夏捌月 (已結業)

舊朋友撑枱腳,今晚揀左去元朗朗屏西鐵站既夏捌月,方便大家搭車，而且以前亦食過覺得非常不錯,門面不太起眼亦不算華麗,但有種好親切感覺•朋友唔食牛,所以點左羊同黑毛豬，重有蘇皮白湯,個湯真係超正,打開蘇皮,香氣撲鼻,湯既鮮味好香濃,味恰到好處黑毛豬肉質好滑,充滿肉汁,一D都唔鞋口,再輕煎帶子,好美味,朋友讚不絕口,十分滿意下次一定會再食再來羊,不得了,7成熟,切開鮮嫩多汁,好嫩滑,配芥末籽同簿荷醬,絕配

今日嚟到呢間夏捌月Summer August晚飯，店內裝修簡約，令人有放鬆舒適感覺，侍應很有禮貌，食物亦有超多款選擇。我點了晚餐【吊燒脆皮春雞配意粉】，另加$40加配【日本扇貝】，而爸爸就點了【慢煮菲力牛扒配牛骨髓汁】，這個菜式是每日限定啊！【日本扇貝】非常鮮味，配合汁料小小酸，小小辣，加了點炸蒜粒，令人十分開胃。【吊燒脆皮春雞配意粉】春雞外脆肉嫩，外層香口，內層厚肉可口，配合酸辣醬汁十分惹味。【慢煮菲力牛扒配牛骨髓汁】平時不太喜歡食牛扒，但今天嘗了這個牛扒很不錯啊，用慢煮方法鎖住肉汁，牛味十足，咬下去有多層口感，肉質亦很鬆軟，真是不得不讚，當然其他餐湯、配菜及意大利粉也十分好味啦！到甜品時間了，大人都吃到十分飽的時候，小孩們期待已久的甜品終於可以吃了， 我囡囡最愛係雪糕，但剛巧【比利時雪糕窩夫】沒有，唯有次選【Terimisu】，囡囡咬第一口已讚很好吃，她說內裡的忌廉好像軟雪糕一樣滑，結果整個吃掉，一口也沒有留給我吃。特別要說說，這兒很適合一家大細、朋友知己 來聚餐，亦意外地有網上外賣平台外賣送餐服務啊！很體貼！

夏捌月夏捌月，名字很特別，很有感覺，英文名叫Summer August，相信是與「夏天」和「八月」有關，八月生日的我一定要試。我一直都係酥皮湯粉絲，但愈黎愈少地方有得飲，見到呢度有梗係要試下，套餐都係加$18，相當抵飲! 食少少酥皮後，再將整個酥皮篤穿浸入湯中慢慢品嚐，酥皮湯焗得啱啱好，金黃色好吸引，牛油香和美味程度無得彈。一定要試大熱的蟹膏蟹肉意大利飯，整碟呈黃色的意粉，每粒米都沾上滿滿的蟹膏，意大利飯食落每啖都充滿濃郁又甘香的蟹膏，完全沒有腥味，飯不會很硬很乾，仲帶有粒粒蟹膏的口感，很滿足到我，同時亦相當邪惡呀，建議兩個人一齊分享呢碟意大利飯會較好。另外點左慢烤帶骨肉眼牛扒，煎香過的牛扒，入面保持色澤粉嫩，肉質鮮美，有牛香，脂肪比例適中，口感豐富，又有嚼勁，而牛骨髓汁是有牛肉香味，香濃的醬汁，更令牛扒加分。配菜我好喜歡，有翠肉瓜和薯條，翠肉瓜清甜，大塊薯條脆口味道好好。餐廳環境舒適，餐服務又好，食物整體質素佳，性價比絕對高。

經朋友介紹去一戰夏捌月，今次大家都化身為食肉獸，食到肚子滿載而歸。主菜只要加20元就可以升級為套餐，有餐湯同餐飲😗我地全部都升級左～超值！忌簾蘑菇湯有蘑菇碎粒，入口唔會過於結，帶有鹹香骨髓汁慢煮牛仔肉份量超大，入口充滿脂香，肉質鬆軟。不過一食耐左食物放涼後就會易覺得口感有些少肥膩，宜一齊分享食用🍖牛骨髓汁牛三味有三種不同口感，牛柳軟嫩，排肉略，但都充滿牛香慢烤帶骨肉眼排都超大份量，雖然肉汁不會很多，但醬汁搭配下又ok喎唔會過於膩口🍗單骨羊扒極肥美，唔會太羶，食落唔會韌口，薄荷醬解一解油脂就清新不少🤡食得咁多肉，最後飲返杯檸檬茶解滯都仲覺得好飽抵食😋😋

這天天氣還是冷冷的！真期待夏天的陽光與海灘期待夏捌月。來到夏捌月了燈光暗暗的，有浪漫氣氛Menu選擇豐富Mains有燒春雞、豬手、豬肋排、豬鞍扒、羊扒、三文魚扒、各款牛扒等等。還有各款意大利飯、意粉。除了Dinner for two, 飯聚的話Dinner for four也不錯。是日餐湯+18$就多了脆脆的酥皮焗！一個Set就可品嘗牛三種不同部位的牛三味牛三味分別是紐約客牛扒、鑊仔牛柳和牛肋肉。厚厚的！非常Juicy的大蘑菇！啖啖蟹膏的意大利飯濃郁蟹膏！蟹肉的份量也很豐富滿足的晚餐

充滿型格的<夏捌月>，位於富來花園地方，餐廳富格調，陶瓷藝術作品在裝潢上增加特色，吸引著食客的目光。酥皮忌廉蘑菇湯 涼風晚上，安在於雅致的卡座，店員為我們送上熱騰騰的酥皮忌廉忌湯，這是滋味的開端。忌廉湯濃稠、順滑，菇味香郁，湯中的蘑菇粒粒，口感凹凸有致，十分滋味! 烤多卡也很有誠意，富牛油香，而且酥脆可口，配湯一流。秘制東方汁慢煮厚切豬鞍扒伴日本元貝豬鞍扒油光亮澤，香濃豬油香味令人食指大動! 用刀緩緩切開，豬鞍扒肉質軟腍，有別於一般的豬扒。餐廳用了慢煮方式烹調，確保全熟時，也能鎖住肉汁，使口感保持最佳狀態。慢煮的豬鞍仍保留粉紅肉質, 未有去到全熟的狀態, 豬扒甚有香味肉質緊實另外還伴有薯條和翠肉瓜，甜香蔬果和豬肉同吃, 減輕了肉膩感, 配搭甚佳最後喝杯檸檬茶, 清一清味蕾, 和平衡剛才的甜, 留下甘香在口中。享受一頓豐富的晚餐, 整體質素相當不錯, 尤以厚切豬鞍最難忘, 味道極佳。

今日相約沙田友入元朗大樹下拜神，沙田友一早要求食西餐，元朗西餐我真係有點抓頭！上 openrice 睇下見到這店不錯，所以決定帶沙田友去試～因為我地拜完神時間才18：00多時間尚早～沙田友點左骨髓汁慢煮牛仔肉，而我點左慢烤帶骨肉眼牛扒，是日餐湯升級做酥皮湯～酥皮好香牛油味，配上香甜野菌湯上枱時先發現份量好大份慢煮牛仔肉，牛肉好軟好淋，牛味濃～帶骨肉眼扒，5成熟，肉比較厚身，但肉好淋～炸薯角值得一讚～大件香脆～沙田友也對這餐非常滿意，以為我食過帶佢去，我答佢我都係第一次來～因為份量大，我地兩個都食唔哂，要打包下次我要帶西餐愛好者再來～

店舖位置坐落西鐵站旁 只需步行幾分鐘，內里裝潢簡單乾淨、食物款式選擇多。套餐包括一湯一飲料:蘑菇濃湯味道濃而稠、菇味較重。D02 骨髓汁慢煮牛仔肉HKD288整件原條煮成呈上，可要求店家把肉切片方便吃。肉質嫩滑鬆軟、肉味濃郁、牛肉脂肪較多、油潤感充足。配菜有胡蘿蔔、南瓜蓉、薯條、翠玉瓜等。S01 牛骨髓汁牛三味HKD152紐約客牛扒、鑊仔牛柳、牛肋肉三味每款份量不少，牛柳肉質特別嫩滑，醬汁豐富。D03 慢烤帶骨肉眼牛扒配牛骨髓汁HKD238牛扒份量很足，肉味重，肉質較結實。D06 法式烤單骨羊扒配芥末子醬HKD168羊扒脂肪比例較高，肉身肥美，入口油潤感十足。整體來說，店家每碟份量充足，食材肉味濃郁。

今晚約左同事喺朗屏工作，喺西鐵站附近見到有間不太喜眼既西餐廳，叫做「夏捌月」，英文叫做Summer August，個名幾特別，於是，入來一試餐廳細細間，牆上掛滿star war 相片，簡單整㓗Set dinner 有好多種類，有扒、意粉及飯，又有2 人及4人餐，唔難揀只需加18.00 更可升級酥皮湯酥皮皮面呈金黃色，好香，賣相唔錯酥皮做得鬆化，食落又有牛油香，水凖之作豬鞍厚身，表面煎得燶燶地，香口，啱哂我𥚃面依然幼嫰，腍身蘸左特製醬汁，酸酸地，味道更有層次配菜用左南瓜蓉，淸甜美味餐飲叫左杯Mocha , 咖啡味道香而唔甜

今天，我們到了一間型格的餐廳「夏捌月」餐廳掛了型調的瓦畫作，暗黒的火帶出氣氛，適合朋友一邊享受美食，一邊談笑風生。忌廉蘑姑酥皮湯每次叫餐餐，很希望它的濃郁的, 卻害怕那濃得過鹹的味道, 喝一口這碗, 完全沒有這問題, 它質感不稠, 口感清爽, 卻有香濃蘑菇的味道, 滑滑的忌廉，喝得出來熬煮過程充滿心思, 並且附有酥皮，可說是我最愛的餐湯之一。慢烤帶骨肉眼牛扒 煎香過的牛扒, 內裡保持色澤粉嫩, 肉質鮮美, 甚有牛香, 脂肪比例適中，而因牛扒稍熟, 肉味豐富而有層次，又有嚼勁, 而牛骨髓汁是有牛肉香味, 蘸上此香濃的醬汁, 令牛扒加分。配菜很精緻, 選了翠肉瓜和薯條，翠肉瓜清甜, 薯條脆口昧道好。「夏捌月」餐廳環境舒適，餐服務又好，食物整體質素佳，絕對值回票價。

得閒無事又走入元朗閒逛 跟手食個飯去左食夏捌月 估唔到又幾好味喎㨂左兩個套餐加錢要埋至愛嘅酥皮湯熱辣辣嘅酥皮湯係好難失手嘅 重點好耐無飲過！等左陣 兩個主菜黎啦 我叫左慢煮牛仔肉5成熟 岩岩好 入口有牛味 juicy之餘有咬口 份量一啲都唔細 底部有大量薯菜 幾好食另外叫左慢烤帶骨肉眼扒 估唔到呢個重好食牛味更加香濃 慢烤鎖住肉汁 好有口感 值得推介配菜係厚切薯角 更加吸引餐飲叫左樽仔nestle 朱古力 好耐無飲過啦味道都幾濃 感覺好懷舊

一間遠離市中心不起眼的小餐, 早前食過都唔錯, 所以相約朋友再來食飯.今次叫咗德國咸豬手($158)+蟹膏蟹肉大蘑菇意大利飯($108)主食+$20包湯和飲品. 忌廉湯好creamy而且有粒粒帶子肉: 飲完湯先來個蟹膏蟹肉大蘑菇意大利飯, 眼望上去份量唔算多, 不過蟹膏肉都唔少, 先將係蘑菇面的的蟹膏和芝士撈混在share食, 入口都相當滋味每啖都有蟹膏蟹肉, 唔怪得咁多人推介, 真係唔錯, 而且其他西餐呢個飯都少見; 之後再來德國咸豬手, 食完個飯都有小小飽, 好彩呢個菜配蜜糖芥末汁, 豬手肉入口都唔覺膩, 而且外皮好脆, 肉質唔太乾帶咸香, 配菜係炸薯角和甘荀蓉, 出奇地呢個甘荀蓉真係做得好好, 甜甜地仲好有甘荀味, 總結呢餐都有80分以上.呢到的裝修都都唔錯, 唯一唔好就係坐位少d, 如果想試食最好提前訂位。

舊年年中嚟過一次夏捌月食晚餐，印象唔錯，食物亦有水準，所以，就同好耐無見嘅朋友黎呢到聚一聚。朋友0係餐廳門外看一看menu， 只是睇文字已經令他們滴晒口水。一客有大大件豬鞍扒，墊底有薯角同蘿蔔仔，旁邊再放埋薯蓉同車厘茄，賣相幾有睇頭。件豬鞍扒落刀嗰吓都幾腍，入口肉質唔似得肉眼、西冷嗰種軟腍，相反咬落有少少爽口感，且富肉汁，沾啲秘制醬汁，感覺更清爽。牛扒一望落去已經覺得好吸引，見到個陣都驚訝左一陣，因為冇諗過哩個價錢可以有咁大塊。咬落去有肉汁滲透出黎，食落口肉質好鮮嫩！意粉見佢賣相幾靚，食落去意粉嘅硬度，蟹肉蟹膏整嘅汁都做得不錯，我好怕食D稠到漿住嘅意粉，意粉上面仲有D火腿，呢個質素絕對對得住個價錢！

早排同女朋友行過呢度覺得個名幾得意都想入去試, 但之前行親去都要等位, 但可能因為今日太凍啦, 得幾度,個個都去打邊爐, 所以就襯住唔駛等位又唔駛BOOK 位嘅情況下就帶埋母親大人三個黎食但估唔到雖然唔駛等位, 但都座無虛席 (MARVEL 呀!!!)我地三個分別簡左1)慢烤帶骨肉眼牛扒2)秘制東方汁慢煮厚切豬鞍扒伴日本元貝3)蟹肉蟹膏幼意面餐湯我地就簡左酥皮周打魚湯, 隨湯仲有蒜蓉包蒜蓉包應該係糙米包黎, 同一般蒜蓉包唔同,我個人覺得較為健康1)慢烤帶骨肉眼牛扒牛扒比我手掌仲要大!!!肉味香濃可惜嘅係我叫左7成熟, 搞到韌左少少, 早知應該叫5成熟比較好2)秘制東方汁慢煮厚切豬鞍扒伴日本元貝雖然無牛扒咁大塊, 但就比牛扒厚身, 而且相對黎講呢個肉質較軟, 所以我幾鐘意呢個3)蟹肉蟹膏幼意面呢個份量雖然望落唔算多, 但食落其實相當飽肚, 蟹肉相對就好似比較少? 又或者融入左落去意粉?  我就不太食得到,但意粉上面嘅火腿碎就畫龍點睛了, 食落相當有咬口最後咁凍就當然要飲返凍野啦我就簡左樽仔朱古力試下, 飲落味道都幾濃, 幾好飲

話說向來同屋企人食飯都好少理會不過家姐就強力推薦呢間餐廳點知今次食完之後家姐同我地都唔想再食了我地一行四人家姐來到餐廳才發現餐牌轉了而且價錢真係幾貴一個餐跟飲品同餐湯都要幾百蚊而且酥皮湯要加18蚊啊爸特準我加18蚊轉做酥皮湯點知入面的忌廉湯很淡很稀而且味道不太討好說實在的大蝦是廷好味的，還算新鮮但菇上的汁沒有甚麼突出的味道，而且菇的味道因而削弱左飯配黑松露係幾香的但飯粒寫太耐唔夠咬口，好似就變粥似的整體感覺很膩媽媽點的吊燒雞味道算不錯，但價錢真的幾貴相比之下同樣的價錢我會寧願到惠康附近的雞煲吃餐好的而且環境都算擠迫，就算訂了位店員都係俾門口的窄位我地坐，就好似去左自修室，沒有聚餐的感覺