夏捌月 (已結業)

炎熱的一天來到朗屏西鐵站，應約與朋友午飯。朋友可說是這裡的地胆，當然是由她帶路，嘗嘗這裡的美食。西餐廳“夏捌月 ”的門面不是很突出和亮眼。我們到達時雖然已2點，過了午飯時段，但仍是滿坐，等了五分鐘。餐廳地方不大，坐位距離亦較窄，幸好裝修新淨，環境還算整潔舒適。看完餐牌，發現午餐最抵食，四十至五十幾元，有很多選擇。其他主餐牌的扒類，飯麵小食款式都多。朋友點菜了一個飯和牛扒，每款加20元，包餐湯和飲品。用哈哈笑碗剩上的羅宋湯材料多，酸甜味不錯，較喜歡蒜蓉包，慨香脆，蒜蓉又多。蟹肉蟹膏意大利飯 （108元）， 顧名思義，是由蟹肉加蟹膏作材料混合意大利飯煮成，上桌時整碟飯都是金黃色，面層鋪上炸脆的蟹肉碎，可說香味撲鼻。入口意大利飯很濕潤，帶蟹膏香味，但不是很濃，意大利飯稔身，份量很足，很飽肚。紐西蘭牛柳（158元），牛排很厚（4cm)，7成熟，火候剛好。牛排外面煎香，肉質保持鮮嫩，濕潤多汁，水準唔錯。飲品點了凍奶茶和凍朱古力，樽裝預早冷藏，有種茶餐廳感覺。朋友說這裡的元貝大蝦意大利麵和小食都唔錯，那麼就留待下次再來一試。

今日約天水圍之友吃晚飯，又想食得舒服，又想食得好(˶‾᷄ ⁻̫ ‾᷅˵)之前係朗屏站個頭食過好食既日本餐，今次又黎覓下食。夏捌月依個名實在文青，兩個就忍唔住入去試試佢😗😗有好多野食揀，影都影唔哂，所以我放棄影佢地，馬上點餐！樽裝野飲有三款揀，有奶茶、咖啡同朱古力🤤我地揀左奶茶同朱古力，奶茶偏甜，奶香，朱古力都係重奶味，個樽又靚，正正☺️羅宋湯，勁足料，有勁多雜菜同埋牛尾，個質感勁厚又豐富，好飲🤤🤤蒜蓉包就冇乜特別驚喜👉🏽👈🏽我地嗌左蟹肉蟹膏意大利飯，蟹肉輕輕煎過，變得香口，蟹膏入哂落啲飯度，忌廉又香，幾好吃😻另外點既係豬手，個皮勁脆，又大份，薯格熱辣辣都好食☺️食到最後都太飽，但好滿足阿👻

看見朋友fb放閃，仲以為自己走寶，連區内有間排哂隊的名店竟然不知，於是二話不説隔天就登門到訪一下。 一個人的話我最討厭要訂位，於是提早一點去搏下，果然真的不用排隊便立刻入座。 餐牌一看便看到朋友fb上大推的蟹肉蟹膏意粉$108，不用多看便點了一個而且還加錢𨍭為套餐。 先來餐湯，其實個smiley碗幾趣緻，但外形有點太中式與西餐風格不夾，個人對此食具不很欣賞，但那羅宋湯確是足料濃味好飲的，跟坊間經常渴到稀登登的截然不同。 另外，那片跟湯蒜茸多士，直接吃有點硬，唯有掉入湯中吃，但此舉就没有吃脆多士的感覺(反正它本來就不是脆多)。 再説就是個多士兜，説真的，系幾有東歐風格是有型的，可惜當它空洞洞地只盛著一小塊多士時，那感覺就有點像xx兜了(自己想像吧!)，大刹風景。終於説到主角了……蟹肉蟹膏意粉。 動手寫食評之前一刻看到了這店的其他食評及圖才醒起這意粉明明就是橙色的，那為什麼我吃的竟然是白色的?? 我當時吃著也沒有想起朋友放fb的相也是橙色的，一味只記得蟹蟹蟹要去試，因為我真系極之喜歡食蟹。 anyway, 意粉顔色我不去計較(都過去咗冇得追究)，但那意粉我只嘗到一個忌廉芝士意粉味，蟹吾蟹肉

今晚再一次到元朗食飯，因友人從 Open rice 看見網上的食評，而又很想食豬手，當然也有為食的我很想食吧，19:00 到達店舖，剛巧有四人的位置，便順利入座，我連餐牌都未睇完，友人已急不及待向店員查詢今晚仲有無豬手，因知道是十分搶手的我們每人點了一份餐，先來個酥皮湯，亦可選擇紅湯或白湯，也配上一塊濃郁的蒜蓉包，酥皮湯熱辣辣，很鬆化我點了烤焗寶雲蘇羊扒配薯格，羊架三大支，夠啖啖肉又唔show朋友點左個德國咸豬手豬手配蜜糖芥末，上枱時很香，又大隻，店員亦細心的協助幫忙切每一細件也很脆口最後配上餐飲樽裝奶茶夠香濃其實食飯唔一定要食大大餐廳的，小店也很好味的，因他們用心製作

六時多前往餐廳，毋須等位，但都幾乎滿座了。不想在室外等候，就要考慮提早訂座啦。室內環境略熱，冷氣不足。😰二人同行 👫，點了一客蟹膏蟹肉意粉🍝、牛魔王🐮（牛扒及牛柳）、兩客酥皮湯、我點了樽裝凍朱古力🍫🥛。酥皮湯很不錯 ，忌廉湯帶磨菇味，不是隨便溝水的貨色。蟹意粉味道十足，算是特色之作。share會比較好，畢竟也有點膩。但牛嘛，就一點也不推介了，超「un」。二人合共💰3xx，也是值得再來的餐廳啊。

話說朗屏站附近勁多小店， 夏捌月聽個名以為食廣東菜，原來係食高質嘅西餐。店內裝修勁靚，仲有勁多marvel 同dc 嘅掛畫😝羅宋湯入面好足料，完全唔係罐頭湯嘅貨仔，連埋塊充滿牛油香嘅蒜蓉包食，正呀喂😛以一個豬手狂迷，去到邊都要試下豬手😆所以叫咸豬手配蜜糖芥末醬，佢有得比你簡要飯意粉定薯菜。上到黎分量好多，成座山咁🗻，勁貼心佢幫你切好曬，豬手皮勁脆卜卜但絕對唔會過硬。我同友人瘋狂點佢個蜜糖芥末醬😗，酸甜酸甜勁開胃，食幾多都唔覺肥🤤特級牛肉眼，友人話脂肪比例岩岩好。唔會過肥，叫五成熟食到肉質鮮嫩，連牛油香味。Btw 好彩一早book 位，餐廳小店feel 唔算太大，成晚都好full booking，黎之前最好訂位。

夏捌月聽落以為係日本野...點知原來係一間西餐廳， 事緣有個朋友話約食飯...就提議去呢間...話呢間d食物都唔錯...所以大家都冇問題，去到才發現係一間西餐....款式都有好多選擇...而且價錢都唔貴....同埋+18就有酥皮湯...！酥皮湯裡面是磨菇湯...有濃烈既磨菇味同磨菇粒！西冷+鑊仔牛柳....份量都唔少有3塊牛，我地點既7成熟，煎得剛剛好又唔會太熟而好「un」，肉質都鮮嫩而且肉味都較濃郁..！自己本身都喜歡食黑松露意大利飯，所以見到餐牌有必定會點....而呢個意大利飯既賣相都唔錯，味道都有豐富既黑松露味....一點都不遜色....但最後先發現原來呢度既咸豬手...都非常出色..！下次再黎既時候必定要試...！👍🏻👍🏻👍🏻

難得今日放假就去元朗探下朋友，然後就一齊落街食個lunch，諗住近近哋落樓下食就算，唔想行咁遠。朋友就介紹呢間餐廳，雖然地方細細，但食物質素就唔差。元朗平日我都會過來搵野食，但呢間餐廳就真係冇來過，因為佢唔係我平時去開既大路地方，只係剛好朋友住樓上才會來到。但原來佢係西鐵站旁，對出又有錶位泊車。平時飲慣檸檬茶既我見到呢支朱古力都要轉下呔，夠凍朱古力味濃呢個羅宋湯又係要讚一讚，好足料飲落感覺好實在，唔似平時飲落好浠淋淋果個😋到呢個主菜紐西蘭牛柳（10安士）配薯菜，佢並唔係比一般嘅薯條我而係比薯格，好香脆幾欣賞佢👍🏻，牛柳亦好有咬口一啲都唔韌又冇渣最後我哋食完野店員見我哋仲雞啄唔斷咁傾計就好細心比兩杯水我哋慢慢傾☺️☺️

Got the time to dineout after work and found a small place near West-rail.The place is neat, we ordered A7 (Pan Fried black cod and Abalone wth cream Sauce) and A10 (American Premium Rib-eye 12oz), Mushroom cream soap and red soup, cold and hot chocolate.Mushroom soup was very creamy and thick, my cup of tea!Red soup - the meat inside was big and soft. A bit spicy, but taste good.The fried cod was nice, at least juicy and the abalone was soft. Like both sauce for the abalone and the cod. We orde

呢度嘅蟹膏超級和味, 而且過份量比起外面嘅意粉多好多 ,金黃色嘅意粉真係好吸引,兩個人食都應該夠飽, 蟹膏蟹肉嘅份量都係瘋狂嘅多, 雖然我食幾啖已經濟咗, 味道好好, 元朗嘅人快啲去試下

今日入咗元朗搵朋友，大家都想去食西餐，就去咗一間評價唔錯嘅餐廳試吓。佢哋嘅套餐都會配有餐湯，餐包，同埋飲品。佢哋嘅餐通都真係幾有驚喜，我點左羅宋湯，入邊非常之足料，仲見到幾舊牛肉係入邊，個湯酸酸地好開胃。我哋加左＄3 ,要左支樽裝朱古力，朱古力味道重，甜度啱啱好，好好飲啊。雜扒配飯＄118朋友點嘅呢一款雜扒嘅份量都幾多，有牛扒，雞扒，豬扒，煙肉，腸仔，肉嘅質素都唔錯，旁邊仲有黑椒汁可以俾你淋想去食，揀咗配白飯，朋友食完之後真係勁飽，連扒都食唔晒俾咗啲我。銀鱈魚配鮑魚＄168第一時間放個鮑魚入口，好爽口，咁嘅價錢，呢個鮑魚質素都算不錯，有一大塊嘅銀雪魚，魚煎得非常之香口，外皮脆入邊嘅肉仲係好嫩滑，意粉都不錯。間鋪頭都幾多人，我哋嗰日平日去都聽到侍應講滿Booking ,如果想去就真係最好book定枱先。

8號風球下都諗住冇咩可以食架啦，點知經過夏捌月有開喎 諗都無諗就入左去食午餐啦～呢次係我第一次光顧。我叫左呢個忌廉芝士汁魚柳意粉，價錢適中，味道唔錯，忌廉芝士汁好足夠亦好香滑每一條意粉都沾到汁可惜略嫌魚粒冇乜味。男友叫左呢個香辣雞肉意粉，呢個冇醬汁嘅，應該係炒意粉？但係味道剛剛好， 嘴刁的男友亦滿意套餐會跟飲品，羅宋湯及蒜蓉包，羅宋湯同蒜蓉包都好味，飲品有待改進題外話， 呢度冷氣好勁，怕凍嘅朋友們記得帶定外套

話說妹妹無意中發現咗呢間餐廳，同男朋友食完都覺得非常不錯，仲大力推介佢既蟹肉意大利飯，為食既我決定搵咪一班好朋友一齊去試下。今次其實係好即興既飯局，好彩朋友們都相當爽快，一call就認承咗，我朝早confirm完佢地，下午打電話book枱就搞掂曬。我地一行四人準時到達餐廳，店員就已經準備好曬座位，可以立即安排我地就座。餐廳面積好細，枱與枱之間既距離好窄。但整體裝潢都幾特別，牆上都掛住Marvel既畫，係呢度既特色之一。打開餐牌，真係會令人有選擇困難症，因為全部食材都係非常吸引，重點價錢一點都不貴。我相信在一間比較正式一點的餐廳，收費絕對會是1.5倍的價錢。我們最後揀咗4個set dinner，分別是牛魔、銀鱈魚卡邦尼意粉、羊架同蟹肉蟹膏意大利飯。係等候期間，我地已經留意到身邊既食客食緊既餐全部都係好靚同好大份。特別係那份足12安士既牛扒，佢既面積仲大過我地塊臉。轉眼間店員就將餐湯送到面前，是日餐湯分別係蘑菇湯同羅宋湯，兩款湯既味道都好好而且好足料。蘑菇湯香味濃郁，師傅將全部蘑菇都打得好細，沒有一粒粒唔平均既顆粒，令到湯的口感非常細緻滑身。而羅宋湯都用上大量蔬菜熬製而成，唯一美中不足的是

這次是第二次來夏捌月， 上次點過餐廳的德國豬手，令我非常回味，今晚特意再約朋友到來晚餐。原本想來食德國豬手，但眼見在旁正上了焗寶雲酥羊扒好吸引，再三考慮最後點了羊扒。忌廉湯有香菇、火腿等配料朋友飲羅宋湯，味道酸酸帶少少微辣，正好有助開開胃口。每個湯配送一塊蒜蓉包，蒜蓉包烘得脆口。在等上菜中，聽到旁邊客人回覆牛扒需幾成熟，我突然想為何我點菜時沒有詢問我呢！即找店員問問，原來焗是沒有分生熟程度。元貝大蝦卡邦尼意粉，大蝦爽口，意粉夠煙靭有口，每條都均勻掛汁，帶子鮮甜肉厚。羊扒到每羊扒佈滿寶雲酥，焗得又香又脆。選配了黑椒汁，羊扒與寶雲酥味道搭配，我選擇用沾黑椒汁來食，一來薯格不會變淋，二來可多嘗幾口羊扒的味道。切開羊扒，內裡呈現淡粉紅，烤焗令肉身軟滑，外層香口野味。吃第一件時自覺應點飯或意粉，吃過第二件時已有飽肚感了，吃第三件時是滿足羊扒主角出色，配角也不甘示弱，薯格炸得乾身脆口。餐廳的凍咖啡、奶茶、朱古力奶是樽裝的。咖啡甘苦味較重，喝下慢慢浸出咖啡香，入口奶滑。滿足的晚餐，整好作獎勵自己，為明天作準備。

元朗cafe仔越開越多，之前發現朗屏西鐵站下面有間人氣cafe，都幾多人等位，搵日同朋友去左食，整體幾滿意～地點唔難搵，正正喺西鐵站天橋底。水泥牆身帶少少工業風味，襯番啲射燈同掛畫，感覺沉實唔賣弄花巧。打開menu，都幾多選擇，午餐50有找好抵食，不過最後決定叫兩個主食，見到lunch時段可免費變set，有埋餐湯同飲品，又幾好喎。Order完飲品好快就到，點左個樽裝奶茶，外形好維他奶feel，雪到凍一凍，飲落尙算濃滑，係稍嫌甜左少少～ 反而熱咖啡比較有驚喜，香味十足，無酸味同苦澀味。餐湯味道唔錯，羅宋湯好多蔬菜，忌廉湯飲到好香牛油炒麵粉味，都幾杰身，完全唔係水咁稀，加埋帶少少脆身嘅足料蒜蓉多士，食完都有啲飽飽地～ 個湯碗仲好煮家風，好鬼cute。終於主食泥喇，份量都唔細，試下個蟹肉蟹膏意粉先～ 望個樣已經好吸引，啖啖都食到蟹肉，意粉俾濃厚嘅蟹膏醬汁包住，好creamy呀～ 仲有啲洋蔥好惹味。兩個人share食啱啱好。而個拿破崙鮮茄海鮮飯，一樣好足料，有魚有蝦有青口，如果有埋魷魚就好了。配料都有好多，蕃茄洋蔥加埋啲蔬菜同雜菇，酸味味好開胃，不過最正係個炒飯底，香口之餘又粒粒分明，感覺好有