夏麵館 (樂富廣場)

營業中

休息中

位於樂富好嘅食物餐館唔多唯有揀咗呢間尋日去食晚餐好耐好耐冇食講緊係半年至一年前去食帶埋屋企人諗住高高興興食餐好嘅點知叫咗個松子魚無了松子而且炸了很久一樣沒有了口感仲有叫咗個蟹子小籠包冇特別又叫咗上海粗炒又係冇乜味道最後甜品叫咗一個酒釀小丸子唔熱嘅總之成個過程都麻麻到咗尋晚又試吓去食睇吓有冇改善1️⃣叫咗一個酸辣湯幾好味嘅因為味道適中唔會太酸亦都唔會泰勒材料係多嘅2️⃣再叫咗一個炒年糕味道可以接受熱辣辣的3️⃣又叫咗一個獅子頭湯麵湯底冇味道嘅不過夠熱因為係砂煲上獅子頭味道麻麻不過夠林4️⃣最後叫咗一個炒鱔糊鱔糊無味之餘仲要又硬又有骨😑今次當然唔敢再叫甜品啦叫咗四樣嘢都係得一樣野係最好食😒就係酸辣湯⋯冇嘢好講🤐希望有待改善不過夏麵館荷里活廣場嗰間係好味好多真心希望有待改善因為我都幾鍾意食家鄉菜

11号晚來食，為在個小龐包黎 入到黎無乜客人，員工黑口黑面 都習慣，食左一陣野 成班員連經理因爲某件事大大聲講哂粗口！怪不得越黎越小人黎食，貴公司應該好好培訓一下員工既服務態度

有人話夏麵館好味，有人話一般，有咩方法好得過自己親身去試試？原本只係想試下碗麵，點知見到有蟹粉小籠包，於是叫咗一客，再叫生煎包，一客哆唻咪，哆唻咪即係蟹粉，蟹黃同蝦仁，用饅頭伴吃，麵就點咗酥炸雞扒麵。生煎包底部鋪滿芝麻，夠特別，蟹粉小籠包夠多汁，湯汁好熱辣口，哆唻咪蝦仁夠彈牙，可惜兩款都唔重蟹味，有點失望，酥炸雞扒麵個湯底清得黎偏咸，雞扒炸到過哂火，乾身無哂肉汁，再次失望，麵身煮得唔錯，軟硬適中無煮得太冧。下次想試下酥炸豬扒麵，希望件豬扒唔會令我失望。

是晚係樂富搵野食，諗左好耐都五知要食咩好。叮！就係眼前岀現左夏麵館啦。事隔幾年無黎過，份菜單又五同左，多左蟹粉類菜式，今晚就叫左蟹粉炒飯，炒四季豆，小籠包，炒羊肉。蟹粉炒飯真係一流，值得推介！炒四季豆都好好食，炒得乾身同入味。小籠包子蒸得岩岩好，好juicy 羊肉味道一般般，比較濃味同咸，配白飯一流，可惜是日叫左炒飯，所以成個味道都偏咸 整體上我都覺得。

有時人食到滯滯地，真係唔鬼想食其他野，所以清清地食個陽春麵吧，計埋加一都唔洗500蚊，抵丫加上近媽子家姐屋企，食完就上去，而家一人住，咩都要慳住食真係清到無朋友呀，2條菜，幾粒蔥同個陽春麵條，加清到睇到湯碗深處既湯，真的無野講，仲要加一但完全無服務可言，又要收茶位，不過個陽春麵味道幾好，口感又唔會腍或太硬，味道清得黎又唔會好淡，但又唔係好鹹，不過我覺得個湯就好似放左味精，事關令人好口渴，菜都好新鮮清清，綜觀味道一般般，我寧願食魚蛋河，加上服務無人理，唔知講咩好，嬲

我已經光顧左呢間食店幾次，雖然一直食物質素都有保障，但係服務質素卻嚴重不足。店員好少會照顧食客嘅需要，通常都行埋左一邊。就服務而言，今日覺得有明顯進步。店員會主動為我加茶水，下單後再加要求亦無黑面，而且埋單時有禮，會講多謝而就食物而言，今次叫左雞排擔擔麵、排骨擔擔麵、仲有菜肉餛飩麵。雞排擔擔麵嘅雞排皮有啲硬，但係接受到嘅。擔擔麵就係一貫水準，湯底唔會太辣而且夠濃，夠花生同辣味。排骨嘅肉好食，肉嘅比例夠多。飲品而言，凍豆漿唔會有冰，大杯抵飲之餘又夠細心而且唔會太甜又有豆香！

因為鍾意食上海野，間唔中都會黎食下野，尤其係酸辣湯麵，如果自己一個黎食唔到咁多野我都會點一碗酸辣湯麵。平時食開都無咩野，今日真係一肚氣⋯1）對筷子未用已經係污糟，未洗乾淨，我同個黑衫職員講要換一對，佢竟然將另一張枱果對交換就算數，無得頂！2）落左order 15分鐘碗麵未到，叫個黑衫職員追下，佢回答無禮貌，態度真係麻麻，自己職員落漏order無道歉個樣仲串串共。3）餐單寫明會收茶錢但係飲完杯茶好耐都冇人斟水，當時晚上9點幾，客人唔多，當時係有足夠職員有凸，佢地冇諗過留意客人枱面，只係一味執場，唔知係咪趕住一夠鐘收工就可以走人。4）個人建議呢間連鎖餐廳可以提供「餐巾」，如客人遺忘帶紙巾都唔使用手抺咀，做飲食貼心一d。其實夏麵館食物質素幾好，但服務態度真係有待改善，可能而家香港人怨氣高，希望公司可以多點培訓，搞返靚仔去。

叫左個:醉雞 x1蒜泥白肉 x1高力豆沙 x13碗唔同既擔擔麵醉雞都還可以，但花雕酒味已經蒸發了一大半， 理應個醉汁要有酒精微微揮發的感覺，好明顯醉汁處理方面有好大既進步空間…蒜泥白肉真的不知所謂，作為馳名川菜之一，竟然冇辣椒，冇花椒，冇蒜泥？ 完全 觸犯了商品說明條例(蒜泥白肉冇蒜泥？) 笑左… 隻碟只有粉皮，肥肉，同埋甜豉油…高力豆沙感覺幾得意，可以一試…擔擔麵湯底希過水… 應該要再濃D先meet到擔擔麵這名稱的requirement...

同d fd食左差唔多400蚊，無一樣野係值得讚...一黎d茶凍既，叫左個雞排擔擔面，除左花生醬唔夠多之外，都還算可以，我地又叫左個醉雞，完全無酒精味係咩玩法？最差係個蒜泥白肉，完全無蒜味，說好的蒜泥唔知去左邊，又無麻辣味，得甜豉油味，不如改命叫甜豉油白肉...講真譚仔仲整得好過佢幾十倍...經理服務態度又差，西口西面，真係無野好講

以前吃過幾次，今次兩個人叫了小籠包、蟹粉伴麵、XO醬炒年糕。小籠包保持水準，皮薄有湯，正。炒年糕冇乜特別，夠晒多XO醬有啲辣，餸較少，得幾粒蝦同些少菜，味道普通。最貴嘅蟹粉伴麵最唔掂，蟹粉冇乜蟹味，只係似生粉汁，唔知點解啲麵加咁多薑絲，真係唔掂，千祈唔好叫。上菜收碟奇快，貼近茶餐廳速度。

一共只係叫咗三樣野係自己剔單唔係叫咁都可以寫漏單叫咗 蟹粉小籠包 都算皮薄餡靚但係冇蟹粉味其實情況都算驚嚇西芹炒黃瓜食埋呢碟都見未上菜就知道瀨嘢呢味普普通通啦亦唔會抱太大寄望瓜係炒得幾爽口味道清清淡淡啱曬食齋之人蟹粉炒年糕呢個就係漏嘅一樣都幾好味有蟹粉味年糕尚算煙韌但係食具極之污糟changed 咗一次都仲唔掂

是晚，家人不想在家吃飯，所以外出晚飯，於是來訪此店。店內的裝飾很有傳統味道，木造的枱椅，已有懷舊老店之感。特別在天花下，掛著的燈飾，看似是中國的味道，卻又有西式在內，很是別緻。家人要了一個香酥排骨飯，我試了一塊排骨，香軟可口，外表看來乾乾的，除了軟滑外，肉味香濃，也帶點點肉汁，算是不錯，配上菜飯，可謂健康美味之選。另一位家人喜愛吃拉麵，點了一個牛肉拉麵，單外牛肉大小不錯，雖然不能一口一塊，可是卻可兩口品嚐之下，個人也覺得不錯。家人說是牛肉鬆軟，雖帶點肉汁，口感仍略乾，似乎過熟了。湯和麵的味道卻非常配合，麵本身沒有味道，可是濃湯下，令麵粉的香味也被帶出，這點反是家人很喜歡。我喜愛上海年糕，則要了一客三鮮湯年糕。奶白色的湯，肉味已經溢出，入口濃濃卻不覺鹹，溫度卻非常熱，應該是配合年糕而己。濃濃的湯，配著一塊塊的年糕，味道剛好，年糕咬感不錯，絶不粘口，配上鮮蝦，筍絲，金華火腿等，鮮味十足。最後還追加一客紅油抄手，抄手即是四川人指的餛飩（雲吞），簡單的配以香醋及辣油作調味，此店配製的調味並不太辣，辣味剛好配合香醋的酸味，正是廣東人所習慣的味道，這點似乎很細心，個人很喜愛。雖然只是簡單的一餐，並

好耐無去哩度食野喇 經過樂富就再黎食下喇 嘿嘿 由於過了繁忙時間 所以有好多位 我地兩個人都有得坐卡位啊😁😁 今次叫了上海擔擔麵 仲有夏味燻蛋 先講上海擔擔麵 好好味丫😍😍夠哂入味啊 麵質又夠彈牙👍🏽👍🏽不過如果有花生碎在面就比較好 撈埋一齊食口感會更好🙂🙂而夏味燻蛋就夠哂凍 係流心的 吃起來好好食啊 good👍🏽👍🏽甜品方面 點了酒釀丸子同埋高力豆沙 兩樣都係小妹的飛佛 酒釀丸子 一端上枱我就食喇 第一啖已經係唔熱 有點失望 味道過酸所以食唔到酒釀同埋桂花的味道 但丸子的口感卻很好 煙煙韌韌又細細粒 都唔錯架 嘿嘿高力豆沙 哩個就真係即叫即整喇 入面真係熱到出煙架嘛 味道方面唔太甜 蛋白同豆沙的分配非常好 基本上每咬一啖都係有豆沙的 推介 要食啊👍🏽👍🏽

今次叫咗麻醬拌麵，應該係冷食，不過D麵就暖暖地，都可以，D麵幾彈牙，材料好多，都係30幾，好抵，不過D醬就多咗D，如果鐘意醬多既朋友，可以試下。另外既雞排擔擔麵D雞排炸得好香，落咗花生，所以脆得黎好香，D面就好入味，都無重麻醬，不過我覺得D醬太濃，而且太辣，個人覺得麻麻。

讀書時代的我, 逄星期五放學後都喜歡到樂富去, 因為這裡有間漫畫店, 每次我都會抱一兩套漫畫回家看, 直至升上中五, 要應付考試及工課, 漸漸的把這個嗜好放下了o 最近接受朋友的邀請, 到樂富來做義工, 我又再次來到曾經熟悉的地方o我跟朋友約了在做義工前, 一起吃午餐, 順道講解是次服務的細節, 我們約好到夏麵館用膳o 這裡的裝潢充滿中式風味, 地方也寬敞, 可容納六十至七十人o 我們點了"上海炒麵" 及"自選涼菜五小碟"o上海炒麵 : 粗麵滑溜, 可惜味道過咸, 材料少, 份量尚可o自選涼菜五小碟 : 開洋拍青瓜 - 青瓜每條大少均一, 入口清爽, 味道不錯o 雞絲粉皮 - 粉皮口感不錯, 雞絲份量較少, 醬汁香濃o 糖醋小排- 這個最為出色, 醬汁味道一流, 排骨煮得很腍, 很入味o 鎮江水晶肉 - 一如其名很有水晶感, 這個餚肉和鹵汁分佈均勻, 極有口感, 味道不俗o 虎皮素鵝- 外形有點像春卷, 腐竹外層香脆, 內裡的餡, 有些香菇及少許木耳, 加上多汁, 簡單而美味o