分明。凍豆漿凍豆漿份量充足大杯，飲用時冰爽順喉，甜度適中，散發著陣陣的黃豆香氣，口感絲滑香醇，清甜解膩。鮮肉小籠包小籠包是加十二元優惠價加配的，一籠有兩件，外層厚薄製作得恰到好處，口感柔韌軟糯，內餡飽滿多汁，鮮香嫩滑。整體而言，餐廳裝潢富有中式風味，環境整潔衛生，食材美味可口，價錢經濟合理，是光顧中菜館的好選擇。

12點午市 早段少人 陸陸續續入客 爆場環境古式風味 優雅 枱枱之間有空間感侍應有禮貌 反應快 上菜都快……鮮肉小籠包 4個 $38 皮唔太厚 有熱湯汁 肉餡淡味 很一般鮮肉鍋貼 3隻 $32 煎皮脆卜卜 有湯汁 但豬肉餡淡味川味口水雞麵 $60翼位上庄 多件數 雞肉凍 肉實少少嚡 汁唔辣冇麻味 味道可以 但 冇川味神髓排骨担担麵 $65担担麵湯底稀 麻醬花生醬少 唔夠濃香麵條有咬勁 未掛倒湯汁 湯麵冇紅油面 都好味嘅 感覺欠傳統味炸豬扒 肉霉淋 炸漿厚 肥膩老上海炒麵 $65 正常味 但唔夠濃香 唔夠上海味(濃油赤醬)1人份量 上海粗麵斷 麵短身 冇椰菜酸辣湯 (例) $65 份量4大碗 較酸唔辣 材料一般 冬菇 木耳 豆腐 芛 肉絲 & 旦花冇豬肚 冇虾 冇青豆 ……豆沙鍋餅 $36 3.5⭐甜香 略嫌唔夠豆沙整體味道正常 但欠上海傳統神髓Eatixx做優惠6折 抵食就試試

今日（19/6/2020）下午二點多來到樂富，附近太多食店，選了夏麵館來個下午茶。不用等位，只有幾枱客，量體溫後，被安排至一角落位置，未知是否客少，沒有開足冷氣，不夠凍，食物上後，邊食邊要擦汗。點了2份下午茶再配2款食品下午茶 - 老上海炒麵，不油膩，夠醬汁，好吃下午茶 - 雞排擔擔麵，淮山麵更勝上海麵，爽口，雞排好脆口，擔擔麵湯底濃郁，略嫌少許油膩。鮮肉鍋貼及小籠包都好食，餐飲點了豆漿，但忘記影相。埋單$147，很抵食，下次可再來。

呢個面超大一碗（好似係叫担担面），$42左右，我同女性朋友2個share都岩岩好，可以揀唔辣，係落單嘅時候同服務員講就得啦，面嘅軟度啱啱好，可以話係呢度嘅招牌菜呢個醉雞冇咩特別，可能因為我唔鍾意有酒嘅野食，覺得有少少苦，所以個人唔係太鍾意佢呢個素鴨齋卷（唔記得係咪叫咁嘅名），一咬落去佢嘅味道超香，外層有少少脆，超級好食個炒飯印象中係$92 ，一開始要撈個羹去個飯到，但係佢實在冇咩特別，人哋唔講我都唔知有羹，以為係一個普通炒飯，所以呢一個真係超級唔抵食鎮江肉算有水準 ，同我第二間食嘅上海菜差唔多，值得一試

一行三人嚟到夏麵館食lunch，有午市自選套餐，選擇又多。提提大家1點前賣單仲有85折，幾抵食。套餐包括1款小食+飯麵+飲品蔥油拌麵加紅油抄手$50成個抄手到落碗麵度一齊食，抄手既汁唔係辣既，反而甜甜地，撈埋一齊食味道唔錯，仲有大蔥都好正，大家都可以試下。上海擔擔麵加四季豆$56碗麵好大碗，足夠我地3個女仔食，所以淨係叫左兩個餐，湯底好飲濃郁嘅麻醬味。四季豆係凍食小食，都係大大碟咁。提下大家如果食麵，記得叫佢剪下啲面，會比較容易食ka

今日帶大家發掘下樂富既好野食 6點幾入座 吾算好多人 位置安排都算闊一坐底侍應就送上熱辣辣既茶 睇下個menu食咩好最後叫左個唐芹鮮肉水餃($38)同埋黃魚煨麵($68) 兩道菜都冇令我失望唐芹鮮肉水餃有6隻 水餃皮厚度適中 咬落去有啲肉汁“咇”出黎 仲有淡淡既唐芹味 用料好足而且肉質好鮮嫩 值得一讚主角黃魚煨麵上黎啦 真心好大碗 上面有啲雪菜做裝飾啲麵食極都有同埋彈牙 黃魚嫩滑而且吸收哂湯既精華 一個字：正特別要讚既係湯底 飲得出真係用左好多條魚煲成既湯底 而吾係味精湯 小編都忍吾住一路食一路飲 最尾淨番一半湯 實在太大碗啦連埋茶位費4蚊以$121結賬 非常值得

今天去樂富夏麵館，簡單食个午餐。最快是午餐套餐，有多款麵和飯，再加小食選擇雲吞、紅油抄手、春捲、鍋貼等。我選了蔥油拌麵配手拍青瓜，估唔到有咁大碟青瓜， 爽口，味比較淡，另外畀錯咗青菜煨麵， 因為趕時間就冇換到啦，青菜係菜脯、菜乾，所有材料都係淡味，加埋一齊食，清清地，都算唔錯。另一個是雪菜肉絲炒年糕，味道適中，正常，感覺好健康，配2隻小籠包，有肉汁，但皮比較厚。環境整潔，但有些迫，食物清淡，每位@62，午餐價錢差不多啦，因為它配有一份小食，可以再來呀。

夏麵館是一家上海麵館，特色之處在店內普遍食品較一般上海菜館健康輕盈，比較清淡低鹽低糖。點了前菜、點心、主食等各種類式嚐一下。蟹粉小籠包小籠包皮厚度適中，每粒平均十多摺，肉餡及湯汁比例剛好，肉餡較綿絮富肉香，湯汁鮮美，蟹粉置在小籠湯包頂端，些許蟹黃汁滲出。整體可以，不過七十元四隻小貴。夏味燻蛋燻蛋蛋白彈牙有韌度，蛋黃偏實心甘香軟滑，香濃蛋香味重，個人比較喜歡融心蛋黃類型。雞絲粉皮以青瓜絲及肉絲拌花生醬及粉皮，青瓜爽脆，肉絲偏瘦，花生醬及粉皮比例還可以。菜肉餛飩麵麵質屬幼身有韌性，質感較柔軟。餛飩皮超滑溜，菜肉小巧但飽滿，肉汁豐富。發現香港的餛飩都做得不錯，起碼餛飩皮滑不溜口，肉餡也不過不失。三鮮湯年糕以大白菜、香菇、豬肉、蘿蔔、蝦仁等熬湯，湯汁奶白香滑，味道鮮香。年糕份量多，口感煙韌，不過吃多幾口，感覺易膩。

因為趕時間，在樂富簡單找过地方午餐，夏麵館有位，即入。最快是午餐套餐，有多款麵和飯，再加小食選擇雲吞、紅油抄手、春捲、鍋貼等。選了蔥油拌麵配手拍青瓜，青瓜爽口，味比較淡。另外卻來錯咗青菜煨麵， 因為趕時間就冇換到。青菜係菜脯、菜乾，所有材料都係淡味，但加在一起，清清地，都算唔錯。另一個是雪菜肉絲炒年糕，味道適中，正常，感覺好健康，配2隻小籠包，有肉汁，但皮比較厚。環境整潔，但比較迫。食物偏清淡，2人每位$62，午餐價錢差不多。因為麵加一份小食，可以再來呀。

呢間夏麵館都幾難搵 要喺商場行一陣先搵到個入口佢地既lunch set有得簡前菜 主食 同一杯飲品 我就揀咗擔擔麵，同炸排骨，仲有鍋貼。味道都正正常常囉都算太份，如果係西式嘅話兩個人叫一個lunch set加少少就夠㗎啦。味道方面正正常常，沒有任何驚喜。環境都舒服，乾淨企理。

因為住在附近，我們一家不時會光顧樂富廣場三樓的夏麵館。上海菜館一般都有素菜包或青菜煨麵等素食，夏麵館也不例外。今次不算很餓，叫了青菜煨麵、麻醬拌麵、家常煎餅和豆漿。豆漿唔太甜，正常麻醬拌麵係熱食，麻香味濃，我們機乎每次都會叫。家常煎餅一份四件，薄薄的脆片，香口鬆化，即叫即製很新鮮熱辣地方寬敞，算舒適。今天較少人，很靜，服務還算勤快。間中顧客較多的時候，可能會比較難找服務員。夏麵館的選擇多，價格是一般大眾可以負擔，作為街坊食堂也不錯呢！

🤣最近真係係樂富食得多，今次又係樂富覓食la，本身想食上海xx, 但媽媽想試新野，所以就嚟咗呢間。口水雞拉麵（$72）價錢嚟講唔算特別平，不過佢包埋飲品同前菜，差唔多la🤣。前菜我哋簡咗烤麩😍，烤麩真係百吃不厭，佢係冷盤嚟，甜甜哋，索哂d汁，好快就比我哋清哂。口水雞同埋d面會另上，佢既口水雞幾特別，仲搽咗花生醬，不過好辣😅，有d頂唔順😳，雖然好吃，但吃得好辛苦🤣，因為辣得濟，係咁飲水。雪菜肉絲炒年糕（$63）年糕唔係一片片，而係一塊塊🤣，比較厚身，但係都好煙韌。不過我覺得佢配料唔夠，尤其係雪菜，淡味咗d，但媽媽話好好食，因為佢食得比較清。豆沙鍋餅（＋$12）午餐套餐加錢就可以叫多份甜品，我真係好中意呢個甜品😍😍😍😍😍，佢即叫即整，熱辣辣，外皮好脆，但入面煙煙韌韌咁，豆沙甜而不膩😍，12蚊真係好抵arrrrrrrrrrrr

食個下午茶麵餐 見到都無胃口 湯麵啲湯好似白開水 麵就得小小 件牛展味道就一般般 服務員態度一般般啦 環境尚可 我想應該都無下㳄....................... .

試過上海姥姥，都係走返黎夏麵館～兩間食嘅野差唔多，不過輪經濟實惠，夏麵館性價比高啲！金牌菜肉炒飯好足料，味道剛好，飯亦炒得乾身！兩個大人食每人可以有兩碗滿👍🏻小籠包次次都新鮮熱辣，因為頭頂有窿，方便將醋加入去，肉汁豐富！今次無食黃魚煨麵揀左嫩雞煨麵～之前試過黃魚好嫩，不過要小心有骨～嫩雞真係好嫩口，加埋小棠菜口感一流！反而銀絲卷就麻麻，入面一啲絲都無，似炸饅頭多啲🤷🏻‍♀️紅油抄手粒粒都好大隻，不過唔夠辣～